愛文生

营业中

休息中

「愛文生」雖然係一個冇華麗裝修，又坐得唔舒服，甚至有可能你要坐係街邊，冇瓦遮頭，或者要坐入後行，熱天嘅時候冇冷氣，冬天嘅時候可能要吹住寒風食飯，不過呢度都長期爆滿！而我亦都係常客之一，點解咁鍾意？因為大件夾抵食之外，仲好有風味！好好味道添啊！佢個廚房係喺街邊嘅，會見到佢哋超有鑊氣！又拋鑊，又炒到啲火上晒穫面，好似睇緊表演咁！好正🤩而且，佢唔會因為自己出名，而加價或者偷工減料，好似炒聖子或者炒蜆咁，一般出邊嗰啲百幾蚊，細細碟，有時時價到好貴！不過呢度一直保持都係大大碟，冇加價。欣賞👍🏽欣賞👍🏽

三五知己最好就係大排擋，點嘈都唔會有人理😆朋友介紹呢間愛文生，一試無妨。晚上大約19:30去到，人多，有啲已經坐咗喺街，我們一行5人，舖內仍有坐位，店員安排我們一張10人枱😳餐牌上好多經典菜色都好想叫，先叫6個吧。小炒王：韭菜爽、果仁脆、魷魚煙韌、菜甫甜、蝦乾靚，啖啖口感不同，完全停唔到口。豉椒炒蟶子：其實來呢度唔應該揀海鮮食，明知唔會好食嘛，但我太愛蟶子😛果然，一食就知唔新鮮，應該好多本身已經死咗，而且好多殻，蟶子肉就好少😞生炒骨：大排檔必叫嘅生炒骨，每件肉都肥瘦相間，好味😋炒豆苗：新鮮好味椒鹽雞軟骨：雞軟骨同果仁係好味嘅，中間仲有啲炸咗嘅蒜蓉呀蔥呀咁，但雞軟骨嘅比例就少咗啲喇，以$98嘅價錢來講就唔係好抵囉香芋油鴨煲：其實我們叫嘅係臘味煲，但佢來咗油鴨，食咗少少先發覺來錯咗，同店員講，佢望望下，無出聲就收走咗，我們以為佢應該係換咗啲油鴨，放返啲臘味落去架姐，點知佢收咗之後，過咗一段時間先再送返煲野來，原來佢從新做過，有誠意，竽頭好香好滑，但臘味就麻麻地，同雞軟骨同一個問題，竽頭多過臘味好多，唔值$98囉食到咁上下，我哋5個肥妹仔覺得唔夠皮(๑´ㅂ`๑)於是叫多2個餸，5個人叫咗8個

今次已經係第二次黎食,上次印象唔深,所以想今次試真佢!Menu上有很多選擇,普遍黎講普通大排檔菜式既價錢around $90~100, 唔算太貴但亦唔平......今次一定五人總共叫了六個菜,三個飯,一支青島,埋單六百幾蚊.黑椒豬手呢個黑椒豬手應該係愛民生既名菜,差唔多枱枱都有叫!!!食落去有香濃既黑椒味,豬皮入口即化,鬆軟唔油膩,豬手肉質嫩滑,充滿咸香,實屬心機之作,肥妹我唔好豬手呢d咁肥膩既野都忍唔住食多幾舊,不錯!!!椒鹽九肚魚失望之作!!!!!肥妹我好鐘意食脆口野,如果去親大排檔一定會叫呢尾餸,但係愛民生做得麻麻,第一椒鹽味唔夠香,死咸,第二九肚魚唔夠肥美,無肉地,似食緊椒鹽魚乾,無咗椒鹽九肚魚獨有鮮嫩肉滑既感覺,傷透了肥妹我既心........黃金鮮魷唉.......又係失望之作!!!!!黃金黃金.....即係要炒到有咸蛋香味!!!可惜,虛有其貌,魷魚係幾爽口,但咸蛋香味不足,仲要唔夠咸!!!!!鳴嘩,好地地既一碟黃金鮮魷,浪費晒....豉油王鵝腸豉油味夠濃,又夠鑊氣,下面鋪滿了芽菜和菲王,不錯!!但下次希望唔好將鵝腸用粉拿到咁勁,因為會失去了鵝腸既脆勁~生炒骨味道正常,無咩

車隊群聚，地點位置要方便，又要食物唔差，又要平，又可以泊二十幾部電單車，問我哩位車隊秘書嘅意見，我提意，愛文生囉！有車友話愛文新最出名係黑椒豬手，薯仔牛柳粒同椒鹽鮮魷，於是乎每款叫一客，再點蒜蓉炒豆苗，西蘭花炒牛肉，椒鹽銀魚，咕嚕肉，唔叫靚仔叫咗碟炒麵。豬手最好味係皮同肥肉，一d都唔漏口，肉質都算鬆軟入味，轉眼已經清哂！薯仔吸收咗唔少牛柳味道，感覺比牛柳粒更好味，入口即容，正，豆苗感覺蒜味不足，多d蒜蓉應該更香口，椒鹽鮮魷口感唔靭，相信同材料新鮮有關，椒鹽銀魚係第一次食，外脆內軟，唔錯，咕嚕肉味道適中，炒麵油份略嫌多咗，少d油更理想。飯局過后，當然係遊車河啦！

