意壽司-心意之日本料理

营业中

休息中

📍#意壽司 #MFJ荃灣 #MFJ日本菜人均消費: HKD72又係揾食時間！今次食海壩街嘅意壽司！你唔好睇佢好像茶餐廳咁嘅隔局，其實佢真係禾稈冚珍珠，超級多野食！ 之前食過一次芝士咖喱雞飯，超好味！ 🆗帶子蟹膏赤蝦雜錦魚生飯🍱$72今次食雜錦魚生飯，有帶子，蟹膏，赤蝦，三文魚，吞拿魚，蟹籽，玉子！魚生飯嚟講款色都算多！不過食落唔覺得話超新鮮好好味，普普通通，好彩平😂雖然今次普通，不過見到人地枱啲野真係流晒口水，加埋上次食都好好味，一定會再返黎食🤣🤣

包下膠先原本係打算食隔離嗰間初見但原來星期六，日同公眾假期係冇Lucnh Menu咁會俾貴價去食Lunch所以只好再搵過第二間食咁隔離就係呢間意壽司見到餐牌平均價位都係50~60蚊所以就抱住試伏嘅心入去食咁就叫咗個石鍋咖哩雞扒飯份量都算適中我出名大食都覺得啱啱好個雞扒飯下面係炒飯底都算有啲睇頭咁上面就係大量咖哩醬同炸咗嘅大雞扒仲加咗啲蟹子粒咁醬嘅份量都幾多撈埋每啖飯食到咖哩汁雞扒都算很大的一塊成塊都有落粉炸過 但係可能因為焗飯嘅關係所以食落去係有啲淋淋地嘅感覺奶茶係走甜嘅都飲到茶係香滑嘅感覺所以係易入口嘅奶茶整體都有很唔錯嘅評價唯一美中不足係個石鍋唔算好熱所以食唔到飯焦但可以用蟹子去彌補呢間餐廳仲好多嘢揀下次可以再戰

今天友人帶我來這家餐廳吃下午茶，疫情下裡面也坐了八成。我點了#26 八件左右壽司加迷你叉燒烏冬，仲有配餐飲。八件壽司中有三件炸蝦卷，其他食醬汁三文魚、火炙三文魚等。味道比想像中OK，以這個價錢$65算是很親民。另外叫了鐵板肥牛金菇卷，一份六件，配上洋蔥日式醬汁，非常入味。朋友還叫了炸雞軟骨，份量算多，但覺得雞軟骨偏小，可以炸得更鬆脆。想不到在現在還能找到價錢這麼親民而味道OK的餐廳。經過的朋友可以來試。

每一次去荃灣必定諗起依間餐廳因為價錢合理，午市會包一杯熱飲，而晚市會送小食，飲品方面就另計。每一次去味道五會太大出入，食物質素很好。每次去都一定會叫日式牛肉野菜鍋，真心推薦。

即叫即做壽司，醋飯乾濕適中，有醋味而不太酸，而飯團也捏得合度好處，不會太實也不會一夾就散，只是飯團太大個第一轉的炙燒壽司燒到表面微焦，也燒得夠得夠焦香，做得不錯，但第二轉則燒得不夠時間，有欠油香不過軍艦壽司則很一般，紫菜保存的功夫可能做到不足，因此紫菜已經有點軟身。但壽司軍艦上的材料也算足料芥末雖不昰即磨，也不是高級貨，但辛辣味也足軟殼蟹手卷紫菜有同上問題，軟殼蟹微温，不太酥脆但也不是淋掉了，整體不過不失。枝豆正常，　有少少鹽味最令我們驚艷的是，他們的金菇肥牛卷是用鐵板上菜，份量比想像中大，而且用鐵板上菜，有好的觀感雖然肥牛偏肥沒有牛味也韌，金菇昰一札的，完全沒有弄散，只是略略分開一兩札再切半，令我懷疑金菇有沒有洗過，但醬汁味道不錯，少少甜不太咸，而且熱騰騰的章魚小丸子應該不是即叫即做， 似是翻叮， 不是太熱， 也不是外脆內軟， 中間粉漿1 pat pat （因為料較少 ，沒有甚麼椰菜絲），章魚粒也基本上吃不出，敗筆之完結

✨✨爆多料嘅牛肉鍋✨✨冬天來了，lunch真係好鍾意食鍋物！公司附近有間好抵食日式餐廳，好多人等，要早少少去。⭐️ 牛肉鍋 $58 包熱飲牛肉份量多，而且唔係薄片👍🏻👍🏻唔係得個肥字無肉d，少少肥，啱啱好👍🏻👍🏻配料仲有獅子卷，冬菇，雞蛋，金菇，娃娃菜，粉絲等等，非常足料😍😍😍仲有一碗大白飯，結果飯係食唔晒😂😂除左鍋物，其他都係好大碟但又唔貴，下次會試下其他食物！📍意壽司 (荃灣)

WEEKEND 晚餐✨意壽司✨荃灣區街坊小舖，男兒當入樽的裝修，想起了年少的日子!🌈帶子蟹膏赤蝦雜錦魚生飯份量好足料帶子好鮮甜，魚生好新鮮。🌈豬軟骨黑蒜湯手打烏冬湯底好濃郁，烏冬好煙韌豬軟骨好淋好入味。🌈燒鯖魚便當便當有2粒小丸子，燒鯖魚燒得岩岩好，皮夠香脆，配上飯食真係好適合!🌈燒原隻日本魷魚燒得好香，食落好嫩，配上醬汁真係好得。飲品普普通通，未有特別凍檸檬茶同凍奶茶價錢中規中矩，好適合大衆食。

