意粉狂熱 (置富都會)

营业中

休息中

一個月總有幾日…特別想食意粉😎，今次去到呢間主打意粉既餐廳食Lunch，原來除左意粉外，都有其他種類既野食既，就好似焗飯、pizza同扒類咁，Lunch Set包沙律/餐湯及一杯飲品，定價由$58至$88，不過今次就揀返佢地既意粉試下啦！😝鮭魚菠菜忌廉意粉 $78意粉增量1.5倍！一上枱以為唔算好大碟，一路食先發現碟意粉其實疊得好厚身，一路食一路都仲有，意粉既口感偏硬身。三文魚同菠菜一向同意粉都好夾，以忌廉汁做底，但份量唔係好多，所以感覺比較乾但相對上就無咁膩，上面仲灑左好多芝士粉，忌廉奶香味道都重！

紅磡這個商場交通非常方便，所以每次來紅磡都會來這個商場覓食。見這間Pastaholic裝修得不錯，而且價錢不貴就進去試試吧。先點了特濃南瓜粟米忌廉湯 $28甜得不會太過份，暖暖的令人很舒服。意式薄切三文魚忌廉芝士卷 $48三文魚配香濃而不咸的忌廉芝士是個不錯的配搭，忌廉芝士不會搶了三文魚的鮮甜味而兩者又可以互相發揮到他們獨有的味道。焗珍寶大啡菇釀帶子 $48這個超清新，啖啖肉的大啡菇很爽口，加入帶子很有新意，而且蟹子增加了口感，大大加分。香草烤雞凱撒沙律 $58沙律菜很鮮嫩！黃金四重芝士披薩（配蜜糖）$88超香滑的芝士放在新鮮烤焗的披薩上面，整個軟綿綿之餘又有彈性，只有新鮮的披薩才能做到的效果，而且皮都要新鮮，暫時是我在香港食到最好食的披薩，加些蜜糖簡直是畫龍點睛。意粉其實很多款式，一定有合你口味的。我選了精選海鮮蒜香蕃茄意粉 $88酸酸甜甜的蕃茄醬很開胃，最值得一讚的當然是意粉本身，意粉非常有彈性，意粉專門店果然名不虛傳，自家製的跟外面食到的完全不同，真的太好食了，海鮮方面魷魚圈超好食，彈牙又鮮味！意式菜平時食得多，但如此有心思實在難得，下次再見吧！

最近都忙於工作..經常出差...終於可以留係香港好好享受一下美食..以前以為係置富都會商場淨係得酒樓同咖啡店..原來入面都隱藏左d美食👇🏻今日去還好 不用等很久👇🏻左邊:特濃南瓜粟米忌廉湯...右邊:法式芝士洋蔥湯... 味道唔錯...👇🏻跟餐的半份雞肉凱撒沙律...分量都夠食...菜好新鮮爽脆👇🏻蒜香白酒汁海蜆意粉...蜆肉無沙...意粉好多👇🏻秘製炸雞...新鮮熱辣...脆卜卜...咬落去仲有汁流出黎...👇🏻安格斯西冷...肉同根比例剛剛好👇🏻帕爾馬火腿三色沙律比薩...成個比薩好香口...唔會好多麵粉👇🏻焗珍寶大啡菇釀帶子...唔錯...唔會焗得太耐..味道幾得意

今天大大小小聚首一堂，所以來了一個適合家庭聚會的餐廳。而作為一個意粉控是必試的地方。我們叫了一個 Meat & Fish Holic Set $368 + Pasta & Pizza Holic Set $318 + 散叫意粉+ 甜品 全店用格仔枱布，很有歐陸懷舊風味薯角炸得熱辣辣 ，外脆內軟而不燶 ，肉厚這個煙三文魚凱撒沙律，蔬菜鮮甜爽脆夠新鮮；沙律醬一般這個炸雞也不錯，肉質鮮嫩，皮夠脆，吃的時候建議要加檸檬汁，因為本身這個雞比較淡味香草烤雞羅勒忌廉意粉這個意粉很一般，因為羅勒忌廉汁太稀，好像一攤水，而吃不到香草味，本身這個意粉應該最注重香草汁，但是這個濃度不夠高；偏淡烤黑安格斯西冷牛扒反而這個西冷扒有驚喜，肉質很鬆軟，juicy ,不韌，炭燒味重 ，火控制得不錯芝士煙肉帶子忌廉麵質不錯，但帶子比較乾日本魷魚蘆筍橄欖油辣味意粉這個真的很辣，每一條意粉表面都沾上了辣味份，意粉也很足料，魷魚及蘆筍配搭起來也很鮮另一個驚喜反而是甜品高質：是日甜品朱古力蛋糕，有點像brownie , 忌廉很香滑，朱古力味濃，這個蛋糕真的是典型的美式蛋糕，十分正宗Creme brûlée 焦糖很厚，蛋味濃，不

