意粉屋 (已結業)

每逢老公早收...各大餐廳既下午茶餐便是我們的首選, 而且呢個商場平日人少, 座位亦舒適! 下午茶餐 : ( + $9 第二客)6吋酥脆脆層層酥, $45, 意大利腸肉碎、加拿大煙肉、辣肉腸、青椒、蘑菇及洋蔥 ....我們試哂所以下午茶既 pizza, 一致認為原味最脆, 最好食, 呢個餡無咗菠蘿既新鮮味...差了, 如你喜愛酥皮湯的酥皮, 這個也做得不錯.香草雞扒, 湯底意大利肉醬菜湯, $42, 幾年前第一次吃雞扒...油淋淋, 呢次食一樣, 湯底好濃, 味道較西式, 我還是喜歡燉奶佬的港式味道羅宋湯...(味道甜一點)!侍應服務不差...但有些"對白"演繹時略為生硬, 有時會覺得不說更好!Thanks for your Support, Bel!

一行5人, 原本想去和民食飯, 但星期日比較多人等位, 最終因這先有位便到此用餐.因沒有料到來此, 初時大家也不知叫什麼, 看完餐牌, 還是覺得叫set扺啲, 最後叫咗2個滙x信用咭優惠的2人餐及另加田螺薯蓉, 食物如下:2個忌廉湯及2個酥皮龍蝦湯 - 只飲龍蝦湯, OK, 今次唔太"漏"炸海鮮籃 - 新鮮炸起, 夠熱Pizza - 出奇地好味, 批底脆, 芝士夠 田螺薯蓉 - 有三片多士, 將料放在多士上好夾煙三文魚沙律 - 無食豬仔骨薯角 - 豬仔骨無味, 之前食過已不喜歡, 但家人想試便沒反對 黑松露香煎雞扒意式飯 - 推介之選, 汁很香, 飯有咬口, 只是雞扒一般4杯飲品全改為特飲, 每杯都有特色, 不過坐在冷氣風口位, 頗凍, 凍到有些飲品都不能飲完. 我本想加個tiramisu, 但賣完, 他曾建議芝士餅, 但之前在另一間食過很難食, 無落搭.偶然到此食還可, 不過下次都要去和民試.

連續幾晚也是中式餐粉麵飯, 今晚跟老公趕及下午茶餐, 臨入門口時看到易拉架寫上 +$9可以有第二份下午茶餐, 再看看餐牌...好似要 VIP!老公提議叫...海鮮扁意粉, $46, 及菠蘿腿脆皮批, $49! 前者略油略鹹, 配菜有些磨菇, 彩椒, 帶子粒, 蝦仁...不太多, 但夠! 後批...麵包部分脆脆, 四小塊剛好, 不錯不錯! 最後點了奶茶及熱朱古力, +$11, 朱古力味濃, 面頭有層凍忌廉, 滿足全靠它!埋單時....老公話約 $120...點知 $78.4, 原來真的有 DISCOUNT...噢, 真的好抵, 明晚/後晚....再一起共渡時艱!

都有成年無食意粉屋，再次幫襯竟發現好左好多喎煙三文魚鮮果沙律 鮮果好新鮮，三文魚大件又好食，必食PIZZA 真係進步不少，比PIZZA H好食好多意粉 汁醬配搭得好好，放凍左都仲係咁好食燒豬仔骨 唔係最好食既一間，不過都不過不失去蘋果批 ORDER要等廿分鐘，熱脆唔太甜，VERY GOOD服務好好，環境舒適

