拱照車仔麵

营业中

休息中

我真心要比個劣佢，成間舖酸酸餿餿，啲味道幾奇怪，平時食豬腸的口感，同這間唔同，食落口有陣陣"騷"味!!啲魚旦，咬落口係有一樣霉的感覺，一啲都唔彈牙!!我認為車仔面的湯底好重要，但係佢個湯底啲色好重，但好奇怪，啲湯淡而無味~食完真係堅想反胃的感覺唔知近排老闆心情是不是很差，真係好無禮貌，我覺得佢好似殺左佢全家咁呀!!黑口爛面，都唔知佢攪乜!!!依間野的劣食指數係 100,000,000 個劣呀!!

好難食啲嘢，又嗱喳不能知所為。啲汁又差極。啲餸係咁易烚個下就畀人食。冬菇無味，啲麵生嘅。啲菜有沙嘅，都不但之仲要爛菜嚟嘅。啲雞翼剩係浸個滷水色，啲丸咬落去有少少味。總之一句講哂好難食，唔係人食嘅！#差啲唔記得講店舖環境惡劣，有劣食嘅氣氛。

香港仔識食就會食車仔麵，足料食又點話呢？車仔麵選擇多，呢間好食的就係豬大腸，雲吞。豬大腸要加錢，好食就係滷得香，沒腥味！有白菜仔，酸齋，雞翼，雲吞，豬大腸。一個碗都放晤晒，足料到見晤到面，夏日飲番杯凍檸茶就爽！

香港仔想找麵食店舖選擇縱然很多, 然而想吃車仔麵也沒其他可選擇. 自細愛喜車仔麵我就是喜歡這些多餸大雜燴. 六點多鐘舖內冷冷清清只有兩, 三個客人. 可能晚上人總愛吃米飯關係.  平時中午時段好爆棚很多學生惠顧. 寫食評...開媧啦! 我點選了粗麵飛了雞尖, 應該要飛埋豬腸, 豬紅戒吃了很耐...再飛多兩飛就沒必要吃大雜燴了(笑) .  所以, 店主可以給客人自由配搭就多好呢. 平時,我多數會單餸點選但...昨晚卻想每樣吃丁點. 粗麵...夠爽無梘水味, 魚蛋有香辣味亦夠彈牙, 豬腸不是新鮮貨(過淋) ,而家想吃新鮮豬腸膠是有些難度, 豬皮來貨不靚,沙爆密度不均很多硬位, 蘿蔔有甜味切大舊點較有咬口, 冬菇太細隻 (五毛子大細), 湯底嚐不清是什麼材料做也許是味精加豬骨. 每碗 HK$46 送飲品一杯 , 我飲酸梅湯...不用另加錢.  整體來說不過不失, 可能我對車仔麵有特別要求.

天寒地凍！一定要食碗熱野補暖啦！今次去左香港仔拱照搵食！拱照係香港仔有新有舊！但只係相隔一條馬路！因為舊店有d食材係新店無既！盡管新店環境坐得舒服d, 衛生d ! 但今次專登去舊店食呢款餸！就係炸蕃薯啦今次叫左炸蕃薯，豬大腸，酸齋，蘿蔔配油麵加拱照自家制辣汁！加埋杯凍鴛鴦！因為好耐無食！而家要成48蚊！係香港仔黎講呢個價絕對唔便宜！但車仔麵到左之後！令我覺得收我呢個價錢，唔係斬到我一頸血！真係真材實料！唔會hea你！雖然貴就貴d, 但食完唔知點解好開心滿足1) 炸蕃薯！好味，唔知點解好鐘意食！個人喜好！同埋唔會好油！仲有2件！份量唔少！2)豬大腸！剪到簿簿！口感好食！唔會有難聞味道3) 酸齋！索哂個車仔麵個湯底同埋自家制辣汁！非常夠味！湯底花左好多心機整！4) 蘿蔔！夠哂甜，又夠淋！呢4樣餸絕對無簡錯！

