拾味山西刀削麵館

营业中

休息中

入冬的晚上需要暖胃的食物 ．周六晚上午8時，不用等位，每枱有酒精搓手液以下為二人堂食：．麻辣豬軟骨刀削麵 $52 ＋ 凍檸茶 $8．口水雞刀削麵 $52 ＋ 凍檸茶 $8．紅油抄手 $38埋單$ 161 ，又飽又好味又抵食，推介豬軟骨及口水雞！會再食 *V*

去開灣仔，突然諗起想食刀削麵，就上openrice 搵到呢間試下啦！！門面睇細細間，但入到去都鬆動，睇餐牌就叫了水鮫刀削麵，好快有得食，而且好大碗，好好味👍👍👍，我一個都食唔晒😅😅

如果可以嘅話盡量避免繁忙時間去，因為真係好多人！我特登早啲去，諗住避開午飯時間嘅人潮啦，未夠中午12點已經坐滿8成人😆刀削麵套餐配搭都有幾多選擇😝除咗好多餸揀之外，刀削麵嘅煮法都有幾種 - 湯、冷/熱撈麵。心大心細嘅我研究咗一輪先決定食乜嘢。▫️上海雲吞溫泉蛋木耳刀削麵 (HKD58) 店舖賣點係刀削麵即叫即削。我冇入廚房睇呢樣嘢我證實唔到😂 唯一我可以肯定嘅唔係用機器做出來嘅麵。麵條長短、粗幼不一，同我喺冇幾耐之前幫襯過自稱係手工麵店好唔同。碗麵好大碗+4粒雲吞，其實唔係幾需要加餸(加咗 $10 要雜菌😝 )。飲品另外加錢 - $8一杯熱蜂蜜柚子茶

又心癢癢想食麻辣嘢，見到灣仔呢間刀削麵都幾多人，餐牌又有麻辣嘢，就決定入去醫下肚。佢個餐牌都係分A,B,C餐咁俾你自由選擇，配料有辣有唔辣，令人驚喜嘅係麻辣嘢嘅選擇都幾多下。揀咗兩個餸，一個係菜肉雲吞，另外一個就係麻辣手撕雞。因為未食過，怕太辣會食唔到，所以有問可唔可以小辣，店員話可以麻辣分開上俾我，好貼心麻辣手撕雞嘅份量比我想像中細，不過佢個麻辣真係唔錯，麻香，辣又有後勁，好過癮。菜肉雲吞就比較普通，餃皮比較淋，入邊嘅菜肉餡都冇乜特別，調味比較淡，下次我應該會試第二種餸刀削麵質感好正，係比較厚切嘅刀削麵，廚房係少少開放式，見到師傅拎住一舊麵團，即削即煮，啲麵感覺好新鮮口感係煙韌QQ，有啲人可能唔系太鍾意，不過我個人係好鍾意食有咬口嘅嘢至於個湯，會比較鹹，可能因為刀削麵比較粗同厚身，湯太淡啲麵就會無味掛呢間餐廳我會encore，因為刀削麵好食而我又想試多幾款麻辣嘢。

拾味山西刀削麵館口水風味冷刀削麵(手撕雞+豬耳)價錢💲: $72好味程度😋: 4.4/5服務🍴: 3.3/5環境🗾: 3.3/5性價比🥢: 3.6/5回頭率😚: 3.8/5-其實我真係好中意食麵，係咩麵都可以！所以今次食完雞翼都堅持要去食碗刀削麵😂 另外有間叫銘興好出名，呢間就係拾味，仲係💛 雖然佢要成六十蚊一碗，咁的裝修來講有啲貴，但完全物超所值😍-我地2個人share左一碗冷刀削麵口水汁風味，佢包一個餸我地要左手撕雞，另外仲加左豬耳🤪 講下個汁先，有口水汁仲有擔擔汁，所以係有啲麻醬味，又麻又辣，呢個味都幾辣下，我地要加多杯豆漿先得😆不過辣得來係好爽，口水分泌不斷滲出來！-下一個賣點係刀削麵，真係條條唔一樣粗度同厚度，絕對係人手削出來咁😝 全部都好有咬口，條邊就軟小小，中間就會韌D。不過有啲太大條既就略嫌有啲硬，要咬好耐🙈 每一條都掛到超多汁‼️ 好惹味😚 入面有啲花生碎同青瓜絲令到整體爽啲。-手撕雞撕得有啲大舊，不過唔係好柴，都ok😌 豬耳就爽口大條，但冇咩特別調味。呢到的餸我覺得比較淡，但因為撈埋個濃汁就啱啱好😛 呢間我會食下次，因為個麵同口水汁真係好好味💛 銅鑼灣都有分店，大家b

