意壽司-心意之日本料理

营业中

休息中

荃灣心意。好耐冇出post, 最近工作實在忙到透不過氣。難得今日放假，真真正可以出去食下野。本人返開果間教會附近有間日本餐廳，價錢不嬲都平靚正，當然你唔能夠要求佢有超靚既食材啦，但絕對係性價比之選。首先order左一個紫薯餅，同平時出邊食開嘅差不多，不過不失，紫薯味都有保留到。最喜出望外係柚子炸蝦壽司卷，完全冇諗到柚子醬配壽司係幾match!! 值得推介另外一樣值得推介嘅，就係日式墨魚咀，炸粉人會特別多，墨魚咀又唔硬，可以一試。另外刺身方面，甜蝦就唔係太甜，不過屋村附近嘅日本菜，你好難要求佢咁高。最後其他菜式，例如大阪燒，鍋物，同埋其他壽司，都係正常嘢，冇乜特別。但係最開心嘅係，我哋三個大人食，埋單都係只需要$350！真係實在太抵食呀，大家不妨經過去試吓啦

今日同朋友慶祝生日，係冇預約嘅情況下喺荃灣入咗呢一間日本餐廳食，本來冇乜話好大期望，因為見到價錢都幾平民，點知好驚喜，食物水準好味又平。我哋三個人叫咗好多嘢食，有牛舌，燒雞泡魚乾，軟殼蟹手卷，蟹膏蟹肉手卷，珍寶香芒天婦羅蝦加州卷，燒原隻日本魷魚，燒花魚一夜干，鵝肝和牛粒石鍋飯，吉列炸蠔，火焰蟹棒壽司。珍寶香芒天婦羅加州卷大大件足料好味，好清新，值得一讚係軟殼蟹手卷嘅軟殼蟹，即炸新鮮，燒雞泡魚乾小食香可好味，好適合送酒，總括呢一間日本餐廳經濟實惠抵食，值得再encore！

見住意壽司越黎越多人排隊都唔敢再寫食評讚怕要排太耐隊😢但真係一個好抵食既地方無論午市晚市都有定食沙律小菜主菜一樣高質素而我最鐘意叫佢既便當佢午市同晚市便當分別在於午市冇刺身但價錢就低$20左右🤫今次我食既係晚餐比目魚便當有蟹籽沙律雞翼三文魚刺身同比目魚真係包你飽肚又滿足一百蚊有找 大滿足👍🏻

呢間日式平民餐廳行過唔算好起眼，不過勝在價錢夠平，冇得晚市堂食就緊係lunch出黎搵食先啦！午餐平均都係$4x-6x左右包埋野飲，日本野黎講真係相當吸引嘅價錢！而且仲有好多款多以揀，食幾次都唔會厭今次就叫左兩個餐，一個係壽司定食，一個係野菜鍋心壽司定食配迷你日式花腩叉燒手打烏冬：壽司就有火炙三文魚2件、火炙三文魚腩1件火炙三文魚醬油漬1件、火炙蟹棒1件同埋吉列蝦卷3件。火炙壽司平時出去食都十幾蚊件！呢到六十蚊左右就有8件壽司，真係勁抵食，而且都唔會話隨便燒左幾下就算，都燒得幾香，另外加埋個烏冬就啱啱好飽晒，烏冬都好滑，不過湯底就淡啲日式牛肉野菜鍋：白飯超大碗，女仔可能食唔晒添，而且牛肉超多，份量絕對足料，仲有豆腐，竹輪果d，一鍋鍋冬天食就最啱，暖下個身，健康之選午飯時間都偏多人，需要早啲黎到搵位

見到呢間感覺性格比高既餐廳 想食多d日本野就黎試下荃灣站行過黎15分鐘到 都要排一陣先入到坐位比較迫 岩岩坐開5分鐘已經feel到個冷氣吹得好勁 本身唸住掉位 但係疑似老闆娘話落左單冇得掉位我地唯有要求較下冷氣啦Lunch menu幾多選擇同幾抵食我地就叫左個魚生飯25號 $68蚊魚生飯包野飲 真係邊度搵黎到又冇因為價錢縮水喎 不過魚生就一般般啦 唔算好新鮮另外都叫咗個小既刺身拼盤 同上面魚生差唔多 色澤都係麻麻地亦都唔算特別大件 不過就唔腥既另外都叫咗幾件壽司 炙燒鵝肝，魚背，八爪魚🐙鵝肝壽司達到水準 可以一試唯一係覺得壽司飯太多另外都叫咗個甜蛋 唔算太厚 食落都正正常常最後埋單二百幾 性價比算係極高 只係環境同埋服務態度就差少少 嘢食水平都中規中矩 可能因為價錢唔算貴 所以都冇對食物嘅要求咁高