一提起嗱喳麵，就會聯想到車仔麵。車仔麵款式選擇多，一個麵底可配多樣的餸，既簡單又方便。而車仔麵的做法，是首先把餸煮好，到顧客來到的時時候，按顧客的喜愛點算，稍等一會便可有得吃。今天來到香港仔，同樣以一個車仔麵作為午餐，而平時吃的車仔麵，多數為兩三個餸，可是在拱照車仔麵裡，卻又想多吃幾個餸，當中也有少少餵食吧。從點餸紙裡，點選了不同的餸，一共點了五款呢！當中的車仔餸，包括了豬皮，蘿蔔，腐卷，鯪魚及牛腩，麵底不點油麵，而點了河粉，今次可謂與上次不同吧。豬皮或者真的很少吃到呢，它帶有爽口而軟腍的口感，今次吃到的，卻又有點好味；蘿蔔今次就有個別有點渣，但問好不大，仍然是是軟腍和有蘿蔔本身的甜味，如果不新鮮的的話，就會帶來苦澀的味道。腐卷還以為只有腐竹，把腐竹卷捲便算，可是這腐卷卻包起了魚肉，多了一層層次感，吃起來有點嚼勁；鯪魚與平時吃到的差異不大，有點胡椒粉的味道，內有蒽花，但是不多。牛腩則較鬆化，有些微入口即溶的感覺，但不太多。湯底亦因加上了腩汁，故有腩汁的鮮甜味道；河粉則幾滑。女友點了豬大赌和牛腩配幼麵，牛腩不多說了，但在下甚少吃內臟，故此未知豬是甚麼味道。在下也點來煎饟四寶，當中共有兩碟

這晚放工後，到了這裡先吃一碗車仔麵，才回家去。選了四個餸，包括有蘿蔔、牛腩、豬大腸及雞翼配米線，餐飲本來是送豆漿或者酸梅湯，因為這晚兩者都不想喝，所以加了3元轉成凍奶茶。蘿蔔蘿蔔煮得夠淋，而且吃起來清甜有蘿蔔香，不錯。牛腩這裡的牛腩煮得夠入味，不過瘦的部位吃來頗韌，而且牛腩的賣相也不佳。豬大腸這一份豬大腸剪成小段的，滷水炆得夠入味而不韌，豬腸亦帶著肥膏，吃來甘香美味。雞翼這兩隻雞中翼煮得不夠入味，味道只留在皮上面，不過還算煮得剛好，不會太老。不得不提這個辣汁吃來不算太辣，但香口好吃，令到這碗車仔麵的味道提昇了不少。而且米線線也沒有煮得過淋，吃來還帶點爽滑的口感，不錯。這杯凍奶茶茶味不足，喝來只是一般。不過這裡的湯底味精頗重，回家後直到現在邊寫食評，還感覺到口喝。

香港仔有兩間「拱照車仔麵」，舊舖是專做車仔麵的，在我搬過來南區前應該已經存在了；新舖則是一般茶餐廳～～其實兩間味道近乎一樣，但要食車仔麵的話，大多我會選擇這間，有點風味嘛！價錢方面真的越加越貴了，最近加得更厲害，好像隔兩個月就加一次這樣。。。自己填紙落單～～舊式風味的車仔麵舖，環境也很乾淨免費的豆漿，要求不高也可以接受，是水了一點點～羅白：必點的，非常甜，而且無渣～～每次食都係咁甜～～大加分～頁丸：彈牙夠味～菜雲吞：皮夠簿，ＯＫ！豬大腸：也是必吃的夠入味又夠淋，亦沒有腥味～～非一般出面豬大腸可比！魚蛋：十個辣（我不吃辣的）記著要叫另上的辣汁，就算不吃辣也加一點點，湯底會更出味！這間車仔麵我吃了幾年，我相信是全南區最好吃的車仔麵，難怪可以開業多年，而且還開分店呢！

