愉富粥麵小館 (已結業)

當時呢間餐廳未結業時....在門口外長期擺放很多吸引的中式糕點$10/4件, $15/6件~ $20/8件糕點~其實都係1條數,都無話買多d平d =v=||我要8件~要芝麻,點知比晒8件都係芝麻.......雖然要佢再0係店內「不」過另1份俾我地..咁我真的不是要8件都係芝麻味ma........最後要左2件芝麻椰奶味 ,黑白配的顏色~用叉篤開可變成兩小件獨立味道的糕點~ 不會很甜,美味芒果味 x3件~ 較紅豆果條軟身~好多芒果粒,有少少椰奶味~好味過布丁tim 紅豆x3件~勁多紅豆粒~較芒果味硬身!! 又唔會很甜,非常好吃呀!!!

當天臨回家前買左1個芒果布丁 $6食落口真係幾重椰汁味,很軟身~有少許mango肉粒~colour賣相望落去較為天然,不會多色素的樣子~很飽肚~有d似奶凍的口感~有機會可以再買來吃~

當天身體不太舒服,食清清地....我們5:45pm入餐廳,點知見仲有tea set可以order呢~真好呀~我們只看桌上的menu,忽略wall上的多款tea set menu呢...... 我點左1客麵+飲品 $20香素冬菇河~共5只蠔油冬菇~都幾入味,河粉屬幼身~爽口的~湯底滲有蠔油味呢~附我很愛的蔥花~飲品選豆漿 一大枝,味道ok,不過淡左少少~+$6 時菜 通菜 - 但隔左15Min多上菜~份量ok的~附上腐乳醬~家人點的生菜翠綠的,但雲吞的蝦不太爽,質素麻麻~埋單之後見有很久沒吃的砵仔糕~一盒兩個, 買2盒,.$10如買兩個$6, 買左4個~$10!!好抵呀~幾大個因迎合不愛吃紅豆的姐,所以買左1盒無豆的!!椰汁+黃糖的也是很好吃,不會很甜~紅豆充足~還是黃糖-啡色果隻好味d,白色果隻較為淡口~~

時常經過都被門外賣的糕點吸引着全部自家香港製做, 保証新鮮黃色的是芒果凍糕, 另外一種是桂花紅豆糕, 一盒8件只是$20 芒果凍糕裏有粒粒香甜果肉, 糕身帶奶油般幼滑, 芒果味濃；桂花紅豆糕的桂花部份是清甜爽口, 帶重重的桂花香, 紅豆部份有粒粒大紅豆, 質感起沙, 甜度似喝紅豆沙榴槤糯米糍$12糯米糍皮雖然厚但軟糯, 微濕的皮帶煙韌, 榴槤餡應加了些奶油來調, 霸氣中加點温柔, 又香又滑又甜 吃罷也沒有黏喉的乾涸

這間小店，以前光顧過不少，最近的一次是來早餐。早餐要了沙嗲牛肉公仔麵、火腿奄列、油包及凍奶茶。沙嗲牛肉公仔麵，牛肉有點過鹹，公仔麵淥得幾好。火腿奄列，小片蛋包裹著點點火腿，樣子似火腿炒蛋多些。油包，普普通通。凍奶茶也是一般的質素。今次跟以往一樣，不過不失，來這裡主要原因是價錢相宜及就腳。

星期一同老婆去左咸田街德華街愉X粥麵小館食晚飯, 茶餐廳居然有龍躉龍蝦食$55 芝士龍蝦伊麵, $65 豉汁蒸羔蟹套餐, $65 蒜蓉蒸龍躉套餐叫左個蒜蓉蒸龍躉 + 鹽焗雞(1/4隻)套餐(有白飯例湯或餐茶) $65, 叫多個白飯及油菜(介蘭) $15,龍躉算 OK, 茶餐廳來講算唔錯, 鹽焗雞就麻麻, 韌左 D (老雞 ?), 例湯蓮藕湯 OK 夠熱啦找數 $80, 抵食無影到相, CHing 可能會話 no pic no talk

