拉麵來 (已搬遷) 新店位置

今日黎左間裝修好別緻既日式拉麵店~拉麵店位處旺角鬧市, 交通非常方便....一入到黎感覺好地道好似身處日本咁~呢道不論環境裝飾, 餐桌等都如同正宗日本拉麵店有多款拉麵選擇, 亦有小食, 飲品, 甜品....炎炎既夏日最正就係飲凍飲爽一爽先......蘋果梳打 $25係日本既信州蘋果汁~~之前係日本飲過覺得超好飲, 念念不忘...估唔到係香港都可以飲到丫!!!蘋果味好濃好FRESH, 啖啖真蘋果綠茶可樂 $22試新野, 好特別既口味~~可樂較綠茶味濃, 冇傳統可樂咁甜....熊本黑蒜油豚骨拉麵 $92另加木耳 $7 & 火灸叉燒 $25可自選制法~~例如湯底濃淡度, 麵條軟硬度等...黑蒜油味湯底香濃, 麵條粗幼度適中~~火灸叉燒肉質軟腍又唔油膩櫻花蝦豚骨湯拉麵 $98湯底好好味喔~ 完全特顯到櫻花蝦既獨特香味~~鍾意版蝦既朋友一定要食呢個拉麵咀對咀胞炸蒜香墨魚咀 $38份量非常多!!!炸蒜配上薄薄既炸粉香脆可口~墨魚咀唔會好韌自家製餃子 $40餃子煎得香口...餃子皮唔厚, 夠薄身~~餡料結實柚子雪葩 $22食完其實都已經好飽, 但忍唔住食甜品呀~~平時好少見有柚子雪葩食, 好想試呢!

好耐冇去日本 踏進拉麵來，有點去左曰本小店的感覺 ，沒有裝橫的裝修卻給人親切自在的感覺 ，好 relax ，特別 7點前未係太多人。點左魚介拉麵，以多種日本魚炮製出黎的湯底好吸引 ，拉麵來的時候賣相好靚，好吸引， 大大碗的 ，兩塊差燒好大件 ，食落去都好好味 ，喜歡食筍朋友記得加 $7 會另上一小碗筍。另一碗黑蒜油拉面湯底也好香，面質帶點韌性，🈶得選軟硬度。雖然我吾好炸野，但個炸 oysters 都好正， 外面crunchy 裏面好 juicy， 而且 oyster 依然保持到鮮味😋最後個甜品紅豆雪糕真係好好味 平時甜品並不是我的至愛 但係尋晚這餐這個紅豆雪糕係 my favour 😋 好香,紅豆味而且好滑好 creamy ,又食到小粒粒紅豆 ，好正🤗飲品方面 這間店可以點好特別汽水 例如Wasabi ginger soda整體而言，很滿足的拉麵餐

2/5普通的拉麵，不過不失的湯底，不好也不差，就有點油膩，少許乾柴的叉燒，非常咸的玉子蛋，只有辣沒有靈魂的醬。Normal ramen to a point, but the soup base is not lost, a little char siu barbecued, salty to silly eggs, only spicy and soulless sauce.#queenbeoly_comdine #foodblogger #foodporn #food #foodie #foodphotography #instafood #foodstagram #foodlover #foodgasm #yummy #delicious #QueenBeoly

