拾號公社

营业中

休息中

原來今日係白色情人節呀❤️, 同老公入屯門lunch, 原本唸住帶埋我地Biscuit🐶坐outdoor. 可惜落雨就唔帶了🌦, 聽講li度有手工啤同生啤供應, 啱哂酒鬼🍺老公, Lunch menu好豐富咁bor.>田園沙律菜 + 鮮打濃湯 + 迷你牛角包🥐新鮮沙律菜撈左甜甜地嘅意大利醋, 隻醋比平時食開濃好多👍🏻; 今日嘅濃湯係帶點微辣嘅羅宋湯, 有蕃茄薯仔青椒之類十分足料; 牛角包🥐係暖笠笠的, 牛油香味非常突出, 口感酥脆, 單係前菜已是誠意高質之作.>芝士熔岩極上和牛Burger配薯波- Lunch Set (HKD98)用黎做burger嘅麵包實在太好味了, 菜大大塊好新鮮咬落好脆口, 越係好味嘅Burger越係食得messy的, 皆因一咬啲肉汁四溢, 和牛肉味好重, 足料勁厚身, 麵包面塗匀牛油, 烘一烘, 再以刀仔定住burger型, 吸Like又好味. 薯波細細bite size點蜜糖芥末醬更係讓人停唔到口呢!>冬蔭公海鮮長通粉 (HKD78)我嘅picture係冬蔭公湯浸長通粉上面有啲蝦, 原來係冬蔭公汁配海鮮加長通粉, 份量好啱女仔, 長通粉

這次跟朋友在屯門Vcity附近覓食，這是一所新餐廳，名為「拾號公社」，格局不錯，環境裝修也花了不少心恩，還記得食飯當天是星期一，全場也是滿座的，近乎20人以上，而且客人更是源源不絕來訪。 我跟好友二人共點了兩個晚餐，包括： 火焰德國咸豬手配三色醬（黃芥末醬、Wasabi沙律醬、茄醬）HKD 178 紐西蘭牛仔柳配芝士焗青口 HKD 168 兩分主餐也配有津律及薯波，另外，我們更點了正價飲品（玫瑰花藍莓果茶 HKD 48），均送鮮打濃湯及迷你牛角包。最後更點了一份朱古力布朗尼配雲呢嗱雪糕HKD 68，令整晚吃飯感覺更加完滿。 鮮打濃湯及迷你牛角包 濃湯有粒粒蔬菜食材，味道鮮甜濃郁，唯獨想分量再多一點呢！牛角包烤得很脆，再沾上濃湯再吃，很滿足！ 火焰德國咸豬手配三色醬（黃芥末醬、Wasabi沙律醬、茄醬） HKD 178 ‘ 還記得這分餐剛端上枱，店員已經問道會否拍片，聽後當然立即舉機！原來用火槍再燒一下咸豬手表面，陣陣酒香就散發出來了！ 咸豬手分量很多，看見朋友個半鐘內不停慢慢切，慢慢吃，哈哈。咸豬手肉質很鮮嫩，偏紅，調味適中，不會過咸，肉味很濃郁。而且外皮有點脆口，配上肉一起吃，感覺很

