愛文生

营业中

休息中

唔知點解一講起想食佬野或者大排檔既話，就一定會諗起深水埗-愛文生。是日，同朋友係旺角行完街又要煩諗食咩🤦🏻‍♀️🤦🏻‍♀️🤦🏻‍♀️。搞左輪都係決定去深水埗食愛文生，yeah!!可以起行啦💃🏻💃🏻💃🏻兩個女仔唔算餓，無理由一場黎到叫一個餸甘少既。最後，揀左牛肉粉絲煲，豉椒炒蟶子，再加一碗飯share。蟶子好大隻同夠晒火喉呀，好送飯👍🏻👍🏻👍🏻，忍唔住用汁撈飯食。送到黎先發覺，咦我以為係肥牛添。不過牛肉都好食，粉絲又索晒d汁，又係送飯之選，仲要係超大煲，好抵食。不過，我地戰鬥力太低，個煲食左一半已經勁飽🤦🏻‍♀️🤦🏻‍♀️🤦🏻‍♀️

之前食過一次呢間大排檔，當時仲要坐正係大廚後面，望著火光紅紅的爐頭，睇住師傅拎住重重的鑊炒餸，四周都是嘈吵的炒野聲，感受著熱熱的火溫度，什有味道。今回正當盛夏，所以如果可以的話，當然最好可以坐入去冷氣舖內啦。為了免於排隊，我們六點多已到店內，先到櫃枱取枱。前後俾左兩張枱號我們，怎知兩張枱都俾人隨意擅自坐下，最後安排我們四人坐於內堂。時間雖然只是六時多，然而只有少數枱並沒人用餐，大致上已滿座。還記得上次我們兩人只是要了三個餸，分別是椒鹽鮮魷、什菜煲及黑椒薯仔牛柳粒。今次我們四人要了五個餸，分別是蒜蓉蒸鮮魷，微辣什菌鷄煲，椒鹽炸豆腐，黑椒咸豬手及金菇蟹柳西蘭花和四碗白飯。其實我覺得個鷄煲同鐵板豬手都幾好食。前者有少少微辣，鷄也不鞋，惹味，只是油略多；後者很林身，如黑椒味可再強些更好。至於椒鹽炸豆腐份量很多，但略嫌過火了，皮也不嫩滑，要食椒鹽炸豆腐我會推薦越華會，因為越華會炸的真嫩滑。建議想到此食肆吃飯的食客可以就早一點用饍，晚了就要等位啦。

你間餐廳係我中學嘅時候已經好出名架啦😌😌自從畢咗業之後都好少來呢邊食飯今日終於再有機會來啦😚😚😚第一樣要嗌嘅餸就梗係鐵板黑椒豬手啦👍🏻👍🏻👍🏻隻豬手好大隻同埋好香👍🏻👍🏻👍🏻切開之後入面既肉好鮮嫩 好juicy😋😋😋😋😋加上黑椒汁就非常Perfect👍🏻因為個人唔係好鍾意食德國嘅鹹豬手因為好乾🤔🤔呢個基本上係每台別嗌嘅餸 8.5/10之後嗌咗個豬潤啫啫雞煲 其實呢種食法我都係第一次 因為成日都驚啲豬潤整到煲雞好臭😐😐 但係呢度就冇咁嘅問題啦 而且豬潤係黃沙豬膶😚😚 正！ 8/10最後當然就唔少得豉椒炒蜆😎呢個就相對普通 一般大排檔嘅味道

去嘅時候只係7點幾，都未係好多人，所以都唔駛等就直接入去lu。可能都唔full啦，本來有張枱啱啱執好諗住坐低，侍應大哥話嗰張枱唔好喎、d人又食煙又咩又性你地成日都要企起身㗎、去呢張坐啦（啱啱走咗枱客）又寬落d。咦 又幾好人喎😳 諗住有位就坐廢事煩咋 但既然侍應大哥叫到，冇得托手㬹😝。聽聞呢度d份量好勁 我地得3個人去食 所以都只係叫咗3個餸：炒蟶子，黑椒薯仔炒牛柳粒同西蘭花炒鮮魷。大排檔口味偏濃就緊架喇，叫啤酒都走唔甩。但估唔到佢辣辣地又幾惹味，濃得黎都仲食到牛、蟶子d味，炒鮮魷算比較清，都唔錯。讚一讚，上菜速度奇快。不過我本身偏向食清清地，呢餐真係太濃喇...之後要不斷隊水先得🙈 又一餐。

