影片
食记 (35)
好耐无食呢间车仔面，因为有其他铺头吸引咗我。不过今次有啲心血来潮，又返来食下重温旧梦一下。我觉得佢比较出名嘅有酿茄子，好大旧，炸云吞都唔错。不过我今次都无拣，拣咗啲大路嘢，通菜／鸡中翼／鲜虾云吞油面，再多葱。本人食车仔面都系比较传统，点都会拣油面。加咗佢秘制辣汁，其实我就略嫌唔够浓，可能食过比较浓香嘅酱汁，所以有呢个感觉。油面煮得过淋啦，出枱已觉得比较白，唔同一般比较黄，煮耐咗，我都系钟意有咬口嘅。通菜都好多，够爽脆，鸡中翼就卤得好入味，几好食，鲜虾云吞都正常。其实拱照都佢好好嘅，送豆浆／酸梅汤，我一般都会拣豆酱。整体表现不过不失，可能我比较钟意味浓啲嘅车仔面啦，真系希望下次如果再食，个油面唔好咁淋就好，或者我提一提个姊姊唔好煮咁淋。
继续阅读
外卖三𩠌加底幼面要5拾几，鸳鸯斋加炸云吞加底，竟然俾少咗炸云吞，即全斋要五拾几蚊，点食呀！本来主要因为想食炸云吞至叫外卖，依家…仲要食加底…依家D车仔面超贵㗎啦…又无心…叫外卖时又唔系多人回头返去同佢哋理论…回水都无用…唔通又斋食炸云吞咩？五十几蚊食个鸳鸯斋面…可能只有呢度！面极度普通之下，无面味，汤底已经系味精汤，味精就足，斋就街市普通货式…讲真依家香港仔已经无乜车仔面可以食，石排湾街市果档勉强可以，做车仔面本来已经无敌㗎啦！以我呢次可能十蚊本都唔使…仲无心去做…唉！！！点继续…
继续阅读
食了拱照多年，佢哋嘅辣汁最出色，如果唔介意重口味必叫，另外萝卜亦好味，酸斋，辣鱼蛋亦必食，如果外卖必须分汤，食完亦唔口干，叫外卖如果繁忙有机会俾错𩠌俾漏𩠌，不过多年街坊小店，人有错手绝对体谅
继续阅读
一、侍应态度恶劣：叫咗几次都冇人应 忙就大晒？唔识请多几个人？明明车仔面系最快整好 唔明有咩要搞咁耐啰如果唔系每个食客都照顾到 做咩要开咗多个位？识唔识做生意架二、卫生情况恐怖：碗汤上面有一粒粒疑似系虫 最后唔食算 啲钱当买个教训 豪畀狗！真系未见过一间车仔面可以污糟成咁地板一挞挞湿晒咁 唔惊跣死人架？有老人家入嚟食点算 老人家跌一跌真系命都唔使要 屋企有老人家就唔好带佢嚟食新搬嚟香港仔谂住近近地食下 大家真系唔使试
继续阅读
日日返工都唔知食咩好 见好耐冇食过车仔面就谂住叫下啦 因为用Food panda选择唔多 就睇评分去叫左呢间外卖啦 嚟到个阵满心欢喜咁打开佢 但唔知点解有两个面底系红色架 以为系餐厅搞错左加左辣啦 点解原来唔系呀 点洗都洗唔走...个面饼系红色架 仲要有半个面都系咁 我地叫左四碗 有两碗都系咁 我个friend仲要食到胃都痛痛地 我话想净系夹啲正常面食下都唔得 大半个面都系咁 搞到我个lunch好似冇食过嘢咁啲𩠌就不过不失啦 不过面底已经搞到我地乜都冇食过咁 呢间野真系唔可以外卖😓利申: 𠮶条唔系鱿鱼嚟㗎 系面 仲要有半个面都系咁...
继续阅读
您可能会有兴趣的...