我杯茶 (永興樓)

营业中

休息中

此店位於灣仔，亦甚有名氣!! 因佢標榜由2010年取得國際奶茶大賽冠軍的羅師傅主理!! 若以單買一杯凍奶茶計, 只收20元其實就不算貴!! 不過此店沒有套餐, 每樣都要散叫, 所以從另一角度睇，佢算不便宜!!!我刻意來惠顧, 來到已旁晚6時! 不過奶茶已一早沖好一大鍋, 有客人落order時才入杯和落冰!!! 由於小弟喜歡飲奶茶, 對奶茶都有點認識!!論味道和質量, 佢算唔差, 一飲已知屬中上質素!!但個人覺得未算是最好飲的奶茶!! 另外個人覺得可能與保存太耐而有所影響!!! 因茶儲存越來, 苦澀味越重!!由於已近旁晚, 這奶茶有機會可能已由中午因賣不去而儲存至旁晚, 影響了質素!!!

午飯時段既灣仔是熱鬧的， 附近不少打工仔都來食飯， 食店林立。路經「我杯茶」 見到師傅站在向街的水吧枱前沖奶茶， 有勇氣面向群眾， 旁邊又有好些傳媒報導的介紹， $16一杯， 就不妨一試吧！付款後站在旁邊等候， 滿堂都是紅茶葉香； 店內選用黑白淡奶， 師傅技巧純熟地調配多杯奶茶。打開蓋一看， 茶面有一抹乳脂， 茶色是近乎蝦肉色， 茶香甘醇， 入口奶滑； 筆者口味偏重喜歡茶味重， 而這杯卻是重奶香； 每個人口味不同， 但總的來說， 這杯奶茶亦算是水準之作！

一間餐廳，若希望客似雲來，甚麼才是最重要?是食品素質?整潔程度?服務態度?無可厚非，食店的經營為一個整體，各因素互相影響，形象由此建立。故此，若食客由進入餐廳門口的那一刻始，已感受到在餐廳裡進食的泰然自若，食品來到時香氣四溢，用餐時不慌不忙，餐廳便是成功!今天只是吃一個鮮牛肉蛋菠蘿包，及一杯茶走，何以如此深刻領受? 因為餐廳正讓我有這樣反思。甫進餐廳，已聞夥計談話聲此起彼落，雖然以談話減壓乃人之常情，但聲浪與語氣是否大了些呢?即使如此，只是小事一件，盼可帶來一點思考而已。更重要是菠蘿包與奶茶的素質，蛋炒得很香，配合菠蘿包的微甜與鬆軟口感，很是滋味，只是蓋過了牛肉味。或許炒蛋菠蘿包的味道更為單純與香。茶走的煉奶顯然比外面茶餐廳為少。然而因著報章報導這餐廳獨特的奶茶秘方，其實淡奶的奶脂已經深深撞進茶香裡，顯得更香醇。煉奶即使只下少量，仍然保持奶香茶滑，不會過甜與苦澀，喝下去津津有味。沒有餐廳是完美，完美的只是我們看見員工與老闆努力經營下的好局。只盼默默耕耘的小店，能秉承傳統，敢於改革，頑強在這功力掛帥的城市下為市民服務。

今天路經灣仔，便令我想起這兒的奶茶。上次到訪是他們剛開業的時候，唔知他們現在的水準如何呢？正值下午茶時間，一於試下經典熱奶茶與菠羅油！經典熱奶茶$16眼見著師傅即場炮製奶茶同菠蘿油，認真眼明手快。這杯熱奶茶是用紙杯盛著，但完全不會有燙手感覺，十分貼心。然而在冲調的時候已經下了糖，本來怕會過甜，但一飲之下，甜味適中，茶味香醇，又有厚身的奶滑口感，完全沒有茶的澀味，整體平衡得宜，這可就是我杯茶？菠蘿油$15這個菠蘿油有著從前小時候吃菠蘿包的味道。菠蘿皮脆香、麵包鬆軟，熱哄哄的，夾著凍凍地的牛油，是很原始而簡單的美味！若果牛油可以再厚一點點，口感應該更好，吃得更滋味。簡單的菠蘿油與奶茶，是十分地道香港的風味，但地道港式風味買少見少。在旺角有金華，在灣仔，有金鳳和這家店都不錯，可以一試。

