意壽司-心意之日本料理

营业中

休息中

這條街上有很多人氣餐廳，所以經過很多次這間餐廳都沒有試過，這晚星期日經過，反而另一間人氣日式餐廳不用排隊，而這間門口人頭湧湧，所以決定一試！排了隊要等幾張枱，但係翻桌率都算快，所以不用等很久。入去最後決定了試一試寫在黑板上的廚師推介—日式蕃茄雞翼拉麵加三文魚壽司（$78）。雖然聽名字好像很伏，但星期日夜晚有套餐，而且不用加一，還送了小食，性價比已經十分高！小食我選了三文魚壽司，壽司味道就十分一般，加上家人選的壽司套餐，味道也一般，所以不建議在這間餐廳吃壽司。說回我的日式蕃茄雞翼拉麵，想不到賣相十分不錯，而且蕃茄湯頭都算美味，帶有番茄的味道和微妙的甜味，合格有餘。雞翼就是普通鼓油雞翼，但也算鮮嫩多汁，麵條不是自家製或手製，像味千拉麵那般味道，以這個價錢來說很不錯。這道菜還有海苔和溏心蛋等多種配料。總的來說，食物對得起價錢，不妨一試！

好耐冇食過日式餐廳，朋友推薦呢個海壩街抵食日式小店，呢到出名唔收加一，份量夠多！嚟開荃灣呢頭一於試試佢～芝味咖喱雞石頭飯💰HK$56面頭有好多蟹籽，炸雞份量多，配上日式咖哩汁、芝士同埋蛋炒飯，撈勻哂之後仲有拉絲嘅效果，相當邪惡🤤個人認為汁撈飯比起啲炸雞更出色～日式牛肉壽喜鍋配白飯💰HK$62壽喜燒鍋材料嘅份量好多，入面有白蘿蔔、獅子狗、牛肉、生雞蛋之外仲有埋粉絲！個湯底係壽喜燒果種一貫嘅清甜，令人好開胃！

🖤黑白配⚪️喺荃灣行行吓街，覺得有啲肚餓，睇吓有咩好食，經過意壽司嘅時候，發覺出面都幾多人排隊等候，出於好奇，就諗住入去試吓😂試完之後覺得好驚喜！食材新鮮味道又好，仲要唔收加一！餐廳主打日式小食壽司刺身，成個裝修環境都係屬於小店街坊性質，唔係有啲咩裝修嗰啲，但係環境乾淨企理珍寶和風三文魚卷 $56個底係用咗加州卷，包住咗蟹柳、青瓜、同埋甜蛋喺裏面，表層就鋪咗三文魚籽、蛋黃醬同埋三文魚，大嚿得黎好豐富🤩🤩火炙芝味軟殼蟹卷 $38火炙咗嘅芝士🧀同埋三文魚籽鋪左喺軟殼蟹卷上面，個軟殼蟹🦀食落去好香脆，足料👍🏻👍🏻👍🏻鵝肝和牛粒石頭飯 $92個飯用石鍋上熱辣辣🍚，和牛同埋鵝肝配埋個炒飯混合埋一齊，啖啖飯香七味燒牛舌尖串 $14牛舌🐮串燒上面沾左醬油汁，食落去甜甜地 七味燒三文魚腩骨 $36食落嘅感覺有啲似雞泡魚乾，但呢個食落會硬身啲同埋魚香味重啲 🐠

之前去食初見既吉列牛既時候見到呢間附近既壽司店，今次黎試下～晚市有套餐都幾抵食，仲要冇加一，最最推介佢地既刺身同卷物，都好高質！  1⃣️帶子蟹膏刺身（$72） 呢個真係一定要嗌！帶子鮮甜，中間夾著滿滿既蟹膏！食落口係creamy既口感加上好重既蟹味🤩面頭仲有啲蟹籽！好正好正！  2⃣️珍寶和風三文魚卷（$56） 每一件都幾大件。個底係加州卷，有蟹柳、青瓜、甜蛋係入面，然後鋪上蛋黃醬、三文魚、三文魚籽，好豐富😋  3⃣️鵝肝和牛粒石頭飯（$92）（配三文魚蟹籽沙律手卷） 熱辣辣咁上枱，個底係炒飯底，有蛋、洋蔥絲炒埋一齊，用石鍋上更加風味十足！配料既和牛粒、鵝肝油分同炒飯混合一齊，啖啖香！晚市套餐可以自選小食一款，揀左個手卷，好抵！  4⃣️心壽司定食配迷你湯烏冬（$88） 有好幾款壽司：三文魚、墨魚、馬刀貝、甜蝦、八爪魚、鰤魚、蟹膏貝柱。另外仲配上一碗仔烏冬，烏冬好滑，份量唔會太多啱啱好，入面仲有蟹柳、筍絲，湯底似係豬骨湯底但係味道偏淡。  5⃣️火炙三文魚腩壽司（$12） 油脂感香，入口即溶🤤  

