我杯茶 (永興樓)

营业中

休息中

難得某日係灣仔個頭放工攰到十分需要food therapy 同同事黎左這間「我杯茶」簡單食個tea~凍杯裝奶茶（$25）凍杯裝檸檬茶（$25）鹹牛肉蛋治 （$25）沙嗲鮮牛肉蛋治（$35）當時非常口渴的我一飲杯奶茶表示茶底正！而且都係即沖，奶香濃郁，甜度剛好，口感滑順🤤兩款蛋治配嫩滑炒蛋，蛋控表示炒蛋唔會過熟👌🏼而本身鹹牛肉配炒蛋，經典配搭已經夠惹味！沙嗲鮮牛肉蛋治都唔差～牛肉都嫩，蛋香加持，層次豐富，好食！

朋友介紹，約左係呢度食早餐我叫左個餐，包杯飲品，呢份三文治好好吃，份量都多，可以 share 　，佢哋㗎啡又好好飲，難怪平時很多人排隊，今日因為比較早八點幾，所以直接有位置

今日試咗「我杯茶」嘅奶茶同皮蛋芫荽三文治烘底，感覺係一個充滿港式風情嘅早餐體驗！奶茶
奶茶一上桌，濃濃嘅茶香已經撲鼻而來。茶底用嘅斯里蘭卡紅茶，入口順滑，茶味濃而不澀，奶香同茶味比例剛剛好，甜度適中，唔會搶走茶嘅風頭。杯身保溫做得好，飲到最後一口都仲係暖笠笠，特別適合想慢慢嘆杯茶嘅朋友。皮蛋芫荽三文治烘底
呢款三文治真是一個驚喜！麵包烘得香脆，邊緣微焦，咬落有輕微「卡滋」聲，口感一流。內餡嘅皮蛋切成細粒，入口軟滑，帶有皮蛋獨有嘅濃郁蛋香。芫荽新鮮，清香撲鼻，完美中和皮蛋嘅濃味，仲增添咗一層清新嘅層次。醬料方面似係輕輕嘅蛋黃醬，唔會太膩，襯托得恰到好處。整體組合大膽但和諧，份量啱啱好，食完唔會覺得太飽。
「我杯茶」嘅熱奶茶同皮蛋芫荽三文治烘底係一個經典同創新嘅完美結合。奶茶穩紮穩打，係港式茶餐廳嘅靈魂；三文治則大膽創新，令人回味無窮。環境舒適，服務親切，價錢合理，絕對值得一試！下次會想試吓佢哋其他三文治款式，推薦畀鍾意港式風味嘅朋友！

沙爹牛肉蛋菠蘿油真係每枱都見到有人叫，厚蛋夾埋沙茶醬再夾喺菠蘿包入面，口感非常豐富～👍​🌮香菜皮蛋咸蛋炒蛋三明治就好有新意，可能因為放耐咗凍咗，食落去層次感唔算好明顯😕 香菜味有D太搶蓋住其他材料味道，我個人就唔太 like 啦～​凍奶茶真係要大讚！作為乳糖不耐人士都忍唔住試一試～入口超絲滑茶味好濃郁🤩 沙爹牛肉蛋菠蘿油同凍奶茶超推薦😋

餐廳內部嘅裝修係香港舊街嘅復古感，雖然空間唔算寬敞有啲逼仄，但餐廳嘅服務真係好好👍🏻港奶真係非常正!茶香極之濃郁醇厚，但又完全冇澀口嘅感覺，口感仲非常絲滑，調配得啱好🍵甜度可以根據自己嘅喜好靈活調整太貼心啦！可以 Get 到最佳口感同最佳口味👍🏻👍🏻🍴沙爹鮮牛肉蛋治滑蛋好嫩滑，入口即化🥚沙爹醬同牛肉嘅搭配調味充滿咗濃郁嘅沙爹香味同牛肉嘅鮮美。唯一有啲遺憾嘅就係，我居然一時大意，忘記叫佢哋幫我將麵包烘底😣。我諗如果烘咗底麵包外層會變得更加酥脆😍🍴仲叫咗黯然銷魂仙草面，將湯底換成茄湯底，個麵換咗銀絲米線。個蕃茄湯底真係令我好驚喜呀!!一試就知係用新鮮番茄煮出來嘅，味道偏甜口一啲，酸酸甜甜好開胃🍅。銀絲米線吸收咗蕃茄湯底嘅精華，每一啖都充滿咗濃郁嘅番茄味，真係好好食～

▫️冻奶茶听说是HK top1的奶茶！点了一杯试试，确实很好喝！香浓甜而不腻，回味不会涩口▫️沙嗲牛肉蛋菠萝包 好吃好吃(๑´ڡ`๑)菠萝包酥脆！炒蛋牛肉滑嫩！咸甜永动机✌🏻▫️黯然销魂叉烧饭这款就比较普通了，就是正常的叉烧饭味道（本来想点番茄鲜牛肉通粉，但是店家说到中午都没有通粉的了）十一点多到店，门口大排场龙，果然热门🔥店里面空间很小，过道很窄只能一个人通过，位置有些局促，不过这样翻台率会高一些🤣我们排队也没等很久

求助🆘 堂食點了黯然銷魂淮山面，上來的面口感和樣子都很像出前一丁，問了店員說這就是淮山面 額……求助確認 你們點的也是這樣嗎 和吃了幾十年的淮山面完全不同啊有勞大家幫手看看