就近福來村既一間小店，唔識黎都要d時間行。 舖頭比較細，坐位真係有d迫。開頭接待果位職只都有D粗聲, 真係有少少驚, 後來坐落先發現其實佢都好細心, 外剛內柔~ 食物方面真係有驚喜，個帶子蟹膏刺身$68忍唔住一人食一碟，蟹膏味勁香又唔腥，帶子同赤刺身鮮甜肉厚😋😋😋😋 nomonomnom可樂餅睇黎係現成叫貨，大家都係自己在家氣炸罷🤭黑松露醬金姑亦都好香，可以一試。雖然職員推介蟶子王刺身, 但我地都好有默契要熟食。蟶子王鮮甜得黎有少少腥味，怕腥朋友就唔好叫了。三文魚卷 $48 亦係推介性價比高之選之選😋牛油果蟹卷如果可以再熱少少就更加好味~人均消費約$250，絕對抵食

平時比較少去荃灣今次嚟到荃灣行街就睇吓附近有咩好食見到網上都幾多人推介呢間平民價日本料理小店就專程過嚟試吓-環境方面 餐廳唔算大 夜晚都幾多人等位要等大約半個鐘左右先可以入座坐得有少少迫服務都唔算特別好 負責接待嘅侍應好似有啲唔太耐煩-但食物質素都算有驚喜首先叫咗鵝肝多士 好夠脆 入口即溶價錢仲幾平 呢個好值得一試之後仲叫咗啲刺身 串燒 海膽壽司同花之戀壽司海膽都幾鮮甜 其他就一般冇咩太大嘅驚喜埋單價錢都比起出面其他日本嘢平整體嚟講CP值幾高但同區應該會有更多其他選擇未必會再特登嚟食了-整體評分：3/5

我琴日食左碗有蟲既魚生飯！其實我耐唔耐都會去呢間日本餐廳食飯，一直感覺都係抵食，但係今次既事令我以後都唔會再去呢間食飯！！我叫左個魚生飯，裡面既帶子竟然有條長長地白色既蟲！仲要係識郁㗎！真係好恐怖！當時既我實在嚇親 所以冇影到相。不過更過份既係埋單既時候，佢竟然要收返我錢！大佬呀，依家係你既魚生有問題，有蟲喎，你仲好意思收我錢？我明依家飲食業艱難，想做多d生意賺錢，但係你咁樣做只會換黎我永遠唔幫襯！依我觀察應該係前排限聚令人少左去佢度食飯，呢d食材擺得耐所以變壞/生蟲。我勸大家食呢間野要小心！

在荃灣區，每次想吃一頓又便宜又有質素的日本餐，都會來這間餐廳。食物質素很好，價錢不貴，又不用加一。唯一不好的是座位較窄，同時多人客等位時，吃完就要走，不可能慢慢座著聊天。為免等位，我每次都是晚市一開始就去，吃完就走人。今晚要了兩份便當，一份壽司，一份剌身，因為還要外賣給家人吃，所以再要了一份炒飯。其實有很多東西想吃，但只有兩人，所以不能點太多，以前吃過這裡的二人套餐，份量很多，通常我們要覺得很餓才選吃套餐，否則散叫較好。第一碟來的是帶子蟹膏剌身，看食評每位食家都讚賞，我也覺得很好食，帶子厚肉，蟹膏份量多，兩者都鮮甜美味，不用醮醬油吃更能嚐到鮮味。接著汁燒和牛粒便當上桌了，盤內分有五個格子，分別盛載著不同的食材，主角和牛粒大大份，伴著燒汁的汁液和洋蔥的香氣，一啖入口，嚐到和牛粒的肉質是很嫩滑的，容易咀嚼。然後是西京比目魚便當，比目魚的皮有少少焦香，魚肉滑嫩，沒有太多細骨，不怕有骨哽喉，伴著沙律醬吃，甜甜酸酸十分開胃。兩個便檔的配菜是一樣的，有三文魚三片，什菜沙律，蒜味螺肉，炸雞翼，整個便當食材很豐富，三文魚肥美，沙律以青瓜絲及生菜絲為主，配上蟹柳肉。炸雞翼也不會炸得太乾而變成雞肉乾令人難

今日約左朋友去荃灣睇戲，睇戲前就搵下呢頭有咩好西食由於想食日本嘢，朋友就介紹左呢間意壽司-晚上7點幾到，估唔到疫情期間都滿座見到呢個場境心想，質素應該唔錯所以先咁多捧場客，所以未食就先安心🤣🤣食物種類選擇好多～花多眼亂😛😛價錢仲要好公道！-帶子蟹膏刺身 $65/4件實物比睇相片更爆蟹膏🤭🤭每顆帶子都好厚身，啖啖都充滿住蟹膏同帶子既肉質，味道新鮮，再來都一定會點呢個帶子刺身☺️--鵝肝牛柳粒炒飯🤤🤤每粒飯都炒到好香口，我鍾意等佢有少少飯蕉先攪拌鵝肝既油脂充分滲透去每粒飯，好惹味，令人想一碗接一碗必點！！！-雪酒煮花甲 $62呢個價錢有呢個份量同味道，我無野再補充🤭🤭兩個人食一大碗食極都仲有～超值-七味燒三文魚腩骨 $28汁燒到岩岩好又唔乾既三文魚，又係每人一件接一件忍唔到口🤭🤭-兩個人咁樣食已經好飽，下次來想試埋佢個鵝肝多士同埋甲羅燒🤤🤤-值得一提既係店員唔單止有禮貌，仲好貼心，睇餐牌時有疑問佢地都會好好態度好有心咁答我咁忙咁旺場都仲好有耐性，真係抵意壽司咁多人捧場☺️小店要加油！繼續keep住！