陪龍到荃灣大會堂參加個甚麼東東，反正還有$150意粉屋的現金券，先前就到荃灣廣場的新店醫肚。食客不多的新店十分寬敞舒適，又播著好聽的外國流行音樂，可惜是食物質素較一般分店要低。是晚龍食： 　鮮粟米忌廉湯-小試一口忌廉湯不算濃郁鮮香，較討好是湯中粒粒清甜的粟米。菠蘿雞柳煙肉炒飯-意粉屋的risotto絕非意大利飯，但因在葵芳店吃過覺得惹味不錯(http://home-and-garden.webshots.com/photo/2564663780093197558cThffD)，也推介給龍。可惜荃灣店不但用料單薄，而且空有金黃外表而味淡如水，吃得很是失望。　工作一忙就只想吃甜，我的正餐為如下部分：　　椰林相思-意粉屋的紅豆冰可算是半個名物，可惜荃灣新店的紅豆少又硬，椰汁不夠香甜，只得標準生產的雪糕最沒有令人跌眼鏡。朱古力熔岩配雪糕-曾在荃灣千色店吃過這味，早知它是加朱古力醬的蛋糕，故談不上驚喜或失望；沒有流心餡，甜魔又再次要求額外朱古力醬，雖然朱古力味不算濃，但吸收醬汁的雪芳蛋糕也算討喜，OK收貨。焦糖焗紅豆西米布甸-可揀熱或凍食，當然要了熱的。西米布甸彈性足但蛋香缺乏，面層薄薄的焦糖層

夜晚約7點左右, 同阿媽去食意粉屋有頭條日報coupon, 係$58食帶子茄子闊條麵(原價$88), 我地就order 1個試la呢排有set dinner都幾抵食, 叫左個火腿菠蘿pizza + 雜菜湯 ($6x)仲有特價$ 36 既芝士焗五蔬同埋蒜蓉包 ($3x)第1樣黎既係雜菜湯, 普普通通, 有少少似罐頭湯, 但應該唔係掛?之後係蒜蓉包, 幾香同脆不過就幾薄, 但大塊搭救可惜唔夠熱, pizzahut既比較入味到芝士焗五蔬, 有椰菜花, 翠玉瓜, 鮮冬菰 (唔係幾數到邊5樣)個味ok, 不過d芝士就好稀, 好似水咁, 可能係d菜焗到出水...份量少d帶子茄子闊條麵 : 賣相ok, 個汁淡左d, d面撈完之後都係冇乜味d帶子有8粒左右, $58算係咁, 但唔知點解有d "那利"而且茄子太多....(我唔係咁鐘意食)..食到好滯最後上係火腿菠蘿pizza, 呢樣係最好味個樣菠蘿舖滿成個pizza, 個批好脆好香, 芝士可以拉長, 加分!!因為少人既關係, 我地2個人都可以坐卡位夠晒大又舒服, 餐廳播既係懷舊情歌~~都幾relax食到好飽呀!!

成日都冇食過野，終於買齊野先可以搵食… 睇過商場裡面既餐廳都唔岩食，見呢度又少人，又可以坐得舒服就呢度啦!原來已經過左午飯時間，好彩呢度既下午茶好多選擇，可以揀個飽肚d既~ 朋友反而唔肚餓，點左一個煙三文魚什果沙律，我就要左一客三文魚菠菜焗飯~煙三文魚什果沙律 - 賣相好靚喎，煙三文魚、salami同火雞肉各一片，另外蘋果好甜，朋友食左大半就已經話飽~三文魚菠菜焗飯 - 同餐牌幅相一樣喎，係咪因為冇人呢，所以個廚師咁好心機呢~ 係risotto，雖然我都係覺得佢煮得過火左少少，不過比起好多間意大利餐廳，呢度既飯算有咬口，過得去~ 我唔鍾意飯上面既D白汁，都冇忌廉既香味既…三文魚粒亦焗得太熟，所以乾左少少…勝在唔腥~ $58既下午茶，佢算做得合格~一向對連鎖食店冇好感，所以唔抱住期望入黎…可能係肚餓，可能係閒日少人，亦可能呢一間分店有心機，今餐既感覺良好~埋單 $130見到佢既咖哩就知道一D都唔意大利，但係係一間合格既西餐廳~

早了收工, 今天來個下午茶餐, 第二個只加 $9, 又幾抵, 於是二人叫了兩個, 酥皮龍蝦湯 + 肉醬意粉 + 奶茶 及 海鮮炒天使麵 + 奶茶, 加埋一 $80!老公叫鍾意既龍蝦湯...我吃了一小塊酥皮, 唔夠酥鬆, 意粉夠硬但唔夠煙韌, 芝士味不味濃, 牛肉略硬! 天使麵炒得幾乾, 可能係下午茶餐...海鮮料唔多! 奶茶茶味不濃, 奶跟茶味亦不夾!環境坐得舒服, 侍應不夠千色那邊熱誠, 味道一般, 但勝在夠平!