12nn進場,已經有好多客人呢~可能餐廳面積不算大的關係~我地見有張卡位就埋去坐,點知當背面個客人一起身/坐低,真係震得幾厲害.... 我點左荔棠艇仔粥 配軟滑腸粉+燒賣 $23今次腸粉無之前咁軟..帶點點的硬...好似翻蒸似的....我叫waiter扲甜醬+芝麻,加入腸粉後味道還不錯 而我點的燒賣,以為好彈牙...點知口感好「粉」...以今次的qaulity,真係比之前差左d....職員服務態度不錯的~望入去廚房見到全女班呢~而職員對老人家的態度滿好的~幾多熟客黎幫襯~ 艇仔粥好大碗,食唔晒~但稀身左少少~足料的~有尤魚條,豬皮,碎肉,我留花生到差唔多最後先食,仍是脆脆的~我like蔥花加入粥內~不錯今次臨走時,買左3盒中式糕點返去慢慢食~最愛o既芒果糕,芒果粒仍是很多~甜甜的~ 紅豆糕 的椰汁味很濃香~紅豆粒口感佳~ 芝麻椰汁糕 仍是很好吃!!

因為當日5點幾去到,可能俾其他客人揀晒自選o既糕點,因此果陣時就唔可以單一件件自選配搭,糕點,糯米糍,砵仔糕放置在餐廳門口擺墳~我就買左現成o既一盒糕點(共6件) 精美糕點 $20 / 6件有 紅豆桂花糕2件勁多紅豆粒~但整體味道略為甜....清香的味道~ 馬豆糕我覺得馬豆糕的豆,有點兒像粟米~椰汁味幾香濃~ 黑芝麻椰汁糕我幾欣賞呢款口味o既糕點,因為造型係黑+白! 一口吃下去,果然有椰汁與黑芝麻的混合的味道!!很棒~ 紅豆糕我望落去係最細果件,我媽子平時食開甜野,佢就無特別覺得過甜~ 芒果糕呢款真係非常之鐘意!!!因為個味道真係幾似芒果布丁~~~口感也蠻像芒果布丁~整件芒果糕充滿了芒果的味道!!但呢件糕點較其他糕點為軟身~接著買多1盒 燸米糍 $5 / 3粒原4來有1件係南瓜味喔,因吃落去有一絲絲的南瓜所在,相當之特別呢~~~有充份o既椰絲灑上燸米糍之上,初初望落去仲以為係芒果tim~但唔知點解食食下有少少怪怪的味道 ...... 另外2粒係黑芝麻味~出現「爆餡」的奇景!!流沙質感o既黑芝麻餡,略為甜....可能我本身唔係太like食多糖份o既東東......個燸米糍東還Q

尋日(25-6-2011 Sat)同男友起身食早餐,又係見有車就即搭落荃灣至算,到荃灣唔知食乜,原本想去新開o既趣苑,但o係門口望入去,見人又多,座位又好似幾迫,咁唔入去啦.行o黎呢間,冇乜人,就入去啦.男友叫個$20.00o既芝腿三文治,加$2.00要凍奶茶.我要$21.00o既火腿奄列配牛油方包,沙爹牛肉麵,加$2.00要凍檸水.好快,所有o野到齊,我o既火腿奄列感覺比較乾同’o鞋’,而牛油方包冇乜牛油同邊位有啲硬,應該係切得太貼方包皮,而其他o野都唔講喇,因為大致冇乜問題.

今日(9-3-2011 Wed)同男友起身後食早餐,因為我又趕趕地時間,所以唔可以太hea,但今日天氣清涼,男友食返啲熱o野會好啲,我就唔可以啦.於是諗到呢間,呢間又有粥又有西餐.o黎到都有枱,我要個$20.00o既火腿雙蛋牛油方包轉炒蛋+豆漿.我講完就同亞姐講呢個好趕,請快.亞姐答應我.之後男友要$20.00o既沙爹牛肉公仔麵,火腿奄列牛油方包+豆漿.落完單,點知男友o既公仔麵第一個到o黎(個碗唔係矮身同碗口大o個種,而係學校用o個啲膠碗),我奇怪,點解呢啲應該耐啲o既會快成咁?之後係兩支暖暖地o既豆漿.然後到男友o既火腿奄列牛油方包.由於趕時間o個個係我,而其實火腿奄列牛油方包同我o既火腿炒蛋牛油方包一樣,所以我食呢個先.方包鬆軟,火腿奄列唔係大大份,不過都可以呢.之後我o既火腿炒蛋牛油方包o黎到,原來火腿有兩片,蛋都多啲,男友叫我食啲火腿炒蛋,因為佢食公仔麵都飽飽地.啊,咁我食一片火腿同一隻炒蛋啦,呢個好得意,兩隻蛋係分開炒,真係方便我地分o黎食.而豆漿呢,我覺得甜o左啲呢.服務:好好,入o左去老闆會同我o地打招呼.我o地出去畀錢時,咁o岩後面個亞姐攞熱水出o黎,就大叫後面有熱水

