意粉狂熱 (雅蘭中心)

营业中

休息中

前日與舊同事一齊行旺角的商場，接近下午時段，大家肚子都餓了，而我們正在雅蘭中心，見到一間餐廳是專門吃意粉和薄餅的 Pastaholic，大家都喜歡吃，就來個下午茶吧！餐廳裝修時尚簡約，型格設計，店內以長形為主，地方整潔，環境舒適寫意。餐牌裡除了有午餐及下午茶套餐選擇，還有多款單點的特式意粉、Pizza、長通粉、焗飯、小食、甜點、特飲等，款式多樣化，很不錯。溫泉蛋芝士卡邦拿意粉    $68這個下午茶餐，意粉份量頗多，爽滑有彈性，不會煮得過淋，好吃。這碟最上層鋪了滿滿的芝士及惹味的卡邦尼醬汁，配合流心溫泉蛋和香脆的煙肉就更美味，吃到停不了，太好味！迷你黃金四重芝士披薩    $48Pizza 是薄批，香香脆脆，散發濃濃芝士味，口感鬆脆可口，沾少許蜜糖，甜甜的，更滋味。香辣蕃茄濃汁煮青口配蒜蓉多士      $58濃郁的蕃茄汁浸著非常多的青口，青口雖然細細粒，但肉質鮮嫩多汁，口感幼滑，青口吸入了醬汁，配合香濃酥脆的蒜蓉多士，真的美味無比！焗珍寶大啡菇釀帶子    $48大大個啡菇，焗得美味可口，盛載著豐富的材料，包括肉質鮮甜的帶子、爽脆的魚子、嫩滑的菌菇，非常惹味，喜歡吃啡菇的我，又怎可錯

雅蘭中心除咗有和民，仲有其集團另一副線，主打意粉pizza等等的西日式餐廳「意粉狂熱Pastaholic」。好耐之前食過銅鑼灣店覺得唔錯，今次黎旺角店encore餐牌上嘅選擇種類繁多，七彩繽紛，仲有多款因應不同人數的Special set menu餐廳已經進化到可以自己用手機scan QR code自助下單，非常方便～特濃南瓜粟米忌廉湯入口好幼滑，帶有濃濃的南瓜香甜味，仲有陣忌廉奶香，好好飲呢主廚精選沙律碧綠的雜錦沙律菜鋪底，新鮮又爽脆；面上則有雞肉、煙三文魚、糖心蛋等等配料，用料充足，味道豐富！雞肉夠嫩滑，糖心蛋充滿蛋香，煙三文魚好油潤豪華五式拼盤呢個小食拼盤用長長的木板呈上，陣容鼎盛，每款都好吸引呢，當中仲有巴馬火腿，果然夠豪華！意式炸魷魚圈採用日式天婦羅的炸法，感覺冇咁熱氣，魷魚圈好柔軟，配埋日式他他醬更加滋味海蝦牛油果法包多士好足料，香脆多士上面放滿左牛油果、海蝦、青紅椒、芝士一同焗香，好香口啊巴馬火腿Parma Ham有四片，鹹香油潤又滋味蒜味芝士雞翼雞翼醃得入味，炸得香脆，配上蒜味芥茉醬更加邪惡美味焗珍寶大啡菇釀帶子大啡菇相當juicy，裏面再釀左菇菌粒同帶子，味道豐富，好

