愉富粥麵小館 (已結業)

皮蛋碎肉粥+腸粉 $21 皮蛋碎牛粥::: 皮蛋全部在底部,所以一定要撈一撈才可以食到皮蛋呀!仲有好多碎牛tim呀,非常入味.,正正正 以蔥花調味很好的,超大碗,滿滿的材料!! 腸粉有好多條腸粉=D 不過無上次黎食咁軟滑!! 但係好好味,職員貼心地幫我地扲甜醬,花生醬俾我地!吱左好多~仲之好飽好飽!!! 食完之後,覺得呢道ge腸粉製作的質素..有點退步的感覺油菜 $7點了芥蘭~好平呀,新鮮的,而且賣相很好!!好吃~唔會好多油~附很多蠔油!員工服務態度很好~今次坐最入果張卡位,後面就係放置糕點甜品的冰箱,,的確可以靜靜地咁樣食晚餐~ 7pm全場已full,多數見到的是單身男士進食!

自己一條友食，最緊要方便，求其找間人少的店子吃碗麵，醫飽肚便可以。見有個湯麵套餐，可揀一款麵食，配碟油菜，加杯凍飲，盛惠$26。就要個炸醬麵，麵條仍算爽口，不過帶點鹼水味，炸醬的味道對辦，但肉絲又太乾太硬，有點像在吃肉干一般，普普通通。油菜揀西生菜，翠綠爽脆，清甜味美，即使不點蠔油亦無問題，罕有地我地全碟掃光。凍啡，夠濃香，是不錯的。最近幾次在茶記都飲到酸的咖啡，是自己倒霉吧，今次則沒有這問題。

妹子剛吃完午餐，到附近逛一逛，看到門外放著很多精美的糕點，心思思就買了2件作飯後甜品~其實買多些會平宜些，但想著上次過往的經歷，都是打退堂鼓~話說上次妹子買完後乘車回家，經過約個多2小時的洗禮下，糕點已成半溶狀態！其實之前阿姐話只可keep到1個小時左右，因妹子的家住得遠，所以後來就變成那樣子了~不可怪別人呢~所以呢~妹子賴野後過，今次變得醒目得多喇！就係即買即食~胃口容量有限，加上最少2件裝，所以就要試試不常吃的口味！門外放著一個白色發泡膠箱，底下墊有冰塊，一盒盒pack好的糕點全放在冰上，另外還有些放在隔離的雪櫃~要了芒果糕和木瓜牛奶，如果想要混合性心水的，就要看看當日阿姐的心情了！有時她會不換給你，說pack好就pack好，無得轉款；有時會開盒幫你調轉~不過當日妹子巧合地想吃的2款味道，剛好雪櫃有一盒，就拿拿淋付錢走人囉~1)芒果糕 $3黃澄澄的顏色，裡面藏著芒果粒，吃不出是新鮮芒果還是罐頭芒果？因芒果粒帶點硬身，糕身不會太淋，有朕芒果香味~2)木瓜牛奶 $3雪白的牛奶色混點帶橙紅的木瓜粒，顯得格外鮮明，喜愛吃牛奶和木瓜的妹子，正中心意，吃得特別開心！雖然奶味不是很重，但不甜不膩

一月上旬最怕午市時間到茶記，袋子大一點亦難找到立錐之地，這邊的愉富朝早賣粥品、常餐，午市也有十多款套餐選擇，閒時賣糕點，晚市賣小炒，真是一身是刀。霸了一角位置，不想吃來路不明的泥猛豆腐湯，見滑蛋蝦仁炒得很油，最後來了羊腩煲，今年街坊小廚或茶記，午、晚市亦推羊腩煲，是跟忽冷忽熱天氣有關吧。先來老火湯，是青、紅蘿蔔瘦肉湯，碗內不少蘿蔔瘦肉等湯渣在內，蘿蔔滾得清甜，沒下味精，不錯的。羊腩煲用上焗爐加熱，砂鍋滾熱辣，配料不少有枝竹、冬菇，而羊腩分量頗足，唯欠冬筍。汁底很甜，粵廚好加片糖，味道不算濃郁，羊肉炆得夠腍但皮的部分卻是粗實，但細嚼下覺得肉的部分是腍化得有點過分，加上粉紅色水，該是化學處理過。人客很多，但靚姐招呼真的很不錯，下次來會試試她們的「靚粥壹世」。

