憶食尚臘味煲仔飯

营业中

休息中

話說好似上年都無咩點食過煲仔飯🍲🍚，即使天氣好熱🔥，但今日都好想食煲仔飯。剛好經過佐敦就發現左間裝修靚又坐得舒服嘅煲仔飯餐廳😍1️⃣廣式臘味煲仔飯🐖🍲🍚煲仔飯用瓦煲遞上，未上枱都聞到好香嘅臘肉味😍，開蓋後都好驚喜🤩，因為有好多餸菜仲要擺盤好靚😚，有臘肉，臘腸🐖同臘鴨🦆，每塊臘肉嘅肥膏晶凝通透🤤，臘腸都有兩大條😋，加埋臘鴨，煲飯好香😍。食之前店員仲幫我地撈勻，手勢超得👍🏽，加埋蔥🌱同芫荽🌿，加強左臘味嘅咸鮮味，令到煲飯更加入味！米飯🍚粒粒鮮明有質感同咬感😋，唔會煲到好乾或太濕，火喉🔥控制得好好😚。另外店員都好細心，會幫我地刮飯焦☺️，平時出面要自己刮😅，但呢度店員幫我地刮加撈勻好餸菜，服務超好😍。連埋飯焦一齊食，脆卜卜得黎又有飯嘅煙韌感🥰，好幸福呀！2️⃣XO醬鮑魚伴萵苣絲🥒🫗呢款餐前冷盤都好出色呀，每條萵苣都切得粗幼一樣👍🏽，仲要好新鮮同爽口😋，上面鋪上炒過嘅XO醬😍，入面嘅瑤柱都超惹味，金香可口🤤，加埋萵苣🥒上嘅花椒油🌶，非常開胃😘3️⃣芥菜排骨煲🥬🐖🍲呢款煲份量都足料👍🏽，排骨🐖🦴用上腩排😍，每舊都肥美啖啖肉🤤，芥菜都好多，煮得夠淋又吸哂湯嘅鮮味😚。湯底接近胡椒豬肚湯味，有黑椒胡椒花椒🌶🫑等等開

川味臘味煲仔飯上層還舖了數款臘味，包括：廣式臘肉、鮮肉臘腸及南安板鴨，鹹中帶輕微麻辣味，相當不錯，店員會加上蔥、芫荽同豉油攪拌好，甜豉油可以提升煲仔飯嘅鮮味，香味撲鼻而來，油份都全渗入飯中，飯粒比較長身，粒粒分明好乾爽，我更愛黏在煲底的飯焦，脆卜卜的，吃得相當滋味。鮮淮山排骨煲小菜都好有特色，最重要係夠鑊氣，放上枱熱氣騰騰，鮮淮山粉糯軟綿，口感似薯仔，排骨入味，豉椒提升鮮味，好送飯。上湯浸菜芯呢個菜芯吸盡哂上湯嘅精華，用香蒜爆香，條條都非常入味，即使飲埋上湯，都唔會感到口渴。

大熱天時突然好想食煲仔飯 邊度可以坐得舒舒服服咁食熱辣辣嘅煲仔飯呢？ 於是乎就搵左呢間位於佐敦嘅煲仔飯專門店 貪佢有冷氣之餘坐得夠舒服 裝潢優雅高尚 而且服務又好 簡簡單單又一餐廣式臘味煲仔飯($158)呢度嘅煲仔飯非常足料 臘肉臘腸同臘鴨都好多 而且切成一片片 方便撈埋啲飯一齊食 重點係佢嘅飯粒非常油潤 粒粒分明又夠煙韌 而且帶有豬油香 加埋頭抽醬油簡直色香味俱全 食到最後仲有脆卜卜飯焦㖭👍🏻薑汁炒芥蘭($88)芥蘭爽脆清甜 加埋淡淡薑汁香而不辣仲可以驅寒🥬霸王蔥油雞($108)聽聞係呢度招牌菜 蔥油味濃 如果雞肉再嫩滑啲就更好⭕️ 憶食尚臘味煲仔飯 (佐敦)佐敦文匯街22-24號地下2-4號舖

黎開佐敦，又突然間想食煲仔飯，就走左入黎憶尚食！佢入面既裝修都幾西式，幾精緻，真係估唔到係食中式野🤭川味臘味煲仔飯：川味臘腸第一次食，食落麻香麻香，少少辣，都幾惹味，無咁悶！另外，仲有配臘肉，好香亦幾嫩滑，配埋焦香既煲仔飯，總算無令我失望！薑汁炒芥蘭：芥蘭食落爽脆鮮甜，帶出芥蘭既甘香，而食落唔要覺得有苦澀味！可能係因為薑汁已經僻左味！薑蔥爆雞煲：整個雞煲整得好有鑊氣，雞肉食落嫩滑惹味，連埋薑蔥蒜好香好好味！送個煲仔飯perfert池！📍憶食尚佐敦文匯街22-24號地下2-4號舖

