成記牛什粉麵

营业中

休息中

叫了瘦腩米$15, 牛丸粗麵$15, 細炸魚皮$10朋友是牛腩痴,一去粉麵檔必食牛腩,故對牛腩頗有研究他說成記的牛腩選料上乘,是靚的部位,即使是瘦腩,亦連著些腍的筋,咬落口爽脆,且成碗舊舊都是靚腩,$15於哪裏找?而我最鍾意食牛丸,成記牛丸好有鮮肉味,是手打牛丸優質之選無想過普通舊式的傳統粉麵舖都有此高質素,蔡瀾無介紹錯;幸好有openrice,否則便走寶

午飯時只草草喝了碗粥水, 到2點零, 得悉8號風球將掛, 就快快往街去買點吃的.成記這老店, 自我搬到附近已在, 算來都13年.跟一般潮式粉麵店沒差, 無甚裝潢或環境, 到訪的都僅求碗粉麵.而這店的出品特別在, 粉麵上會放蔥, 卻不放冬菜而改放炸蒜蓉, 吃來香口得多.講上這麼長的篇幅, 是次要了牛腩撈粗外賣, 裡頭其實沒有蔥蒜.明知肥腩是更滋味, 不過近日有事, 想吃得健康些, 故只要牛腩, 但師傅還是切上幾件肥腩, 既然送到嘴邊, 就卻之不恭.牛腩, 鬆化, 鹵水味香濃, 可沒有湯汁下, 始終略乾, 下次該囑咐師傅加少許湯汁.肥腩, 當然較瘦的豐潤, 偏偏不能多吃, 唯有偶爾嘗嘗.內搭幾條菜心, 這季節不老已可以.粗麵無鹼水味, 煙韌, 但沒有大特色如重蛋味, 不過都叫合格有餘.撈上蠔油, 是惹味非常, 再佐以黑啤, 實在要人無話可說.外賣本是為了安坐家中, 不必懼怕風大雨大, 怎料扭開公仔箱, 竟驚見誠俊哥.

Read about this eatery in magazine, came with expectation, left with disappointment.Place is small, seats were spilled out on the dirty side street. The beef briskets were chewy and bland.

食左幾年，由最初XX便利介紹最正牛腩粉至今，最好食係牛腩，可以隨意或指定食、坑腩、爽腩、少肥等。其次牛雜亦好正，草肚夠厚，金錢肚夠，其餘只賣急凍牛雜欠奉的肺、沙瓜、大腸、粉腸、枝腸都ok，算洗得乾靜。其他丸類，首推牛丸，裡面夾有冬菜，挺彈牙、有肉味，難怪蔡瀾都讚好，不過其他丸就差少少，可能並非自家制作關係。另外炸魚皮一家要試，好脆口，幾乎無脆漿，但有落調味，放落湯重會炸炸聲，切記一吃。地方比較差，半露天兼太近後巷，招呼不過不失，街坊形式，老闆等人都容易溝通。並非一般十蚊雲吞麵貨色。

其實，新蒲崗有很多味道不錯的食店，成記就是其中一間。也不知開業多久，只知道有幾十年歷史﹗無論牛腩、牛什，什至牛丸都做得十分好﹗相比出面既10蚊麵真的贏幾條街﹗不過環境就真一般﹗

我去過呢間粉麵檔食過好多次,呢間舖D湯底幾好,起碼唔係胡椒味重0個隻,D牛丸同魚餃都可以一試,唔同一般麵檔,價錢有大眾化,抵食,不過環境就麻麻,而且服務態度麻麻.

虫宴之前,先在和味館後面街"成記",來一客牛孖筋河.老早聽聞最出名牛筋丸,因為其後將會吃得風倦殘雲,所以一碗牛孖筋麵算數.鹵水味夠入味,牛筋稔熟如Jelly,膠質豐富.其他牛雜牛腩牛丸,下次有機會再試.

你真係走寶嘞,在這店,牛筋丸先至係至正架!認真彈牙,好味,中間有小許葱菜粒,絕對沒有其他立立雜雜,雖然有落味精,也可接受,在所有街坊店都賣十元的時候也絶不減價,十五元貨真價實,但郤生意滔滔．牛雜也十分之好，但有時郤覺得調味偏咸．老闆娘座鎮，服務勤快，亦是可圈可點．

雖然o係D咁夾攝o既位置,但都有蔡瀾o既推介.出名牛丸,但係叫左牛腩河先發覺,可惜!但牛腩一D唔輸蝕,超腍,切成細細舊,易入口,肉紋之間隱約有層牛o既肥油o係度.唯一美中不足o既係好多牛腩都有層白色o既皮o係度,又食唔落口,好核突!$15一碗,好多街坊幫襯,埋膈離間吉舖,去開喱頭不妨一試.