意壽司-心意之日本料理

营业中

休息中

同朋友一齊去呢間受荃灣街坊歡迎既日式料理店~位於海壩街，非常方便。不過由於店面太細， 座位同坐位之間好狹窄，如果有bb車既食客就更為不便。但係一坐低，見到個餐牌就令我同朋友兩眼發光~因為有19款晚市定食(主食+1款小食)，而價錢就由$65-78，如果要加飲品就加$5溫泉蛋豬軟骨野菜鍋配白飯$68呢個鍋既湯底係好香既豬骨湯熬製而成，絕對喜出望外!而豬軟骨味道好夠，份量都唔少。先將溫泉蛋撈飯再配鍋食，認真唔錯~溫泉蛋蒲燒鰻魚石頭飯$78首先要讚讚，石頭飯真係用石頭鍋上架!之前食過一間日式店既石頭飯只係啅頭，令人失望。而蒲燒鰻魚嘅鰻魚一啲都唔腥，唔會整到好，韌口感適中，配上燒汁，絕對同日本食到既水準相同呀～火炙壽司(1份3件) 隨餐附送的小食三文魚壽司x1蟹柳壽司x1玉子壽司x1味道唔錯!

今次食呢間係朋友以前係荃灣反工嘅飯堂，但自從無係荃灣反正之前就已經好耐無食過喇!首先位置唔算太方便，地鐵站或西鐵站都要行15分鐘左右，雖然呢到主要係做街坊生意，但我地去到嘅時候都要等位，不過好彩今日朋友訂左位，先唔洗等咋。我地叫左幾款刺身同壽司，另外仲叫左個日式牛肉野菜鍋定食刺身：三文魚、赤蝦、北寄貝三款刺身都好鮮甜，三文魚肥美赤蝦肉質結實火炙三文魚壽司一樣都係咁肥美鵝肝壽司上嘅鵝肝入口即溶，甘香，真係好值得推介另外就係日式牛肉野菜鍋定食配花之戀+白飯呢個定食真係好抵食。牛肉鍋其實有啲似壽喜燒，甜甜地，花之戀的三文魚同樣新鮮

是日晚餐。我叫左滑蛋吉列豬扒飯，一坐低，員工已奉上綠茶，服務周到。滑蛋吉列豬扒飯份量十足，吉列豬扒亦好好味，滑蛋算是高質素，環境較窄，但性價比高。值得大家嘗試。

意壽司來過很多次，一直都以為這店叫”心意”, 直至寫食評才知是叫意壽司。由於假期前夕，每每都要等位，但因為街坊生意番枱快，所以也很快有位。香芒蟹籽沙律$46~香芒蟹籽比例多，加入蟹柳絲和青瓜絲，$46 相當抵吃。炸軟殼蟹沙律$52~炸軟殼蟹配上沙律菜，粟米粒和蕃茄，點點沙律油，餐前吃點點沙律開開胃。蒜蓉燒茄子$32~蒜香味濃，少一點油會更好。燒原隻日本魷魚$62~燒牛舌$46~燒油甘魚頭鮫$108~雪酒煮花甲$62~花甲其實冇難道，加入菜和粉絲，酒後吃點點熱的，感覺相當良好。甘栗、南瓜薯餅 $18 & $16~朋友說要點飯後甜點，我說這是飯前、飯中、飯後都可吃的炸物，百撘角色。總括來說:價錢真係街坊街，鄰桌大部分都是熟街坊，所以一般是點套餐定食，番枱快，不是慢嘆版本，如果唔想太趕急，可以避開繁忙時段會吃得比較舒服。

荃灣良心小店其實晚市都係比午市貴少少&唔包飲品.火炙三文魚🍣親子丼份量適中 略嫌三文魚燒得唔夠香仲跟餐送左吉列蝦手卷 晚市限定喔.鵝肝和牛粒鐵板燒 先七十幾質素令人驚喜🤭幾重牛味又唔韌真係有鵝肝架 燒得幾香脆另外 個飯底係炒飯 食落冇甘dry.心思思叫左個刺身帶子包住蟹膏🤤外貌一流 又唔算貴不過整體冇乜味 個人覺得咸啲蟹膏會好食好多