媽咪最鍾意食中菜聽聞呢度煲仔飯幾出名今日就去食下煲仔飯先阿媽教落煲仔飯好食 火喉好重要！先黎嗌左個🌻茶 可以清熱氣😝同埋就算係酒樓好似都唔係好多間有得揀🌻茶~接住 黃金蝦一聽個名就知係鹹蛋黃 我至愛🤫呢樣咁肥肥既餸 但食得出佢抺到d黃好幼細從而包覆住每舊🦐球 感覺上都比出面已經冇咁肥😂🤫終於嚟到主角 煲仔飯望落都好多料 鋪滿晒 賣相好靚煲得d米粒幾乾身 唔會一坺嘢食到尾尾我最鍾意嘅飯焦金黃色勁香脆 完全冇黑 咁真係食完預咗熱氣😆😂 btw清哂🤪🫣😆配個上湯菜心 簡簡單單兩個人食已經夠晒飽

嘆冷氣食煲仔飯 又乾淨又衛生又舒服川椒麻辣雞煲（例）送到過嚟仲係超級熱辣辣吱吱聲😍麻辣度啱啱好～！雞件充份吸晒個醬汁好入味, 配菜三色椒同蒜頭洋蔥吸晒汁餸飯一流❤️廣式臘味煲仔飯（小）服務員會準備好豉油蔥粒等準備撈起😍撈緊嘅時候我已經好想即刻食😂超香🤤有臘腸臘肉板鴨川味臘腸咬落緊致又脆口👍🏻而且肥瘦適中臘肉係有肥肉瘦肉間住～～食落唔肥膩，板鴨好夠鹹香，唔會有油溢味👍🏻除咗用了新鮮有驚喜之外，個煲仔飯個飯都係好食丫😀粒粒分明又煮得乾身🤤飯焦亦唔會過燶火候啱啱好飯焦脆卜卜👍🏻 加埋姜汁炒芥蘭滿足了值得一提係好少有地方可以揀玄米茶飲，茶好香加上環境舒服已經有咗一個唔錯嘅體驗，而且兩個煲仔都有服務員幫你都撈好之後再食，有賓至如歸嘅感覺😊

佐敦廟街出名食煲仔飯就應該好多人食過，但估唔到行多幾條街黎到文匯街有間裝修都幾靚既煲仔飯餐廳，見到都幾多熟客黎食，老闆好好招呼～岩岩坐底就見到隔離枱上緊碟熱辣辣既煲仔飯，聽到淋豉油咋一聲既聲音同聞到好香既臘味味！已經令我好想叫一個黎食🤤所以我地叫左個廣式臘味煲仔飯！加個排骨芥菜煲，同一碟小食-一口炸豆腐😋第一個上碟既係炸豆腐，粒粒都好脆，味道唔太濃岩岩好，入面好滑！之後係芥菜湯煲，呢個湯好好飲！加左胡椒去煲，飲落少少辣辣地，好正🥰佢啲排骨都係新鮮排骨煲，用料幾好！之後到主食-廣式臘味煲仔飯！店員會問你加唔加芫荽或蔥，好細心，因為有啲人係唔食的，例如我🥰 但我朋友又鐘意食，所以店員分開左上～好好人之後仲幫手撈埋飯，真係熱辣辣超吸引！淋埋豉油食好好食，第一啖食完覺得佢個米好煙靭，粒粒分明，好有咬口，又唔係硬果種，所以個飯都好好食！問左老闆係咩米，原來係東北既五常米，長知識了！食到最後店員仲會幫你整起埋啲飯焦，好脆～真係好飽好滿足🤤下次食煲仔飯又唔想咁熱既話黎呢間食都唔錯！

煲仔飯唔一定係冬天先食，今日嚟到佐敦試下煲仔飯，餐廳冷氣夠哂大，地方舒適，幾個朋友圍埋食飯傾計就啱哂。特色臘味煲仔飯煲仔飯即叫即整，要等耐啲先會上菜。食好野當然要比啲耐性，一打開個蓋，果然無令人失望。店員會幫手淋上特製醬油，蔥同芫茜可選擇一拼撈埋或另上。臘肉帶點五香腩，肥美得嚟充滿鹹香。飯粒則好香，口感好圓潤。食到最後，當然唔少得起埋個飯焦出嚟，起到一大塊飯焦，咬落仲好香脆，真係好滿足！甜蜜咕嚕肉咕嚕肉色澤金黃，皮唔會太厚，肉質鮮嫩，食落酸甜開胃。時令蔬菜可選白灼、蒜蓉或者上湯。浸住上湯既菜心，清清地又唔油膩。