一聽個舖頭名就知幾有「愛」。老婆最鍾意食大排檔，聽人講深水埗有間大排檔唔錯，所以就帶左佢去呢間到試下。我哋兩個人叫左三樣餸，魚肉生菜湯、椒鹽鮮魷同埋咸蛋蒸肉餅。價錢中規中矩，我哋坐係路邊，認真有風味，好在天氣涼涼地都幾舒服。個人最鍾意個椒鹽鮮魷，因為佢唔似其他舖頭咁好多粉，佢係味道岩岩好，粉唔算太多；我老婆就最like個肉餅，話好有屋企飯feel；總括黎講都唔錯，下次再叫多啲人一齊試多幾款。

愛文生-經典大排檔露天明火風味小炒, 鑊氣一流, 正宗香港地道風味.此店非常旺場, 佔據了數個店舖, 加上早前電視台又再報導, 人流更加暢旺.晚上7:30左右到達, 店內全數滿座, 店外亦站滿排隊入座的人流, 目測最少數十人.我也快步取票, 等了大概半小時, 也就順利入座.幸好昨晚不是太寒冷,太炎熱, 或是下雨, 否則露天等位, 實在相當煩惱.被安排坐在一條走廊的盡頭, 比較貼近店舖的廚房及洗手間, 沒有空調, 油煙味也比較大, 幸好沒有洗手間味, 呵呵.點了3個菜, 分別是黃金炸鮮魷, 薑蔥魚雲煲和臘味炒芥蘭.從下單到送上第一道菜, 等了約20分鐘.人流量加點菜太多, 送餐的員工一直從廚房來回, 十分忙碌!先說黃金炸鮮魷, 與椒鹽炸鮮魷不同, 這個黃金炸鮮魷比較濕身, 入口相當重牛油味, 從碟上也能看到散落一旁的咸蛋黃, 非常美味(估計熱量也相當的高)!!隨後送上的是臘味炒芥蘭, 臘味是臘腸和潤腸, 芥蘭相當的粗壯, 但是又不會太炒的太"老", 很容易入口!!最後送上的是薑蔥魚雲煲, 魚雲經油泡, 令魚的外表十分香脆, 配上大量的薑蔥, 實在讓人胃口大開!晚飯當然得點白飯, 這裡的白

好中意愛文新嘅大排檔風味！係香港已經賣少見少咯！而且一路食飯一路可以食煙嘅地方唔多囉！事前約法三章，你話點咩食咩由你話事，okay，我懶得煩。點咗西蘭花炒牛肉，豉椒炒鵝腸同黃金蝦。黃金蝦蝦肉夠新鮮份量足，如果無蝦殼更理想。西蘭花炒得好冧，牛肉亦炒得啱啱好，唔會炒到過哂火變得老同韌。鵝腸係洗乾淨哂先炒，所以無肥膏，而且炒得夠入味同爽。愛文新對於我黎講重有個優點，就係可以泊部電單車係旁邊。ps:你一句話凍，就攪到我病！慘慘 ^(OO)^

愛文生，係普羅大眾一家大細良朋共聚的好地方，相信絕對唔會有人反對。這十多年來，我試過踢完波一班波牛在此聚會，試過屋企家人來做冬，試過十幾台電單車之友聚餐，試過中學大學同學聚會，又試過同公司同事把酒晚餐講事講非，總之這家食店所能夠容納之對象，廣闊度會嚇你一跳。如果以“最多集體回憶”，愛文生必定是榜首。是夜叫左（其實每次來都係必點）：生炒骨黑椒薯仔牛柳粒椒鹽鮮尢咸蛋芥菜肉片湯水煮肥牛以上全部都係每次必點菜式，如人多人少會稍為增減，但不會有大變動，頂多天氣寒冷則會多點兩三個煲仔菜。相信還會有很多個五年十年繼續幫襯。

椒鹽九肚魚：兩個的做法是一樣的，都是裹粉油炸，魷魚比較有嚼勁，九肚魚是軟的，為什麽點了兩個椒鹽菜，我也不知道黑椒薯仔牛仔粒：這道菜就是土豆牛肉嘛，牛肉切的很大塊，腌制得入味，土豆燉的很軟，吸收了牛肉的醬汁味，大大的一盤非常紮實，很下飯

食過好幾次，今次覺得貴好多一D食開既野‧ $68 乳鴿, $98薯仔牛柳粒(味道仲要退步左, 牛軔, 薯仔好乾)， $188 黃金蝦(180蚊但半斤蝦左右)‧仲有食物平均價錢$80以上‧今次係好失色一次，希望價格同味道都要改善‧