與母親慶生日，選了這間新開不久的餐廳，吃西餐。原來這間餐廳樓上也有座位，平日剛到晚飯時間，下層已坐滿了人。聽着外國歌曲，憶起以前的自由自在。Wish You Were Here曾是我大學時期每天都聽的歌曲，當年在澳洲布里斯本遊車河時，私家車上反覆播著的歌曲，眼前是延綿無盡、兩旁皆是植被的公路。樓上人不多，反添一份寧靜，憶起往事。香蒜白酒露筍日本和牛煮扁意粉($82)，甫上桌便瀰漫着香蒜白酒的香氣，這香氣著實讓人胃口大開。蒜味適中，露筍嫩爽，和牛肉味濃郁，扁意粉軟硬度適中，麵條亦能掛上蒜蓉白酒汁，整碟意粉味道甚佳。龍蝦汁青口帆立貝煮長通粉($88)，長通粉掛上龍蝦汁，味道還是上碟香蒜白酒突出一些。部份龍蝦汁在長通粉底，吃時把長通粉蘸上底部的龍蝦汁，即倍添鮮味。令人驚喜的是長通粉內藏了很多粒帆立貝，每粒都非常彈牙，性價比甚高。芝士蕃茄牛肉碎焗有機大磨菇($56)，大量非常新鮮的沙律菜盛着燙口的大磨菇。芝士蕃茄牛肉碎鋪滿大磨菇中間，在中間切開，滿瀉的芝士蕃茄牛肉碎如流漿般流到中間，一口多汁香熱的磨菇，一口芝士蕃茄牛肉碎，菇、芝士、蕃茄和牛肉多層次的口感和味道豐富味蕾。除了吃西餐，樓下裝修別緻

這一周工作很忙碌，終於等到放假了，一定要好好放鬆 屯門Fine Dining的餐廳選擇多，市中心假日太擠擁 喺Vcity隔離畀我搵到一間都幾有格調嘅新開餐廳 食物質素和周邊環境都不錯裝修都算有點特色 成個氣氛都幾好 配返多款手工啤酒 成個人都好放鬆我哋點咗美式bbq燒豬肋骨 送沙律和薯波 火侯控制 得啱啱好 同埋都幾大份 薯波係啱啱炸起嘅 熱辣辣 最好上台即刻食咗先今餐都好豐富 仲叫咗芝士蒜蓉焗波士頓龍蝦 龍蝦大大隻 肉很彈牙 加埋芝士好滋味餐廳的環境和氣氛真的很重要 和朋友談天說地 轉眼間就過了愉快的兩三小時 食完主食之後再點了兩三款小食送酒 雞翼和薯波都好食暢飲一晚 臨走前 試咗一杯水果茶 可以自己揀生果

邊個話据扒飲酒一定要去九龍㗎😌喺V city隔離新開左呢間特色西餐🥖🍸，座位很多地方也夠大，仲有outdoor. 啱晒食煙放狗嘅朋友🐕🐱唔使好似市中心咁，等、等、等....一入到來，感覺很輕松，聽住輕快音樂🎤🎼🎹叫杯生啤飲下先，夠曬凍，chill .....其實仲有手工啤同紅白酒，有曬酒櫃，夠專業！Main course可以叫多杯嘢飲就會送埋餐包同餐湯，牛角包熱辣辣，脆卜卜，真材實料😍😍，吾似出面嗰啲香蒜白酒露筍日本和牛煮扁意粉 ，酒味不會太濃，但留有酒香，小朋友都食到，日本和牛牛味很濃，不錯👍健康鮮果茶係自選生果的，正所謂自己口味自己㨂，值得一讚😆😆小食方面，呢個蜜糖雞亦，好香脆，入曬味，雞肉好滑，蜜糖份量自己加，細❤金雀蝦球，大大粒，又幾好食幾香口喎，送啤酒一流😋下次約埋的寵物之友坐外面chill chill😎😎

今日係巴倫紐睇完戲，喺附近搵吓嘢食，經過以前蕃茄仔，原來而家已經開咗一間型格西餐廳！餐廳多左室外地方，可以呼吸，啱晒我哋幾位男士！先來餐湯餐包，用打碎左既番茄做湯，加上烤過嘅牛角酥，看得出餐廳絕不馬虎！👍美式BBQ 燒豬仔骨沾滿燒烤醬嘅豬仔骨，外皮有少許焦脆，好香口，入面肌肉亦好嫩，好多汁😋熔岩芝士薯條，每條薯條都沾上熱辣辣嘅芝士醬，好邪惡！芝士釀雞翼，雞翼烤到外皮金黃，雞翼來樣滿芝士蘑菇餡，好惹味！除了提供生啤外，亦有多款手工啤，價錢都係幾十蚊有交易，收費合理！喜歡飲酒嘅朋友都話，去酒吧飲野都要幾十蚊一支，呢度可以俾埋有質素嘅食物，最緊要冇咁雜，晚上又多咗一個傾計飲嘢嘅好地方！