有別於出面專食煲仔飯既餐廳，餐廳環境好舒服，裝修顏色風格都比較新潮，成個氣氛感覺都幾好，每個座位都幾有私隱度，會有充滿古色古香既屏風間隔住，非常加分茶🍵有得簡菊花茶，鐵觀音同玄米茶茶介每位：$15叫完野食，職員仲會好貼心問定會唔會食薑蔥蒜果啲，都幾貼心，整體服務態度都好nice，好多小加分位👍廣式臘味煲仔飯 $158以廣式鮮肉臘腸、廣式臘肉同南安板鴨三種上等臘味食材為主材料，大米亦唔簡單，係以黑土種植，米飯粒特別Q糯有咬口，愈咀嚼愈有米既回香同甜，一上左枱職員等我打卡影完相，就會親自幫手處理煲仔飯，加適量嘅頭抽同蔥同芫荽再攪勻，食到差唔多仲會幫手刮哂啲飯焦出黎😋臘味食得出好高質，臘腸一咬入口就會爆發啲肉汁，味道勁香濃又juicy，臘肉係偏肥肉多，肉既油香都非常濃郁，板鴨既鹹香都超級人味，成個都好出色，好好味紅酒煮牛尾煲 $128一上枱就勁香噴噴，食落更加係汁香味濃，牛尾舊舊都好多肉，牛尾煮得好入味，肉質亦好軟腍，輕輕一咬啲肉就會骨肉分離，醬汁味道酸甜酸甜咁，好開胃蒜蓉炒小棠菜 $78每條小棠菜都見到包滿蒜蓉粒，每一條都充滿光澤，味道都唔錯，蒜蓉香味俱全，小棠菜都好爽脆

最近見好多人都推介依間煲仔飯，發現真係唔錯！唔怪之得咁多人推介啦😳〰️廣式臘味煲仔飯 $158一個煲入面有齊哂廣式臘腸、廣式臘肉同埋南安板鴨；全部排放得整齊有序。上枱時店員會加入蔥花同芫荽碎，再倒入頂級瓦缸頭抽焗一焗。一打開真係香味撲鼻～臘腸油脂分布均勻，製作時加入左53度嘅茅臺酒，所以食落帶點酒香味。板鴨咸香入味，但個人最鐘意個臘肉，香味十足，而且肥而不膩！！ 飯粒的確qq糯糯。飯焦並唔黏牙👍🏻。〰️紅酒炆牛尾牛尾燜到肉質軟嫩，入口帶點化。食落仲有唔少膠質。蕃茄味道香濃，個汁好出色。蕃茄酸甜夠哂刺激食慾。再加左少少辣椒，更為惹味。我仲攞埋嚟撈飯😳〰️薑汁炒芥蘭 $88芥蘭爽脆鮮甜，無苦澀味，火候啱啱好。〰️檸檬薏米水生熟薏米去水腫，檸檬仲可以美白。依啲咁嘅天氣飲返杯舒服哂～😙💛裝潢優雅💛枱與枱之間設有屏風，夠哂私隱。〰️〰️📍 憶食尚臘味煲仔飯 (佐敦)佐敦文匯街22-24號地下2-4號舖

餐廳位於柯士甸站A出口去，文匯街出口一出就會見到。由於一早係係openrice訂座，唔需要等位就可以立即就座。侍應都係好似其他餐廳咁，會問你飲咩菜，基本上本大Menu無咩岩食，但細Meun反而有唔錯既選擇。萵苣絲，小炒皇，黃金蝦，臘味煲仔飯，食物味道唔會好驚喜同會食得喜出望外，反而你食到心機同師父既功架，相信師傳就係想食客有舒服既感覺。服務好明顯平時serve開大客，唔係咩野師奶落來炒下散既質素，反應奇快。去開餐廳搵得有好重口音既師奶做侍應都唔洗對呢間野有期待，而呢間野既侍應俾到兩個字大家，專業。價錢？合乎返食物質素同用餐體驗。基本啦？你俾幾多錢咪俾返幾多野你，呢間野做得到！