廣東話呢樣野確系博大精深，有d詞語講出黎比人感覺十分搞笑，例如平時形容一段文章「 水蛇春」咁長，個「水蛇春」其實我自己都吾知咩意思，總之就系用黎形容戈段文章好長篇。呢間店舖既店名叫「我杯茶」，「我杯茶」系廣東話黎講除左真系解我杯茶之外亦可解做我既心頭好/ 喜愛既事物/ 人等等。店舖主打外賣生意，堂食是有的，但只有一張長型枱，只能吸引少數堂食客。除左呢個特點之外，店內亦有數個師傅系度即場整三文治。三文治既包就當然吾洗即場整，但我就見到佢地煮牛肉同埋炒蛋既鑊氣都十足。叫左份沙嗲牛肉蛋治試試，外賣盒好得意系紙皮盒而吾系發泡膠盒。沙嗲鮮牛肉蛋治 $28三文治有2件，兩件都好厚呀，有滿滿既鮮牛肉同埋滑蛋我order戈陣仲叫左佢加烘底所以食落都有脆脆地既口感，蛋既份量好多之餘仲好滑，牛肉雖然冇乜沙嗲味⋯⋯但食落都好新鮮！三文治內仲有好多牛油，同牛肉、蛋一齊食令口感更豐富經典奶茶 $16吾記得影低杯奶茶，另外想講小店既熱奶茶都系好好飲，拎番公司飲戈陣仲諗緊吾記得拎砂糖，但飲落發覺系吾需要落糖，奶同茶既比例大概各佔一半，味道香滑濃郁。P.s. 系某個社交網站仲見到「我杯茶」既ac，雖然我自己就吾知羅德

嚟過幾次，打返個食評啦。呢度係由曾勇奪香港及國際金茶王美譽嘅羅德師傅主理，主打賣奶茶及三文治鮮牛肉蛋治 ($28)即炒嘅牛肉蛋夾咗喺烘過嘅治入面真係非常厚身，蛋徘徊在似未熟又熟之間，滑不溜口又香，真係好吸引；鮮牛肉都幾大塊，但又唔會大塊到咬唔開，分佈好平均，差不多啖啖都有牛肉，口感好好！啲牛肉又唔會醃到超鹹，味道較其他地方嘅蛋牛治溫和。咪睇好似得兩份咁，但其實好飽肚，食完會有好滿足嘅感覺open kitchen可以睇住廚房新鮮製作，香噴噴明明唔肚餓都變到好肚餓！service又親切，雖然啲位就逼啲，不過會有食完想再嚟嘅感覺

中上質素的熱奶茶$16元一杯，可以一試，不過又吾係非飲不可。熱奶茶算係香的，茶同奶味都香濃不過奶味略過重，稍稍蓋過了茶味； 飲到最後幾啖，有d 未溶的煉奶停係底，好甜

今日經過灣仔。見到某雜誌曾經報導過既奶茶店我杯茶。咁我咁為食咁就梗係要去試下啦😂 店鋪位置係灣仔春園街。店鋪一般會有羅徳師傅座鎮(2010年奪得港式奶茶國際冠軍及2011年奪得金鴛鴦冠軍)。留意。店鋪只做外賣居多。內裏只有約10個位置。比較難搵位。(btw 入面好似有間vip 房。。) 我去到既時候都已經係4點幾。都有大約7-8個人係度排緊隊買嘢。咁我睇左陣。就梗係叫佢既招牌奶茶。同炒旦沙嗲牛包(我仲加左牛油添。肥死) 咁我大約坐左十分鐘左右。嘢食就準備好啦！咁我首先呷一口奶茶。茶味奶味都好夾兩者比例啱啱好。不過本人覺得層次上差小小。味道上唔夠複習。。。之後就到重點。炒旦沙嗲牛包佢啲旦炒得好滑，沙嗲汁較得剛剛好。不過最邪惡既都係小弟加左牛油係入面。。當你咬落去既時候。啲牛油味充滿晒成個口腔。。真係好正呀😍

一向好鐘意港式茶記 冰室今次就去左有冠軍奶茶名銜既‘一杯茶’環境：舖頭比較細 但都算好好咁 有張長枱同櫈比人係店內進食食物：茶記出名小食今次試左凍奶茶 同 沙嗲牛蛋治1.奶茶真心覺得有誠意有茶香 同好滑 唔會太甜 好飲2.沙嗲牛蛋治蛋幾香 即整好新鮮 又軟熟又熱不過就唔覺得有沙嗲味 覺得同普通鮮牛肉無咩分別 見到旁邊食 咸牛蛋治 烘低 好似好正星期日下午茶時間去 唔洗排隊 叫完好快 有得食 整體都算唔錯推介 奶茶 值得一試 你會飲到茶記以外既香

