我要烤魚 (已結業)

平時除左食燒肉，火鍋之外，食烤魚都係一個唔錯的選擇，我地今日去左百樂中心8樓的我要烤魚食晚飯。餐廳除了有烤魚，仲有多款串燒可以選擇。烤魚有兩款魚選擇，味道有4款選擇，有辣有唔辣，而且份量可以選擇，有大份和小份，大份足夠3-4份量，小份足夠2-3人份量。鱸魚 蒜香金湯烤魚 （大）鱸魚上鋪滿了芝麻、蔥、芫茜、花生，香氣撲鼻，蒜香味十足。鱸魚非常大條，鱸魚外皮煎得香口，肉質嫩滑，最緊要冇咩細骨，魚肉夠厚身，食落啖啖肉，非常入味。我地亦另加了其他火鍋配料芝士腸、招牌咸蛋黃雞肉餃、鵪鶉蛋、響鈴、墨魚滑玉子燒、烏冬，食埋火鍋配料其實都好飽肚。雖然飽肚都一定要食下以到既串燒汁燒美國牛肉串、招牌雞腿肉、孜然燒雞翼、蜜糖燒粟米。其中汁燒美國牛肉串，牛肉嫩滑，好鐘意佢既汁燒，辣辣地又好惹味。而招牌雞腿肉食落有點麻辣，沾上黑松露醬可以中和辣味，以到既串燒做得好出色小食炸午餐肉、芝士年糕、炸饅頭炸饅頭炸得外脆內軟，沾上煉奶，味道真係冇得輸，另外芝士年糕我地都encore 左兩次。自家製酸梅湯/百香果水果茶/咸檸七