拉麵台風 (已搬遷) 新店位置

之前一直想試 但成日撞正落場又唔想繁忙時間去排隊終於有一日係落場前唔使排隊嘅情況下入座好餓 期望好高 但好sad 唔係差嘅 但唔係好好味魚介豬骨湯拉麵 麵量十足 女仔食唔晒 豬骨湯味濃 可惜魚介味係無乜湯底都偏向濃稠 食到最後有啲濟 同悶加下七味粉有好d 麵條係我喜歡嘅粗身 開心👍🏼叉燒黎講反而不錯 lunch 會送多半份或者飲品厚切 夠味👍🏼 食肉獸應該開心 份量都多可惜我係比較注重湯底🥲蕃茄豬骨湯拉麵 食得出係新鮮蕃茄煲出嚟嘅湯無咁heavy 偏清淡 但就冇蕃茄嗰種濃郁嘅酸甜味唔知點講 就係其實唔差 但係唔係特別好味囉總括而言是試一次便夠

每次經過都一定排咗條龍係門口，已經食過兩次，兩次都係食魚介豬骨湯拉麵，今次食下佢嘅期間限定又有驚喜喎!佢地嘅極限台風系列係期間限定咁啱今日嘅極限台風係黑色暴雨拉麵坐底等食期間，怎住都聽到職員講日文同埋好日本文化嘅禮貌，好似真係去咗日本咁😱等左大概5分中就有得食，黑色暴雨拉麵主要味道係由黑蒜油、黑芝麻同麻辣椒製作，話就話有麻辣椒，但其實都只係好輕微嘅辣味，唔太食得辣嘅都可以一試。而個湯非常濃郁，黑蒜好香，芝麻令碗湯好濃郁，紫菜加d魚介粉夾住d麵同芽菜黎食撈埋d湯真係不得了。呢到有得揀唔同嘅麵糧，細食嘅人可以揀50% or 75%拉麵質地軟硬啱啱好，好掛湯，麵湯一齊食啱啱好。唐沁蛋半熟程度啱啱好，叉燒比一般拉麵舖個d厚身小小，啖啖肉，滿足!佢地夜晚係做拉麵，日頭有做沾麵，限量30碗! 想試就要早d黎喇。------------------------------埋單 $85性價比 🧡🧡🧡🧡🧡自助檸檬水 ✔紙巾 ✔七味粉、魚介粉、辣醬✔

經過見到呢間日式拉麵店好多人排隊，咁多人排隊等嘅嘢食一定係好食嘅，就試一試啦！排隊嘅時候店員會比餐牌你，等你可以慢慢諗想食咩拉麵，店舖主要賣五種拉麵，分別係魚介豬骨湯拉麵，骨膠原撈麵，伊台風(蕃茄芝士湯底)，沾麵，同埋限定嘅極限台風。🍴 魚介豬骨湯拉麵 $78 (10/10)個湯超級濃豬骨魚介味，食得到魚介嘅鮮味，又有豬骨嘅濃郁，唔鹹，好好飲個麵嘅份量好大，應該係一般拉麵鋪嘅1.5倍，如果食唔晒可以叫少啲份量嘅麵，個麵係比較粗身，軟硬適中，好有口感，好彈牙，個人比較鍾意粗嘅麵。叉燒比較瘦，有肉香，但唔會太鞋口，ok好食。今次唔要筍，要咗一隻糖心蛋唔係但蛋味好濃，醃得幾入味！佢都有好多調味料提供，有蒜蓉，辣油，胡椒，七味粉，都好推薦大家加唔同嘅調味料，可以提升拉麵嘅層次，亦都唔會食淨係識一個味道會覺得好寡，我就比較鍾意蒜蓉同辣油，真係好香口，令到拉麵更豐富。推薦指數: 10/10真心勁好食😋$78咁高質嘅拉麵，推薦！

今日叫左一碗極很台風，叫做黑色暴雨拉麵，特色系黒蒜油 × 黑芝麻 × 麻辣椒，又唔系太麻辣，义燒唔肥，湯底幾香，唔咸，d麵嘅份量糸一般餐廳嘅1.5倍，重有半隻流心蛋，好好味，一定會再去

有時放工會喺附近經過，就會掛住呢間既拉麵😍。食完我會有種幸福感，好滿足。自己一個，撞啱唔需要等位，好快入得👍隔咗幾個月今次係第2次嚟食。我最回味既係佢個好濃郁既魚介豬骨湯底拉麵😍今次都係食佢。湯底好濃但唔會好咸。我都飲咗好多啖湯😋😋叉燒2大塊兼唔係薄切。所以都飽肚。味道ok。仲有一塊紫菜，上面滲左少少似魚介味既粉同埋有半隻溏心蛋😍😍好正。拉麵嚟到係軟硬度適中。唔會煮得太淋或者太生。❤️服務：店員都nice。只收現金。整體嚟講，我覺得好味兼性價比高。值得一試。

