意粉狂熱 (置富都會)

营业中

休息中

嘴尖的我，係好味道才post吓相。呢間餐廳的香草羊架烤得很香，表面略為乾身但又不會靭，沾少少醬汁會更為惹味。我十分欣賞香草烤雞凱撒沙律，因為用料真的十分新鮮。面層加有芝士粉，沒有混埋一起，相信是方便我們按個人喜好滔走多餘的芝士粉。餐牌推介其千層麵，一共有3款，我們揀了牛肝菌忌廉野菌。啖啖都有濃濃的野菌味，好正!海老忌廉芝士焗飯味道也不錯，只是一個大男人吃的話，未必夠飽，但這也俾機會我吃多幾款。呢間餐廳都玩吓gimmick，做緊 "填問卷，送贈劵" 推廣。

我班fd話我好難服待，怕嘈吵但又怕靜，怕逼夾但又怕冷清。所以，每次飯局選點都晒頭。今次佢地約左嚮紅磡置富都會，嚮正紅磡站上蓋，靜中帶旺，又夠方便，幾好!!樓底高，通道寛，空間十足，感覺自然舒適。香烤黑安格斯西冷牛扒--上枱時是五成熟，喜歡熟一點的，可留嚮鉄盤上久一點，因牛扒底部是一塊圓形熱石。要生要熟係可以自己控制的。海鮮蒜香蕃茄意粉--有著很香濃的蕃茄味，叫得做 "意粉狂熱"，果真是實至名歸。柏爾馬火腿三色沙律比薩--即叫即制，我最鐘意個批底，夠晒脆，正呀！!

同成班同事來食lunch貪佢多位唔洗等，原來lunch set 4人以上仲有85折！好大間餐廳，座位多又闊落。有星期一至五套餐$78。也有A-M套餐，全部加一服務費。沙律或餐湯二選一，同事選的沙律，都幾靚仔啊！不過我想飲熱湯。餐湯有南瓜湯和洋葱湯，我揀南瓜湯。味道夠濃夠香甜，質地濃稠，肚餓飲會飽肚點。同事點洋葱湯就是很稀水狀的湯，感覺無咁飽。我的A餐：雙重辣味煙肉蒜香魔鬼意粉$58。份量比一般餐廳大份！好開心！面層灑滿乾辣椒粉、蒜蓉，底部還有辣椒油，要拌勻才吃。煙肉份量都不少，意粉乾身，質地煙韌，口感超好！加上辣味真的夠香夠惹味，有中辣程度，又有蒜蓉香，喜歡吃辣的就很對胃口！不能吃辣就不能點這個了。在紅磡置富都會來說，最平$58 一個set lunch真的很抵食，雖然要加一，約夠四人食仲有85折都抵啦。

香烤黑安格斯一口牛柳 $158好特別的鐵板盤，黑色圓型其實都係 hot stone，千祈咪手多多掂佢，呢個設計令牛柳粒上枱仍然 keep 住熱力。牛柳粒一口一粒，有牛味唔會韌。附上的燒汁，點牛柳都唔錯的。注意呢個菜式記得要快食，否則牛柳粒好容易會 over cook 。明太子海鮮 pizza $58與其說是 pizza , 我覺得更似飛餅naan bread 。新鮮焗起，好熱辣辣。海鮮雖然唔算多，但面層舖左的明太子醬同芝士，夾住熱辣 naan bread 食真的超正，後悔沒叫二人份。日本魷魚蘆筍橄㰖油辣味意粉 $68多料又大碟，不過好辣。魷魚雖然唔係新鮮的，但唔會有雪味。蘆筍夠多，絕對唔係得兩條。不過都係果句，太辣了，食到出汗Apple Tango English Tea $ 38 （上）茶包沖的果園紅茶，勝在水滾茶靚，沖一大壺都冇淡味 👍Matcha Latta $38 （下）日式綠茶粉溝鮮奶，冇咖啡的，飮完唔會眼光光等天光。環境ok , 幾好坐的。