日本魷魚雜菌明太子意粉($88)明太子控試左明太子意粉，醬汁香滑沾滿每一條麵，辛太子味道濃郁，而且配料多，辣辣地好惹味！鮭魚牛油果羅披蕯(一人前$68)Pizza 有得揀一人or 二人份，批底唔油，質感不錯。香烤黑安格斯西冷牛排($228)西冷牛排大大塊，唔會過韌，有大量洋蔥同薯角伴碟，不過不失。抹茶沙冰($53)寫住小山園抹茶粉搞到有少少期望，係淡到食唔岀既😂抹茶芭菲($48)好新奇既芭菲😅最頂層既cream好輕盈而且係白兔糖味，下面係奶凍，之後有大半杯粟米片。總括黎講，味道不俗，重點係食物種類多價錢便宜，意粉、pizza 同飲品都有好多款式，係一個唔錯既飯堂。

本身都冇乜特別諗住食意粉，但係經過呢度門口見到佢個招牌寫住意粉狂熱，突然之間就好似畀佢感染到想食意粉咁 ！！！感覺上呢間餐廳都幾特別， 餐廳空間好寬敞 ，我哋攞咗四個位就坐低， 價錢都唔算太貴我諗大約中上喇， 我哋叫咗 ，幾個意粉pizza，原來佢呢度有得叫set嘅咁就加咗個湯咁樣 ,個湯都幾好味， 唔似出面溝水嗰啲， 如果你食慣咗pizza hut嘅pizza，佢呢度呢個pizza個餅底同pizza hut嗰啲唔同，可以話別有一番風味 ，整體嚟講嘢食係唔錯嘅，尤其係同朋友一齊聚會下，食下飯，呢度個環境又唔會太過吵，服務都幾好， 價錢唔算太貴

有一班朋友定期會去一齊食飯,但係大家各自有家庭之後,大家都比較忙,於是定期嘅飯局就去揀鐵路沿線的商場,等大家走嗰陣時都可以方便有車搭。呢次嘅聚會就揀咗喺紅磡火車站,都會廣場入面嘅意粉狂熱,一間專做意粉嘅西餐廳,餐廳入面嘅裝修都好簡潔,坐得好舒服,由於已一早訂位,店員可以好快安排入座。打開入面嘅餐牌,有好多各式各樣嘅野食,例如pizza,意粉,焗飯,湯及沙律等應有盡有,有選擇困難嘅都要揀好耐。照燒雞扒蛋黃醬pizza $78估唔到雞扒加蛋黃醬嘅pizza又幾好食,啲未有夾到喎。海老忌廉芝士焗飯 $78海蝦芝士焗飯芝士味龍澳蝦又有鮮味, 芝士味濃郁。香烤黑安格斯西冷牛扒 $228西冷牛扒order咗七成熟,口感唔錯,夠淋,一d都唔會鞋口。經典三色拼盤 $98三色拼盤有炸雞同埋三文魚忌廉芝士卷及薯角。炸雞外脆內嫩口香滑,仲係要熱辣辣,超正。意式薄切三文魚忌廉芝士卷 $48抹茶芭菲 $48抹茶加香滑嘅奶凍,個底有啲可口嘅脆米片,感覺得意又好味。

紅磡車站商場係唔係幾旺, 不過入面就有好多唔同既食肆。行過見到呢間裝修得好靚 一睇個名就知食pizza pasta 啱食就入去。入面都幾闊落 , 唔太逼,啱哂朋友傾計聚會。有不同2人 set 可以揀⭐Pizza 有好多不同口味 除咗最經典嘅番茄醬嘅 千島海鮮醬仲有啲日式嘅選擇。⭐意粉都一樣有成版嘅選擇 仲可以加大⭐小食 都係 party food 經典選擇 有三文魚 炸雞 薯條 我哋叫咗部經典三色拼盤$98有炸雞 薯角 三文魚卷三文魚卷都新鮮既 估唔到佢炸雞炸得幾好 冇好乾又有肉汁👍安格斯牛扒$228佢熱住個盤上檯的 加上香草牛油慢慢融化味道都唔錯丫~~🐄扒唔會太乾或者太鞋日本魷魚雜菌明太子海鮮意粉$88+$10 因為人多 叫左+$10 pasta x1.5倍。平時人多 每人只可以分得一小撮 所以我覺得可以揀加大係好貼心既 。專登叫個出面少有點既日式意粉 處理得唔錯 意粉軟硬度適中 加埋明太子少少咸香。推介 👍海老忌廉芝士焗飯$78芝士焗 好難唔好食 🤣 穩穩陣陣 而蝦份量都👌多丫燒雞蛋黃醬pizza $78(二人份)Pizza 即焗 熱辣辣 pizza 底又唔會太乾 。醬汁都好夾

