手拉麵小廚

营业中

休息中

黎到手拉麵小廚，小籠包就一定會叫嫁啦，嚴格黎講呢個應該叫小籠湯包點解？因為一上菜，就會見到五個扁身既小籠湯， D 湯充滿曬係個小籠包入起，一夾起d湯就會係入面就會浪下浪下。食之前咬個細口，然後倒番D湯落個匙更到飲，咁就可以一滴不漏咁品嘗曬所有湯汁之後叫左個豬排手拉麵，炸豬排好味，手拉麵彈牙有口感，個湯仲要好多配料，又唔會好重麻醬味，做到個味道好特別，唔係其他鋪既湯粉湯，好惹味成個配搭唔係好多地方食得到之後大小姐叫果個蔥爆牛肉炒手拉麵都到左，手拉麵炒落無一舊舊，條條分明，但係食落就咸左D同油感重，食開輕口味既人要注意下

雖然新蒲崗唔係熱門行街地方，但其實好多飲食小店，仲好有驚喜！因為行過附近見到門口有人即席拉麵，見到門面又乾乾淨淨，所以先試下。小店裝修梗係簡約 d,，不過就都乾乾淨淨。餐牌選擇有麵有飯，有小菜，有小籠包。難得我呢個鐘意食羊既人遇到有羊既菜式，所以唔駛考慮叫左碗羊肉手拉麵。等既期間，店內都見到師傅整梗。熱辣辣已經增加唔少食慾。等左一陣，終於都見到喇~~本身我就好鐘意食殿粉質既。呢碗手拉麵唔會太粗太幼。剛剛好，掛住充滿羊味既湯汁。Delicious ~~香港人咁鐘意食日本拉麵，其實本地都有唔少出色既代表。希望大家都支持下本地小店，一樣咁出色架！

迎月夜, 與三五知己去新蒲崗揾食, 竟然有驚喜先來個鷄絲粉皮- 麻醬十分出色, 花生味香且濃, 讚再來小籠包 - 湯汁滿滿的, ,進食時小心爆汁 ( 三個人最後要encore多一籠先夠皮)其他小菜如醉雞, 回鍋肉炒年糕, 豆沙鍋餅等亦不錯, 期待下次再試其他菜式

舊區黎講， 新蒲崗都算係有好多特色嘅食店! 男友一直都好鍾意食小籠包，趁今日天氣冇咁熱嘅時候就行過去新蒲崗 ，試下呢間嘅小籠包同埋拉麵~今次叫做一份 豬扒拉麵 雞扒擔擔拉麵，再加上龍包豬扒拉麵，第一下飲淡湯甜，好甜好味道，配上一件仔粟米，豬扒好幾件，雖然已經浸左湯，但仍然感覺到香口！呢碗拉麵好出色，師傅係即拉，湯底飲左好多都唔會口渴 ，大大讚！雞扒擔擔拉麵，喜歡濃味湯底既朋友可以叫擔擔拉麵，炸物一樣出色小籠包，一籠有5件，即蒸出黎熱辣辣，呢度包既唔係啖啖肉，而係用上肉碎，重點是湯汁好足夠，食個陣小心d,咬左個頭，啜左啖湯先，係我最愛既食法小店要努力呀！

今日要介紹的是位於新蒲崗的手拉面小廚,店面小小的,一點也不起眼。但因為位置距離筆者公司不遠,經常來這裡吃午餐, 抵食又大份。我覺得最抵食的是小籠包,39元有5個比普通上海餐廳大一倍的小籠包, 如果平日自己一個來叫一個面,再加籠小籠包肯定吃不完,所以每次都會和同事分吃。裡面的湯汁很多, 用料不少。另外餐廳有很多面款選擇,因為筆者嗜辣,每次都會叫香辣雞絲拉面,湯底味道不錯,不過重點是面條煙韌有咬口, 看見門口常有師傅拉面,應該是師傅新鮮拉出來的面條。而且份量很大, 每次都會吃剩一點, 價錢不用40元, 非常抵食。環境乾淨,但只有幾個卡位, 人多時間可能要坐圓桌併桌了。

星期日family day當然要齊齊食個brunch滿足一下個胃最近食得太多西餐被要求轉轉口味即上openrice搵一搵有無咩好西食先一向喜歡小店的一家人~係新浦崗搵到手拉麵小廚，見到食評不錯一於就去試試外面望落門口小小，但內裡都好整齊乾淨Menu簡而清，有幾張圖片介紹下野食四川担担湯拉麵@小弟一向鍾情担担麵，食過不少呢間的担担麵雖然望落配菜無乜，外面不算太吸引，色香味第一樣的色雖然缺少，但香和味絕對可以滿足到大家食落辣得來唔搶喉，唔算油，最抵讚是麵條，食完的感覺就是只有這裡才有的麵條招牌小龍包@ 最愛因為真係個皮厚薄整得剛剛好，內充滿了湯汁，但又唔會一夾就爛，流曬d汁出黎...皮薄餡靚最好形容！5隻一籠剛剛好係必點之選手拍青瓜@30蚊一大碟，太抵食