今日去完旺角Sony Store買嘢，去完波鞋街打個轉，等埋女朋友收工，就係黑布街食埋晚飯。拉麵來其實我成日經過都想去食嫁喇，今日難得女朋友無意見，就緊係話去食拉麵啦。有機豆乳擔擔冷麵凍嘅拉麵真係比較少見，天氣咁熱、再加上係擔擔麵，所以吸引咗我叫依個麵。個湯唔辣，而且仲有陣陣麻醬嘅香味。青瓜絲、凍滑豆腐令個麵食落更加清新。可能因為冷麵嘅關係、麵亦陪感彈牙。鮮鯛魚雞白湯拉麵依個限定嘅拉麵，雞白湯配上鮮甜美味嘅鯛魚肉。鯛魚肉好似一球雪糕球咁係碗麵度。雞白湯湯味香濃，每一口麵都吸收哂湯嘅味道。兩塊豬肉叉燒大塊之餘仲肥瘦適中。另外再加埋隻味付玉子，整個鮮鯛魚雞白湯拉麵非常好完美。雞皮春卷雞皮薄薄無肥膏、絕對啱哂啲想食又怕肥嘅朋友，雞皮春卷嘅雞皮炸到脆卜卜，裏面嘅餡仍然鮮嫩多汁。再點埋店家調配嘅醬汁，好好味。廣島吉列炸蠔配薯仔沙律吉列炸蠔表面香脆，內裏嘅蠔保持鮮味。配角嘅薯仔沙律絕對唔比主角嘅炸蠔差。薯仔沙律味道好好，而且係薯蓉同薯仔粒伴勻，令薯仔沙律更有口感。嘴對嘴脆炸蒜香墨魚咀炸得好香口，軟硬適中，而且滲透住淡淡嘅蒜香。

記得同老公拍拖時光顧過大坑的拉麵來，當時覺得食碗麵都甜蜜過人，既然旺角有分店，一于重溫舊夢。非常滿意店長，很熱心照顧每台客人，無論大朋友、小朋友、外賣或堂食，她都親力親為，還照顧店內每位員工，如果她不是老闆，現今請到這位員工，實在難得。還有疫情已經好一段時間，大多食店已經守不住1.5米距離，但這裡嚴守距離，眼見很多檯都空置著，外面亦有客戶等位，歺廳的堅持也很值得讃賞。安頓好後，我們按歺牌指示，點好食物。記得多年前大坑的拉麵來，一試難忘，加了粒骨膠原，湯底濃惆，非常特別。特別推介炸蠔，上菜時仍然熱騰騰的，又脆又鮮味，不錯👍🏻也喜歡汽水是玻璃支裝的，滿懷舊的總結：食物是可以的，服務很好，彷彿被服務吸到大于食物，偶爾想到吃拉麵，還是會回來的

小店環境裝潢充滿舊日本風味，周圍放置了不少懷舊小物，座位空間亦算充足。拉麵種類分成五行，以及可以按喜好自選拉麵的製法和配料等等。值得一讚的是連餐牌都充滿懷舊的玩味，以手繪食物和手寫文字所製作，非常有心思。櫻花蝦豚骨湯拉麵($98)• 選擇了硬身拉麵、濃湯和保留所有配料，還+$17一隻日本糖心蛋。• 豚骨湯底相比一般不算油膩，但是味道依然十分濃味，而且因為大量櫻花蝦的關係，會帶一點淡淡的咸蝦香。• 糖心蛋是原隻上，蛋白部分有咬口，醬油醃得均勻，蛋黃呈現水潤滑溜的狀態，一咬便從中間湧出，十分可口。• 叉燒肉質香腍油嫩，脂肪比例雖然不多，只有薄薄一層，但同樣充滿肉味。• 令我驚喜的是除了大量的櫻花蝦，拉麵配料的份量同樣舖滿整個湯碗，令每一口拉麵都有豐富的口感和味道。友人選了激辛豚骨湯麵，辣度極高，選擇時要三思，或者適量地攪拌免治肉球的份量。