路經鹹田街看到一團人圍在一起, 走近一看原來這裡有甜糕賣,一盤盤的糕點看來像樣又新鮮,不買過不了自己。各款糕點$20/8件, 除了紅豆糕、馬豆糕和木瓜鮮奶糕外,全部也要!芒果糕看來像芒果布丁,糕身彈跳有致,軟軟滑滑的帶點椰汁香,只是所用芒果粒未夠香甜,以致美味程度減低。芝麻糕分作兩層,上面白色部份細味下也嚐不出其味,不知道究竟是用了椰汁還是鮮奶了?!只知道吃來滑溜溜的一堆甜糕;芝麻部份反而有著炒得香香的芝麻味,這部份較為吸引也較對題,不然也不知道究竟吃了什麼。桂花紅豆糕是幾款糕點中外表最漂亮的, 密密麻麻的桂花滿佈在晶瑩大菜中, 非常好看!只是桂花味道竟然不濃, 用上那麼多桂花卻是沒味,奇怪?! 紅豆大大粒帶點嚼頭,可以軟綿一些應會更好吃, 這裡的糕點普遍甜度不高,這款紅豆糕相對其他甜度更低,可算是低糖甜品了。在茶餐廳而言, 賣糕阿姐態度真的不俗,面對不同客人相繼詢問類似問題也耐心逐一回答,糕點怎樣配搭也可以,還主動提議我買不是常有的木瓜鮮奶糕,只是我不喜木瓜,送給我也沒用哩。門口人頭湧湧,原來裡面客人卻不多,從其他食評得知食物質素不俗,有機會都要一試。

12:15左右到~lunch :: 紫菜3寶麵 配腸粉~ 送豆漿 <<只不過 $28聽落簡簡單單的配搭~但水準真係幾高ga紫菜3寶麵~其實我覺得係4寶麵就真呀因為有白魚蛋,墨魚丸,牛肉同埋貢丸呀~雖然有人覺得牛肉同埋貢丸差唔多,其實牛丸係較為深色~而且口感硬少少而貢丸中間有d似係冬菇的粒粒這兒的米線不是推介的菜式,所以唔似正宗米線咁滑,普通的米線吧~腸粉::份量真係多呀,好香又好滑真係好熱騰騰,而且係新鮮製造~看得出,又食得出~真係好正~真係感動死了職員仲好細心扲d花生醬同埋甜醬比我地送大大支的豆漿,約500ml左右呀,所以選擇餐飲的話,我推介揀豆漿呀!係自家製飲唔晒可以連埋個樽外帶慢慢飲又得XP so good真係幾抵呀~又唔會好甜!!!good真係超飽...!!! 服務態度又好好

LUNCH時段,幸好12點10便到達,未至於要等位可以坐角落較靜靜的桌~點了皮蛋碎肉粥,腸粉+燒賣那些腸粉真係幾滑~而且食得出係新鮮製造的又唔會好多油!! 燒賣並非魚肉燒賣,係真材實料,加上豬肉,冬菇的那1種~大大粒的大大支的花生醬,甜醬,好乾淨最怕見到支醬的頂部有<烏英>準備爬入去-口-||||驚23蚊~真係好快到呀,效率很高!!!我果碗真係杰左d,但口感也不錯我都係慢慢食,因為那時腸胃不太好...皮蛋碎肉粥的碎肉挺好,皮蛋唔會好咸難得難得!! 現時在香港,真係好少可以食到呢個價錢的粥餐而且質素還很好呢!!!!很棒

放完補習一心走過黎買d糕點食$3/件: 紅豆糕,桂花紅豆糕,芒果糕$6/杯木瓜鮮奶布甸紅豆糕d紅豆好大粒好爽甜呀!但係d桂花味唔夠: (芒果唔太甜味道適中: )最好味係木瓜鮮奶布甸唔太甜,好滑好滑: P但木瓜唔夠木瓜味可能d木瓜未夠熟..但我會個個星期都去買!!

尋晚難得回家食飯, 加上婆婆作客, 就去咗買d糕點返屋企, 同埋自己咁耐無食, 都心思思想食下d糕點, 買咗六件共$182件 - 鮮奶黑芝麻糕 (呢個係新出既, 味道都ok, 吾太sweet, 特別係鮮奶個層好滑, 吾錯)2件 - 馬豆糕 (今次d 馬豆吾夠淋, 可惜可惜)2件 - 芒果糕 (呢個都好香, 食到一粒粒芒果)不過我覺得最好都係桂花糕, 但今次貪心試新野, 下次都係食桂花糕算lu

我多數都係黎呢道買甜品的因為之前ｄ　ｆｄ話呢道的甜品不錯在門口已經見到有好多人在圍觀～果ｄ糕點真係好新鮮又好靚！好大盆，新鮮製造的所以揀了６件的，有馬豆糕，紅豆糕，芒果糕味道真係好好～好鐘意食