第一次來，原來要齊人才准入。因為只有2人，故周六晚上七點左右等了五分鐘內便有位，但之後見到一直有人在外排隊。點了2人餐（雞絲粉皮、蔥爆羊肉、酸辣湯、蝦米津白）再加小籠包，有齊我最喜愛的上海菜雞絲粉皮，中規中矩蝦米津白的蝦米很香，還有蒜蓉，好味蔥爆羊肉，羊肉算多，京蔥略少，卻又加較多洋蔥，感覺有點不正宗，但整體仍很好味酸辣湯挺辣，中間有辣椒，要小心，很大碗，2人不太喝得完送的拉麵中規中矩，主要是湯底不錯小籠包 多湯，皮適中，中上豆漿原來不是自家製而是400ml的原味壹品豆漿支裝，有點意外和失望整體而言，2人餐的份量都算大加埋小籠包，我們1男1女都飽了，還叫他們不要送碗白飯來

慕名而來一試，點了酸辣湯雲吞，味道尚可、大件，但性價比不高，因為價錢也不便宜呢。令我印象最深刻的反而是店員的態度，我和朋友晚上6點左右前去，人流不多，我們二人一桌，其他顧客也是如此。但店員一路徘徊，一路給說話顧客聽，說人人都這樣坐，做不到多少生意，不斷重複。事實上，人流確實不多，舖頭又狹小，這樣坐是人之常情。顧客一路進食，一路聽她發牢騷，真是不是味兒，不會再去了。香港有很多食肆，生意好了，服務態度便差了，看不起食客了。

這間一到飯市時間就會超多人，有時等位太耐只好放棄....下午茶時間去最好，唔迫人，好快有位。由外表睇，裝修唔吸引，而且店內座位都比較細，人多的時候會坐得比較辛苦。我和老公兩個人點左個2人套餐，因為見散叫兩碗麵加個小食已經差不多價錢。2人套餐有前菜涼拌豆腐皮蛋，就咁睇無咩顏色，以為無味，但原來已經有鹹味，味道不錯，如果皮蛋軟身一點會更對我的口味~有碟蔥爆牛肉，好好味，好岩配飯。不過我們加錢換左兩碗担担麵，因為這間的担担麵非常好食，推薦~~再選了小籠包和蝦米津白。兩樣都好味道~~小籠包充滿似汁~~餐飲是菜蜜，好久沒喝，不錯~

每次經過都好想試依間餐廳, 但每次都見到好多人排隊就放棄咗, 今日見得閒而且約咗食飯嘅朋友都OT, 就排吓隊啦 , 企係門外就可以見到師傅整麵團, 好刺激食慾。等咗40分鐘左右先入到去, 叫咗擔擔麵 $38, 回鍋牛肉炒年糕$52, 招牌小籠包 $39,  酸辣湯雲吞 $48。- 擔擔麵 $38就咁睇個湯就唔算濃, 而且花生味唔太出, 不過湯底有種清甜嘅味, 而且飲落唔會令人感到口渴, 我諗個湯係店家自己煲出黎, 雖然花生味唔夠濃, 但整體黎講個湯底都係好味, 而且麵條好有咬口- 回鍋牛肉炒年糕$52依個一放低已經好香, 而且好有鑊氣! 不太辣, 唔太食得辣嘅朋友都食到。年糕有咬口得黎入味勁好味-酸辣湯雲吞 $48依個無太大驚喜, 不過味道都係有質素的, 而且雲吞料非常多, 皮夠薄。招牌小籠包 $39小籠包真係名不虛傳!! 即叫即整! 所以要等耐少少, 但一放上枱小籠包大大粒又熱辣辣嘅模樣非常令人期待! 皮非常薄, 但又可以做到唔會一夾皮就穿嘅效果! 證明師傅麵粉份量控制得非常好! 而且真係好多肉汁! 好味到朋友都忍唔住叫多一籠食完真係覺得依個食物質素排咁耐隊都值。而且除返開每人只需$

早幾日，我同細佬兩個人黎到新蒲崗，見到一間唔起眼，連招牌都係print出黎的餐廳，但好多人排隊，所以就試一試佢。先講講間舖，其實都普通茶餐廳的裝修無異，唯一特別的就是門口有個櫥窗，俾人望住個師傅係度包小籠包同埋拉麵！好似鼎泰x咁。我個人認為此乃自信的表現！冇番咁上下功力都唔會咁夠膽打開哂俾人睇啦！果日大概等左半個鐘左右就入得去。入面位唔多，而且坐得有啲麻麻地，唔算舒適。不過！可能啲資源去左野食度呢！我地果日叫左小籠包，雞絲粉皮，雲吞担担麵同埋豬頸肉担担麵首先 開胃前菜-雞絲粉皮，麻醬超香花生味！加埋青瓜絲食完全唔會膩！主角小籠包出場了！一睇到我忍唔住影相了！四個字，皮薄饀靚！睇相都見到啲湯俾個薄膜包住咁啦！不過大家食果陣唔好好似我咁心急，差啲淥熟條脷豬頸肉担担麵，啲麵係剛剛門口師傅拉果啲麵，爽口！唔似平時買番黎果啲咁而且，個担担湯唔太辣，但仍保留左本身應有的麻味！我細佬怕辣都食到，絕對適合唔太食得辣的朋友！總括，如果你係食裝修的話，呢間絕對唔適合你，但如果你想啲資源係放在食材上的話，呢間絕對係！

