意粉狂熱 (置富都會)

营业中

休息中

係門口見到有酒飲，食物價錢又唔貴，就入去試下Sangria Decanter 500ml這個紅酒滿有驚喜，用上不同水果發酵製成，味道不再有紅酒般的濃郁帶鮮果的清香，多喝一口心情更愉快。香草烤雞凱撒沙律蔬菜清新爽脆，為吃主菜做準備。海蝦牛油果法包多士吃一口多士香脆可口，海蝦爽身，帶牛油果香味，正。100%牛肉芝士蕃茄肉醬意粉牛肉味夠濃，口感嫰身，滿有誠意的，意粉條條都沾醬汁，芝士味與蕃茄肉醬相當配合，吃起來更惹味。日本魷魚雜菌明太子忌廉意粉這裡的食材滿合我胃口，魷魚吃起來夠新鮮，口感爽彈，令明太子忌廉意粉更為美味。

今日同朋友行過見到就比佢舖頭入面用綠白紅色嘅木棒組合而成嘅大吊燈吸引左入去。地方好大好舒適！！！晚市仲有精選套餐！最啱啲心大心細唔知食咩好嘅我！！！一個二人套餐包前菜主菜甜品小食仲有野飲先三百蚊左右！！！成個套餐最特別又最值得推介嘅係”明太子大蝦薄餅” 同”芝士煙肉帶子忌廉意粉”。明太子加埋入個薄餅完全唔覺得奇怪，咸香同薄餅夾埋好好味！個忌廉煮得好香，撈意粉食真係多多都食得完！套餐份量比較大份，兩個男嘅去食都覺得好多好飽肚！下次想食意粉都一定會去再食過，叫其他薄餅同意粉試下！！

同朋友係上水探完個老友之後，大家一齊去咗搭九鐵準備回家，唔知係咪太耐冇見，特別多嘢傾，連落車都忘記了，去到總站先醒覺，我話將錯就錯，係付近搵間餐廳食埋飯先走啦，行出車站已見到對面有間意粉屋餐廳叫做，唔使幾分鐘已到，入去坐底睇完餐牌，朋友叫咗一個羊架同炸雞，我就叫咗安格斯牛扒，飲品就係凍零茶同埋凍奶茶飲品先到，跟住就係烤香草羊架同香烤黑安格斯西冷牛扒啦，朋友嘅羊架望落好正，佢話食入口香草味濃郁，肉質唔太冧，而我嘅安格斯牛扒，好大件，切開裡西還有些少紅紅地色，肉味香濃，同朋友係度嘆咗成個鐘先走人。

朋友由內地來港探訪我地一班舊朋友，咁啱得我一個可以去接佢，大約七点就已經係紅磡火車站見面，一見面就問我邊度可以食飯，實在太肚餓，我話不如行過對面有間意粉屋叫做可以醫吓個肚，都唔使十分鐘已到餐廳，佢睇咗餐牌好耐都決定唔到食乜嘢，我話不如叫個套餐啦，包括有特濃南瓜粟米忌廉湯同埋法式芝士洋蔥湯，又有鮭魚凱撒沙律，主菜有香烤黑安格斯西冷牛扒，經典拿破崙意大利粉，先上嘅係餐湯同沙律，餐湯嘅味道各有特色，沙律嘅醬汁非常惹味，經典拿破崙意大利粉好爽，安格斯西冷牛扒好大件，肉貨好冧，配埋個汁更加好食，最後食埋嗰甜品，朋友贊好，話走嗰日都可以再來食過。

六點鐘來食晚餐，入座時只有另兩桌客人，只有一位侍應，她看來心情不佳，我們點餐時雖不至於無禮，但有種不願做的感覺。後來多了兩個侍應，服務算是正常。三個人吃飯，我們點了一個二人餐再加一個小食拼盤。二人餐中的南瓜粟米忌廉湯和法式洋蔥芝士湯都用料足味道好，半份鮭魚凱撒沙律比我想像中的多，沙律汁份量味道配搭合宜。前菜我們選了芝心柏爾馬火腿薯蓉球，擺盤精美，炸得香脆，可惜柏爾馬火腿比較細粒。主菜選了香草烤雞雜菌羅勒忌廉意粉，和香烤安格斯一口牛柳。意粉的軟硬適中，汁料濃稠恰到好處，味道濃郁，值得推介。牛柳肉淋多汁味道好，可惜份量很少，只有幾塊，伴碟的薯角卻很多。甜品是草莓提拉米蘇，賣相精美，草莓有點酸，提拉米蘇卻很美味，入口香滑，味道濃沃。餐茶點了水果茶，雖然水果有點少，只有兩片橙和一片奇異果，但茶味香甜，很好喝。經典3式拼盤中的秘製炸雞值得一讚，外皮炸得酥脆，內裏雞肉嫩滑多汁調味適中。這間店的食物擺盤精緻味道美，只是價錢有點偏貴，是值得再光顧的食肆。