五月下旬．作打風！在香港仔大道一帶， 兩兩 間「拱照」，一間賣的是茶餐廳食物，另一間就是車仔麵店，是日吃的，就是車仔麵這暑。天氣熱熱的，提不起胃口，吃碗麵做午餐吧，就來了這裡。拿起檯上的紙仔，剔好自己要的食物，阿姐會來覆單及「定價」，就選了豬腸、冬菇、酸齋及炸雲吞的四餸米線，要多青。阿姐拿來米線，一看就知選錯了炸雲吞，因為是浸在湯內的。首先「拯救」它們，就是先將其吃掉。未浸稔的部份，也是脆口的，不錯。豬大腸油脂豐富，炆得入味又夠稔，必吃！酸齌就口感一般，不夠硬身，吃起來也太膩了。冬菇好吃，但不夠厚身，如果你吃過太安樓地下的任何一檔車仔麵，都會知道我在說什麼。連凍飲一杯，埋單33元。在結賬時才看到，原來這裡的大雜麵只是31元，已有八個餸，還包飲品，真的是蝕了！

大朋友特地帶我來吃車仔麵他說中學時他常常來，一直都非常懷念這味道鋪頭沒有漂亮的裝修，只有簡單的椅和桌，和一部細小的電視機，滿足我這些習慣了電視送飯的人!大朋友點了雞翼豬紅蘿蔔米線配可樂，我點了雞翼雲吞麵配凍檸蜜雞翼：鹵得入味已經不錯了!雲吞：一般味道豬紅蘿蔔：豬紅入味，蘿蔔清甜，簡單的東西才試得出用心凍檸蜜：有點太甜!食物配上店家的辣汁，真的滋味百倍，不可不加!還點了煎釀三寶，10蚊6件，但因為快要收鋪的關係，送多我們3粒~這些舉動只有小店子才會有吧!

香港仔既車仔麵檔不多，拱照可以係香港仔經營多年，還在同區開設分店。其出品都有一定保證，對香港仔居民來說亦是懷有信心才會長久支持吧！注意的是東勝道總店的口碑較分店好。鋪頭不大，大約只有十張細檯。但是在繁忙時間，店內會擠進數十人，在繁忙時間時他們擠滿人還是會叫你進去坐就像永不會爆滿似的。就算是如此擠迫，但客人都顯得習以為常並不介意。座位是普通的圓木凳和木檯。店內有廁所，但去完呢個廁所你就唔會吃得下去，還是不去為佳。店內其他的衛生情況還算可以，當然車仔麵當然是跟車仔麵的標準。服務方面算是不錯，阿姐們都挺有禮。加湯、加辣汁、加單、結帳…都會盡快的幫你搞掂。如果多去兩次，甚至同你有講有笑，給你一種典型的街坊感~是親切的。食物方面，麵、粉煮製時開掌握得不錯。材料有超過三、四十種選擇。個人覺得有幾款值得推介。豬腸夠"林"有腸香味；牛腩雖是碎腩肉但更顯個份外入味；蘿白很美甜而無渣；東菇炆得夠"林"夠味又不會酸酸的；豬紅亦充滿腩汁味；豬扒即叫即煎很香口。另外拱照車仔麵的靈魂是他們的辣汁，就算不愛辣也要他們(辣汁另上)一試這個鎮店之寶。店內還有一些小食如煎釀三寶、錦露雲吞……除了自助落單紙外，還有雜綿麵可

呢間野雖然係車仔面, 不過服務態度好, 冷氣大, 有電視, 坐位寬.新店經常去食, 因為很舒服, 而且野食都唔差又唔會人多逼你搭檯.每次都叫5,6種料, 全部都整得好好唔會隨便偷工減料, 呢個係其他店沒有的.

去到拱照一定要食佢既辣汁,配埋辣魚蛋仲正,佢果到D雞肉係煎雞扒,十分好味D豬紅同冬菇同出面果D唔同,有D甜甜地,好特別,我都好鍾意食值得一提既係果道車仔而麵既下午茶係貴過晚餐

拱照除咗有車仔麵，佢地仲有飯供應，各式扒飯都係廿幾蚊，今次我點嘅係黑椒雜扒飯，裡面腸仔、雞蛋、豬扒、火腿同雞扒，飯大嘅有3碗之多，盡管有努力都係吃唔完，$32大大碟，味道亦相當唔錯。

工作關係到了香港仔做野見呢間野新開張多人入去試下啦叫了兩餸車仔麵魚皮餃..細得可憐腸仔..得一條湯..重味精價錢..21元送野飲貴！都未食過咁難食的車仔麵呀