12月23日味道 :一般啦 ! 千色店隔離嗰間分店好味啲 !服務 :嗰日唔算多人 , 仲有好多枱 . 見啲侍應行嚟行去無嘢做 .但後幾次叫人埋嚟 , 幾次都睇唔到喎 因為佢地掛住傾計 .後尾過度嚟態度又差

大壩街既美倫是我們平平地既飯堂, 昨晚悶悶地, 要坐得舒服一點又近一點, 呢度係其中一個選擇!黃昏優惠套餐(7:45前埋單) : 酥皮忌廉湯 + 焗吞拿魚煙斗粉 + 奶茶, $68, 算幾抵, 老公將酥皮成層起了...牛油味濃, 吞拿魚拌煙斗粉都幾夾, 不過, 汁唔夠多, 另叫了個松子油炒雜菌, $42, 單食太油, 撈埋落去煙斗粉...好好味, 人真係唔多, 係幾舒服既, 不過, 如果好似青山道那間有圓枱卡位仲多私人空間!

其實很久沒有吃 意粉屋, 前天我們一家來慶祝我大仔的生日, 一開始覺得服務員的態度很好, 他們介紹 我加入VIP, 費用為400元, 本以為就像其他大部分的食肆一樣 這400元會回贈400現金劵和其他優惠劵,可是仔細看VIP的內容和服務員的解釋, 發現不但沒有400元現金劵, 其 優惠更是諸多限制, 別說優惠,想要賺回400元都不容易.不過服務員態度真的很好 而且我想只要我以後多吃幾次應該還是劃算的 所以我最後還是加入了點了一些薄餅,意粉, 飯和小吃, 發現其分量少得不得了, 而且口味和PizzaHut很接近, 價格卻比PizzaHut 貴三至五成, 分量更只有PizzaHut 的一半. 飯只有薄薄的一層四羹可吃完. 那個蒜蓉飽像檸檬茶的檸檬片一樣薄實在後悔加入VIP, 我真的不想再去了

之前都係幫襯開千色那間, 平日經過都無咩人, 今天假期...稍為多人, 不過仍有落地玻璃位置坐, 面積好似細啲, 那邊多數坐圓形梳化, 感覺較有空間感!老公話有 quota ... 可以叫多少少, 平時一定散叫, 今日叫了 $268 set dinner! 龍蝦湯兩位, 龍蝦粒少少, 磨菇, 湯好傑, 不過龍蝦味唔濃!煙三文魚什果沙律, 以前覺得好好食...今天份量少咗, 生果如蘋果, 菠蘿, 密瓜...連士多啤梨都無咩新鮮生果味, 淡淡的, 煙三文魚質感有點散, 樣樣都差咗!星級鵝肝意式雲吞(黑松露菌汁), 以為好好食, 第一個汁已經唔覺有咩香味, 第二雲吞又食唔到啲咩鵝肝味, 只有一點點菠菜餡....係咪我唔識食?兩杯熱飲, 無咩特別!食物唔見得特別好食, 環境亦唔見得好舒服, 侍應有點失暈, 千色那邊還可憑單下次惠顧有八五折, 呢度有咩好呢? 得一個字 " 近 "!

(9/8/08)八點半仍要等位。四人吃了必吃的煙三文魚鮮果沙律,菠蘿、蘋果、蜜瓜切大大,感覺特別新鮮。焗蘑菇黃金多士,忌廉醬多多,芝士少,整碟卻是得個「咸」字,唯獨西多士方粒,夠特色。芒果三文魚意大利飯,足料,味道唔錯。芒果燒雞pizza,有芝士碎批邊,很香脆!燒雞有日式燒汁味,大家都喜歡。紅豆焗西米布甸,無蛋香。朱古力槳蛋糕,做法把brownie焗軟焗溶,一定好食架啦!如果唔係太晏都唔會求其選擇來。意粉屋d野,份量太少,味道中規中矩,但價錢太貴吧!