好耐冇黎食喇~上次食過覺得唔錯, 又黎encore返先餐廳係旺角鬧市既中心, 一出mtr就到喇, 超方便~餐廳幾旺但唔算大, 所以建議大家bk定枱喇...而家多左好多set揀呀~最岩有選擇困難症既我!!同埋叫餐又好似多d野食抵食d咁另外仲有好多散叫, 價錢相宜~~~叫左個 $368 2人餐~有湯, 沙律, 小食, PASTA, GRILLED DISH, 2杯飲品 + 甜品先黎2碗餐湯特濃南瓜粟米忌廉湯南瓜味好濃郁, 啖啖都係南瓜蓉法式芝士洋蔥湯好特別既湯, 平時好少飲到~唔好洋蔥既我都覺得幾好飲, 洋蔥好淋易入口法包上有層芝士, 同洋蔥湯又好夾, 成個配塔都好特別好新鮮~鮭魚凱撒沙律三文魚甘香鮮甜~沙律菜新鮮脆口蒜味芝士雞翼 (蒜味芥末醬)小型雞翼CUTE CUTE的~雞翼蒜味唔算好濃但點埋蒜味芥末醬味道就剛好, 芥末醬完全唔辣既~香烤安格斯一口牛鐵板上熱熱辣~有個熱石可以將牛粒加熱, 想要幾熟可隨自己喜歡咯牛粒非常軟腍又JUICY~另外仲有脆脆薯皇, 即炸超正意大利香蒜蝦平時好少食MAC & CHEESE, 見到MENU有即叫, 哈哈~MAC & CHEESE真係超正, 每啖食落口

睇完醫生好肚餓，立即落樓食個下午茶先！草莓荔枝綠茶很快便到！起初在想：杯呢？然後運用了小編的智慧，發現杯是層疊在壺下面！倒出來的時候，聞落好香荔枝味，飲落卻像水，味道淡了一點。小編喜歡這意大利粉不會太乾，下面還有一點汁，但又不會過於水份，用匙羹是不能把湯舀起來的。味道剛剛好，不會太濃或太淡。蜆肉算是新鮮，但有一至兩隻有沙的。整體來說都算是不錯，好味道的香蒜蜆肉意粉是很難煮得好，如果可再加多一點白酒爆香它，就會天衣無縫了！

之前朋友說想試這間,所以一早就用OPECRICE訂位.. 而且仲可以賺到25里數..正!!當日去到餐廳門口. 那個店員在遊魂..我地在門口等了5分鐘..佢還是在通道上發呆..到大叫話訂左位了.佢先醒起..走番來門口帶客...入到餐廳內看到有很多張枱都已經預約了. 好在之前就一早BOOK左位.. 這兒地方都幾好坐同適合傾計.  不過用餐時間就只有90分鐘. 他們這兒是用QR CODE 用手機自行點餐 咁就唔會有職員成日行來行去. 而他們上菜的速度也快不用等太耐就有得食.主餐牌外還有幾個套餐. 我地就回了$318的PIZZA 意粉餐. 餐湯個味唔錯 都有些南瓜味. 香烤雞翼不過不失個PIZZA就委香脆少少辣味.  不過估唔到個帶子意外就無想像中咁好食..比較淡 忌廉汁太稀最尾上的甜品味道不錯.整體都唔差.. 勝在選擇多下次選第些可能會更好味

今日同朋友喺旺角行完街搵野食，就諗住試下依間意粉狂熱。🍝點知，等位都差唔多得咗成個鐘，見咁多客，仲以為會好食，點知最後竟然係大失所望😢我地三人行叫咗個二人餐加個pizza🍕餐湯係南瓜忌廉湯同洋蔥湯🍲，南瓜湯太甜而個洋蔥湯太淡😕仲要有舊發脹咁嘅麵包喺碗洋蔥湯入面，賣相極其差😟至於個凱撒沙律🥗，就正常水平無咩特別。個海蝦牛油果多士🥑就ok嘅，上半部分嘅牛油果同蝦好match，蝦夠彈牙，牛油果蓉夠多🥰 何惜個多士竟然腍曬又唔脆，真係有啲扣分🤢個魷魚圈黎到嘅時候好高期望，點知又腍又成口油咁😪終於黎到主菜，白汁煮蜆意粉，本身係預計佢會偏鹹，點知到最後佢係好淡，完全食唔出個蒜味😑啲蜆出食得出有海水嘅鹹😂個安格斯西冷睇落好似好好食🥩，但其實係好韌，切都好難切開🤦🏻‍♀️ 啲薯條🍟又浸到全身都係油，完全無興趣食落去🤨最後要講嘅就係個pizza🍕芝士味都算濃郁，但係個邊皮有少少韌，用刀都唔係好切得開🤔最後個甜品tiramisu 同地區餅鋪整嘅差唔多🤦🏻‍♀️埋單每人$210咁嘅價錢，但咁嘅質素，真係唔洗再食過 😕