講真食Lunch既時候簡野食都係貪平，快又唔難食就得，不過今次第一次去食尼間日本野真係令我覺得︰就算得一個鐘食飯都可以食好野咖！行到去附近見到尼間野個門口係寧舍多人等緊，可能咁岩都係食飯時間啦，所以都係門口等左陣先有位。好彩拎飛等位既時候，待應姐姐會比定張紙我地mark低叫咩野食，咁一陣坐低唔洗等太耐就食到，真係好善解人意。門口就有大大個午市餐牌，有幾多唔同野簡，飯啦烏冬啦拉麵，咩都有。真係好多人係門口，所以連個餐牌都唔可以好好地影。我就簡左赤蝦粒粒魚生飯便當配湯，因為戈日實在太熱啦，唔係好想食熱野，姐係拉麵阿，同埋石鍋飯好吸引我都唔係好想食，怕熱到傻。所以就叫個涼涼地既魚生飯食下啦。一上菜係幾驚訝既，雖然佢個飯唔係大，但係2隻赤蝦刺身就真係好西利，勁大隻。佢一個飯盒就真係成個餐既感覺，有前菜青瓜沙律、芝麻雞翼小食、有餐湯麵豉湯、主食有2隻大蝦同足料魚生飯，最後仲有個甜品泡芙同一杯野飲添，咩都齊晒都係58蚊炸！真係好抵食！湯、沙律同個飯都係好好味，係冇一樣野係比較差，都一樣咁好。至於個芝麻雞翼真係要分開講，因為太好食啦！我將隻雞翼都留到最後先食，但我食戈陣佢都仲可以係熱到出煙，個面係勁

難得和多年的朋友聚會，我們選了這家小館子吃日本料理，魚生很新鮮，特別是紅金目鯛，肉質鮮美，真心好吃，還有我喜歡的海膽、赤貝也是新鮮可口，我們還叫了一支清酒，純米大吟釀，配著魚生來吃，一流！其他的還有鵝肝多士也是濃郁香氣，放進嘴裡讓你齒頰留香！

最近新搬寫字樓到荃灣，要周圍試午餐。最近又比較平d便去福來村附近搵食，周圍都多人排隊，邊間快便試邊間。今次試食日本嘢，午市套餐定食🍱都係四十幾蚊至最貴嘅鵝肝七十蚊左右，選擇都多，比起茘枝角區算係平好多。同行五人都揀咗個壽司烏冬定食+餐飲😂壽司🍣品質幾好，飯嘅size係正常，唔係太貴嘅價錢唔可以要求太高嘅品質。豬骨湯底烏冬🍜都唔錯，起碼大家都滿意，餐飲選咗熱奶茶都ok, 比茶餐廳大杯少少，但當然無茶記咁香!

媽媽一向喜歡食日本嘢，但次次晚上經過見這店都排長龍🤔，今天終於見到門口等的人不算多，所以等了15分鐘左右終於有位了，一試之下感覺非常失望奇怪點解咁多人會去食😥。本身座位就比較逼夾已經感覺不好😫，再看價錢方面不算十分抵食，一試之下食物質素只是非常失望😔個人食感：魚生方面唔係咁新鮮而且雪味非常重，店員推介的鰻魚飯就淡而無味，軟殼蟹沙律只用普通生菜加少少粟米，只得烏冬方感覺味道正常d，而且炸物只是好一般放題質素。

有驚喜既良心小店! 晚餐都只係$6x 價錢幾親民! 所以果晚6點幾已經開始多人要等位🔥鵝肝和牛粒石頭飯 $70喺門口已經深深被呢個飯吸引左! 石鍋食到最後一啖都仲好夠熱 面頭真係有件鵝肝不騙人 燒得香脆少少就perfect😍 和牛粒有牛味軟熟唔韌😋 更加驚喜係佢係炒飯底 係類似鰻魚炒飯果種 唔係白飯底咁dry 誠意十足 撈埋面頭少少醬汁同埋洋蔥超勁香口惹味😛火炙三文魚親子魚生飯配吉列蝦手卷 $66面頭好多芝士燒到暖暖地 好有滿足感 燒得再香d就正啦😊溫泉蛋蒲燒鰻魚飯配辣味螺肉 $78一條條玉子做配菜有d奇怪 除此之外食落正正常常唔算特別正冇咩好講鐵板XO醬肥牛炒烏冬 $5x烏冬淋左d同埋好油😈