拉麵 , 沾麵 都好食試咗魚介豬骨湯拉麵 ; 沾麵兩樣都好食。拉麵份量比其他鋪頭多 , 夠飽 !拉麵 湯底好味 , 麵質軟硬適中 , 叉燒正常 , 好食。 仲有角切豬肉， 味道質感不一樣。 紫菜較細片， 被浸淋。 葱很香。荀細長條狀 , 味道好，不會有過重味道。沾麵好食， 性價比高 ; 麵未食晒 湯就凍咗，如果湯可以熱啲會更好btw , 有生蒜 好正

里間拉麵🍜我兩公婆已經食過幾次🤭今次我就試一試佢哋個沾麵😃我本身對里均樣野一般，因為之食食過一次好咸😵‍💫⋯⋯所以我好一般，但今次食里個又唔係禾，好好味😋⋯⋯味道剛剛好，啲汁麵掛到麵😌⋯⋯令到我對沾麵改觀，下次一定會再試😉至於老公就試新野，試里個蕃茄拉麵，我就試食過少少🤏⋯⋯味道都ok ga, 但就係咩大驚喜🧐⋯⋯不過里間拉麵🍜店，我哋次次食完都抱住個肚走，而且價錢又唔太貴，值得推介👍🏻

沾麵*Time : OCT 2022, Lunch*Price : $93-HKD *Place : 拉麵台風*Review : 這間拉麵在荃灣很有人氣，也存在了一段日子了，今次路經突然想起未攻略這間，就去挑戰一下。- 沾麵 ：首先說份量，比一般的拉麵店明顯較多，麵與义燒都比常見的多兩成，今次我叫了加底其實等於雙加底。味道嘛，义燒有塊大片又數粒义燒，極小肥肉，也沒有鞋口的感覺，合格，麵質也很好，有彈性有咬口，沾了湯相當好吃，湯汁嘛，濃濃的魚介湯味，加一點點的辣味，幾特別，不過硬傷是麵條不是熱的，再熱的湯沾久了也會變冷，當然，可以叫店員加湯再飲，不過我從來也是原汁原味的飲沾麵質素是中上水平，跟我吃過最好的仍有距離，不過整體是可以一試的，而且店家還有拉麵，撈麵，蕃茄麵，及謎一樣的限定拉麵，選擇小，但每一樣都十分吸引

諗住去 The Mills 度玩下，所以喺OpenRice 搵下邊度附近有好嘢食，見到呢個店仔好似幾好食就想試吓。因為係weekend嚟，擔心比較多人嚟排隊，所以我哋12點幾就到啦。嗰陣時都有啲人排隊，但係唔使10分鐘就到我哋入去喇。等緊嘅時候，其實店員都幾efficiency，因為有人會出嚟比張餐牌俾你揀食啲乜嘢。因為我男朋友係外國人，佢哋都俾埋英文餐牌俾佢對照嚟到揀嘢食，服務態度幾好。一入到去，店員就會攞咗你揀嘢食嗰張紙，幫你帶你去到位置就開始去準備。裏面好似一般日本嘅拉麵店，店嘅面積好細，牆上面有啲可愛嘅壁畫同埋啲細poster，都幾可愛㗎。我哋兩個都叫咗魚介豬骨湯，我自己叫咗個呢就係濃湯因為個人比較鍾意。食落真係幾好味，拉麵有彈性，個湯好濃同埋好有豬骨味，冇乜雨嗰種腥味但係有少少嗰種魚湯甜甜地嘅味道，真係真心推介。我哋食完都已經一點幾，出到去都好多人喺度排隊，所以weekend嚟可能都要預咗一定要排隊啦！

每次行經大河道此路段都發現有一條人龍在花圃旁排隊，好奇看看是什麼餐廳那麼吸引😯？因為匆匆走過邊走邊看，所以驟眼看到餐廳名字叫「台風」，直覺以為這是一間台灣料理😅，還令我很懷疑香港人真的那麼喜歡台灣料理嗎🤔？ 剛巧今天MeTime ，打算先到荃灣千色附近逛一逛及選購一些日用品，之後一人午餐🥣。今天又突然想食日本拉麵，因為家人習慣購買包裝拉麵回家自己製作🍜再加入一隻日本太陽蛋品嗜；而我個人習慣會再加一小碟韓國泡菜作伴菜；好辣的一家之主就一定要把「一蘭」的辣椒粉添加到拉麵內一同進食，再來一小碟辣油炆筍做伴菜。😋 今天趁著一個人可以任意選擇食店，因此上網搜尋了一下荃灣區有哪一間拉麵店好吃，因為真的有很長的一段時間已沒有在香港吃日本拉麵了，最後鎖定了大河道的「 拉麵台風」或荃新天地的「一幻」😄。因為不太肯定「 拉麵台風」的正確位置，而且天氣炎熱又不想在猛烈的陽光🌞下尋找， 所以在荃灣街市附近購物完畢就靠著大河道向荃新天地方向行走， 當時還考慮過走上天橋避開太陽伯伯， 但最後覺得在地面一直走比較快到達荃新天地。哈！真是人算不如天算，猜不到只走了一會兒境發現「 拉麵台風」就在眼前，這不是天意是什麼呀

