影片
唔洗等好耐就入得，食左个2人套餐，有龙虾汤，巴马火腿pop up pizza，个pop up边几有特色，好脆；酱烧猪肋骨配炸洋葱圈同薯条，味道唔错，多肉入味;最后系甜品焗柠檬班戟云呢拿雪糕，我觉得最好食系呢个甜品，冰凉嘅雪糕配上热辣辣嘅柠檬班戟，有少少酸同甜，好特别，好有层次。
继续阅读
第一次写食评，因为真系几嬲。以前一直去荃湾青山道𠮶间意粉屋，次次都赞不绝口，加上会员卡有九折(其实即系免加一服务费)，所以觉得几抵今次因为要买野，所以同妈咪试下荃湾广场呢间，装修算系ok，坐卡位，玻璃窗，一开头印象几好。 开头嗌住个沙律同意粉先，废事啲野黎到冻晒又或者食吾晒，因为之前去荃湾另一间分店见到人地啲沙律又大盘，啲生果又整到好高咁。正。 嗌完之后，等左廿分钟啲野都未黎，望住对面枱迟过我地黎既都到左野食，所以就催下佢，侍应态度都算几好。终于黎左个沙律。一眼望晒，所谓既鲜果沙律就系三文鱼下面几旧生果，真系超少，同上次荃湾另一间分店所见既完全吾同。都算了，食下味道点先。烟三文鱼都算ok，几开胃(可能因为太饿 )不过略嫌有少少腥味。哈蜜瓜同苹果几爽脆几甜，菠萝都ok，但系蜜瓜就not good，好吾新鲜。最不满意既生菜，第一啖食已觉得吾对路，咬多几啖，超苦！即刻吐出黎。 黎到已扁晒咁，以前食系高高地，今次卖相好吾掂。食落去芝士味一般，好咸 加左啲黑椒好啲，后来发现同三文鱼一齐食都算ok 之后都吾敢再嗌落去了，其实吾太饱，但吾想晒钱食啲吾好食既野，下次吾会再黎呢间分店。 都系青山道𠮶间分店最好，又大碟又好味。
继续阅读
话说原来想食楼下既牛乜wo,不过等位真系有排, 饿饿地唔想等呢头比较稳阵都系意粉屋快速地叫左个2人餐,龙虾汤x2加个肉酱薯条,猪肋骨炒意大利饭意虾带子炒天使面同埋+$13 转特饮, 咩雪糕红桑子汁汤ok冇乜特别薯条几好,肉酱又系冇特别, 附上既法包仲死..一食就知果左好多日, 好似梳左风咁个骨"un"到爆,意大利饭同中式分别唔大...天使面就系几好食, 但装饰既果块咁既粟米片, 同岩先讲既法包一样一食就知果左好多日, 好似梳左风咁个特饮直头好似西医d药水咁埋单400几, 我宁愿去pizza黑系完呢餐之后..2个字, 好失望梳风果2个野好心就咪悭啦..洗几多成本,又要学人行高级西餐路线, 货品同价钱又唔成比例..搞乜呢请问
继续阅读
近排HSBC做紧"意粉屋"最红优惠(YES)~虽然早排先食完lunch不过都问问另不半有无兴趣~佢听到即刻话..好怀念"龙虾汤"(哈哈) 唔驶讲野..GO GO GO!! 去最爱又最好食既饭堂"荃湾广场"开餐我地点左个最红优惠.."夏日黑钻龙虾套餐""特色龙虾汤(2客)"..个汤比之前饮既无咁咸(good) 但同样够浓郁味道~而且最紧要好够热"意国三色田园烤蕃茄沙律(香草鸡肉,莎乐美肠,特色烟肉)伴意式罗勒。蕃茄多士(焦糖黑醋汁)""蕃茄多士"..配搭好清新带香草香味~但多士略欠脆感沙律菜中既肉类..配搭由淡到浓口味沙律菜份量唔多~但刚好作开胃既清新小吃"焗原只波士顿龙虾配夏日黑松露菌。香槟龙虾忌廉汁扁意粉"龙虾肉质新鲜弹牙~酱汁味道同个汤一样浓郁加入罗勒香叶~多一份独特香味..整体好唔错扁意粉比龙虾更为出色~意粉软硬度恰当~酱汁好香好滑..好好味除左以上限定食物~另外仲有个主菜"四选一"我地点左"挪威烟三文鱼薄饼"..拣选薄批烟三文鱼唔会好咸~肉质+味道都好好配上红洋葱..味觉有半甜半咸..好match好好味意粉屋既专长唔系pizza~之前都食过佢地既厚批(真系唔多掂啰)所以今次转试薄批~估唔到有惊喜..虽然唔系好出色既pizza但真系有改观~批底唔会好油腻带少香..但同样够脆底饮品.."草莓鲜果梦幻宾治"唔会好甜+真系超够冻~饮1/3已经令人结冰整体依个套餐卖相靓..食物有水准~而服务都好好呢^^
继续阅读
我今日同2位朋友经过意粉屋门口望望个menu,点知职员好识do即刻俾左我地每人1张coupon,仲系可以用得好合时的-order set lunch即减$10呢~真系物超所值~我地3个都睇中左鲜茄猪扒苹果墨鱼汁饭 $52, 配蒜茸包片+餐汤+饮品意大利菜汤 几足料~有腰豆,椰菜,红萝卜,100%热!!附2只蝴蝶粉呢~口感也不错蒜茸包片 卜卜脆~但蒜茸味唔算太重~因蒜茸不是太多~其实去到今时今日,我仍是很爱吃意粉屋的墨鱼汁饭,可惜set lunch已经好少有墨鱼汁饭了..呜呜~因为单叫真系唔太抵食..都系order set抵好多...鲜茄猪扒苹果墨鱼汁饭 非常大碗,墨鱼饭的份量好多,非常非常之好味 薄薄的猪扒,咸度很适中,口感佳~猪扒骨与猪扒肉分明~有好多片tim!!!切成长条形~苹果粒的甜度唔会过份甜~我地慢慢叹,真的可以吃很久呢~当我地食主菜食到7788,饮品冻柠茶 才到~红茶几香浓,味道佳~柠檬片又新鲜!1 但点知果阵警铿系咁闪+响 当时系全层商场也是这样....有好多客举手话想埋单,幸好waiter check完之后声明头先只系跳左制,无事无事 Service不错的~但今次略嫌环境较为嘈吵左少少,我地坐卡位,舒服!呢间餐厅较为开放式,感觉上系近千色店果间分店较为高尚的~~当我地食到最尾叫个waiter帮我地影张相,点知知好似唔想俾其他职员见到佢帮我地影,唔太满意佢o既反应~最后每人$48.3 only!!开心开心的~
继续阅读