睇演唱會之前當然要先食飽，一陣唔覺意encore完至少都11點半，今次就揀左紅館附近，紅磡火車站對面既都會國際，原本來呢度都好多餐廳選擇，我就係俾pastaholic 外貌、colourful既menu吸引左入去！放心，食物質素唔會得個樣，睇得又食得2個人揀左以下幾款食物香草烤雞雜菌羅勒忌廉意粉~意粉夠晒creamy,配料亦都足夠，除左炸雞同雜菌之外，仲放左蕃茄仔，每條意粉都沾滿羅勒忌廉汁，味道好rich,好欣賞鮭魚牛油果羅勒pizza（2人份） ~意樣不到既驚喜，pizza個皮係用左印度烤餅既餅皮，唔會係厚皮，上面放滿肥美既三文魚，牛油果同羅勒又好夾，值得一試架！意式魷魚圈~小食類揀左魷魚圈，一共有4件，炸物最緊要脆口，呢一點可以做得到就點都唔會低分，另外加分話一定係個sauce~他他醬~呢款醬同海鮮類hopstick:鮮水果茶~用左紅茶底，唔會太甜，有好多士多啤梨、奇異果、橙，好清hopstick:抹茶芭菲~好濃既抹茶味，有粟米片係底，上面就有抹茶味，牛奶味既pudding, 一硬一軟既配搭，就為呢餐劃上完美。號~當d食物到左之後，我發現原都好綠色餐廳都坐得舒服，食物亦唔會等好耐，

紅磡置富呢個商場人流唔多，但其實好多食肆。一家人黎左呢間意粉狂熱開餐~餐廳7點鐘唔算太多人，室內幾寬敞舒適~餐牌有唔少選擇，相片都好吸引。睇相隨手督左幾樣湯有幾款選擇，上圖係南瓜忌廉湯。味道有驚喜，南瓜香好濃，而texture好滑。芝士洋蔥湯~香港西餐廳比較少offer的。同樣是有水準西湯。半溶芝士在法包上，放左係洋蔥湯之中，滿有法式風味。主廚精選沙律~份量不少，四人分剛剛好。用料有煙三文魚，雞肉，水牛芝士，蕃茄，沙律菜等等。味道好fresh!豪華5式拼盤~百多元拼盤非常豐富:黃金脆口炸魷魚圈，蟹子松露焗大啡菇，薯蓉波波，法式多士，巴馬火腿等等。一擺上枱大家立刻爭食牛油果大蝦羅勒意大利粉~大蝦分邊處理，免去懶鬼要刴殼寧願唔食之苦。牛油果粗切上碟，口感更豐富。鐵板牛柳粒~牛柳粒調味不多，反而食出本身牛肉香味。厚切薯條係我至愛之一。最後係牛油果蕃茄三文魚焗飯~炒飯底係焗飯必需的，而焗牛油果呢一個配搭非常新鮮。餐廳充滿驚喜，亦非常適合家庭聚會，有機會再幫親!

返鄉下選擇搭巴士絕對係一個超級錯誤嘅傻仔決定，一早喺公路塞車返到羅湖然後去到紅磡已經天黑。餓到爆燈嘅我即刻衝過去置富都會商場搵嘢食，離遠見到招牌閃燈搶眼嘅意粉狂熱，二人套餐 $318 抵食！即刻同細佬衝入去攞order，5分鐘就已經開始有湯飲，果然有效率！有我最愛嘅南瓜湯，味道清甜，質感 creamy.接下來有口味清新嘅烤雞凱撒沙律，蔬菜夠晒多纖維，感覺健康！小食有秘製炸雞，果然新鮮熱辣辣上枱，皮脆肉嫩又多汁，心水推介！講明係意粉狂熱梗係要食返個意粉啦！和風雜菌照燒雞蛋黃醬意粉，和風有好多紫菜，雜菌有咬口，照燒雞肉味道豐富，蛋黃醬 creamy, 意粉彈牙！滋味無窮！這裏的Pizza都幾出名的，咁就一於叫一個新鮮推介 明太子忌廉芝士海老披薩，真材實料粒粒大蝦，明太子忌廉醬汁夠晒好味，芝士增加口感，披薩 底薄夠脆囗。到最後每人仲有一件朱古力蛋糕做甜品，好滿意！