今星期同朋友第一次來這裡吃飯，吃了B餐，餐牌的價錢是比較高，但是味道不錯，環境可以，但電視的音樂就開得太大聲，同朋友傾計就不太聽到。座左3個鐘，很好的地方是店員不會趕你走，服務很好，任坐，是打躉的好地方。

好朋友生日，約埋另外一個呀妹好朋友一齊慶祝。問阿妹有冇好介紹，佢話上次食過呢間唔錯。星期日夜晚七點嚟到仲有位,有室內同戶外，戶外仲多人坐。室內裝修都幾chill既，樓底高所以坐高枱櫈都唔會有壓迫感。主食兩頁叫左鮮果茶～特登問佢係唔係糖漿開因為我好怕飲糖漿溝出嚟嘅嘢～～佢話係茶加新鮮生果👍🏻咁就叫咗荔枝青蘋果綠茶、蜜桃菠蘿紅茶同埋提子梳打～真係靠個生果既甜成杯係無糖既，如果佢有熱飲就好喇黃金流沙單骨雞翼：炸得黎唔油，好脆口食落口好香咸蛋黃味，正野芝士番茄牛肉碎焗有機大菇菇：呀妹堆介芝士菇一向無得輸，芝士響面防止焗到隻菇既水份流失，加埋牛肉碎既肉汁俾個菇吸晒得黎又唔油好多汁，一切必哂出黎，咸香又juicy原本想食腸pizza，侍應哥哥話無貨，佢介紹是日推介野菜加煙三文魚pizza。想唔到個pizza皮係發酵麵團軟棉棉口感既pizza,野菜係三色燈籠椒，焗完焦糖化好甜好軟熟加埋三文魚，成件好mild好健康牛仔柳配芝士焗青口,仲有埋意大利醋沙律菜消除油膩感，仲有薯波作小食青口真係焗得唔錯唔會乾晒邊仲有沖，充滿蒜蓉，牛仔柳得食得生既其他兩個人仔想食7成，可能侍應哥哥聽到，所以有一舊特別生啲～真細

喺屯門西鐵站附近有間西餐廳個環境幾特別咁，感覺好輕鬆，仲有戶外餐桌，多重選擇，餐廳名又幾得意(拾號公社）朋友最鍾意食鹹豬手，所以必叫之選，火焰德國鹹豬手配三色醬$178，嘩豬手會上枱然後點火，好吸睛，影相先，呃like ，豬手外皮燒得香脆而且裏面嘅肉係粉紅色嘅柔嫩，而且味道適中！德國豬手嘅配菜是炸薯波，炸薯波細細粒好脆口非常容易入口，一粒一口，再配合三色醬惹味無比，我地一致覺得個wasabi 沙律醬幾特色，甜甜地有小許攻鼻，味道過癮。第二道菜：美式BBQ燒豬䏠骨，$188，肉質軟熟，外皮少少燒香嘅香味，正，推介推介燒豬䏠骨！龍蝦汁青口帆立貝煮長通粉$88，龍蝦汁掛上長通粉，正，叫正價飲料送濃湯➕牛角包🥐，個蕃茄湯好濃及好多蕃茄肉配上香脆軟熟牛油牛角包正！芝士三文魚pizza，pizza底脆而且軟熟，香濃芝士配三文魚，惹味嘅組合！到了小食拼盤$128，炸得香脆，有單骨雞翼，大大洋蔥圈，金雀蝦球，健康既日本甜薯，食唔停口，如果配合手工啤酒一流，下次可以試吓，服務親切，地點方便，又多一個屯門聚腳之地