老闆從開廠到做飲食, 捱得過武漢肺炎, 然後在銅鑼灣開分店, 拾味依靠的就是其充滿誠意的刀削麵. 湯底以雞骨和豬骨烹調, 清甜咸香而不涸喉, 不是一般的味精湯. 刀削麵外表光滑, 口感在浸泡湯汁後依然保持實在, 難得的是人手刀削下, 每條麵條的長度和厚度依然差不多, 不會一長一短一厚一薄, 要抱著六七公斤重的麵團不斷削, 能由頭到尾都保持水準不是一件易事呢! 麻辣醬炒得香之餘, 花椒的麻味與蒜蓉的辛香以及指天椒的辣味調合得相當平衡. 伴以金錢肚, 大腸及豬耳等也夠入味. 要改善的就是春卷吸油做得不夠, 油光滿面而且味道有點油膩, 豬扒肉質也有點韌. 特別是開了銅鑼灣的分店, 對人手和品質控制的要求也更高, 期望新店的麵也能保持本店的水準.

一日一黃店-超滑有𡁻頭手工刀削麵呢日講一間係灣仔區既黃店見到門口同店內都有文宣 台式刀削麵食得多今日呢間 主打山西刀削麵真係即叫即削 睇得出有手工感👍🏻師傅手工唔錯 每條粗又都差唔多😋麵質偏粗身勁咬口 鍾意有咬口嘅朋友一定要試試👍🏻湯底方面都有驚喜 味道有啲似平時嘅牛骨湯👍🏻再加少少粟米嘅清甜 可以飲晒佢都唔會口渴而且份量好大碗 大概1.5人份配料方面 好似平時港式車仔麵咁自己選擇（餐牌睇圖）叫左口水雞 雞肉都滑 皮位好肥 （三黃雞？）配料都好多 望圖可能唔覺 因為碗麵真係好大.總結根據是日經驗👍🏻湯底 同手工刀削麵 一定要試試 好評（‼️如果攜同當日蘋果日報黎食仲平$10雞）.#拾味山西刀削麵館 (灣仔)銅鑼灣都有分店地址：灣仔灣仔道212-214號怡康大廈地下A號舖.⭐️評分：味道：4.5/5環境：4/5服務：4/5抵食：4.5/5

响灣仔做完嘢想搵間餐廳食埋飯先走，上網睇到評分唔錯又响附近就試下。環境算寬敞，坐得舒服，我同朋友兩個叫咗口水雞刀削麵同越式春卷刀削麵，口水雞無得輸，好味春卷脆口唔膩，點埋泰式辣醬簡直一流。而刀削麵呢，真心真材實料，睇住師傅片落去煮湯底清清哋但夾落刀削麵到啱啱好，唔油唔膩走嘅時候拎好錢去畀錢，姐姐話唔洗咁多，因為我哋6點前入座，所以會計返個9折畀我哋好均爭的食店，响灣仔搵好食嘅唔難，但呢道真心又又好食，值得推介

即叫即削的刀削麵店 超推薦口水冷刀削麵❗️師傅光速削麵好精彩 真係即削夠哂新鮮刀削麵厚度剛好 麵質超煙韌彈牙鍾意偏扎實有嚼口的麵一定要試！冷撈的麵條過過冷河特別有韌性熱伴或湯麵的麵條會稍為淋一點但仍有咬口口水汁再加惹味擔擔醬撈麵真係一流辣味夠而唔會過嗆 再加微微花生香 掛麵冇得頂醬的份量超足 即使咁大碗麵 每條都沾到醬本身已配有青瓜、花生、芝麻 (撈麵的必備三寶)所以只叫左兩樣配料 - 豬肚絲同雞腎都係咬口餸 (我真係好鍾意𡁻野😂😂)豬肚絲唔錯但雞腎唔夠爽麵同配料份量都超級多 食極都食唔完🙈呢度主打刀削麵真心出色 配餸就普通啦價錢進取 大部分麵餐都只配一款餸加餸要加$10 加下加下都唔平但勝在夠哂大份 一餸都會食到超飽

今晚放工好攰，只係想食碗簡單嘅面，跟住就返歸啦！依間餐廳雖然唔近地鐵站，但係你喺時代廣場個出口穿過鵝頸橋街市行過嚟呢都係大概5分鐘左右。今日就簡簡單單要咗碗牛腩熱拌刀58蚊，加餃子$10蚊，再加杯$6嘅凍豆漿， $74就可以落樓啦！刀削麵出名即叫即整，彈牙可口，熱撈配上豆瓣醬，微微甜辣味，十分過癮。另外，牛腩好入味，一夾起花椒八角香味撲鼻，入口有些許咬口但唔會韌。喺香港呢個講求速度嘅地方，能夠做到即叫即整，好難得！我坐喺度嘅時候，就見到員工呢就係旁邊包餃子，證明所有嘅食材都係用咗好多心血，絕對唔係機器做㗎 ！所以先會咁好食，大家經過灣仔就要試吓啦！