上星五同媽咪買0左d糕回家做甜品...賣相吸引..都幾大件..我0個盒0係之前pack好0左的...有一件芝麻,一件椰汁紅豆,兩件桂花,一件芒果pudding..仲有一件椰汁馬豆...芝麻味唔夠...椰汁紅豆d豆好大粒...桂花香..仲有兩隻比0左家人食..唔知味道點..會再buy!!因為散買都$3.5幾底....^^

(9/2/09)是日中國元宵佳節,在外面吃,然後應節睇花燈。呢間小館所賣既甜點、雲吞、蘿蔔糕等,很有媽咪影子,所以雖然未光顧過已對此有好感。今晚就見證左,佢既小菜,真真得得得架!與老公一起,食左個二人餐,包括兩餸、油菜、兩飯/米線/白粥、兩例湯/咖啡茶/豆漿、甜品。試多D類型既野。例如一白飯,一白粥。白粥勁綿、勁香瑤柱味,完全感覺唔到味精。一例湯:木瓜粉葛湯、一奶茶。湯唔得,鹽煲水,少少木瓜味；奶茶更唔得!奶還奶茶還茶,茶味雖濃,可惜茶葉唔靚ma!飲左一啖向店員善意提出意見,點知佢都話奶茶係唔靚架,換支豆漿你拎走啦。既然係咁,我地又試多樣─豆漿,稀稀的。結論,水吧唔合格。餸:蝦仁炒蛋、五香牛腩煲。此兩味今夜好旺場,個個二人餐都選佢。蝦仁炒蛋,住家feel得很!因為用上新鮮蝦仁,而且不拉油；炒蛋唔油膩,仲有滑蛋效果添!好香啊!牛腩煲,腩汁濃而不咸,牛腩腍、韌均有,可原諒；亦有零碎的牛筋、和兩三片牛雜!可謂豐富!單看枱上碟數、份量足夠三人份量!!當食到呢度,我地諗住炒蛋碟邊及牛腩底也有菜,一心以為郊外油菜就此算,點知店員同我地講,仲有碟油菜未黎,白菜,生菜,菜芯要咩?.........吓!

見到咁多人買上網評語都幾好.身為荃灣人.今日經過買返2舊試下先.價錢都ok.$3.5/件,$10/3件,自由選擇.今日試左個芝麻糯米糍同埋紅豆桂花糕.芝麻糯米糍係好足料但芝麻味唔夠出囉.而且個皮比較厚同硬.唔夠(唔知大家明唔明點解呢- -)綠楊既糯米糍比呢間出色多了.雖然貴d.$13/3件,講埋紅豆桂花糕,紅豆幾好.唔太甜.但完全食唔到有桂花味.仲有d啫喱味添- -口感都似啫喱- -桂花糕唔係應該實返小小既咩- -??簡單d黎講就係紅豆味既啫喱囉- -其實呢間野d糕點都唔係咁好食姐...不過不失啦....點解咁多人排隊既呢??????

我今日下午係都食，佢有好多個套餐，有成5-6個選擇，又唔會好似其他嘅茶餐廳咁只有某某炒甚麼，佢d餐有好多唔同款，今日有菜膽雲吞雞、蒸魚、鮮茄豬扒等等，我就選咗蒸魚餐，開頭我諗住只係得條魚，但送到囄有一大堆菜加魚，又幾好唔會只係得肉加d菜，都好健康，碗飯好鬼大碗，真係食唔曬！門口真係好多人排隊買甜品，攪到我都忍唔住買咗盒返公司食，質感同味道都唔錯，相信佢會成為我近期嘅飯堂，唔知聽日有咩餐呢

嘩~~~呢間係我最近既飯堂，估唔到細細間呢度都有講~~早餐ok，選擇多，除咗三文治，餐蛋麵等，其餘仲有多款餸揀撘粉麵，還有粥、炒麵、蘿蔔糕等，試過多款，就最鍾意沙爹牛麵加粟米火腿奄列加牛油包，都係$19，價錢都可以接受，唯有是女侍應有些都是慢慢吞，食早餐通常都趕都死 lunch d 餐盒飯都 ok，唔係話好好，但廿幾蚊都可以接受啦~~見大家都講甜品，我都講下啦，我最鍾意係佢個黑芝麻糯米糍，唔太甜，皮身很軟很彈，是我近期食過最正的糯米糍，其他味道都唔錯，也很特別，例如南瓜味....至於其他糕點就一般，桂花糕太淡，食唔出有桂花味，椰汁糕都 ok 啦.....如果你住果區，你就會發覺佢門口買甜品既客人差唔多多過裡面啊！