一去紅館睇演唱會，就好鍾意去對面個商場搵嘢食，而入商場我就習慣先探下個洗手間先嘅，就係出嚟嘅一個轉彎就見到 意粉狂熱。睇咗一陣Menu，二人套餐快靚正！又抵食！一於拍板入去坐低坐。我哋叫咗個Meat and Fish Holic Set，$368 有足足 九個items!Soup法式芝士洋蔥湯，味道濃郁，湯的溫度剛好，喜歡洋蔥的香味。Salad鮭魚凱撒沙律（半份），三文魚都好新鮮，凱撒沙律清新翠綠，好健康！Appetizer芝士帕爾馬火腿薯蓉球，三個可愛的小薯，外面炸得酥脆，裏面熱辣辣而且入口充滿鹹香。Pasta芝士煙肉帶子忌廉意粉，這是我最愛的和風意粉，芝士味道香濃、煙肉鹹脆、帶子分量多而且厚肉彈牙、忌廉意粉入口 creamy 有彈性，果然是這裏的招牌菜。Grilled Dish試吓新菜式 香烤北海道豬扒，用鐵板上枱，特別再有一塊小黑石，可以把切細件的豬扒放上去再 grill 一下，本身肉嫩多汁的豬扒 grill 了之後多了一份炭烤味道，食到停唔到口，讚不絕口！Dessert跟餐的甜品亦都好滋味，一口朱古力蛋糕（2人份），濃厚的朱古力 brownies 口味。芒果芝士慕絲 $38甜品

因為要找一個地點方便的約會點，紅磡火車站是最佳選擇，又有東西鐵站，亦有隧道巴士直達。但是不想吃food court 的快餐，就選了在商場地下的pasta holic。大部份的食市在下午4時都非常寧靜，這間也不例外，只有2枱客人。所以和朋友談天說地也是適合。下午茶餐有多種選擇，由38 至68元不等，有小食，pizza and soup，還有pasta ，當然配餐飲或升級配特式飲料。由於只是與朋友見個面，一點都不餓，大家都不約而同選擇了炸雞配有皮薯角，飲品㨂了熱奶茶，可惜奶茶不夠熱，入口像加了水般，不合格。但炸雞和薯角總算是不錯，38元正加上要加一，但是可以靜靜坐一個小時，算是約會的好去處。

今日放工一班同事講起想食下好野 就一齊去左意粉狂熱試試佢環境坐得幾舒服 唔會話好濟迫 坐底見到枱面抺得都幾乾淨 知道我地唔夠位仲加多張枱比我地放野食 認真貼心😍特濃南瓜粟米忌廉湯濃濃的南瓜味 口感幾滑 馬上醒胃🎃法式洋蔥湯實而不華 很濃洋蔥味 配合芝士加麵包對味覺有新衝擊🙀 同事飲到停唔到手🤣意式薄切三文魚芝士忌廉卷芝士頗滑 三文魚加芝士這個組合不錯 不會令芝士太膩 一啖食哂 芝味大爆發鮭魚沙律 雞肉沙律份量十足👍🏿👍🏿 生菜質素不差蒜香白酒蜆意粉蒜香十分惹味 不停添食😋 蜆無沙 抵讚！黃金芝士四重pizza十分有驚喜 個蜜糖醬幫呢個pizza昇華至另一個層次🥰 黑松露mac and cheese煙肉超好食 個底汁都整得creamy 唔錯！西冷牛扒重頭戲 叫了medium rare 肉汁澎湃 好嫩 配合醬汁仲將牛味更進一步帶哂出來🤤 仲有薯角食 加埋茄汁又係一絕 份量絕對超級大滿足！甜品朱古力蛋糕蛋糕幾軟熟 配合新鮮士多啤梨感覺 完美配搭 清新可口🥳飲品水果茶水果配搭得幾新穎 唔係太甜 味道啱啱好 消滯解渴做齊哂👍🏿

放工同同事過黎食置富食晚飯，呢度食野其中一個處係唔使做到狗咁攰都要等位，因為少人流，所以大部分餐廳晚餐時間都即刻入座。4個人叫左個二人餐如散叫其他野。肉&魚狂熱套餐 $368由先有兩個湯，分別係特濃南瓜粟米忌廉湯 & 法式芝士洋蔥湯。 南瓜湯香甜濃郁，而洋蔥湯因為有芝士會偏咸左，但都大洋蔥味。鮭魚凱撒沙律既沙律菜爽脆。意式薄切三文魚忌廉芝士卷，同花之戀有啲似，但個 creamy 同咸香啲。香烤黑安格斯西冷牛扒 ，叫左 medium rare 岩岩黎到應該真係 medium rare 因為熱鐵板上保溫，所以我地影完相變左 medium , 肉質嫩滑淋身。蒜香白酒汁海蜆意粉，蒜香味濃，意粉口感剛好。水果茶幾欣賞佢連橙皮上既大件橙，咁飲有果香啲。黃金四重芝士Pizza $88咸味既芝士同香甜既蜜糖真係最佳配搭，批底外脆但口感軟糯，好似 naan 幾正。香草烤雞凱撒沙律 $58價格實惠，雞比較干身，沙律菜都係爽脆。黑松露雜菌 Mac and cheese $88芝士味濃，雜菌剛好可以調節下膩味。