意壽司-心意之日本料理

营业中

休息中

向荃灣區發現到呢間小店, 唔係住附近都唔知有間日本餐廳價錢好大眾化, 幾十蚊個套餐, 好過去食大家樂同茶餐廳叫左2 個套餐同1客小食火炙三文魚親子魚生飯 配吉列蝦手卷呢個配搭好夠飽 , 三文魚幾肥美咖喱吉烈豬扒飯配三文魚刺身個帶子蟹膏刺身好鮮甜, 好食 D野整得幾好食, 又唔算貴, 可以再encore

唔少朋友介紹我黎呢間餐廳試下, 話價錢公道又好食, 趁著假期就黎試試~7 點多去到, 有幾枱人在排隊 , 2人枱等左15分鐘就有位坐位是小餐廳格局,因為人多繁忙時間要搭枱坐全日都有套餐供應, 價格實惠, 70蚊左右已經有一份餐連飲品!不過我地都係想散叫可以試多D先黎前菜 - 胡麻冷柏葉 (HK$28)基本上沾上芝麻醬的食物都很好吃~~ 吃下去也只有芝麻醬味道帶子蟹膏刺身 (HK$58)朋友推介必點的, 果然係正! 蟹膏好滑, 帶子鮮甜, 出便連鎖店一定唔可以用呢個價錢食到!燒牛舌 (HK$44)肉質不UN~ 調味都唔錯蒜蓉帶子皇 (HK$32)一隻份量, 蒜量十足! 只是燒得太UN.... 和風燒烤菇(HK$42)店家很貼心的將每個大菇分成4 份~ 餡料多汁又好吃! 推介!三文魚醬油漬壽司 (HK$9)9蚊2 件真是佛心價~抵食!珍寶繽紛軟殼蟹卷 (HK$52)大大件配上芒果醬, 唔錯~叫埋飲品, 賣單只需HK$287 無加一 , 食物有質素配上街坊價錢值得一再光顧!食厭左連鎖店的不妨黎試下~

在附近買東西，將近午餐時段，看了門面，食物看起來不錯，價格也ok，所以就選擇了這家店。價格不算太貴，款式也挺多。店內寫有每日推薦菜式和特價菜式。黑蒜朱軟骨拉麪，黑蒜油很香，朱軟骨和軟綿，湯濃郁。第一次食這種壽司🍣，三文魚醬油漬壽司，應該是用皮的部分整的，不肥但入味。牛舌石頭飯，送上來時還在冒煙，攪拌時發出滋滋滋的聲音和牛肉的香味，不錯。整體而言不錯，有機會會再來吃。

與朋友小聚，行街時路過發現，一試才知道，夠份量又抵食，雖然本人少食日式料理，一直以來的感覺亦一般般，意想不到竟然有驚喜，特别係便當類之套餐，豐富得來可以三五知己分享，實在太滿足了

幫公司送完野去工廠果頭, 差不多已到收工時間唔洗返去, 於是就響附近食野. 見到呢條街有茶餐廳, 有日式, 有韓式, 有米線等. 見到呢間日式好似OK, 就入去試下先.晚市有A-K既定食, 包括拉麵或者飯餐, 價錢由50幾到80幾不等, 唔算太貴, 夠大眾化.要左款鹽燒鯖魚便當配白飯, 仲有三文魚沙律同小丸子, 夠大堆頭.三文魚蟹子沙律份量夠多, 唔會得少少, 而且沙律好乾淨爽口.小丸子即整都熱既, 個皮唔厚, 大大粒, 入面仲有章魚粒, 夠多沙律醬, 非常有口感.到個主食鹽燒鯖魚, 魚肉結實唔腥, 剛燒起個皮脆脆地, 唔多骨, 點埋個汁好好味.而且仲可以加5蚊有飲品, 呢個便當SET都係60幾, 好抵食.

說是心意之壽司店，就讓人不禁想走進來嘗一下心意到底是甚麼味道? 叫了幾款壽司，包括三文魚，吞拿魚，海膽，和甜蝦。三文魚的紋理幾靚，算係ok 既貨色，味道不錯。吞拿魚暗紅，肉質很爽。海膽算不上上乘，但甘甜無腥，也是不錯啦。我最喜愛的卻是甜蝦，肉質很爽滑，鮮甜味道很可口，鍾意~

行完花市趁早早地搵個地方食野, 費事去路德圍咁多人, 所以就行左去福來村果邊搵野食, 見呢間日式小店好多人, 就入去試下先.想食壽司所以散叫左幾款, 睇餐牌其實都好多款, 而且價錢唔貴.三文魚壽司$6/件, 三文魚好新鮮, 無雪味, 而且唔會硬柴柴.玉子壽司$6/件, 玉子好大片, 一夾起唔會散晒, 食落甜甜地.蟹棒壽司$8/件, 蟹棒爽口新鮮, 面頭蟹糕夠晒味, 但一D都唔腥.蟹子壽司$7/件, 蟹子夠新鮮, 一粒粒咬落卜卜聲, 而且軍艦整得夠實, 唔會一路食一路散開晒.要多樣香芒蟹子沙律$36, 面頭既蟹子超多又新鮮, 而且沙律醬夠多, 撈埋一齊食酸酸甜甜好開胃, 份量十足.呢度既價錢真係好抵, 樣樣份量夠, 屋村小店確係益街坊.