同honey 行開玩具街，honey話帶我去食鍋氣小菜。一見佢個店名，覺得好橋口，即刻幫佢改左花名易記d“愛紋身”。哈哈，屬於我地的nickname！回返正題，間野晚飯時間都幾旺下，等10左分鐘左右先有位。一路埋位一路偷睇人地食d咩，結果我地點左個小菜包括：鼓椒炒蜆、椒鹽蝦、金銀蛋津時菜！！真係好好味，平日挨慣d快餐店，呢晚d小菜全部都幾好食！特別推薦椒鹽蝦！！d蝦完全冇乾水，依然好有甜ge 蝦味！！正啊間舖頭普遍都系$80吾-90份小菜！抵食！！

愛紋身同餐廳發音好似，哈哈。此飯店其實位於深水埗，近石硤尾段。香港其實已經越來越少大排檔了，好多都被迫搬入鋪位，又或者結業，呢間愛文生係其中一間仲能做生意的大排檔之一。大排檔最緊要有鑊氣，在旁邊聽到鑊爐馮馮咁聲，就知呢間鑊氣夠啦！霸王雞，依家大多數係雪藏雞，要整走雪味都有啲難度，呢半隻霸王雞就真係整得唔錯，冇雪味。推介指數：8/10芥菜湯煲，有湯有菜，熱辣辣，生滾湯咁，淡口味精不重。推介指數：6/10雖然呢度係大排檔，但價錢一㸃也不便宜，有啲餸菜，可能餐廳重平啊⋯

朋友到港旅遊，當然要帶佢地試下香港特有的街頭飲食文化~大牌檔相信大牌檔是香港人的集體回憶最大的特色是沒有冷氣和環境不太清潔但價錢卻非常合理門口人頭湧湧，足足等了30分鐘先有位不過是值得的椒鹽魷魚@皮不厚，而且炸得剛剛好，呢度的椒鹽做得好出色，夠香口，上枱熱辣辣，不過要趁熱食，耐左會冇咁脆同好味😋炒蟶子@大隻爽甜，加上豉椒做得出色，有豆豉鹹香，又有紅椒辣勁，相當惹味🤩炸大腸@腸內保留番d肥膏，呢d先正宗，但食完好有犯罪感😈黑椒薯仔牛柳粒@上桌便一窩蜂把薯仔夾進碗裏，不消一秒又舉筷，向來受歡迎的牛柳粒頓時變成配角。薯仔甜脆，黑椒牛柳微辣，再配一支雪凍了的啤酒，足以把煩惱暫時拋諸腦後🤤砵仔焗魚腸@配飯食嘅一道經典菜色，菜色本身已經夠味，唔洗加胡椒粉都好夠味，魚腸無腥味，唔錯😍蒜香炒豆苗@豆苗好滑，咁當然係多油先咁滑喇，自己衡量喇😆咕嚕肉@每件都有骨有肉，加上醋汁調校得好，酸味自然，平實好味🤗金銀蛋浸白菜@味道ok，帶有雞湯味及蒜味，鐘意食金銀蛋的朋友啱晒，不過我略䁠金銀蛋嘅份量有點少🤔

呢班朋友，次次都叫到一枱都係，5個人，8碟餸，實在太強第一次黎，睇定OpenRice 有咩推介叫左咁多樣，我覺得黑椒薯仔牛柳粒、咸蛋黃炒蝦、炸大腸及炸雞軟骨都好食反而鐵板黑椒豬手，我就覺得味道一般。老闆話，即將會有羊腩煲，那麼下次便要去試一試香港的大排檔已經見少買少，還可以坐在街邊吃炒小菜，別有一番風味。

服务很周到 上菜速度也OK 都算比较快。味道很不错 点的都是推荐的菜 每一样都不失望。分量也足 两个人吃 最后剩了不少 需要打包。适合好友聚会宵夜 需要坐路边 不介意的话是很不错的经历。凌晨時分，深水埗特別冷清，走到荔枝角道，窄窄道路有一列鐵皮排檔，其中一檔，叫愛文生，其開放式廚房爐火熊熊，煙霧四起。隨着火水爐起哄之聲，食物爆炒香氣撲面而來，吆喝聲此起彼落，是另一番熱鬧景象。愛文生是深水埗老字號，開業於1956年，原名叫龍喜，由林氏一家主理，店名是由林媽媽、大哥及弟弟的名字合併而成，昔日對出是碼頭，船客、船伕都愛在此吃飯消夜，以賣燒味飯為主。將近60年，由一間鐵皮檔做到現時擁有四間相連舖，但仍保留路邊的鐵皮廚檔，用磚和水泥砌成的兩個爐頭，日子有功都被熏得烏卒卒，師傅當街兜炒，爆起的一陣陣火舌是愛文生的生招牌。「大牌檔梗係賣鑊氣，𠵱家好多舖都已經改用煤氣爐，但炒出嚟嘅效果始終唔同，火水爐火力夠猛，炒到起晒煙，噴晒火先過癮嘛！」老表說。他是老闆女婿，約20年前已在舖頭幫手，林氏一家有不同崗位，有收銀的、樓面的，而他則負責主管廚房出品，有時也會幫手劏魚。