平日夜晚都要等半個鐘先有得入，所以對佢期望都幾高，可惜，事與願違。點左2人steak套餐加一個pizza，價格唔算貴嘅，比起同區其他食市，但味道就一般啦。前菜牛油果蝦多士係幾好食嘅，加埋蒜味辣辣地咁，幾開胃。魷魚圈個味道係ok嘅，但個炸皮係林嘅，唔知點解，脆皮會好食好多。最好食係個pizza，最簡單嘅margarita，味道唔錯，個餅底都好食，似係有經過發酵嗰種意式pizza皮，唔係一般連鎖店硬堀堀嗰d。牛扒唔算好硬，但完全無牛味。硯意粉味道正常，我覺得都Ok嘅。整體來講就係一般，未必會去第二次。

近來旺角入夜之後真係少咗好多餐廳開，行上雅蘭好似絕處逢生地見到呢間食意粉嘅餐廳就入去啦，因為真係好肚餓。二人餐個份量真係好多，首先飲咗個湯之後其實都飽左少少，但係我對於佢食物嘅質素真係幾欣賞～首先係沙律，通常餐嘅沙律都係細細份嘅，但係佢成大碟咁，值得一推。估唔到連個薯角都可以驚艷到我，外脆內軟，熱辣辣真係好好食。意粉方面揀咗個溫泉蛋姑姑手搓意粉，其實我唔係太鍾意食粗或者扁嘅意粉嘅，但係我食咗第一啖就覺得呢個意粉嘅煙靭度會令我會愛上佢。首先因為佢真係手搓嘅質感，第二係佢調味非常適中，因為冇汁嘅關係，唔會太膩。Pizza方面就係四重芝士加蜜糖的配搭，兩者竟然非常夾，濃濃嘅芝士味之中帶一點蜜糖的甜香，我都估唔到係咁飽嘅情況之下我可以食到半，根本就當甜品咁食。最後就食甜品tiramisu。

今期推薦～洋蔥蒜蓉包湯～蜆肉意粉又頭痛緊，究竟朋友聚會出去邊度食好，今次試一試這間意粉狂熱。和民就在意粉狂熱旁邊，相信應該都是同一個集團，但這間餐廳有限時，要注意返。我們叫了洋蔥麵包湯，南瓜湯，大魷魚圈，豬頸肉pizza,炸雞塊和蜆肉意粉。食物上得非常之快，雖然這個是優點，但也是缺點，因為東西會好快凍，特別是Pizza真的要趁熱食。比較喜歡的是洋蔥蒜蓉包湯，因為這間餐廳比較特別是會一起上，麵包完全吸收洋蔥湯味道，十分之濃郁。另外特別喜歡蜆肉意粉，因為蜆肉十分多，意粉也炒得乾身，十分不錯。

今日黎到 Pasta Holic, 叫左Meat & Fish Holic Set，估都估唔到 成個set都好好味，由頭盤讚落 Dessert，真係有驚喜！一開始上嘅南瓜粟米湯，濃濃的南瓜帶著少少粟米味，超香超甜。蒜香芝士雞翼又脆又惹味，加埋個芥末醬，真係好開胃。主菜的「香烤黑安格斯西冷牛扒」，牛扒的熟度煎得啱啱好，沒有overheat，扒入面還是紅色的！至於，芝士肉醬千層麵，每層麵都舖上香濃嘅芝士同肉醬。最後，梗係有甜品，滑滑的Tiramisu，加埋杯生果茶！真係無敵，超讚！

睇到Foodie IG 推介所以一行12人諗住黎試下，點知勁失望！！去到先知 所謂既lunchset 3:00後先有🙄🙄3:00後就唔叫午餐啦 叫下午茶啦🙄🙄🙄咁都等左45mins先終於等到位 咁咪照入去囉無lunchset 所以無湯 無水果茶個d都算個蕃茄海鮮意粉 細份又無蕃茄味既???勁淡味...食唔飽..半成飽都無!!!!計埋加一 賣單$100 咁既價錢食垃圾？今次試完 下次真係不了不了。已blacklist尼問。