今日黎到置富都會食 lunch Lunch set 都幾抵食以下係部份餐牌有主食，飲料，湯/沙律今日嘅湯係南瓜🎃或洋蔥湯可以自由選擇門口拎左張優惠券有九折等於免加一除開每人$79 其實都幾抵食叫左兩個意粉加埋一個日式和風雞肉pizza 因為係 set lunch 所以意粉份量係1.5倍其實份量真係好多兩男一女都食唔哂啲野味道一般不過太油膩了呢個係勁辣辣意粉如果唔食得辣嘅話就千其唔好揀一定頂唔順最正係佢無限時，唔會趕你走可以慢慢食慢慢傾計

Pastaholic今晚有啲夜放，黎到紅磡站搵野食，又想靜靜定坐下，喺商場見到Pastaholic, 價錢又唔太貴，就入去試下。裡面幾闊落，坐位唔太逼，環境都唔錯。今晚叫左 、、。全部野食都算高水準，性價比高，有一點令我幾開心，就係分量充足。海蝦意粉意粉煮得恰到好處，唔會太硬。牛油果同羅勒既combination非常好。蝦雖然有啲rough, 但勝在啖肉，兩個人分都夠，呢味值得一試。帶子釀大啡菇就一般ok, 帶子係碎上，俾啡菇既香味完全蓋過，形同雞肋。牛柳粒幾得意，俾你喺佢既鐵板上面按自己喜好加熱煮熟，不過對我黎講就冇得玩lu，因為本身上菜既熟成都夠，再加就overcook。牛柳粒整體都ok的，大家諗既話，可以叫佢唔好煮咁熟。

去得紅磡 除左返工放工 就緊係去睇演唱會喇睇演唱會之前都習慣走上富都會上面醫個肚先今晚時間充足 決定食呢間以意粉同pizza 做主題既餐廳喇我地不嬲都有選擇困難 所以一見今佢地有set 就即刻望下set 有咩食 最後簡左呢一個set意粉披薩狂熱套餐 - $318餐湯唔係得一般既紅湯白湯呀 佢有我最中意既洋蔥湯 香港比較少機會飲到 洋蔥未濃 配合埋芝士同埋個塊蒜蓉包 正呀！法式芝士洋蔥湯特濃南瓜栗米忌廉湯朋友呢碗非常creamy 濃郁前菜秘製炸雞個炸雞有d 喜出望外 估唔到係意識餐廳都食到呢個水準既炸雞 炸完之後仲 肉質依然鮮嫩之餘仲keep 到原有肉汁香草雞肉凱撒沙律清清地 健健康康 重點係都幾大份主食溫泉蛋蒜香蘑菇鮮製意粉有時食溫泉蛋會猶豫撈唔撈埋佢黎食而今晚食呢個味道比較濃 所以撈埋隻溫泉蛋食就剛剛好 素食既朋友 呢個岩食丫明太子忌廉芝士海老披薩 10"呢個pizza 芝士絕對係主角。岩哂鐘意食芝士既朋友 好似我朋友咁 一個人就食左大半個pizza 食到停唔到手水果茶 除左個set 包既朱古力蛋糕之外我地仲忍唔住叫左個抺茶芭菲 不過不失但係中意食甜品既朋友點都要叫返個

到冬天最想食既當然就係火鍋芝士火鍋更加係我既最愛估唔到咁多人同我同一個想法T_T排左15分鐘先入得呢度既芝士火鍋唔算貴呢個package都只係2百幾蚊就已經包哂所有既食材仲包埋有雞翼4隻除左叫呢個 仲嗌左有pizzaPIZZA一人份都OK WOR因為我地驚太多食唔哂呢個SIZE就岩好可以SHARE到多D野食呢個就係芝士火鍋配料有麵包, 腸仔, 薯角, 雞肉, 意粉最後加入去​就係個意粉咪睇佢好似得意粉好DRY但當佢放左入去芝士火鍋入面芝士就會比佢吸收哂!!之前配料既味道好神奇咁出現係呢個意粉度!!雞翼呢個雞翼係辣辣地幾惹味上面既粉係香料黎辣得黎又嫩滑爽口照燒雞蛋黃醬PIZZA味道夠哂特別, 但又估唔到幾夾帶點微甜另外有芝士既口感係入面!!絕對唔伏