今日友人特登帶我去食刀削麵，坐底見到餐牌真係會眼花撩亂，有好多種類選擇，幾緬辛苦後，終於叫咗嘢食。我叫咗溫泉蛋木耳拼上海雲吞刀削麵：大大碗，有三大舊上海雲吞，皮唔厚，入面既肉仲保留肉汁，好好味；溫泉蛋亦有半熟效果；刀削麵係人手即削，但又做到條條差不多，真係考功夫，麵質亦彈牙，唔厚粉朋友揀咗醉雞刀削麵：醉雞分開上，雞肉啱啱熟，十分嫩滑，亦有香濃既花雕酒味，湯底亦十分濃郁，唔係味精湯底會繼續大大支持黃店。

打完拳咁下灣仔區有咩食,bookmark jor 第一次去，其實距離地鐵站係有啲距離近銅鑼灣街市。叫左麻辣牛展木耳刀削麵麻辣堅係好辣,唔食得唔好嘗試。辣到我不停噴鼻涕。我覺得牛展唔係我鍾意食嗰種，佢係一塊塊比較冇質感唔識講。我自己鍾意鞋少少。另外刀削麵好大碗，女仔真係應該會食唔晒，我盡晒力食晒全碗。同埋刀削麵始終都口所以一定好飽肚，今晚應該不吃晚餐了，如果佢可以少麵減錢，好似譚仔咁就正。四點幾去餐廳一個人都冇慢慢食，店員態度服務超好，埋單時才發現原來有九折下午茶價！咁大碗其實抵食。

夜晚，肚餓，獨自要來一啲刺激嘅食物。行經呢間係灣仔道門口細細嘅小店。獨自嚟一碗牛展刀削面。先上咗牛展，之後等咗呢碗刀削麵有成15分鐘食得出佢係人手削，麵條好大塊而且非常有咬口。確實大碗非常飽肚。

嗌左一碗紅燒肉雲吞豬肚湯刀削麵，紅燒肉足足有兩大舊另外雲吞三粒（肉餡多，高質既菜肉雲吞），餸主動另上，味道都清應該無乜味精（至少我食完都無覺得口渴）另一碗大腸熱拌刀削麵，大腸份量都幾多，應該有十幾舊，熱拌上邊個啲肉醬味道有啲怪怪地，唔係我地平時食開個種，但撈完又唔差既，刀削麵質地超級Q😋😋單點咗口水雞🐣，望落紅油同辣都唔夠，要自已加枱面上既辣椒油，但個雞都幾滑幾香雞味，只係個汁唔多似口水雞🙈黃💛店內都有好多文宣以及收銀機個邊有面牆貼哂夠薑既文宣卡，另外學生有野飲送！抵食⭐️⭐️⭐️⭐️⭐️啲麵份量勁大，正常食量應該三個人嗌兩碗岩岩好！服務⭐️⭐️⭐️⭐️啲姐姐態度都幾友善，有講有笑咁價錢⭐️⭐️⭐️⭐️一人一個麵50幾蚊一定夠食夠飽

前前後後去過拾味4次，分別試過係灣仔同新鋪銅鑼灣堂食，同係Openrice 訂外賣(仲有優惠添)。灣仔店一入鋪頭就見到幾張枱同直望會見到廚房，見到有個師傅係到即埸削麵，另外，店鋪入啲嘅左手面有張長 bar枱，岩哂一個人去食😂。坐落咗，店員會遞上 menu，另指枱上嘅 Q R code，話客人可以 scan早完自己落單。我見餐牌上除咗有店鋪最出名嘅刀削麵，仲有菜飯同撈麵。第一次梗係試吓刀削麵啦，佢提供有多款餸菜，我見有口水雞，因為平時比較少食同唔識整，所以叫佢。最最最特別係 - 一般嘅口水雞係偏辣帶點麻，拾味居然可以叫 走辣 口水雞刀削麵! (事關我唔食得辣) 另叫咗杯杏霜，加濃上菜啦~ 刀削麵熱辣辣，每條麵嘅粗幼，厚度不一，口感上會比較硬身(特別厚嘅部分)，好有口，湯底為鹹味湯配上蔥花點綴。唔好睇佢就咁一碗淨麵咁，其實佢好大碗，超飽肚。之後就上口水雞，咁到底走辣口水雞係點？外表帶點紅色，雞件上有幾粒花生同芝麻。咬落去啲雞好滑口，唔嚡。估唔到啲口水雞味道真係唔辣，但仍keep到鹹香味，暫時認為最正嘅走辣口水雞，岩哂唔食得辣又想試吓乜係「口水」味嘅你試吓。杏霜高質，其他餐廳比較少有。