又到咗Happy Friday，收工即走係常識吧，約左幾個朋友去深水埗打波，之後就一齊食飯，有朋友住深水埗既，就介紹呢間食小炒話都好出色，球場行過來都係6,7分鐘好近，明明打波就4個人食飯就變左8個人🤔，唔緊要啦都係嗰句人多可以點多兩個餸。《鹽水雞腳》《黃金蝦》一致好評，好濃蛋黃味，只有七隻，遲來果個冇得食😜《鹵水雞》雞肉鮮嫩軟滑，再加啲沙薑汁就更惹味《椒鹽九肚魚拼魷魚》粉漿唔厚望落又唔會太油膩，魷魚好彈牙一啲都唔韌，椒鹽味又香《粟米斑塊》《蝦醬炒通菜》菜本身老，食淨未碟，大家仲講笑話唔怪得sell我哋通菜啦😂《生炒骨》可能我哋差不多10點先到，有好幾款想點既餸都冇（黑椒鹹豬手、蜆、聖子）因見到好多枱都食緊，份量亦相當大碟好足料。

突然好想食麻甩野，所以即刻出發去試愛文生。我今次係第一次食呢間，因為突發所以無訂位，直接去等位等左30-45分鐘就有位。其實果到等位都幾辛苦，又大油煙又近馬路，又熱又盛。全部由朋友拍板落單，第一樣係椒鹽鮮魷。嗯...好麻麻，個炸粉勁硬，完全唔係脆口，鮮魷味道都一般。黑椒鹹豬手：一上黎，聽到鐵板滋滋聲，睇個樣都覺得好味。豬手煮到好軟淋，個皮勁有膠質。黑椒薯仔牛柳粒：最鐘意呢個，牛柳唔會好鞋咬唔爛，薯條又甜甜地勁軟身。炒通菜：好夠鑊氣，同好大碟。總結，除左椒鹽鮮魷之外，樣樣都好滿意

今日天氣熱辣辣，但係我地一行六人都係決意挑戰高難度，食大排檔！ 朋友去先，佢地等左差唔多半個鐘就有枱！ 咁岩坐正門口，冷氣唔夠，好熱！不過食得大排檔都預左！一點完菜，啲菜好快就上哂！ 椒鹽鮮魷皮同魷魚唔痴埋，食落怪怪地 唔係好夠火喉 但係呢食食下都ok 既呢個好好味！ 牛柳粒好有質感 甜甜地 薯仔炸到外脆內軟！必點！好好味！ 黑椒豬手 好入味 最驚食到膻味！ 好彩呢個無 已經好滿足京都豬排...豬排咬唔開...仲有..我最愛的 鬼佬涼茶！夏天燒暑一流呀！ 總體黎講 無咩特別驚喜 無一種大排檔夠穫氣既感覺！

黑椒薯仔牛柳粒 $98Stir-fried Beef Fillet and Potatoes in Black Pepper Sauce.大排檔必叫既菜之一 薯仔超香口 個皮好熱好脆 內裡仲好厚實 不過小瘦肉鍾意細細舊 易入口既 呢個大個左少少 牛柳粒甜甜地 肉質好淋 好軟熟 配埋黑椒汁 世界級正👍🏻.椒鹽炸鮮魷 $90Deep-fried Squid with Pepper Salt.炸到金黃色 忍唔住食多幾舊 無失望到 個皮唔算太多粉 但太少粉又炸唔到個皮好脆 呢個岩岩好 加埋椒鹽 好正好熱氣😂 飲幾多涼茶都唔掂.大家要頂得天氣熱先好去 因為坐既地方唔夠冷氣 而且等位都等左大半左鐘 唔齊人唔比人入 有位姐姐態度都麻麻地(咁食得大排檔式既野預左) 同埋個廚房係馬路邊 等既時候吸曬d油煙😅