黎左荃灣返工一排，lunch梗係要同同事四圍搵食啦！身為poor guy既我，致力搵又平又好食既飯堂，解決午飯問題  成日lunch行經過呢間店，出面都排滿人。今日lunch time,特登同同事早少少出黎試下！呢間店，鋪頭細細，得30個位到，座位都幾密下。事不宜遲，坐低即刻叫野食，lunch menu由$39蚊起，包熱飲。價格算係好親民！ 我揀左個牛肉炒烏冬+熱檸茶$40~~個烏冬都好大碟下，目測有一包半份量。開頭我都驚食唔哂，食下食下，我竟然食哂成碟  雖然係炒的，但唔算好油，用左好多塊肥牛炒，好足料！側邊有d生菜，仲有少少沙律汁係上面，算有d菜落肚 個汁炒埋好夠味，又唔會太咸。感覺無落味精，因為返到公司都唔會好口渴。同事都覺得呢間店好抵食下，街坊價錢，味道中上，一致決定可以定為飯堂之一！下次要再試下其他菜式~~~

荃灣其實都好多好野食咖😍 由其是啲餐廳多元化又夠平😎 呢一晚，愛麗絲同屋企人泥左意壽司呢間小店食晚餐👨‍👩‍👧我地點左個牛肉鍋丶牛柳粒定食同一客魷魚燒。先講牛肉鍋，佢係跟飯食既，鍋𥚃有牛肉同雜菜，湯好甜，雜菜吸哂啲湯，味道好正。不過個人就覺得食鍋跟飯有啲怪，可以試下配烏冬🙈 同埋會有一份花之戀跟餐，都幾正咖😍然後係牛柳粒定食，個定食有牛柳粒丶三文魚沙律丶章魚燒丶飯同麵豉湯。啲牛柳粒都幾香，不過就唔係好夠熱，味道係好既👍🏻 而三文魚沙律就係沙律菜跟兩片三文魚，三文魚都新鮮😋 至於章魚燒都唔錯haha。最後就係魷魚燒喇，呢個要讚既，一泥係因為愛麗絲本身中意食😂 二泥係直係燒得幾香，配埋啲醬食真係好正😋仲有呢就係呢到係不設加一咖，食日本菜泥講算係幾抵咖😁

諗唔到食咩好, 來到荃灣, 再食呢間, 係少數我會食多次ge 食肆。weekend 好旺場啊, 等左幾個字先入得, 好彩上菜都算快ge帶子刺身: 好鮮美, 同埋大大片, 份量對版! 甜蝦刺身: 相比起來, 甜蝦份量就少d, 質素一般三文魚腩刺身: 夠肥美,夠大件, 好食蒜茸燒蟶子: 好大隻呀, 煮得岩岩好, 唔會「un」, 再煮少 D 時間可能仲嫩, d 汁好鮮甜, 好味蒜茸燒蠔: 上碟時是辣咀的, 好甜! 無異味冷麵: 材料都是一般的火腿, 蛋絲, 蟹柳, 普通d law, 不過好大碟, 個胡麻汁幾fresh, 抵食~巨蜂提子汁: 好淡, 無咩提子味服務還好, 我話冷氣凍,佢地都肯關細d

肥妹來找我們食飯，剛巧星期三是『玄海』休息日，唯有另尋地方滿足肥妹食日本菜的心愿，最終找了這店，可能食得早，所以去到就有位。餐廳門面招牌夠高大，但內裏坐位就相當迫挾，坐椅也感覺比正常略小，但餐牌跟食物推介就圖文並廿茂非常清晰，點餐方式加入了類似酒樓的點心紙，但當中就有些食物未加入，做法有點怪異也不環保。坐下後才發現這店不收咭，唯有叫太座去扲機，但這地點附近要扲機都頗遠，我和肥妹就負責點食物，先來刺身和壽司及肥妹必試的魚生飯。海膽壽司，外觀顏色尚算鮮豔，入口沒有苦腥味，但也沒有海膽鮮味，口感不太差，飯就有點暖，感覺上有點怪。蟹肉蟹膏手卷，正式來說應該叫蟹柳蟹膏手卷，只是用再普通的蟹柳加入比一小絲有如早上刷牙的牙膏狀支裝合成蟹膏，入口也沒蟹膏味，飯也是有點暖，口感最佳就是紫菜十分脆口。和牛壽司，說是和牛，但入口不覺有牛的油香，牛味也不濃，完全沒有鮮味，十分令人失望。蟹膏帶子刺身，將原隻厚身帶子切開嘖入一條如竹簽般粗的蟹膏，入口帶子已開始有點淋口，沒有了鮮味，而蟹膏味道甚淡，更只做成漿口的感覺，雖有創意，但却難以被接受。希靈魚刺身，入口魚肉略霉，沒有鮮甜味，魚籽部份不爽口，完全失去了希靈魚應