今日經過黑布街見到一間好有feel的拉麵店。感覺就好似去了日本，既然冇得去旅行就來回味一下拉麵的味道吧。.木：白松露野菌豚骨湯我覺得這間拉麵十分貼心，拉麵的硬度及湯的濃度可以因個人喜好而調節。豚骨湯是很正宗日本的那一種，有相當的黏着度，是香濃的豚骨湯味，又帶有少少骨膠原的膠感，一食就知道用很多材料去熬煮的湯，與味精湯完全不一樣的味道！想不到在這裏也吃得到名貴的白松露，令到整個拉麵都散播着松露的香，齒頰留香。選用的麵是幼身的，令掛湯效果更佳顯著。.火：激辛火藥玉豚骨湯 喜歡食辣的人士的挑戰的拉麵！我自認非常能吃辣，什麼麻辣火鍋大辣米線都不是我的對手，不過這個拉麵就真令我佩服，真辣！在香港很少餐廳會狠心地辣，這裏的火藥球真心好值得挑戰，我第一次吃到要狂飲水，不過我都挑戰成功把大部份的面都吃完了，留下一底紅色的湯。真心好像下次和喜歡吃辣的朋友再來挑戰。.炙叉燒2枚 - 我打算加配料，吃多兩塊叉燒，是分開上的，感覺加了的這兩塊比較厚身，而且加入了不同的調味方法。無論是拉麵的叉燒還是附加的叉燒，都卷得好靚，而且大大塊、肥瘦適中。.自家製餃子 - 一上碟見到煎到金黃已經很誘人，最重要是保持到熱度，

呢間拉麵來我想試好耐㗎啦，但晚市成日都好多人排隊，今日過咗食晏時間經過呢度見唔使等，即刻同朋友衝入嚟食個正宗拉麵。入面嘅裝修用上日式懷舊玩具店嘅佈置，仲掛上咗好多小玩具，好有心思。呢度嘅餐牌好繽紛，圖文並茂，而佢嘅圖並唔係實物照而係畫出嚟，真係好吸睛啊！我揀咗呢個黑蒜油豬骨湯麵，佢係可以揀拉麵嘅軟硬度、湯嘅濃度、蔥、蒜、香油嘅份量，非常好！冇牙嘅我就揀咗拉麵要煮林啲，即刻啱晒我口味，豬骨湯香濃但唔會過鹹，所以我每一啖拉麵都會夾雜着少少湯一齊放入口，叉燒肉質都非常嫩滑，所以成碗拉麵我食到見到碗底朋友就叫咗呢個溫泉蛋拌麵，其實佢係有少量嘅蒜味雞湯喺底，再奉上芝麻醬、芝士粉、七味粉等任你自己調味，再配埋溫泉蛋嘅蛋汁，呢個喺出面嘅拉麵店比較少見到，好味得嚟又特別！因為我同朋友連早餐都未食，好鬼肚餓，所以叫咗幾款小食乜都試吓。先來個墨魚咀，估唔到呢個價錢會有咁多粒，分量十足！見到有個特別推介嘅雞皮春卷，聽個名都知幾咁邪惡，不過我哋真係冇有怕，一於試吓😆其實佢嘅雞皮已經焗到脆卜卜，所以食落唔覺得有多餘油脂章魚小丸子好大粒，入面都有好大粒章魚，配埋佢嘅醬汁真係好好味叫咗咁多煎炸嘢都要食返個沙律菜平衡

餐廳位於靜中帶旺嘅黑布街， 麥花臣球場嘅旁邊， 中午十二時可以嚟到， 未夠一點鐘已經坐滿客人。 menu以手繪圖畫形式 製作， 突顯其親民的一面。 而且走入店裏面， 迎面而來的是 牆上各款懷舊裝飾及玩具，以日本昭和時代作主題， 整間餐廳有種懷舊木系古早味裝修， 盡顯風味。 白松露豚骨湯麵110 呢度食拉麵可以自己選擇拉面的硬度、湯底的濃厚同埋蔥嘅份量。白松露豚骨湯拉麵， 湯底是 基本款的豚骨湯，而材料就是豚肉、蔥、木耳和紫菜， 當然少不了那一整湯匙的白松露。 我哋揀咗普通 嘅湯底及硬度。 普通豚骨湯底夠濃豬骨湯味， 五月天初夏食普通已經夠。 而叉燒肥瘦比例剛剛好， 燒過的叉燒食落有豬油香但不會太肥膩。 當然不得不提的是那比得鬆手的白松露醬 ，點石成金， 讓整碗豚骨湯底再提升層次，已教整個湯底充滿著它白松露濃郁和獨特的香味。 另外又加了一隻玉子，那顆溏心玉子， 入口蛋味濃郁 ，嫩得無可挑剔。 鮮鯛魚雞白湯拉麵108 另外新出咗一個春天限定拉麵， 鮮鯛魚雞白湯拉麵， 以雞白湯配上鯛魚肉， 湯頭綿密，鮮味十足， 拉麵配上 大量的鯛魚肉， 第一次食以魚為主菜的拉麵 ，估唔到配魚肉亦都