一向很少到紅磡食飯，但朋友推介開業大半年的餐廳~意粉狂熱，座落置富都會七樓，港鐵紅磡站行過來非常方便，食飯之餘仲可以逛下商場，一於過來試下。我們揀平日星期三來，是晚八成入座算係唔錯，入口處有個由紅綠白三色麵包棒組成的燈飾佈置，設計得意好靚。面積唔係好大，裝修帶歐陸風時尚優雅，環境恬靜舒適，都算坐得好舒服。呢間餐廳的食物創新同特別，款式都幾多，我們二人分別揀了主菜，同share甜點和飲品。芝士蕃茄焗原條龍利柳$108~~芝士加蕃茄配搭相宜，食落味道香口唔膩 ，龍利柳魚肉juicy軟滑，整體唔錯。燒鮭魚配牛油果羅勒醬鮮製意粉$98~~意粉沾滿青綠色醬料，賣相十分誘人，自家製的意粉軟硬度適中，配合帶有香草味的羅勒醬，感覺好fresh好健康，值得一試。香蕉朱古力披薩$48~~價錢$48好抵食，將切好的香蕉舖喺焗好的pizza上，加上朱古力雪糕，口感一冷一熱好特別，我同朋友都鍾意食。小山圓抹茶Matcha Frozen $53~~抹茶味甘濃唔澀，但又不會過甜，幾好飲。紅磡無旺角尖咀咁熱鬧，商場亦沒有熙來攘往嘅客人，但咁樣反而可以悠閒地同朋友傾下偈食下飯，細味食物的味道，真心覺得唔錯。

第一次試，意粉種類眼花繚亂，款式好多！試了一個明太子意粉，好味，好creamy,好香，意粉唔會太淋。另外pizza款式眾多，點了個牛油果烤雞pizza,批邊有口感，牛油果好香口，pizza size只點了一份量share,所以偏細。 另外點了肉眼扒（五成熟），感覺熟了少少，肉質有點un, 牛扒麻麻，不太推介。甜品方面亦係有點失望，抹茶芭菲冇抹茶味，雪糕也沒有只有cream,但cream 味道麻麻，半杯都只係cereal . 所以黎食還是order 意粉or Pizza比較好，性格比高！

紅磡都會商場有間意粉餐廳，見好耐冇食過西餐，就決定入去食個lunch。環境好大，樓底好高，都幾寬躺。而menu上都有幾多食物可以揀～南瓜粟米忌廉湯 — 飲到啲粟米渣，證明係真材實料打出嚟；味道好濃，冇比啲忌廉蓋過晒啲南瓜味芝士番茄肉醬鮮制意粉 — 寫到明自家制，食落真係比一般意粉新鮮！好耐都無食過咁濃郁嘅蕃茄肉醬，配埋拉絲芝士，好滿足！海蝦牛油果羅勒忌廉意粉 — 自己好鐘意食羅勒意粉，再配埋牛油果，整碟意粉都好green!😆 仲有好creamy嘅感覺，再加新鮮嘅蝦，唔錯。香烤安格斯一口牛柳— 最後嗌左呢個鐵板燒，上枱時仍然半生熟，可以自己調教生熟程度。個人認為唔點醬汁可以食到牛柳本身嘅味道，而且都算軟腍，側邊仲有啲薯菜✨呢間主打意粉嘅餐廳質素都唔錯，價錢都唔算貴，喺紅磡呢頭想食西餐都會encore🤩

一出紅磡火車站就已經有個隱世商場，而入面有美食容易比人忽略一坐低，就比呢座用幹麵棒所造既吊飾所吸引好既沙律，唔單只爽脆清新既沙律菜外，仲要有開胃醒神既油醋汁為黎緊既進食打開食慾批邊微焦，帶有少少脆口，簡簡單單，只係茄汁同水牛芝士，微酸既茄汁襯托出芝士既香濃，雖然係一人前，但係作為小食，兩個人食岩岩好好明顯我同我朋友口味有好大既對比🙈上枱既時候好厚實既黑松露香味四處飄揚，每一口長通粉都有芝士依附，混合埋順滑既溫泉蛋同香醇既黑松露油，每一口都有豐富既味道，係有少少漏對我而言，辣味係每一餐既享受口腔入面既刺激感，沖入鼻腔既香辛味，烹調過後，連意粉都吸滿辣味，再加上煙肉既咸香，同炸蒜既酥脆，又一道午餐精選入圍軟滑既質感，瞬間滑過喉嚨，只留下牛乳既香甜

難得準時收工，一家人去左置富都會，為免多人要等位，所以6點開始搵餐廳，行左一陣見呢間餐廳最多人食緊，再望望餐牌，岩食就入去啦。叫左南瓜湯，忌廉湯，一個四重芝士pizza，一個雞肉羅勒葉意粉，意粉加$10就有1.5倍份量，pizza亦都可以選擇1人前或2人前，個人覺得呢個安排幾好。首先飲湯，係熱既，雖然基本但唔係間間做到。味道係出奇地好飲，只係$28絕對物有所值，老婆番到屋企都仲話好飲。意粉同pizza冇咩驚喜，不過不失，個1.5倍既意粉好抵食，埋單只係$260，性價比高，值得再試，可惜食到一半先記得影相……