I would like to try this ramen restaurant for long time since most of the time, I see many people lining up for the ramen and finally I had a chance to try.It was weekday night, around 8PM and luckily, I only waited for 5 mins and I could get in!I am a Tsukemen lover so I wanted to try their Tsukemen. However, it was daily limited (每日限量30份) so I ordered 骨膠原撈麵. I think the texture was okay and it was quite rich. But honestly not amazing. The portion is big!My friend ordered the fish soup based ra

好耐都冇食過拉麵，就去食我平時最愛嘅台風拉麵啦！估唔到佢終於都出其他顏色嘅暴雨拉麵啦!!! 但竟然係芫荽豬骨湯拉麵$83，雖然我個人唔討厭芫荽，但都想一試，睇吓自己接唔接受到🤣🤣拉麵一到枱，就有淡淡嘅芫荽味，味道唔算太濃烈，叉燒上面有用芫荽同辣椒製成嘅醬油，如果鍾意芫荽嘅人可以選擇多啲醬油。豬骨湯湯底帶有芫荽碎，應該就係香味嘅來源之一，飲落芫荽味唔太強烈，初試芫荽嘅朋友都應該接受到。糖心蛋拉麵叉燒水準都一如以往保持穩定。所以荃灣台風一直係我拉麵三甲首選。

好耐無過來荃灣，好想食拉麵！今次就揀咗呢間來試一試！小編第一次離光顧，唔知情嘅情況下！叫左普通，但係已經好大碗！小編幾乎都食唔晒。小編係食魚介豬骨湯拉麵，小編係唔食竹荀！店員即時提出其他嘢代替！咁我就叫左蛋。碗麵一上枱比我預期中仲要大碗。麵既質地係有少少粗既，有少少似蕎麥麵，都幾好咬口嘅。豚肉唔孩既，而且唔算肥，亦唔算瘦。隻蛋係流心蛋，連麵食真係最佳嘅配搭，紫菜浸落個湯度，唔算好鹹，而且仲有啲脆口tim。湯底都唔算話好鹹，如果再濃味少少，咁就完美喇！

係我食過份量最多嘅拉麵！試左骨膠原撈麵同沾麵 味道都唔錯 但撈麵食到後期 會比較膩 可能骨膠原太豐富啦店舖細細間 但都幾有日本拉麵屋嘅風味唔怪得天氣咁熱都咁多人排隊有機會都想再去食下

📍拉麵台風話說半個月前打風，天氣差到連人嘅心情都受埋影響，為左改善呢個鬱悶嘅心情突登搵啲好味嘅嘢食！本身諗住打風落雨應該冇乜人，點知12點幾嚟到都係要等幾張枱🫢🍽食物✨ 魚介豬骨湯拉麵 $78 8/10(+$25 特製叉燒)呢款係佢哋嘅經典湯底，嚟到見到個份量嚇親，面頭全部都係配料，連麵都見唔到😂跟佢個指示教先飲啖湯，係煮左好耐嘅濃厚豬骨湯底，撈埋魚粉再試，個湯底鮮味更明顯～ 加左特製叉燒之後總共有5塊😂食肉獸一定好滿足！叉燒係厚切，雖然肥嘅部份唔係好多，但係唔會煮到乾柴韌口。調味又唔會太鹹，浸一陣湯索左湯底味岩岩好，食晒呢碗真係飽到上心口！✨ 沾麵 $83 8/10呢款每日限量30碗，不過個湯底係魚介豬骨湯嘅濃厚版本😂味道幾乎一樣，只係比拉麵版本再鹹少少，配返粗麵食岩岩好。配料方面除左有一塊叉燒，其餘係肉粒，我就覺得大塊叉燒有滿足感好多！我比較中意食沾麵係因為可以避免啲麵長期浸住漲晒嘅問題～ 呢款麵嘅口感彈牙有咬口，一上嚟個湯係熱辣辣嘅，用冷麵去浸食到中期開始變涷可以叫店員加返熱湯，沾麵要熱辣辣咁食先好食架嘛😋👍🏻伊台風 $88 7/10呢個係蕃茄湯底配芝士，蕃茄湯感覺係熬左好耐，夠