我杯茶 (永興樓)

营业中

休息中

一直好想試，但係之前太遲來結果食白果。😫 今日放假行開灣仔，未食早餐午餐於是諗起呢度！舖頭比較細，大部分空間用作廚房，bar 枱座位只有 8 個。我叫左熱奶茶同沙爹鮮牛蛋治。奶茶夠熱，好滑，少甜剛剛好，飲到尾無茶渣亦無苦澀味👍🏻 沙爹鮮牛蛋治我叫左烘底，好正👍🏻 炒蛋好滑，沙爹牛半生熟，一啲都唔靱，鹹味剛剛好，仲以為會食唔晒😅 食物選擇唔多，不過有招牌菜幾味已經足夠令人想再幫襯，如果座位可以舒服少少就更好喇。朋友嬲我唔等埋佢來試... 下次啦我都想再來 😋

同台式奶茶相比，其實我永遠都係鍾情#港式奶茶 多啲😆網上search吓呢間「我杯茶」嘅資料，原來係由有「冠軍奶茶王」之稱嘅師傅主理，師傅拎過港式奶茶國際冠軍㗎🏆奶茶入口順滑，茶味奶味均衡，飲落完全冇澀味😆係屬於好飲嘅港式奶茶☕️不過一定要趁凍飲先係最好飲❄️個樽係修長型，飲落就發覺容量都唔算少，我都飲咗一陣子先飲得完一支🙈(所以先知道趁最冰凍嘅時候飲係最正😛)飲完仲可以洗番乾淨個樽，拎番屋企插花當花樽🤣

雖然近年開始有點轉投咖啡懷抱，但我仍然係奶茶控。灣仔的「我杯茶」主打港式奶茶，當然要試試。鋪仔細細的，店口擺滿沖奶茶的壺同一罐罐黑白淡奶，店鋪名物冠軍茶王羅德師傅就係門口位置不斷沖奶茶。裡面有一排座位，不過數量唔多，大部分人都係外賣為主。點左餐後，搵左個位坐低，即刻已飄來一陣好香的茶味，更令我滿心期待。呢度除左奶茶咖啡之外，仲有幾款三文治可以伴飲品。熱奶茶（$16）非常夠熱，入口順滑，茶的比例算重，茶味香濃，啱晒我重茶味多過奶味。呢度沖奶茶果陣已經落左適量糖，甜度較輕，不過可以更清楚飲出茶味。如果真係嫌唔夠甜，都可以叫師傅落多少少。唔鍾意飲熱都可以選凍，有普通同樽裝奶茶㨂，視乎你要唔要冰。三文治選左沙嗲牛肉（$23），佢的沙嗲好香濃惹味，鮮牛肉都嫩滑，質素不比奶茶低，不過如果加蛋同烘底應該會仲正。之後有一次再路經此店，發現羅師傅不在，見到有d食評都話師傅唔係成日係度，咁我果次都算好彩。希望換左人質素都冇偏差啦。

Nice milk tea but questionable service. Ordered hot milk tea, came lightly sweaten cup. When asked to change to unsweetened, the boss came to his defense, saying that I didn't specify without sugar in the first place. Then it came the test, I said I definitely didn't want the sweaten cup and would get another unsweetened one. Unfortunately the owner didn't pass the test, he threw away the cup and charged me for a new one! *Sigh*! How much of a loss that could have incurred? That action wa

同事話呢度既茶與別不同，$16杯唔算貴，行過又試下啦！點了外賣熱奶茶，菠蘿油；同樽裝鴛鴦孝敬媽媽。熱奶茶很普通，菠蘿油唔夠「油」，失望而回好彩冇衝動買左coupons

前陣子見有大肆報道"冠軍茶王"進駐灣仔開業... 親自主理…炮製奶茶☕🍵 每日都排長龍賣過千杯…！心想…必定會有一日到訪"我杯茶"... 以茶會友同事知道我係奶茶怪今天午飯後專程外賣回來給我品嚐真係感激那位同事第一口淺嚐的確係口感滑溜不會澀口…也不覺脷嚡！茶色係夠…但再飲多口，又好重奶質感😯應該係滾茶夠熱溶解了奶脂… 所以比較豐富口感又夠滑👍飲完都唔會口嚡😌但對於我來說…茶味唔夠濃，沒有回甘嘅感覺，奶味太重蓋過了茶味，而且有甜？莫非…奶太甜嗎？後來問返同事…原來師傅沖茶時已加咗糖真沒想到熱奶茶會預先加糖？外賣奶茶一般都係附送糖包，由食客按個人喜好加甜… 這是最穩陣的平日習慣了奶茶走糖…奶脂本身已經夠甜味😋像我這些奶茶die hard fans通常都會品嘗奶茶原味！但如果講到佢係全港最好飲嘅奶茶，咁又誇張咗啲…或者下次有機會試下原味走糖…再試真啲味啦！

沙嗲牛肉炒蛋三文治沙爹牛肉好香，沙爹汁量多，唔算過多，因為個味好野味，量唔洗補償個味，野味原因係佢小小嘅甜加上有小小辣，可惜佢肉量唔多個炒蛋無hea，堅炒，唔係求其撈蛋黃扮炒滑蛋，蛋質地好滑，即炒所以要等一陣，蛋香被沙爹味搶咗，麵包係普通方包認真講，雖然係好味嘢嚟嘅，嘢味嘅沙爹同好滑既炒蛋同時入口有微微嘅唔夾🤷🏻‍♂️，唔識形容，分開食完全正嘢嚟嘅，嘢味到想翻啅嘅如果個沙爹用嚟撈通心粉就威喇因為我熱，所以飲凍奶茶好彩好有樽裝凍奶茶，可以試到佢奶茶嘅原味，無比d冰溝淡茶香濃但未到甘，滑口，有種好順好「ger」嘅感覺（唔知你明唔明）樽裝原本已甜，不算太甜啦，我接受到可以再小啲啲甜添，因為可以欣賞多小小個茶本身After taste 無苦澀無「鞋」脷，好三文治用環保紙盒，抵讚店員好多都看似惡人，但全部都好有禮貌，希望做落去個態度可以保持啦