呢間位於荃灣福來村附近既心意之日本料理，係一個不錯既午餐選擇。尋日點左午市套餐牛肉野菜鍋 (胃口較細, 叫左少飯)，牛肉份量十分足夠，肉質偏肥，加上野菜同埋唔錯既湯底，都算食得幾滿足。不過，對於服務方面就有小小失望。可能因為午市期間多人等位，所以店員不時走埋黎問係咪食完 (都有禮貌地問既)，但不時好似想收食物咁，令人唔好意思食得慢。整體來講，餐廳嘅性價比都算高，食物質素不俗，加上地理位置方便，係一個值得一試既餐廳。

平日午餐通常打電話外賣自取，一段落單勁快，出餐又勁快，15分鐘可取餐。今次老公接放工，近近地行去福來邨食日本嘢。叫咗一個晚餐 壽司烏冬餐，雖然比平時午餐貴少少，但忘記咗影相，有兩件三文魚壽司，有帶子刺身軍艦壽司，赤貝壽司，墨魚壽司，及其他魚類新鮮壽司，只係貴少少但正好多，真係平靚正👍，配有迷你豬骨湯烏冬的。堂食當然叫日本料理的小食😁，燒扇貝，有一個殷勤的店員店員推介我試和風日本燒，仲可以比我選擇鴛鴦燒，另一隻用傳統蒜蓉燒。和風日本燒真係好好味，第一次食到呢種味道，個醬汁應該係佢哋自己調配，內有洋蔥，面層有蟹子，推介大家試吓！另一隻蒜蓉燒略嫌太多油，但味道ok的！炸雞軟骨，香脆，平👍又好食蒜蓉燒茄子，佢哋燒到可以連皮食，味道適中，係略嫌多油咗少少整體滿意，又平又算多選擇，但坐位唔太多，迫少少，但唔係等好耐的，只要要求唔太高的話，可以一試，出面都應該好難得搵到！

荃灣海壩街超親民日本料理心之日本料理/午市牛肉壽喜燒📍意壽司-心意之日本料理 𝑯𝒆𝒂𝒓𝒕 𝑺𝒖𝒔𝒉𝒊🧭荃灣海壩街26號地下💰人均消費: HKD65食過幾次超平嘅街坊日本料理 #意壽司 ！⭐️日式牛肉壽喜燒鍋配白飯 $62𝑺𝒖𝒌𝒊𝒚𝒂𝒌𝒊上枱唔係話好香，不過估唔到啲牛肉又幾靚，仲有幾多！如果個湯香濃啲就正！$62可以食個壽司燒真係好平！#MFJ荃灣 #MFJ日本菜#mfoodjournal #foodie #hkfoodie #foodblog #hkfoodblog #japanesefood #japanesecuisine #相機食先 #荃灣美食 #日本菜

疫情前來過多次，當時覺得食材新鮮味道好又不收加一，所以很抵食。之後因為疫情影響，店內座位又較窄，所以我沒有再惠顧。三年後的這個晚上終於又回到這裡吃一頓晚餐。餐廳裝修過，店內放置了一些日系模型擺設，牆上也掛上一組日本籃球動漫的圖片，簡潔的牆壁又添上點點生動氣息。晚上七時未到，店內已是食客滿滿，很是熱鬧。我們經開飯喇網上訂座，準時入座。今晚要了兩份餐，訂座時選了一項優惠，消費滿150元送一份安安牛肋串。心壽司定食配迷你湯烏冬，壽司共八件，三文魚，甜蝦，油甘魚，風刀貝，八爪魚，蟹膏貝柱，吞拿魚，每件食材都鮮味，唯一不足是不夠凍，飯是常溫。迷你湯烏冬的湯底味道濃郁，夠熱。烏冬彈牙爽滑，蟹柳吸滿了湯液，日式蘿蔔爽脆。西京燒比目魚便當配白飯，便當以五分格的盤子載上了五種食材，前菜的蟹籽沙律，三文魚剌身，小食脆炸雞翼，主菜比目魚，甜品泡夫。一個便當可品嚐五種不同食材，真是大大滿足。比目魚燒得恰到好處，魚肉軟滑，魚皮香口，燒汁已滲入魚肉內，與面層的沙律醬汁同吃，增添不同口感。安安牛肋串，肉質嫩滑，面層帶點焦香，惹味好吃。多年沒來，今次再臨，感到食物質素仍能保持水準。