之前新年黎過想食..點知摸門釘..所以今日搵野食既時候就諗起呢間..7點就過黎等位..見到個廚房係門口..好open..師傅炒野好有鑊氣..好大火🙊因為未齊人..等左甘唔多45分鐘先入得...坐低左..環境唔算好舒服..坐到出晒汗..但係食風味囉..因為有好多外國人黎食..椒鹽鮮魷..好似大排檔必叫..呢間個皮炸得好厚好脆..好似有層kfc雞皮係出面甘...不過鮮魷偏細隻..味道都ok既..京都骨..甜甜酸酸..好開胃..但略嫌太大塊..好厚身既豬扒..所以有d 韌..沙薑雞...好肥好大隻..雞肉好嫩.都幾滑..但太大隻..所以斬到好大件..一班人都食唔晒😂豬手好大隻..好似食過甘多間最大..但入面既肉唔算好入味..所以要點汁先好食..但啖啖肉食一兩舊都夠啦..椒絲腐乳通菜..又唔算好好味道..鑊氣略嫌唔夠..有少少失望..最後都係最出色..本人食得最多..就係黑椒薯仔牛柳粒...個薯仔皮好脆..入面夠淋..甜甜地..食落超好味..牛柳粒睇落好似好大粒好韌..但食落一d都唔會..仲好淋..好易咬到..好有驚喜..黎呢度食點少得啤一啤..爽晒..食甘多野..每人都係$130..都好抵食

身為港島人，真的很少到九龍，即使係我心中深水埗是小型的美食天堂。港式小食偏佈整個區域，若然有外國朋友來港，深水埗搵食是必到之處。這次就帶左兩位朋友齊齊感受大排檔的文化。街邊小廚熊熊烈火，一個又一個洗碗桶堆滿碗碟，相信清潔姐姐應接不暇，愛文生有幾間店鋪，但仍然有好多人安守本份站路邊取票排隊，希望下個號碼是自己吧～（求神拜佛唔好比巷仔角落我）排了廿分鐘就有位，人數少的話，感恩被安排坐進店內大檯，不過大家要預同其他人搭檯！亞叔極速清檯，好快就安置左我地。餐牌同其他大牌檔炒菜款式差不多，我們也是參照openrice叫餸，隔離食客更好心地提醒不要點菇類，說有陣怪味（見他們只係食少少）價錢：我們埋單每位$150，有海鮮及多碟肉，又有飲品同白飯，幾抵食的！女生食量不多，千萬不要學我地食唔哂浪費食物。鐵板黑椒豬手：最喜歡看到鐵板辣到肉汁滾燙地送上來，黑椒汁惹味，撈飯一流！肉身軟，夠入味，拆肉冇難度！椒鹽豆腐：配啤酒一流！炸得香脆黃金蝦：價錢最貴，不過係大大隻蝦，一向用蛋黃炸出來的食物都香口的，連殼食更脆，只是略厭它不夠熱騰騰黑椒薯仔炒牛柳：味道跟豬手一樣，相信用同一款汁，它其實好好食架，但無謂叫兩個同

小炒熱聚，頓成往事，時日實在過得太快，太匆忙 誰說大學是人生中最閒的時間？ 工作份數少，當中質量要求卻不像中小幼稚園般直接，對此著緊的不會不費心思 當然，若是以吃喝玩樂堆砌人生，忽略其他方面發展平衡的話，可另作別論 提到小炒、大牌檔、深水埗，不論是網搜還是友薦，十之八九會提到愛文生 街知巷聞的道地風味的確受歡迎，多次路經都見不少人排隊，平日亦然 價位老實說不是非常低廉，中等水平，而質素聽聞已不及當年 然而未曾一試又怎會罷休？這次相約於六點七點，順利入座，食住睇人排隊 蔬菜就等於清淡健康？既然來到大牌檔，我們就不會讓此事發生 鴨蛋帶來鹹香及金黃微沙的食感，還有我愛的皮蛋，外表不討好，但味道獨一無二 金銀蛋浸時菜 $78的那層綠根本是點綴，重點是金銀蛋，且鹹度適中，不會太重口味 黃金炸鮮魷 $98的黃金有兩種意義－－酥炸後的黃金外層及鴨蛋黃裹面的黃金 魷魚肉帶彈性，軟嫩不韌，雖然表面真的很油，但依然酥鬆未有浸爛 蛋黃香潤不過，不會太水濕，輕裹面層，沾味較輕 酸甜口味無疑是我的愛，少不免三心兩意，最後選定京都豬扒 $80 豬扒連帶脂肪不多，瘦肉無腥臊，比較乾身，幸得酸甜醬汁解膩潤口