星期日我們一行兩人十二點半來到餐廳意外不用等位 餐廳大概坐滿一半客人餐廳有很多套餐選擇 拉麵烏冬石鍋飯魚生飯等等午市套餐均包熱飲 凍飲另加$2我們叫了13號 🐵壽司定食配手打烏冬 大概$55-$58點餐後職員很快送上手打烏冬湯走清淡路線 咸度適中 非常順口微微帶蔥和芝麻清香烏冬爽滑帶咬口 是我個人喜歡的口感前菜是螺肉 正正常常口味壽司款色多 飯帶醋香 微溫 飯粒夠軟身刺身新鮮無腥味 絕對對得上這價錢餐廳走快餐路線 上菜很快職員態度友善

約左朋友又未夠鐘，見肚餓所以求其搵間餐廳醫肚，見呢間日本野仲有lunch set就入左去食餐廳佈置無咩特別，係一間香港中低價typical 日本餐廳可能無期望，所以反而有驚喜喎⋯⋯叫左一個火灸三文魚丼同帶子蟹羔刺身。三文魚丼size 都唔細，魚既份量亦控制得幾好，雖然刺身唔算厚，但係燒得唔錯，唔會太燶但係好香。味道亦幾好，不過三文魚子既顏色無咩光澤，應該唔係非常新鮮，但係食落又唔腥，算合格。帶子蟹羔刺身有驚喜，帶子夠厚身，無標哂水，新鮮！蟹羔亦無腥臭味。夾埋一齊食好甜好鮮！60幾蚊算超值野飲無comment,不過可以俾多塊檸檬總結：呢個價位黎講既日本野算做得唔錯，選擇又多。可以再試！

心意呢間餐廳我已經多次光顧，黎到呢度既感覺就係，呢度好多荃灣街坊回頭客！質素絕對受到肯定。今日星期日晚黎到，晚上6點幾已經要係門口等，好彩都唔算好耐，等左15-20分鐘就能入座。呢度既員工叫輪候客人入座係識認人既，有客人等等下去左隔離7仔買野，到左，員工見佢唔係門口等緊就去7仔提佢，無直接skip左佢，好有heart！餐廳氣氛係正常既街坊餐廳，唔算係有好有心思既日本風裝修，但都坐得舒服，唔會好逼，亦感覺乾淨。入座後，會有兩杯熱茶，所以就算無叫飲品都會有d有味既野飲下。心意既套餐好抵，80蚊都唔洗就可以食到又飽又滿足。次次黎到我都會叫呢個炙燒三文魚丼食，上面仲有大量魚子，再送個炸蝦手卷！80有找，仲免加一添！一如以往，有好多塊都幾厚既炙燒三文魚！起碼有8塊！而且唔係薄到皮咁既，係有肉地、有口感既三文魚！每塊都有炙燒既香味（未上菜已經閒到就知佢就黎上得）同沙律醬，靚靚咁排出黎，而上面既魚子粒都非常足料，亦夠新鮮，絕對唔會腥。另外我地亦叫左一款沙律，其實都係第2次叫了。佢就係胡麻醬豆腐沙律——超！大！碗！其實剩係食個丼同炸蝦手卷已經會好飽，所以如果叫埋沙律真係要有人share啊！因為每舊豆腐

由於係星期日夜晚，所以店外排曬隊，入面亦都十分熱鬧，做到D呀姐踢曬腳。黎呢度食左咁多次野都未食過牛肉鍋，比起吉野家果款更加足料，但係牛肉味略嫌啖左D，湯底就有D似壽喜燒既味，整體黎講都幾抵食，仲食舊花之戀壽司

每逢午餐晚餐時間,呢間係公屋村對面既日本餐廳都會排滿人龍,原因好簡單,因為午餐提供多達15個選擇,有凍食有熱食,今次我就簡左個灸燒三文魚,五十幾蚊度鋪滿曬成個碗,仲有新鮮魚子,味道仲唔似一般放題咁流,行過呢頭既建議可以入去一試。唯一唔好就係座位有D逼,但都可以接受