每逢冬天，就會想食芝士火鍋😋今日無意中經過呢個商場，見到呢度竟然有🤪特級野菌芝士火鍋配滋味小食$268呢個價錢比起出邊好多餐廳嘅芝士火鍋都平🤩有薯角，麵包粒，腸仔，雞柳，意粉，西蘭花💁🏻‍♀️芝士火鍋必備嘅麵包粒💁🏻‍♀️香滑嘅雞樓，直接現成食都已經得🤣芝士西蘭花更加係令到人突然鍾意咗食蔬菜🤪芝士火鍋，我覺得係越煮個芝士味越出既，面頭有滿滿嘅野菌，芝士味濃郁之餘散發着好香嘅菇味將小食輕輕616就ok了最後仲可以用嚟煮意粉😍另外仲有魔鬼芥末雞翼，果個調味粉真係超好食，有少少類似熱浪嘅感覺，再加埋芥茉醬soyummy🤤本身我哋以為會唔夠飽，叫咗鮭魚菠菜忌廉意粉$78然後有幾塊滑嫩嘅鮭魚片，菠菜忌廉意粉相對地就比較淡味少少，但係味道清甜，意粉都彈牙入味😋另外仲叫咗一杯綠茶冰沙，好Creamy🥳

今日同媽咪係附行完街，近近地見到意粉狂熱聖誕裝飾好靚，同埋餐牌都幾多選擇，就簡左呢間。🥄特濃南瓜粟米忌廉湯 $28南瓜味濃郁，口感綿密。🥄忌廉蘑菇湯 $28口感creamy，忌廉味濃。🍴溫泉蛋芝士卡邦拿意粉 $88香港人最愛食既意粉之一，而呢度卡邦尼忌廉味較重，意粉口感剛好。🍴脆皮腸肉醬大啡菇披薩 $58另外叫左一人份既pizza，配埋脆皮腸同食更滋味。🍴香烤香草裡羊架 $128本身想叫牛扒，但甘岩賣哂，慶幸既係羊架都好好味，如果想再熟d可以自行再加熱，完全無so味，肉質鮮嫩。🥄日本牛乳布甸 $28最後呢個甜品真係必點，布甸超級動L有彈性，食落富牛乳味，而且甜度剛好，滿足。

工作關係我來到了一個陌生的商場。完成工作後，便跟在附近工作的一位朋友到這間餐廳享用晚餐。工作了一整天，我十分需要甜的飲品，因此點了一份鮮果水果茶。水果茶鮮果種類不算多，但份量不少。飲品整體甜度適中，篤篤鮮果後味道會更豐富！我們的主菜是烤安格斯西冷牛扒，牛扒多汁肉嫩，十分美味。我很欣賞餐具的設計，旁邊凸出的鐵板是用作調整牛扒生熟程度的，設計貼心！另外，我們還點了2人份量的Margherita薄餅，餅底質感很好，材料簡單，味道出色！

<意粉狂熱>喺紅磡站側邊既都會大廈 原來都幾多野食 呢間意粉狂熱係其中一間💪🏻食店環境都幾有歐陸風情 食物多係小食 意粉 pizza等 Menu入面 點左個318 餐 包一個意粉 一個 pizza一個小食 仲有飲品同甜品 🍴特濃南瓜粟米忌廉湯 🍲南瓜湯勁香濃 口感密度高 正 🍴法式芝士洋葱湯🍲法式洋葱湯 個成個蒜蓉包放喺湯入面 淋淋地食幾入味 仲有好多洋葱😃 同埋一 d芝士香味 🧀唔錯 🍴雞肉沙律🥗🐤有車厘茄 新鮮生菜🥬🍅香脆麵包糠🍞 仲有雞肉 🐥再點 d沙律醬一齊食十分唔錯 🍴秘製炸雞 🐥🔥炸雞切成長形 外面炸得好香脆 而入面熱辣辣 雞肉嫩滑彈牙 口感似係雞柳 點少少檸檬汁增加香味🍋 🍴温泉蛋蒜香蘑菇鮮製意粉 🍝🍄中間一個温泉蛋 鋪滿住爽口既 磨菇 雞脾菇等等 😌 意粉應該係自家製 係扁意粉黎 口感煙靭彈牙 而且好入味 盡吸磨菇汁 邊食仲邊有 d蒜香汁同香滑題蛋汁調味🥚 推介😍 🍴明太子忌廉芝士海老披薩 🍕烤得個包皮幾香脆既 pizza厚度介乎 pizza hut同意式 pizza之間 上面除左有明太子 仲有邪惡既芝士粒🧀芝士粒半溶落 pizza入面 加上 仲有彈牙