行過比呢個$92午市套餐吸引左入黎鮮鯛魚雞白湯拉麵 ($108連小食）我就叫左呢款雞白湯湯底既拉面，食既時候食到湯既味道勁濃郁。面頭有一埋鮮鯛魚碎，可以撈埋個拉麵一齊食，魚味勁濃，唔錯。拉麵用左幼身既麵，幾彈牙。小食揀左吉列廣島蠔，超熱辣辣，一咬爆汁，蠔味都幾重。熊本黑蒜油豚骨拉麵 ($92連小食）朋友就點左豚骨拉麵，湯底係超濃郁既豬骨湯，加上黑蒜油，食落又唔會好油，都幾正。另外，佢既配料仲有木耳絲，食落幾爽口。佢既配料青蔥，兩塊叉燒，叉燒幾淋，肥瘦適中，仲有木耳絲，食落幾爽口。另外加$12配左一隻溏心蛋，溏心蛋呈流心狀態，一流。午市仲送牛油粟米同一款小食，小食我就揀左雞肉串燒，有兩串，幾有日式風味。餃子(5隻)($40)日式煎餃子，軟熟多汁。

#香濃雞白湯麵 $92 (味付玉子+$17)之前喺奈良食過一次雞白湯拉麵後 就對佢念念不忘 一直都想喺香港搵返依個味道🤤今次嚟到依間拉麵舖見到都有雞白湯就一於試下拉麵送上嘅時候仲會另外附上骨膠原 比你放入湯攪勻湯底未算濃味 而麵都唔算彈牙玉子生熟程度控制得幾好 但睇得出唔係醃咗好耐 顏色仲係好淺😐拉麵整體質素一般😕評分:5/10

見到裝修好日式，男朋友又話想食拉麵，見佢無咩人食就入去喇。入到去有個短頭髮職員好好禮貌同我地講要探熱同消毒雙手，之後就安排我地入坐。但竟然係同人搭檯！！！好彩兩個男仔都係斯斯文文，唔係大聲講野噴口水個種。我地叫左兩碗拉麵，分別係原味豚骨湯同香濃雞白湯，一碟章魚燒同一枝綠茶味可樂。首先第一碗上既係原味豚骨湯，位長髮女職員好無禮貌地咁放碗麵係到，我地完全唔知碗麵係邊個，呆左呆，大家都係白湯。之後個職員先話豚骨湯直接推左碗麵去我男朋友面前。我話依碗係我既，佢就話下？你架？先推返去我到。我心諗我食豚骨湯有問題嗎？之後就上香濃雞白湯。其實碗麵無問題，味道正常，湯係濃厚既！但就差在無蛋又無荀！我係食食下先發覺無蛋既！！！原來需要另外加錢～章魚燒唔係圓，而且個皮似炸過咁～都係夠醬汁搭夠！反而綠茶可樂就比較有趣！我地以為會好怪，點知又出奇地好飲，其實都係可樂味！但無一般可樂咁甜～環境來講係幾得意既，好日式懷舊感，影下相都唔錯～不過當晚因為一直都關門，又好似無冷氣咁，食到我地好熱⋯都快食快走，不而久留。總括來講可一不可再，無下次