事緣經過幾次都想試吓依間新開嘅餐廳，因為佢裏面嘅裝修好特別吸引着我，而且出邊仲有戶外餐枱，感覺好舒服好寫意，二月份朋友生日終於有藉口出去食下，地點也非常方便喺屯門西鐵站行大概5分鐘內，就到達好容易搵，火焰德國鹹豬手配三色醬$178，上枱先點火，好吸引，又係手機食先，今次德國豬手嘅配菜竟然唔係薯條係炸薯波，炸薯波細細粒好容易入口，豬手外皮香脆而且裏面嘅肉係柔嫩，值得一讚，味道吾咸，正，再配合三色醬惹味，wasabi 沙律醬幾出色，小小攻鼻但甜甜地，味道好過癮！美式BBQ燒豬䏠骨，$188，值得推介，因為出邊食既豬䏠骨肉質好乾，e道似慢煮再燒甘，正，龍蝦汁帆立貝青口煮長通粉$88，長通粉入曬龍蝦汁，正，叫正價嘢飲送番茄湯同埋細牛角包🥐，番茄湯好濃及好多材料配合多層牛油牛角包脆脆地，正！pizza芝士三文魚，底脆而軟熟，芝士味濃，配三文魚，一流嘅組合！小食拼盤$128，炸得香脆，款式多丶雞翼洋蔥圈，金雀蝦球，曰本甜薯，食唔停口，最衰我哋有揸車，如果唔係配合手工啤酒一流，服務員服務幾好，成日同我地講笑！今時今日好難得，支持小店

在屯門我吃得最多的不是吉野家，便是爭鮮，因我家附近都只有連鎖式快餐店。可是，最近我樓下新開了一家叫《拾號公社》的西餐廳，為沉悶的晚飯帶來一線曙光。《拾號公社》位置方便，鄰近Vcity。店內的空間不算大，只擺放了6張四人枱，但勝在樓底高，因此坐下來也不會擁擠。而店外亦擺放了4張小圓枱，抽煙的朋友可以坐外面。餐廳裝修型格，牆壁以黑色為主，上面掛有彩色霓虹燈燈牌，非常搶眼，店內還在吊扇﹑飛標盤等懷舊物品。哥哥點了一份極上芝士和牛漢堡，套餐會附送沙律及薯波。主角漢堡份量很足，二人分享也足夠，我也嚐了幾口。我吃得出包皮有微微煎過，又香又脆，而和牛漢堡扒更是肉厚多汁，未咬開已先聞到濃郁的和牛香氣，配上半融芝士，新鮮切片蕃茄，生菜及滿滿的沙律醬，不消5分鐘哥哥已吃光整個漢堡了！我則點了一份龍蝦汁青口帆立貝煮長通粉，另加一杯凍玫瑰朱古力奶，只要點一杯正價飲品，便跟餐送忌廉湯和牛角包，很划算。昨晚送的應該是黑松露甘筍湯，甘筍攪拌至軟滑糊仔狀，因此廚師加了不曉得是小米還是藜麥來增加口感，表面灑上黑松露碎，每口都有強烈的黑松露香，用酥軟的牛角包沾上湯一起吃非常搭。主角龍蝦汁長通粉味道濃郁，而且軟硬度剛好，每