假日時都會堂食，今日外賣自取。但換來一肚氣。上open rice 睇左餐單，選好食品，才致電外賣，叫左一個牛肉石頭飯，她說沒有這餐，唔咁我改吉列豬扒人飯。接電話女士好不耐煩，叫我去open rice 找餐單，我同佢講我係睇緊open rice 的，佢叫我用外送速遞，我說我不外送的，然後即刻收線。我好嬲，你冇我點的餐也不要cur我線，她說你話唔要喎，我說我話我唔要外送，冇喎唔自取。我知你生意唔差，但都唔係咁做生意架，只做堂食，不做外賣架，咁你唔好聽電話呀麻。我真係忍冇可忍。

裝修前食過2次，裝修後返黎睇下有咩唔同🤣首先係每次必食嘅蕃茄冷盤，個汁真係好開胃叫咗特別推薦嘅大地魚干 $148一條 少少骨但好多肉因為唔食得魚生，所以叫咗2個主食：蝦湯拉麵同麻辣豚拖羅炒烏冬拉麵湯底濃，係幼拉麵黎~烏冬就冇咩麻辣味最初以為係呑拿魚個隻拖羅，之後先知唔係😂😂再叫叫咗個燒餅，都好大件，不過燒汁唔太夠，建議下次俾多少少最正係佢👇🏻燒年糕好黏糯帶甜，有咬勁忍唔住叫多串！因為餐廳冇甜串供應，呢串可以叫黎做甜串🤣另外叫個串燒手羽，不過太淡落七味粉都唔太夠味其實仲叫咗其他燒物、三文魚頭、芝士軟殼蟹卷等等，不過後來先醒起要打食評😂😂整體都好滿意裝修後嘅環境、食物、服務侍應都好有禮貌不過有部分食物可以做得更好

首先強調此post絕非差評小弟一直好鐘意食意壽司性價比高的日式料理尤其喜歡火炙壽司餐裝修後個餐加左價但都唔緊要，最慘係縮水😢本身跟餐個烏冬有日式叉燒+蟹柳而家得返d筍壽司本身有3件炸蝦反卷+一堆火炙壽司而家冇哂d反卷本來成set野係好豐富好滿足冇比較冇傷害而家就相對有d失色其實我真係唔介意加價但可唔可以俾返之前既combo我😢

又來飯堂 ...娘娘今天沒來，這個是我和格格的“刺身盛”，有蟹膏帶子、拖羅、三文魚及大大隻甜蝦，帶子特別鮮甜，蝦也很新鮮，你看，蝦頭一粒黑點都沒有，用料認真。“燒油甘魚鮫”，一個字，香！“雞皮串”，這晚最邪惡！每一次都要吃的“燒牛舌”，切得薄，嫩、香。用火鎗噴過的“左口魚群邊壽司”，逼了點魚油出來，更加香滑，更令我勾起上班的回憶，“下面嘅，成舊飯，上面嗰個，多舊魚”，唉！😔格格生了積，多點了一個“單骨雞翼”，配了個柚子沙律醬，既香口，又清新，很過癮。超值！

📍 #意壽司#MFJ荃灣 人均消費: HK55之前提過海壩街的意壽司，其實令我印象深刻的是他的午餐「芝士咖喱雞石頭飯」！今次再食可以再開Post🤣💯芝士咖哩雞石頭飯🐔$52上車時已經聽到治治聲和香濃的咖喱味，頓時食慾大增！咖喱超多足夠拌飯，芝士可以拉絲！芝士和咖喱味十分配，炸雞翼非常好味！不能返，咖喱，芝士和雞，之間都非常有火花！別看他很像份量很少，其實男生也吃不完！而且還要是$52包飲品，便宜都想哭！估計他將會變成我常吃的餐廳之一，因為真的平靚正！加上飲品都只需要$55 ，而且沒有+1服務費！下次再有食其他款式再跟大家彙報🫡😂#mfoodjournal #instagfood #foodstagram #hkfoodstagram #foodie #hkfoodie #foodblogger #hkfoodblogger #foodblog #hkfoodblog #相機食先 #荃灣美食

無意中揾到呢間日式料理，無諗過咁抵食😂物超所值，今次冇食到午餐，但印象非常好！忍唔住畀好評❤️🔺🔺和風蕃茄，正到不得了！酸酸甜甜，個汁勁開胃❤️做前菜一流，我覺得係必叫🤣因為太抵食，叫咗蟶子、赤貝、池魚、帶子蟹膏刺身，全部都好爽口新鮮🌟🔺🔺$28 一嚿海膽壽司，咁抵食喺邊度揾😂😂海膽味夠，紫菜夠脆，好新鮮！🔺🔺燒魷魚🦑 勁大條😂😂再叫咗一個炒烏冬，係用鐵板上👍🏻味道十足😆

嗌左好多次外賣，真係好食，今次嗌呢個赤蝦粒粒魚生飯，佢啲便當真係好抵，除咗主菜有章魚燒、蟹子沙律、前菜、湯。真係好豐富，蟹子沙律都有幾多蟹柳，雖然啲粒粒有啲少，但魚生鮮甜，蝦頭蟹膏唔會苦，不得了！