雞白湯拉麵🍜經常逛旺角都不知原來有這家拉麵小店(｡･ω･｡)，幸好有朋友帶路介紹！這款是雞白湯拉麵，上麵時會再附送一顆骨膠原湯粒，可以根據個人喜好加入湯粒（加了會濃郁好多）(*¯︶¯*) ～這拉麵口感、湯濃度、油膩程度都是可以自選的，所以對小編來講是perfect！(⁎⁍̴̛ᴗ⁍̴̛⁎) 唯獨覺得有點美中不足就是叉燒有點乾身，整體都挺不錯的。滋味度：⭐⭐⭐（最高5星）抵食度：⭐⭐（最高5星）-💸$92 🚩拉麵來🎈旺角黑布街23號地下

這天約了一位朋友食飯，她作為拉麵愛好者當然提議食拉麵，好啊我也很久沒有食。拉麵來幾年前食過午餐，今天再次到訪來個拉麵午餐敘。午市的拉麵套餐$92，包括拉麵、小食和飲品。對上一次來實在太久之前，只依稀記得餐廳的裝修有很多木的材料，現在才發覺門口收銀位置間了一個位置，擺放了很多日本風的擺設，整間餐廳也很有懷舊的日本風，實在少見。原來這裡有學生優惠，單點的餐牌可享七折。我們沒有很想食小食和飲品，就決定單點一碗拉麵就好。熊本黑蒜油豚骨湯拉麵($92)，七折後$64比平時食要平，拉麵的配料放得很整齊。紫菜很脆幾香。湯底的顏色看樣子沒有很濃，但味道都有幾濃郁的豬骨湯味。混著黑蒜油一起飲沒有覺得有突出的黑蒜油味，仍然是比較濃厚的豬骨湯味。味道沉實不花巧，若黑蒜油突出一點會更好。個人一向比較喜歡食粗麵，喜歡粗麵一般較有質感。原來這裡供應的是幼麵，就試試看。想不到，幼麵竟然做得幾有質感、有咬口；夾著配料例如蔥、木耳、炸蒜一齊食增加了不少口感，配上濃郁的豬骨湯更添風味。叉燒表現則普普通通。拉麵不錯，幼麵也能做到有質感，湯底也做得不錯不口渴。以現今香港食拉麵的價錢來說，七折後的價錢都幾抵食，希望有機會再來食

今日帶🐢🍯寶寶食拉麵，一入到嚟坐低我就迷上左呢度。因為我好鐘意佢呢種帶點懷舊嘅裝修。面佢啲餐牌都好有特色，全部都係手繪。我自己食拉麵就鐘意雞湯多過豬骨湯，因為感覺冇咁油冇咁膩。而呢度個雞湯會跟左粒骨膠原啫喱俾你撈落去，補補啲骨膠原😂佢個麵係幼身嘅，嗌左普通硬度都幾彈。我另外加左粒溫泉蛋，有小小失望，因為唔係糖芯，但佢個流心效果做得好好。另外我仲加左兩片火灸叉燒，想睇下同拉麵入邊嘅叉燒有咩分別。佢半肥瘦，好腍，但就唔入味，淡左啲。但🐢🍯寶寶呢個就不得了，豬骨湯底，但就係火辣辣嘅，連佢呢個辣妹都食到不要不要的，可想而知唔係人人挑戰到。我地仲嗌左個椒鹽墨魚咀，佢個椒鹽真係好香，一拎出嚟已經聞到，但食落又唔咸，幾好。再加埋佢個麻醬沙律，呢個組合我滿意。而食日本嘢就當然唔少得要試埋個日式餃子，佢個外型脹卜卜，食落甜甜地，配埋佢個秘製醬汁真係好好食。嘢飲就嗌左支薑汁同綠茶汽水，因為出面少見到。薑汁果個就啲氣勁啲，綠茶就甜小小，但就冇綠茶味，但好過成日淨係飲紅罐肥仔水嘅。食左咁多嘢，加埋呢個裝修同格調，我覺得價錢可以。