成班中同好耐都無出黎敍下舊了，趁住今晚大家都得閒就相約黎呢度食下飯聯誼一番。諗返真係好耐無食大排檔了尤其係返工放工都無咩興趣想食。見佢門口有幾個大火爐，就知呢度嘅鑊氣有幾足。一坐低大家就七嘴八舌咁講下近況同返工趣聞差啲唔記得點餐。餐單一張過，但要食咩想食咩都可以同伙計講或者聽佢建議。但我地無頭緒所以完全交俾幫襯過嘅朋友發板。燒乳鴿。真係皮脆肉嫩而且無咩羶味，但略嫌唔夠入味多返啲椒鹽會更惹味。全餐最好食嘅薯仔牛柳粒。薯仔好鬆化同香口完全係呢度菜嘅精粹，牛仔粒炒到有少少焦香，非常適合做一道下酒菜。西蘭花炒鮮魷。唔算特別但鮮魷厚實幾有咬口，不過不失咁啦。鼓汁蒸鱔。呢度我地係叫錯左嘅因為本身想食係砵酒焗鱔煲，但原來朋友口快快講錯左上枱先發覺。鱔魚本身夠肥美而且蒸得啱啱好，所以入口彈牙同嫩滑，幾唔錯同埋個鼓椒汁好送飯。黃金蝦。呢道就覺得差左啲食落唔係咁香口，同埋油膩咗少少。雖然蝦肉都大隻但唔夠乾身成為左佢嘅瑕疵。大排檔黎講呢度算唔錯，食物都有返咁上下，但最緊要係個氣氛好適合一大班人黎啤酒一番。

大排檔 又係代表作 呢間好多朋友介紹過今日同埋一班朋友黎 人多有樣好 多咁野食介紹下大家食美食薯仔牛柳粒 薯仔脆卜卜蜆肉炒一炒大大粒獅子球 炸bb乳鴿田雞炒菜 唔係個個接受到 其實好好食😆😆出哂名既黑椒豬手🤘🏻🤘🏻🤘🏻

與友人麻甩聚會，我就提議左去深水埗嘅「愛文生」大排檔！呢間鋪頭我食過好多次，絕對係大排檔嘅精選👍🏼依家食店係冇book位嘅服務，佢有分坐街邊同埋坐餐廳裏面，如果你唔習慣坐街邊，咁就要早啲嚟霸位！皆因佢七點打後一定爆場！食飯當日係32度😅所以我六點半就到左霸位，坐冷氣位😂但係如果你想試吓啲風味嘅感覺，可以選擇坐係爐頭嘅隔離，一定完全感受到嗰個「熱力」😂呢間食店嘅其中一個賣點就係爐頭喺街，你可以睇到廚師嘅功力同鑊氣！就好似一場表演咁👏🏼👏🏼黎到大排檔梗係啤啤佢啦!我哋一行五人，叫咗五樣餸！首先睇招牌鐵板黑椒豬手🐽睇佢個樣就知佢大件啊，上枱是用鐵板上！仲「謝謝」聲架😂豬手10分juicy同熱辣辣！配上惹味嘅黑椒汁，淋上去邪惡嘅豬皮，omg跟住到第二度邪惡美食，黃金鮮魷！邪惡嘅鹹蛋黃包住新鮮嘅魷魚，非常香口同埋有少少張口嘅感覺！大家一定要趁熱食！第三度就係坊間少有嘅魚腸焗蛋！佢一上枱我仲以為係Creme Brulee😂皆因佢表面都好似焦糖燉蛋咁，表面做得非常之香脆👍🏼魚腸清理得十分之乾淨，無腥味！整體都10分不錯！黎都大排檔點可以唔食豉椒炒蜆🤔蜆吐沙十分乾淨，10分鮮甜！師傅落鑊快炒配上香辣豉

因有朋友介紹呢間係唔錯所以第一次試食,星期六去有 12 個人,無得訂位要夠半數人先俾位你. 食物質數唔差,碟碟都算大份,但價錢唔算平總體來講都 ok. 只係職員態度唔好,有個唔知係唔係老細,係得別串,問佢可幫手影張相答你話唔得見佢對其他客人態度都差,係有個阿叔差唔多光頭果個,唔休做嘛,你唔食實有其他人幫襯. 所以如果要慶祝福節日食飯就唔岩喇地方環境就一般,如果唔介意環境就岩.