落咗order 要一杯茶走拎走，個阿嬋叫我等。等咗廿分鐘左右，都未有，但我見我後面嗰啲遊客都拎咗，中間好似有個熟客，即叫即沖。我問吓幾時有，佢話等陣，咁又再等，等到後我10個都到，講緊我係一杯嘢飲，人哋係嘢食連嘢飲。好明顯係漏咗單，但一句道歉都冇。我真係多謝你呀，除咗呢度，我仲會post喺其他social media 另外，個杯唔知咩構造，喺冇郁嘅情況之下都可以漏，何況我外賣，係會拎住走，其本上廿幾蚊冇咗一半。

咁啱day off, 有一朝早我經過門口,俾奶茶的香氣吸引,所以我坐下來,點了一杯招牌港式奶茶☕️。濃郁香醇的奶香包裹著清新的茶韻,入口即化的質地,仲有少少回甘。這是我小時候最喜歡的味道,上網search 到這家原來係茶王開嘅小店,堅持用最傳統的方式煮奶茶。加埋三文治都只係40蚊,好抵!👍一朝早可以輕輕鬆鬆嘆杯茶真係爽,好好開始一天。這家小店嘅奶茶俾我感受到久違的溫暖與回憶,真係令人覺得好放鬆🙃。在繁華都市中找到這樣一片屬於自己的寧靜空間,實在難能可貴。

由細到大受家人影響，十分鐘意飲奶茶《我杯茶》的淡奶是黑白奶茶身比較滑，中度口感茶味都足夠但我更喜歡金鳳😝可能是我鐘意的是厚身的奶茶，更香濃的茶味另外叫左個飯本身想叫蔥油雞，但因為我都3點先去食買哂叫左咖喱豬扒咖喱好濃郁，味道不單一，有多種香料味豬扒都腍但一人食佢會安排係坐bar 枱張枱好細，只係剛剛放到碗飯。同埋堂食叫左野食野飲之後奶茶店員會叫你自己攞杯奶茶埋單$72，其實飲品食物都好好，有質素，只是覺得應該俾返少少服務

今天到了灣仔春園街，試試「我杯茶」的熱奶茶。店舖不大，堂食位置不多，一來到鋪頭，已經見到一條人龍，很多遊客在等候到店內堂食。如果外賣的話，店員會指引你，直接到店內收銀處點餐，不用排隊。單點了一杯經典熱奶茶☕️（$22），不少遊客也點凍奶茶🥤和菠蘿包。除了奶茶，也有咖啡、茶走、啡走、鴛鴦、檸檬茶🍋☕️，size 有細和大選擇。熱奶茶真的很出色！茶香味濃，茶味突出，但不苦澀，茶有回甘～ 奶茶入口香滑順口，令人不自覺地想飲多一啖，飲完口腔仍留有茶香味，很讚！發揮到香港地道奶茶的味道。店內也有很多出名的食品，今天未有機會嘗試，下次再來要再試其他食品。

今日係OpenRice點咗個牛油果碎蛋三文治，之前都食過，覺得幾好食，所以今日再叫。落完單，行過去攞嘢食，攞完就返公司食。返到去打開，首先我無點麥包，佢免費同我upgrade，無所謂啦，照食。食咗兩啖，點解甜甜地？同之前食嘅味道有啲唔同。。。一望，竟然個三文治入邊有士多啤梨🤣係咪佢哋冇晒蕃茄，見士多啤梨又係紅色，又係酸酸地，所以放咗落去？到底係睇錯，定係特登🤣？最後我都食晒😅又唔係咁難食啫～out of expectation 咁囉～唔通係secret menu 🤣

三文治正，但價錢偏貴，間中豪一次就算味道係正，黑松露炒蛋，黑松露份量係足夠，d蛋唔會煮過火，再夾埋麥包，不過三十幾蚊一份如果再厚d我個心會舒服d奶茶確實好飲我無叫小甜/小奶，想試下正常既味道，試完真係有d甜，奶味同茶膽係夠，比普通茶記係好，值得一飲，但建議都係小甜整體以味道係可以，價錢就偏貴即場叫好似有套餐，我係openrice搵唔到套餐，加上趕時間，所以諗住拿拿聲禁左先我無睇錯有個套餐，即是三文治加野飲係四十幾

今日去咗灣仔春園街我杯茶， 首先要重點推介佢嘅熱絲襪奶茶， 喺你面前即沖 ，甜而不漏， 自家製茶膽好靚， 唔會苦澀， 奶滑香濃， 又係我個人嘅首選， 而且老闆很推廣 港式奶茶文化， 又有開班教學，希望呢個港式奶茶文化唔會失傳， 值得一 讚， 跟住叫咗個番茄牛肉通粉 通粉係傳統果隻 有橫紋，夠彈， 牛肉夠淋 唔會用好多生肉粉去乸， 仲有多舊蕃茄，賣相可以， 連埋熱絲襪 奶茶都係47蚊因為佢得只此一間， 可能舖租貴地方比較細小， 不過其他地方都做得好好，所以 我畀五星星佢, 不過大家要留意佢關門時間 ，可能係六點至七點， 所以想飲熱奶茶嘅就要早啲去， 有時會提早賣曬

星期日同太太去灣仔食lunch ，太太話好耐無食“我杯茶”，去到門口見好多人排隊，心諗星期日排下都要，但條龍根本分唔到外賣定堂食，唔出聲根本無伙計理你，店內又無任何文字指示，就快到我地嘅時候，D伙計突然叫左個客入去坐，我問D伙計咩事，佢地話果度係一位檯，但我明明就見到果度係坐到兩位，呢間咁嘅垃圾睇佢幾時變到“狗記”咁啦