影片
更多
2023-03-09
26 浏览
銅鑼灣我要烤魚今日約咗朋友食飯，大家一心想食烤魚，見到呢間@我要烤魚未食過，而且網上都好多好評，就book定位去食。餐廳唔算好大，但係大部份都係卡位，2-4人去都會坐得好舒服。烤魚揀咗清江魚配蒜香金湯（$288）。加$38 就可以配埋土豆、連藕、豆腐、豆芽。火鍋配料就揀咗手切鮮封門牛柳，招牌咸蛋黃雞肉餃，三寶丸，同蔬菜類。等烤魚期間叫了些串燒，推介鹽燒白鱔和燒麻辣茄子。燒茄子上枱嘅時候都不期然「嘩」了一聲，因為真係好巨型，個樣仲好靚仔，真係估唔到$38有咁嘅質素。燒白鱔就唔算好大串，但燒得好香，一串有三件。另外還吃了其他串燒，樣樣有水準，最緊要係唔會等好耐，又唔會燒過龍，調味適中，如果係重口味寶寶，佢枱面有辣椒粉同埋味椒鹽可以自己再加。食完串燒，烤魚就剛剛上枱，我們叫的是細份烤魚，但細份都好大！建議二至四人食細份就可以。因為仲要留肚食其他火鍋配料同串燒。火鍋料我想推介佢嘅萵筍，首先擺盤好靚，而且好新鮮好爽口。飲品方面，唔飲酒的人可選水果茶，好好飲好多百香果，又唔會太甜。店舖啤酒仲有買一送一，好超值！我自己就飲咗威士忌梳打，我鍾意佢唔多冰，唔會放得耐成杯淡晒。服務方便，有一個男仔店員，看
今日約咗朋友食飯，大家一心想食烤魚，見到呢間@我要烤魚未食過，而且網上都好多好評，就book定位去食。
餐廳唔算好大，但係大部份都係卡位，2-4人去都會坐得好舒服。
烤魚揀咗清江魚配蒜香金湯（$288）。加$38 就可以配埋土豆、連藕、豆腐、豆芽。
火鍋配料就揀咗手切鮮封門牛柳，招牌咸蛋黃雞肉餃，三寶丸，同蔬菜類。
等烤魚期間叫了些串燒，推介鹽燒白鱔和燒麻辣茄子。燒茄子上枱嘅時候都不期然「嘩」了一聲，因為真係好巨型，個樣仲好靚仔，真係估唔到$38有咁嘅質素。燒白鱔就唔算好大串，但燒得好香，一串有三件。另外還吃了其他串燒，樣樣有水準，最緊要係唔會等好耐，又唔會燒過龍，調味適中，如果係重口味寶寶，佢枱面有辣椒粉同埋味椒鹽可以自己再加。
食完串燒，烤魚就剛剛上枱，我們叫的是細份烤魚，但細份都好大！建議二至四人食細份就可以。因為仲要留肚食其他火鍋配料同串燒。
火鍋料我想推介佢嘅萵筍，首先擺盤好靚，而且好新鮮好爽口。
飲品方面，唔飲酒的人可選水果茶，好好飲好多百香果，又唔會太甜。店舖啤酒仲有買一送一，好超值！我自己就飲咗威士忌梳打，我鍾意佢唔多冰，唔會放得耐成杯淡晒。
服務方便，有一個男仔店員，看似不經意，其實好細心，我哋坐低嘅時候自己喺度講個冷氣點解咁凍好大風，轉頭就發覺個冷氣熄細咗。佢又會在適當嘅時候過嚟加湯👍🏻。積極得來好低調😆。
呢間烤魚同串燒都好食，服務又唔錯，飲品又唔貴。全場滿座，記得要訂枱。😋
张贴