今日約了老友食晚飯， 正因他在紅磡上班， 等他收工也差不多七點半， 唯有在紅磡食啦。 上網找一些資料， 紅磡置富商場這間意粉狂熱新開張口碑佳， 加上鄰近紅磡火車站， 食完回家都方便。進入店舖， 估不到閒日都咁旺場， 好彩我哋有卡位坐，坐得舒適， 加上餐廳餐枱擺設空間非常寬敞，不會有太迫嘅感覺， 傾計都開心啲。餐牌好多選擇，有套餐又有散叫，發覺這裏的套餐非常抵食， 就決定叫了個 Meat and Fish Holic set,有 九個item才368元， 有餐湯、有沙律、有小食、有主菜、有嘢飲又有甜品，感覺超值。餐廳兩款一齊嚟， 特濃南瓜粟米忌廉湯，南瓜味勁香濃，加上滑滑嘅忌廉配搭，口感香滑。 而別一款法式芝士洋蔥湯， 洋蔥打碎與湯混為一體,加上整件脆香多士浸上,味道特別。半份娃魚凱撒沙律，新鮮沙律菜，口感爽口，健康味美。小食叫了個秘製炸雞， 四大嚿啱啱好，熱辣辣食落非常酥脆，肉汁多，正！意粉是這裏的主打， 必食之一。 芝士煙肉帶子忌廉意粉，意粉果然彈牙，小麥味香濃。至於煙肉和帶子份量也多，濃濃芝士配搭食，不錯。主菜也很特別，香烤北海道豬扒， 本身已是鐵板盛上， 豬扒熱辣辣非常惹味，而中

意粉不是我的最愛，不過偶爾都會吃，自從去年來過這裏，便愛上了吃意粉。這裡的裝修很有個性，大大的吊燈在入口處，氣派非凡。100%牛肉、芝士、番茄、肉醬鮮製意粉$78，意粉是闊麵，煙煙靱靱，肉醬是傳統的味道，酸酸甜甜，一直是我的最愛。雙重辣味煙肉蒜香魔鬼意粉$58，煙肉、蒜香的鹹香味，加上辣度頗高，喜歡辣味的必點，而我則以極速吃掉這個美味的意粉。凍咖啡$33，是以UCC咖啡製成，味道濃郁。法式芝士洋蔥湯$28，濃度頗高，香味四溢。法式焦糖布甸$38，焦糖夠厚夠脆，布甸不會過甜，是一道最愛的甜品。芒果芝士慕絲$38，酸酸甜甜，杯底有些餅碎，甜度適中。

每次星期六日出尖沙咀都唔會搵到車位，住係東鐵線既朋友其實可以選擇去尖東，紅磡食，方便好多。又黎family day, 呢間餐廳一出東鐵入商場就到，超級方便。法式洋蔥湯，好少餐廳會整洋蔥湯 ，見到呢度有得飲 即刻叫咗嚟試下。 你打算整得唔錯屋企人就飲左特濃南瓜栗米忌廉湯，試左一啖，好creamy. 海蝦牛油果羅勒忌廉意粉，隻蝦幾新鮮， 醬汁亦都好入味。鮭魚牛油果忌廉焗飯， 醬汁落足料，勁足忌廉。香烤安格斯一口牛柳，雖然細細碟，但係好濃郁既牛味呀。精選沙律，食左咁多咁heavy既野，有碟清清地既沙律岩岩好。豪華五式併盆，呢份併盆一上枱個陣，真係堅大碟。

有時睇演唱會前，要諗食乜好，諗到頭都大埋，而家有好選擇啦！同性價比都算高～又有意粉、又有pizza、又有鐵板。燒三文魚配牛油果羅勒醬意粉：三文魚燒到岩岩好，內裡粉嫩、粉嫩，意粉夠彈牙，個青醬同平時食個啲有不同，清清地唔會食到漿住個口。香烤客格斯一口牛柳：熱辣辣，牛味十足，又夠軟熟，一啲都唔韌，食多幾舊都唔怕呀！脆炸原條白身魚配薯角：fish & chips 好大條魚呀，有打刀咁長，肉又夠厚肉，漿粉又夠薄，可惜就係無麥芽醋，如果就更加英式風味。

只看這店子的名字便知道這裏主打的是意粉，這裏的意粉份量多，所以每一次肚子非常餓的時候便會選擇這間店，這次選了溫泉蛋香蒜蘑菇意粉，等一上枱便聞到很香蒜味! 意粉硬度也適中, 蘑菇數量也多，可以多一點囗感的層次，溫泉蛋就像太陽蛋，可自行選擇撈意粉！可惜不似是現制意粉，整體味道也只屬一般！