放假去左愉景新城行街 食厭了商場既連鎖式日本餐廳行左去福來村對面搵食 見到意壽司店裹店外都人頭湧湧就試一試餐廳內有很多張菜式的相片 花多眼亂好彩我地有4個人 叫到成檯都係蟶子刺身 (我都係第一次食, 鮮甜到好似象拔蚌咁)和牛刺身 (入口即融!)帶子蟹膏刺身 (一個字:鮮!)香芒比目魚 (比目魚燒完都可以咁滑)蒜蓉燒蟶子 (食完蟶子刺身唔係唔試埋E個呀?!)鵝肝牛肉粒石頭飯 (好味到阿爸食完之前再叫多個 真係經典)食完成餐飯個個都飽到hihi埋單都係6百幾蚊 仲要唔洗加一我諗我以後黎荃灣都會黎依到食!!!!!!

我份人有時好衰，想食的東西就馬上要去食，如是日想吃壽司，但我卻不會自獨個兒去吃一兩千元的貴價靚貨，有時都會食平價港式貨仔止止心癮。各位可能會覺得我咁樣會好茂李，不過我就是如此，大家間唔使都會見到我去米線店，從卻來不吃米線喇！雖然食物選擇不少，但既然一心來吃壽司，就鎖定了這壽司定食。有八件壽司，有沙律，加三塊錢還有飲品，五十一蚊的價錢，真係爭鮮都食唔到。先來的蟹籽沙律，大堆的青瓜絲、一些蟹籽、蟹柳以及沙律醬，感覺幾清爽。只是，碟子太細，沙律堆得滿滿的，很難去撈，吃得有點不方便。八件沙律分別為三文魚、玉子、蟹棒、墨魚、油甘、栗米沙律以及兩件的加州卷。當然，以呢個價錢，我不會抱什麼期望，只要不難吃便可。三文魚無疑是厚身，但就是預期中的沒味道，蟹棒和墨魚均屬不過不失水平。最差的是加州卷及玉子，前者附在旁的蟹籽甩甩漏漏，玉子顏色有點瘀黑。飲品方面，最穩陣一定是可樂了。

lunch次次行過呢度都排曬長龍, 所以特登約埋幾個朋友搵晚試一試!佢地門口貼左好多食物相,好吸引, 同好多款!入到餐廳坐底, 開始睇meun, 真係有好多款食物; 除左一般壽司、剌身同拉面, 連石頭飯, 打邊爐 同燒物都有!!老闆娘介紹左佢地自創菜式 (黃金軟殼蟹), 中式黃金蝦煮法, 好香脆!爆脆花之戀, 入面唔係飯~係炸左的面包康!!叫左幾款燒物食, 樣樣都燒得剛剛好, 無燒焦!和風汁燒元貝燒牛舌叫左2round剌身食, 師傅都好有心機砌左隻船俾我地!剌身都好新鮮, 三文魚腩好肥美!朋友鍾情食蝦, 就試左佢地大頭蝦2味, 蝦身做剌身(好爽甜), 蝦頭炸到卜卜脆唐揚蝦4人晚餐, 每人約$200, 食到捧住肚走!正!

原來小店都有得book 位, 我地walk in, 好彩時間尚早, 勉強有張細台俾我地。帶子刺身: 甜, 可惜太細隻了, 切開好細片, 所以我地encore 左~甜假刺身: 甜三文魚腩刺身: 肥美, 但都是偏細舊牡丹隻刺身: 好大隻! 大隻過我日本食, 可能個種唔同, 好甜, 不過太貴了, 味道同甜蝦差不多, 第日會食番甜蝦。燒蟶子: 佢地本來recommend 蟶子刺身, 但我覺得燒會好d,所以就蒜茸燒, 好香蒜茸味, 燒到有少少焦, 燒得岩岩好, 唔會「un」, 好香口燒元貝: 有蒜茸燒, 同日本沙律醬燒,我地每樣味道一隻, 沙律醬味道甜甜地, 我覺得好味d, 燒得岩岩好, 好嫩, 正!