😌想食煲仔飯唔使等秋天嘅，皆因呢間煲仔飯有別傳統街坊Feel，有歐陸裝修風情，服務招呼周度，係間有人情味嘅餐廳。可以慢慢嘆下茶，好舒服優雅咁食煲仔飯！👍🏻川味臘味煲仔飯（$158）二人份量叫個細嘅就夠食啦！價錢不算親民，但勝在用料、製作講究，用嘅臘味都係自選工廠出品，川味臘腸味道濃郁，香辣惹味，配上咸香嘅臘鴨同臘肉，非常有睇頭。👅食前淋上一圈甜醬油，均勻撈起，飯粒煙靭有咬口，食到底仲有飯蕉，卜卜脆好香口！🍍甜蜜咕嚕肉（$88）色澤金黃誘人，口感酸甜鮮香，調味非常到位，咕嚕肉外皮薄脆，入口也不肥膩，配上新鮮菠蘿清新開胃！特別推薦！🥬薑汁炒芥蘭（$78）炒得鑊氣十足，味道鹹淡適中，新鮮爽脆！

好耐無食煲仔飯!! 係佐敦搵到一間裝潢好典雅，藍色為主題既餐廳，估唔到呢度係主打煲仔飯!! 而且裡面既枱布同茶具餐具都好優雅咁! 我地就叫左:..🍲川味煲仔臘味飯 (細)細size都幾大碗! 一端上來就已經聞到好香既臘腸味道! 店員會幫你開蓋後沿住煲邊落煲仔飯豉油然後撈勻，令裡面更入味! 呢款煲仔飯既配料包括有廣式鮮肉腸、臘肉同南安板鴨呢3種上等臘味食材，肉味濃郁，而且排得好整齊；而煲仔飯方面則用上黑土種植既優質五常大米焗煮，仲有兩大條菜在旁邊。成煲煲仔飯熱辣辣，真係好惹味，微辣，好香! 兩個人食都得! 食到尾，食埋D飯焦，超正!!..🍗 薑蔥爆雞煲呢度既雞煲當然唔係打邊爐果D咁大，而係小菜形式咁上，裡面既雞肉細細件，煮得好嫩滑，加埋醬汁同薑蔥，好香濃!! 其實呢個撈飯都幾好食!!..🥬 薑汁炒芥蘭食飯食肉當然唔少得要食菜! 呢度既菜炒得夠鑊氣，所以好好食! 就咁睇色澤都知道好食!..入口位置仲有鮮味臘腸、臘味煲仔飯、鮮醃海鯧魚、空心麵、XO醬等可以買返去或送禮，真係好特別! 想去有冷氣同靚靚環境食煲仔飯，寧靜又舒舒服服咁嘆下，可以揀下呢度!

二人晚餐。點了三菜。一夜鮮，味道有點淡，但肉質嫩滑，份量偏小。薑葱雞有驚喜，味道濃厚，送飯之選。排骨黃豆芥菜煲，咸香，菜嫩口。整理不俗，食物夠熱加分。環境清靜舒適。

最近朋友想食煲仔飯，所以就帶咗佢嚟 “憶食尚” 撐枱腳，呢家食煲仔飯嘅地方大多都係大排檔或者茶餐廳居多。朋友嚟度門口時都忍唔住問我呢度係咪食煲仔飯架 🤣 餐廳裝修行高檔路線，環境乾淨企理，感覺清幽寧靜，驟眼有啲似酒店嘅餐室，位與位之間更有大屏風作遮擋，無論私隱度同衛生都非常滿意。煲仔飯分別有兩款選擇，朋友想食得惹味啲，最後就叫咗川味臘味，再加個兩小菜。椒鹽一口骨 ($88) : 上枱時朋友未食就已經話超香，話我無介紹錯 😝 避風塘味道十足，而且香氣撲鼻，排骨每粒都大小適中。蒜蓉炒菜心 ($88) : 翠綠嘅菜心非常爽脆香甜，而且蒜香味十足。😋川味臘味煲仔飯 ($158/小) : 臘腸、臘肉、臘鴨三種臘味食材整齊排列咁呈現喺眼前，之後再放入蔥花及淋上煲仔飯豉油再焗幾分鐘，即成為香噴噴嘅美饌，之後侍應重會將煲仔飯撈勻，非常有服務。臘味嘅油脂滲入飯粒之中，所以食起嚟不會太乾身之剩富油香，而且最重要係有焦香脆卜卜嘅飯焦 😋 三款臘味味道都非常濃郁。如果鐘意餐廳自家出品嘅臘味同煲仔飯，仲可以買返屋企慢慢嘆或者送禮都相當大方得體。