近日天氣好熱 喺港島區突然間諗起呢一間之前睇過好想去嘅奶茶鋪自己係一個奶茶控 又聽過身邊朋友話幾好飲所以就衝左去灣仔試吓鋪頭好細 但一入去就見到師傅係門口有個沖奶茶嘅檔口充滿期待 同友人 叫咗一杯凍奶茶一杯凍鴛鴦同一個鮮牛蛋治點餐時同cashier 姐姐講要杯裝少冰然後姐姐就同師傅講然後師傅就態度好差係我面前講 要少冰就要樽其實好小事但只不過態度真係好差然後再飲杯奶茶 奶味蓋過茶味 無茶香客觀啲 有啲茶餐廳沖得好飲過佢 有d失望但蛋牛治都幾滑咁細間鋪頭唔夠位坐 佢有間房只可以比人book 但最低消費要＄600 個人覺得唔係好值然後嗰日有個人入咗去坐俾人趕番出嚟要企係cashier姐姐隔離食完即刻走

夏日炎炎，最好就係邊行邊飲杯冰涼嘅飲品！最近奶茶王喺灣仔開左間”我杯茶”. 之前試過佢熱奶茶，香滑而不苦澀，甜度正啱我口味！今次試凍奶茶，依舊香滑，口感十分濃郁正是我杯茶

早就聽聞呢間冠軍茶王出品，我地喺店名飄過幾次，但都未有一個用餐契機，是日去到灣仔下午茶，由於早到左又比較餓，機會就黎喇。週日中午時店內面積唔大，以外賣為主，全店都充斥住茶香，又真係幾吸引。堂食座位不多，用上高枱高櫈，唔算十分舒適，幸好食個包都唔會太耐，而且冇之前咁人頭湧湧，沖茶時間快，都唔會積聚太多人潮。餐廳除左供應奶茶、咖啡、鴛鴦，仲有港式輕食，例如三文治、菠蘿油，一律單點，定價$13-25。杯裝奶茶 $20/凍見大部分人都飲熱嘅，感覺上能夠直接試到香濃嘅奶茶。可惜天氣有點熱，我實在容不下熱飲。奶茶正常size，入口夠順滑，有明顯茶香而不澀，後續奶味更重，稍蓋茶味，甜度可接受今次只係試左凍飲，未知會唔會影響飲後感。沙嗲牛肉蛋治 $23寫住推廣價，原價28蚊，我地揀左堂食。上枱時已將一件三文治切成四小份，方便食用見大家都比較推薦要烘底，但我唔記得左…(嗚)包身較乾，唔夠軟熟，尤其是近邊位。炒蛋都幾滑嫩，牛肉碎上，唔算太少，都有存在感。不過對沙嗲汁略為失望，味道唔夠濃稠，汁較稀身，仲要係整好哂成份三文治先淋汁上。一般茶餐廳正正經經坐低食個早餐就當然唔洗呢個價，名氣佔半，未至於有種令我好想

因為喺灣仔返工，所以見證住佢新開張到而家大排長龍！一直都很多同事話好飲，所以心思思想試吓同平時茶餐廳奶茶有何分別！平日通常三點至四點最多人排隊，大概是因為Office lady想輕鬆下。叫咗熱奶茶一杯，果然杯味很香亦很滑！飲完即刻醒神晒！值得推介推介🙌🏻👍🏻

老細話今日可以返晏啲 咁我就決定去食個悠閒既早餐啦 朋友成日讚呢到既奶茶好出色 今日終於可以一試啦 去到鋪頭唔算大 右邊有一排高枱可以坐係到堂食 我就叫左一杯熱既經典奶茶 $16 同埋一份烘底鹹牛肉三文治 $17 坐左一陣好快就有得食嚕 可能因為已經過左peak hour啦 奶茶口感好厚 有港式風味 入口好滑 有淡淡既奶香 我無落糖 因為我覺得佢已經夠甜 鹹牛肉三文治烘左底之後都好難唔好食 哈哈 不過佢係好好食既 每一啖都食到鹹牛肉 唔會話淨係中間先有 周圍就得麵包 食飽就返工嚕

不枉我特登來試奶茶王既奶茶 茶香 入口順滑 完全唔澀口 真係一杯頂級奶茶溫馨提示：奶茶本身已落糖 要走甜請早掦聲不過佢加左糖都唔會太甜 因為我平時飲其他奶茶係不落糖都覺得佢可以接受蛋牛治都做得不錯 蛋滑牛肉淋 即叫即製飲完呢杯奶茶成日心思思想再飲 佢收6:00只可以放假先可以再飲 😣