餐廳上菜速度快，唔使等好耐，d野食平均都幾好食，會再翻兜，最中意個南瓜湯，yum~~不過個calamari份量有d少，好想試個個牛油果雞pizza，可惜八點幾去到已經無曬，sad

窮遊香港-平民抵食西餐.今日講下一間唔錯既午餐份量ok 而且適合素食人仕最平$58 有湯有水果茶（餐牌可以睇圖）.呢日點左⭐️溫泉蛋蒜香蘑菇鮮製意粉$68先講隻溫泉蛋 夠塘心 好食 唔會太生（可睇片）（請不要學我玩食物😂）麵質軟硬適中 個汁都夠蒜香菇量都ok 素食人士都適合（見到餐牌可加大1.5倍 但我冇加大都好夠食）.餐湯叫左⭐️洋蔥湯味道似羅宋湯 勁多洋蔥粒但冇左茄味同蘿蔔紅油.跟餐免費 可以點⭐️水果茶呢個有驚喜 大大舊橙係個杯到😂仲有d草莓粒 水類粒等等等我仲諗住叫普通茶咖啡.仲叫多左4隻⭐️檸檬蜜糖雞翼$38👍🏻香甜 入面有肉汁但價錢對比起午餐 相對唔算抵食.整體午餐 旺角區 大份抵食 野飲加分～打工仔 午餐可以日日食 唔錯既選擇！.#hkfunfoodrecord窮遊香港#hkfunfoodrecord_旺角.#意粉狂熱 (旺角)地址：旺角彌敦道639號雅蘭中心2樓208號舖.⭐️評分：味道：4/5環境：4/5服務：4/5抵食：4/5.‼️想睇更多資訊‼️ig/facebook： hkfunfoodrecord‼️openrice/大眾點評 ： 歡歡增肥之旅

🍝意粉狂熱pastaholic🍝烤黑安格斯西冷牛扒🐮: 7成熟肉質鮮嫩多汁啖啖肉靚扒，口感豐富，味道正宗。海蝦牛油果羅勒忌廉意粉🥑🦐🍝: 熟透既牛油果🥑口感柔軟順滑，配以薄荷微酸既羅勒葉，加上原隻粒粒大大隻既新鮮海蝦，集合健康及營養於一身既菜式🤩海蝦牛油果多士🦐🥑🥪: 海蝦牛油果除左可以配意粉外，配以多士去食，厚厚香脆既多士🥪加上牛油果海蝦🦐🥑份量適合一眾上班族既文職女士👩🏻‍💻🧰🤤 ~~~~~~~~😋味道: 8/10📸賣相: 8/10🛋環境：8/10💁‍♂服務: 8/10💎性價比: 8/10💲人均：$200⏪回頭率：80%~~~~~

呢排香港日日都食催淚蛋, 未到7點, 旺角99% 店都已經關左, 要搵食都唔容易。去雅蘭睇見有意粉食就入, 入左先知係和民集團, 都未得閒CHECK 藍/黃店喇。自助式落單有哂相片價錢, 好方便。未夠5分鐘就開始有野食!忌廉芝士雞肉千層麵 – 好多芝士好正, 雞肉又滑又多汁。不過唯一係千層麵唔太熟得透, 有D硬。脆皮腸肉醬大啡菇PIZZA – 睇落平平無奇咁, 呢個超正! $98 好抵食! 大啡菇經烤後都仍然多汁有鮮味, 番茄肉醬香味濃郁。經典三式拼盤  脆炸薯角- 沒甚麼特別所以不多說。秘製炸雞- 類似韓式炸雞, 口感外脆內滑, 無骨多加一分! 意式薄切三文魚忌廉芝士 –芝士同三文魚永遠係best match, 呢舊芝士大大的, 絕無欺場, 不過個人唔喜歡入面粒奇異果芒果汁益力多 – 同珍奶店既芒果益力多有D 唔同, 呢杯冇藥味, 反而都幾濃益力多味, GOOD!香蕉朱古力PIZZA – 食左成晚就係等呢個甜品喇, 超正呀。熱熱既PIZZA 底加埋開始溶既雪糕球, 食完問心哂!