拾號公社位於屯門明藝街，從V City一田超市旁的玻璃門走不到3mins便到，地點都很便利. 前身是蕃茄濃湯專門店，可惜幫襯多時，水準每況愈下，最後更逃不開結業的命運. 現在換成一間型格餐廳---拾號公社，特高的樓底，空間感十足. 室內位置的高身餐桌夠濶落，坐得幾舒適. 門外也有露天座位，喜歡戶外用餐、喝啤酒的朋友，坐外面都幾有情調~ 午市套餐定價由$58-$108，奉送沙律、餐湯、牛角包及餐飲，更免加一，相當抵食! 粟米南瓜湯 跟餐湯品熱度十足，入口是香甜的粟米及南瓜蓉，creamy又美味. 沙律菜& 牛角包 跟餐沙律份是也多，而且相當新鮮; 牛角包烘熱後鬆脆又富牛油香. 喝過餐湯、沙律菜及牛角包，都已大半飽了!! 芝士熔岩極上和牛漢堡配薯波 (蜜糖芥末醬) ($98) Burger 烘得熱辣辣，配上肉汁滿滿的和牛漢堡扒以及酸甜蕃茄、沙律菜等，極為豐富; 薯波配上惹味的蜜糖芥末醬，令人吃不停口. 拾號公社All Day Breakfast ($108) 這客午餐奉送的沙律、牛角包，會隨整份All Day Breakfast一同送上，所以不

同男朋友平日係屯門睇完戲都係食茶記多，最近發現有間新開既西餐幾靚仔，放假就入去試一試。拾號公社以工業風設計為主，座位闊落舒適，可以舒舒服服慢慢食。同男朋友點左一個極上和牛漢堡同埋bbq豬肋骨。先上既係每人一個羅宋湯，牛角包同埋沙律做頭盤。 牛角包真係不得不認真試一下， 好耐都冇係西餐廳所送嘅牛角包係咁有誠意， 上枱嘅時候包仲係熱熱地， 咬落去都有酥脆口感！正！先到嘅係極上和牛漢堡 果然係一分錢一分貨，男朋友張漢堡切開 已經聞到陣陣肉香味，和牛漢堡非常厚身，咬落漢堡充滿肉汁，同我哋之前去食日本燒和牛係一樣嘅感覺！正！後上既係bbq豬肋，第一次食肉質咁好既豬肋，唔需要用力齒開豬肋肉，唔係一般連鎖店既硬挷挷肉質，男朋友真係無揀錯👍而每個餐都有配薯波串，雖然唔係主食，但係都好有誠意，係平時要另外加錢既小食既水平！最後男朋友餐飲揀左咖啡，好少有地，佢話咖啡好飲另外，見到呢個杯，更加覺得呢間西餐廳真係好有誠意，唔係一般既ikea或者淘寶杯，而係印左自己名既拾號公社杯，男朋友話，呢個價錢，平時可能只係食到主菜，但而家有埋前菜小食同餐飲，質素又高，係性價比非常高，非常抵食之選！

今天經過發現新開了一間裝修很特別的餐廳，有一點工業風，在屯門也比較少，餐牌也挺吸引，所以決定一試。叫了2份晚餐，一份紐西蘭牛柳配芝士焗青口，一份香蒜白酒露筍日本和牛煮扁意粉，因為要叫飲品就會送餐廳和包，所以叫了一杯水果茶。紐西蘭牛柳配芝士焗青口：性價比高，牛柳有2塊，不會過老過韌，剛剛好，青口都有5隻，新鮮。香蒜白酒露筍日本和牛煮扁意粉：蒜味濃，配上露筍很嫩，和牛不韌，入口一咬就溶化，這個搭配很夾。餐湯是黑松露雜菌湯，料很多，很濃味，非常有誠意，餐包是熱呼呼的，蒜蓉包很脆，配上湯超搭。水果茶的自選水果很多，很實在。

（新墟🍅舊店位置）新開了一間高質中價西餐廳今日去一試究竟同朋友仔各自order一份午餐，首先：頭盤+濃濃🌽湯+法式牛角包：：：主菜：：黑松露蘑菇意大利飯不得不讚不單止影相打卡一流味道就如相中出色鹹淡適中、而且毫不吝嗇燴飯嘅汁：另外：芝士和牛漢堡配🧀🥔脆脆薯波芝士薯波配上蜜糖芥茉醬（無限可擊）新店開張一個月、希望日後能保持水準！等我地上班一族可以有個地方：中午食得開心、夜晚談得舒心既落腳點。