朋友介紹下去咗意壽司食😋我叫咗吉列豬扒咖喱烏冬，朋友叫咗燒鯖魚便當。我第一次食就覺得唔錯，我好鐘意佢既烏冬👍🏻分量都幾多，抵食☺️我會再黎幫襯食其他野食😋

朋友話個個星期都要食一次，所以的起心肝試下呢間餐廳。款式都幾多，壽司、卷物算齊，仲有晚市便當揀。鵝肝多士好香、珍寶牛油果軟殼蟹卷好大份、原條燒鰻魚夠入味、雞泡魚干都好香口，淨係叫呢啲都食到好飽呀大滿足

五時廿分入到這店，店員表示已是晚市，無計吖，就睇晚市餐牌。款式都不少，各式烏冬拉麵及飯都有。我們叫了咖哩吉列豬扒拉麵配火炙壽司三件、牛肉鍋等。火炙壽司很香，無得揀，給了玉子、蝦及魚，味道不錯。飯身軟，不會硬。拉麵肉有半隻流心蛋，軟硬剛好。吉列豬扒都屬正常，香脆，但不算肉軟。咖哩湯就略嫌一般，反而另一個叫走咖哩，味道更正常。我的牛肉鍋，幾滿足。牛肉數量不少，不會太肥或太靭。還有菜、豆腐、獅子狗及蛋。阿仔食完拉麵還要加，再叫了燒牛舌，厚薄適中，不會過淋，也不靭或硬，幾出色。還有吉列炸蠔及炸蝦，價錢相宜，質素成正比，算不錯。

呢間意壽司夜晚見到佢都多人排，咁就黎試試佢啦😛其實佢啲座位都幾窄下，有啲似放題嗰種窄😅但都可接受既。我嗌左個魚生飯，有三文魚，玉子，帆立貝同赤蝦，魚生未算好新鮮但價格真係好抵，都唔可以太挑剔😅醋飯可以再粒粒分明啲，宜家有啲太濕🍚如果你冇乜budget但又想食日本野既話，呢度真係抵食之選黎👍🏼但如果你想食好少少質素既魚生，我會推薦你去第二間比較好😅我諗呢度係俾附近既學生晏晝食下日本野咁🤔

無訂位又諗唔到食咩，咁岩行過呢條街，見到有日本野食，價錢唔貴又唔洗等位，就入左去食。餐廳都細間，坐得比較迫，不過街坊小店都無乜所謂啦本來諗住唔洗諗叫2人餐，但見佢d定食都好多款揀，而且都好抵食，一個飯麵仲跟一個小食，大部份都係70幾蚊另外仲有d便當揀，但就無跟小食，其實本menu仲有好多野食揀，而且價錢都好抵食，好吸引最後揀左日式鍋燒雜錦湯烏冬，湯底比較濃味，餸就有炸蝦、炸雞、炸餃子、溏心蛋、义燒同鳴門卷，烏冬都幾煙韌，都唔錯另一個揀左帶子蟹膏赤蝦雜錦魚生飯，蟹膏帶子有兩件，味道好鮮幾好味，另外仲有三文魚、吞拿魚腩、玉子、蟹柳等等，都好新鮮飯量都幾多，最後食唔晒d飯小食揀左2個火炙壽司，有玉子、蝦同蟹柳，都燒得幾香2個人都係$150蚊，好抵食下次會試下其他野

今日可以自己一個吃午餐我選擇咗日式小店，已經很久沒有來了但依然咁好食！因為我兩點半先到所以客人不多，我可以靜靜吃個午飯！我點了日式雜錦烏冬，有炸蝦，餃子，炸雞件各一件，烏冬𥚃面有腩片同蟹柳等等……好豐富，好美味！午餐也跟一杯飲品很超值！還有很多不同午市套餐，魚生飯都不錯！值得推介

又一街坊名店，我家偶然也會光顧。今晚很特別，因為要做孤獨精，只我一人用餐，很難點菜，所以也點得特別多！“唐揚魷魚軟骨”，這是我的推介，必點，它炸得酥脆，味道似 椒鹽鮮魷，魷魚肉內還有汁，咬下去有點像吃瀨尿牛丸，口感特別，所以不要太早吃，不然會燙嘴！再來一客上火小食“串燒雞皮”， 一貫水準，兩口搞掂，正！主菜“心刺生盛”及追加的“劍魚腩壽司”和“花之戀壽司”。當晚的壽司飯有點失準，比較乾、硬，沒有半點醋味，影響口感。但總體它還是我家的街坊主場，菜牌豐富，選擇多，水準不俗，性價比高。

想平平地食下日式料理 要求唔多既 呢間應該係我嘅心頭好 午市定食$70內有嘢飲 款式又多 刺身飯丼飯拉麵烏冬石鍋飯便當 全部都有！當然質素就唔可以同啲$128刺身丼既比較 但絕對對得住個價錢 ❤️日式牛肉野菜鍋配白飯首選呢個壽喜燒牛肉鍋 超級足料 數唔到嘅牛肉、冬菇、竹輪、野菜、金菇 配日本既生雞蛋 加底層吸晒湯既粗粉絲 超滿足 搞到我次次都食唔晒個白飯 💛三文魚蟹子雙赤蝦魚生飯呢個就比較遜色啲 刺身份量唔係咁足夠配飯 不過啲醋飯都好好味 最鍾意佢個蟹膏帶子 另外仲有三文魚、油甘魚、赤蝦（沒有雙🤣）、吞拿魚同玉子 表現正正常常 呢個價錢絕對係超值