朋友提起過，新蒲崗有間好好食嘅小籠包拉麵店，今日終於可以可以嚟試下〜  天氣凍冰冰，餐廳裹著都好熱鬧，雖然比較迫人，食客都唔介意。 師傅動作瀟地拉麵手做拉麵好考功夫  見師傅都無時間休息這邊的麵食都是約$40 起，包括湯麵、担担麵，冷麵，頭盤、小食、上海點心都是$39起，另外有小菜客飯及2人套餐，選擇都挺貼心的。超滿坐喔，平日夜晚7點等幾分鐘就有位，落完單一陣就送到〜麻辣三絲冷麵 $40冷麵因是手拉的特別彈牙，配料有火煺、青瓜及雞絲，而麻辣的花椒油有點多，會比較飽滯。 菜肉雲呑 $39/8隻雲呑裏載滿切成大粒的小棠菜，新鮮有咬口，配上豬肉十分鮮甜，每粒都十分充滿肉汁的，很讚喔!羊肉搶湯拉麵 $48冬天的羊肉麵特別暖胃，羊肉唔會老，帶有羶味，配菜有津白芫茜，湯底一啲都唔油可以飲清光。人手拉麵條因此會稍為大小不一，很有咬口相當好吃!招牌小籠包 $39/5隻呢到岀名嘅小籠包，大大粒，湯汁超多!!!!包皮做得好，唔會一夾就穿，唯一餡料切得太碎，口感上未能到最好。我地倆個人都好飽肚，平均 $81/位，見到剛從廚房岀嚟嘅炒拉麵都好吸引，好食又地道價錢唔太貴，會想再嚟食多幾次，下次試其他菜式先〜

今日去開新蒲崗就去左食想試好耐的小籠包-7點鐘去到 入邊已經滿晒人要等兩張枱！-小籠包5隻真係名不虛傳 小籠包的皮好薄 入面充滿肉汁多到好似喝湯咁❤️可以稱得上小籠湯包🤤❤️不過略嫌肉味不夠鮮這價錢 已經很滿足🤘🏿-湯湯湯✨-羊肉手拉湯麵羊肉不會羶湯底好濃郁入邊有些椰菜絲手拉麵好幼 淋得黎有口感羊肉愛好者不妨一試🖖🏿🖖🏿🖖🏿-雞絲粉皮涼拌拉麵My all time favourite ❤️ 麻醬汁好濃好香 -蝦米津白蝦米味很濃很出而且價錢相宜推薦-餐牌-可以看到師傅拉麵

今日跟朋友到新蒲崗手拉麵小廚搵食，好彩早左到，7:00pm 後已經好多人開始等位。餐廳位唔多，原本待應哥哥都講左可能要搭枱的，但我地兩個女子叫左唔少野食，結果放滿晒小菜冇位俾人搭枱 =]口水雞 - 雞的分量唔少，而且肉質都好滑，口水汁麻辣得夠過癮，食辣的朋友相信會喜歡。招牌小籠包 - 小籠包超級大隻，可以見到入面濃濃的湯，當吸D湯的時侯，仲有少少肉附係湯汁中，加上咁大隻小籠包來講皮都算薄，相當唔錯。回鍋牛肉客飯 - 回鍋牛肉炒得有D多油，不過多油都係上海菜的特色，分量充足，椰菜豆干加牛肉有不同的口感，菜該爽的爽，肉該滑的滑，味道唔錯。羊肉搶湯拉麵 - 即拉的拉麵果然零舍不同，麵條好有彈性，朋友食到冇停口。而羊肉羶味唔算太濃，分量都足夠，不愧為招牌菜之一。整體而言，食物味道唔錯，特別要試拉麵。只係環境差少少，但咁既價錢有高質素的食物，都係值得推薦的！

一直都有食開手拉麵小廚, 自從雜誌介紹過, 鋪內裝修有執過, 坐得舒服左少少每次黎到都一定叫小籠包, 小籠包曾經試過有一次失水準, 就係D 湯怪怪地今次來到, 出色小籠包又返黎, $39 有5隻, 未食已經見到皮薄湯多, 一夾起, 湯包下墜, 湯汁濃郁不過感覺肉餡差左, 鬆散左好多因為唔係好餓, 只係再叫一碟回窩肉牛肉炒年糕, 味道不錯, 叫得回窩肉, 都預左係偏油, 年糕彈牙, 不過牛肉醃到太鬆, 無曬牛肉的口感同味道