呢間餐廳位於荃灣, 食既野會比較偏向類似居酒屋的胡麻冷柏葉第一道好食既一定係呢個胡麻冷柏葉, 估唔到日式既牛柏葉點上胡麻醬之後係咁吸引的, 甜甜的有點似食緊鬼巴士一樣, 牛柏葉超級爽脆!! 爽度100分帶子蟹膏刺身只有4塊的帶子入面放了滿滿的蟹膏和蟹籽, 口感同味覺都好濃郁!!鵝肝和牛粒石頭飯超香既鵝肝味道, 撈飯食真係一流, 超大片的鵝肝係上面, 下面既飯都係超香既鵝肝味道同油油的口感, 正雪酒煮花甲呢度菜最岩就係餸酒食!! 每一隻花甲都好香既酒味!! 不錯

今日同舊同事約食飯，又返到我地以前工作既地頭了！我地兩個都想食壽司，呢間又近我地住果頭，一於試試帶子蟹糕刺身平日帶子比較清甜，就甘食未必夠過癮，呢間料理用味濃既蟹糕搭配，加埋蟹子，出奇地無cover到帶子既鮮味，三者仲好夾。覺得蟹糕味太濃既話，可以加D 檸檬汁，完全無諗過可以甘樣食！珍寶牛油果軟殼蟹卷基本上來說，是加州卷加上軟殼蟹及牛油果~軟殼蟹香脆香口又唔淋，加上creamy剛剛夠熟既靚牛油果，唔錯2022雪酒煮花甲好濃既清酒味，但唔會「梗」！清甜及濃烈酒味既soup base，加上其他配菜，將花甲原先既海水腥味cover 得好好，又keep到佢原先既甜味爆脆鵝肝和牛粒石頭飯肉量多，大滿足！醬料調得恰到好處，石頭鍋夠熱，一邊撈一邊煮。好少有機會將鵝肝同和牛一齊配食，原來呢個配搭都唔錯

日本菜真的吃不厭，今日我又約朋友一起到這間位於荃灣的日式餐廳吃飯。我們晚上7:30來到，餐廳門外已有不少人正在等候。等了大約十五分鐘，終於輪到我們了。餐廳菜式選擇多，刺身、壽司、小食和燒物等。我們點了麻醬冷牛柏：牛柏葉很爽脆，加上一絲絲的青瓜，更加爽脆及開胃。鵝肝和牛粒石鍋飯：由於飯是用雞肝油炒過，吃進口有香濃既油香味，加上將飯放在石鍋碗內，會吃到香脆的飯焦。雪酒煮花甲：感覺有點像胡椒豬肚湯，不過它是用花甲、粉絲和蔬菜煮成，有少許辣。唐揚單骨雞：單骨雞翼炸得很香脆，沾上芝士醬，忍不住一件接一件。帶子蟹膏刺身：帶子加上蟹膏，真的是鮮上加鮮，很鮮甜。

政府開倉派錢，加上公司推行彈性上班時間（早返早放），所以今日早咗放工，決定一個人食餐好野先回家「意壽司」位於海壩街，就近福來邨，位置都幾方便帶子蟹膏刺身入口先食到蟹膏的蟹香味加軟滑，嚼落又食到帶子刺身的鮮甜味，呢兩種食配合一齊食，真係非常鮮美唐揚單骨雞翼雞翼外皮炸得非常脆口，食落甘香，但中間仍好juicy ，值得一食爆脆鵝肝和牛粒石頭飯鵝肝肥美嫩滑，咬口細緻綿密，又有點入口即化的口感，和牛粒，牛味濃郁，肉質鮮嫩，有口感，炒飯加上洋蔥、醬汁炒得粒粒分明，配上鵝肝、和牛，讓所有食材都發揮各自的特色，超美味炒飯！

上次過嚟呢條街食咗另外一間日本料理當其時見到呢間都幾平同好多人排隊今次一於再過嚟試埋佢啦 😆😆😆 屋村餐廳係唔同啲 ，價錢非常親民 想簡簡單單食一個定食都只係$70幾蚊帶子蟹膏刺身 帶子大粒 新鮮 配合埋蟹膏同埋蟹子配搭得非常之好 天衣無縫 口感正 層次豐富 ！！甲羅燒 蒜蓉包非常香脆😋😋蟹蓋入邊有蟹肉🦀 蟹膏 🦀 蟹子蔥花 同 有粒生既 鵪鶉蛋 ，傳統食法 攪拌後直接放在蒜蓉包上食 。雞翼炸得夠乾身，夠晒脆口 仲要係單字骨非常容易食 😌😌鵝肝和牛粒石頭飯 鵝肝大塊 🤩🤩 煎香後鵝肝油香融入飯到 ，只係食飯都會食到滿滿嘅油香味 石鍋保溫到很好 食到最後個飯都仲係熱嘅 🥳🥳