今日下午去紅磡大都會逛街，看到這裏有間意粉狂熱，之前喺旺角吃過，便入去吃下午茶。這裏的裝修比較時尚，座位都算寛敞。Coffee caramel frozen $53，這個飲品未飲，已經覺得很吸睛，因為高身的杯看上去，好有藝術感覺。咖啡味不算太濃郁，混合焦糖和忌廉之後，味道帶點甜，可以當甜品吃。Cafe mocha$38，這個鮮奶比較多，不是我喜歡的味道，最後要女侍應，幫我加多些咖啡，之後味道變得更加好了。香草烤雞凱撒沙律(大)$58，烤雞的雞肉，相當好味，而最重要是沙律醬，帶點芝士味，混合火箭菜之後味道很好。帕爾馬火腿$48，火腿不會太乾身，而表面的橄欖油令到火腿的甘香充分發揮。100%牛肉芝士番茄肉醬鮮製意粉$78，無論芝士、牛肉、蕃茄味都配合得天衣無縫，再加上煙煙靭靭的扁意粉，味道就更加一流，我非常推薦這個意粉。👍👍👍👍👍法國焦糖布甸$38，厚厚的焦糖，覆蓋着凍的布甸，這個配合得很好，燉蛋不會太甜，味道適中，這個又是我喜歡的甜品。

同家姐兩個去了這間Pastaholic點了一個二人餐。餐廳座位舒適又寧靜，兩個人可以傾下計。法式芝士洋葱湯裏面有粒粒煮至軟腍的洋葱，表面舖上了一片法包及焗至半溶芝士，麵包吸收了湯汁的味道，變成發水麵包，但帶點韌性。香草雞肉凱撒沙律沙律灑上芝士粒及麵包粒，爽脆又好味，雞肉則比較鞋口。意式薄切三文魚忌廉芝士卷三文魚卷著芝士，不會味道不夠新鮮，三文魚略帶腥味。經典拿破崙意粉意粉用番茄汁做底，有些雜菌等材料，味道較酸，十分開胃。明太子忌廉芝士海老披薩披薩餅底有點似印度naan，薄薄一片烤至微焦帶點韌性，表面的芝士跟披薩很夾，明太子味道就不算突出。Brownie 帶點濃朱古力香味，甜度適中，細細件剛好。

上了大陸做野，之後搭了直通車返到紅磡，順便去附近食埋個晚餐先返屋企。這間以意粉為主的餐廳，價錢全部都由幾十蚊起，十分貼地。特濃南瓜粟米忌廉湯南瓜湯味道比較甜，可能是加了粟米的關係，忌廉味不會太濃，比較健康。鮭魚凱撒沙律沙律菜新鮮爽脆，有大量的醬汁及芝士粉，另外還有香脆的麵包粒，清新健康。芝心帕爾馬火腿薯茸球薯球外脆內軟，不會太油膩，裏面薯蓉幼滑，中間有點半溶芝士及火腿，帶點咸香味。芝士煙肉帶子忌廉意粉意粉軟硬度適中，忌廉汁濃郁，有些煙肉碎及帶子粒，十分creamy。檸檬牛油烤原條白身魚魚柳表面煎至金黃色，魚柳雪白，表面淋上酸酸甜甜的檸檬汁，十分開胃。朱古力蛋糕帶點墨朱古力的苦味，不會太甜。最後飲返杯咖啡，十分滿足的一餐。