網上睇左介紹文章慕名而來，離地鐵站好近好易就搵到! 黎到幾乎keep住有人叫外賣，不過收錢位叔叔好快手，order完叫我擰埋杯凍奶茶先，坐唔夠2分鐘，沙嗲牛蛋治就登場了先飲一口凍奶茶，好飲! 比起平日茶記的奶茶，順滑得黎完全不澀；有點像日式的樽裝奶茶，但又多了一份茶的香濃至於沙嗲牛蛋治，wow，咁juice嘅蛋讓我想起另一間食店，不過呢間d staff全部都好好禮貌😂沙嗲味不會蓋過蛋味，但牛略嫌細粒，可能下次叫鮮牛蛋治試下先～

This newly opened "tuck shop" in Wan Chai sells authentic Hongkee style milk tea and sandwich. Passing by the area for a workout, I decided to snack it up before hitting the gym.The milk tea was truly amazing. I opted for condensed milk which added extra sweetness and smoothness to the texture and taste. It has a nice tea flavour, not the bitter one but a nice scented one.The corned beef sandwich is equally good. The bread was smeared with butter, and plenty of corned beef was stuffed in between

餐廳主打外賣，店面不大，只可容納十人左右，座位有限。本以為正值午餐時間堂食要排很久，卻幸運地不用等位。餐單選擇不多，只有三文治、菠蘿油、茶啡，而價錢尚算合理，食品和飲品都是十多元左右。食物每份即叫即做，新鮮熱辣。點了蛋牛治、菠蘿油和奶茶。三文治的炒蛋的口感嫩滑，麵包鬆軟，而餡料份量也挺多；奶茶入口香滑，惟個人覺得略甜、多冰；菠蘿油是最令人驚艷的，光看外表已十分吸引，黃金皮脆，食下去果然面層香脆，鬆軟且富彈性，用手輕按也會自動恢復原狀。面層香脆，牛油味濃郁，乃出色之選。總括而言，餐廳水準不俗，菠蘿油更是出色，值得一戰！

可能係本地唯一港式奶茶專門店🤔外賣為主，奶茶由金茶王手沖，質感幼滑，茶味突出有奶香，難得完全無澀味，賣$16一杯，抵飲👍🏼另有幾款港式三文治，試了滑蛋牛治味道尚算正常，加埋做早餐都幾開心🤘🏼茶王個樣呆濟哂～日日沖幾百杯奶茶應該累到死咗😅🙈

My friend told me there’s this authentic local milk tea place so we went to get takeaway during CNY vacation. The price is fairly cheap compare to the local restaurant, I guess because this place is take out only. I’ve ordered the “yin-yang” which is a mix of milk tea and coffee. It’s very smooth and would definitely go back.

▶️雖然這間店舖地方不大 吸引客人觀看😬▶️真的每日有羅師傅親手製作港式絲襪奶茶鴛鴦😍▶️雖然地方淺窄 一到午飯或早上很多人會排隊飲飲品和食品😛▶️店舖內帶有字畫文化氣息 吸引人觀看 參透當中的意思😛▶️店舖牆內顏色 灰暗格調看似好神秘😯▶️ 價錢便宜不貴 吸引不少民眾去食🤤▶️本店最出名沙嗲鮮牛肉蛋治😍食咁多間最好食一間😍仲要係羅師傅親自研製沙嗲汁 味道一流😍加上經典奶茶 好香濃斯里蘭卡上等茶葉,更加香滑😍▶️這杯獨特鴛鴦,亦都大有香濃茶葉味道飲落好香滑架😍Ps:製作過程都是羅師傅手沖壺的🤣▶️一下只買左三杯 屋企人飲完後之後又叫我再買過😂

小店位於路旁, 人流不絕。餐廳嘅座位唔多，只有十多個。餐廳採開放式廚房設計.這邊在冲奶茶，那邊在炒蛋牛治。所有食物即叫即做，好有舊式大排檔嘅氣氛。鮮牛旦治$23旦牛治看來好普通平實，食落有小小驚喜。旦治即點即炒，非常新鮮。麵包口感非常鬆軟，而餡料份量也唔算少。炒蛋的口感非常滑溜，有蛋汁，唔會好油膩。加上少少鮮牛肉嘅點綴，牛肉嫩口，而味道又充滿蛋香，麵包加上滑旦牛肉，平凡的食物，但幾豐富嘅味道，水準唔錯，幾好食。奶茶$16奶茶入口十分香滑，完全沒有茶嘅苦澀味。佢哋用嘅係茶餐廳常用的黑白淡奶。茶同奶嘅比例恰到好處，淡奶嘅比例係稍稍多一點，感覺份外滑溜，不用加糖更加品嚐到奶茶的原味。這杯奶茶味道唔錯，幾好飲，但未至於驚為天人。同金鳳的奶茶差唔多。簡簡單單嘅一個港式早餐，十分飽足又美味，感覺唔錯，可以encore。

My golden milk tea 16$ only but not the sandwich Egg and salty can beef Too little beef 🍋😅🙀although the beef is brief Too thin Taste delicious 😋 I have to be fair and true tea is best The bread 🍞 is good Taste of fried egg too 9-10 seats All Wan Chai streetee Middle class Middle aged men Like me tea after 8 minutes 10 minutes later after it is finished