前幾日女同事MK買o左一盒杞子桂花糕畀我o地食,我問佢o係邊o度買?佢答呢間.我o地試o左,桂花味濃,杞子大粒又靚,而原來有龍眼肉o係入面,口感同味道都唔錯.咁我放工行過,想睇睇幾錢,但已經賣晒同唔知幾錢,不過見到有$20.00一盒o既芒果布甸,諗諗不如買返屋企食,但如果男友唔o黎我屋企食飯,就要雪幾日到佢至食,唔係咁好咁,於是等到尋日(2-3-2011 Wed)佢放假,晏晝o黎到荃灣買o野就叫佢順便叫佢買,因為我應該多o野做,晏o左放工恐怖買唔到.我放o左工返到屋企,拎出o黎影完相又試lu,唔….口感實o左啲,應該係魚膠粉多o左,而且質感有啲似塑膠,味道呢,芒果味淡淡的,但有真的芒果肉,可以o既.唔知點解o衣o家食唔返以前o個啲好味布甸,不過呢間總好過尚賓樓o既.

今(27-11-2011 Thur)朝同男友食個早餐,今日暖暖地,唔使食太熱o既o野,咁去茶餐廳啦,o黎到荃灣,突然記起呢間,就過o黎啦.入到o黎好full喎,淨返最出o既枱,亞姐要為我o地先送整好o既外賣,我o地睇完後想叫o野食,但人手唔夠,不過都好快理我o地.之後有客人走,我o地就轉坐卡位,我要$20.00o既煎豬扒,蛋,牛油方包同火腿通粉餐,要熱奶茶,男友要$17.00o既炒麵蘿蔔糕餐,要豆漿.等o左一陣,我o既火腿通粉到o黎,o衣o家睇返上次食評,原來我同上次食o既o野係一樣.男友o既炒麵蘿蔔糕到o黎,炒麵大大碟,蘿蔔糕只得一件,男友話諗住有兩件蘿蔔糕.我又試吓先,我覺得炒麵腍腍地,蘿蔔糕就因為男友塗滿辣醬,所以我只食一啖仔,睇佢o既件都算多,但我食唔到蘿蔔味乜濟.而飲品同我o既煎豬扒,蛋,牛油方包都到o黎.我o既豬扒得半件,今次覺得鹹o左啲,茄汁焗豆就只有7粒.熱奶茶比例平均,茶味就淡淡的.而男友o既豆漿我就冇試到,只知係暖o既.呢餐份量同上次一樣,不過咁都好,因為有時早餐唔想飽到食唔到晏晝.

尋日(11-12-2010 Sat)朝,同男友食個早餐又去北角整o野.原本帶佢去小倆口食,點知條巷掘路,男友唔想o係沙塵滾滾下食,於是離開搵第二間.沿德華街行返,我問係咪食粥?佢答是但,我見到呢間,話不如試呢間.佢又答冇所謂,咁就入去啦.都11:00am喇,諗住已經冇早餐食,點知重有,係做到11:30am.於是我要個$20.00煎豬扒,蛋,牛油方包同火腿通粉o既早餐,加$2.00要凍奶茶.男友要$17.00o既腸粉拼魚肉燒賣,要豆漿.之後又揀o係門口賣o既糕點,要眉豆茶粿,砵仔糕同花生糯米糍各一,共$9.00.我o既火腿通粉到o黎,o既竟然用碗仔裝,重要冇畀西式湯匙同叉,算吧啦,用中式吧.湯味好夠,火腿通都冇問題啦.而男友o既腸粉拼魚肉燒賣都冇乜問題,我o既豬扒軟腍腍,不過冇乜味,方包又夠鬆軟.凍奶茶茶味都夠o既.而男友o既豆漿我冇飲到,佢話唔太甜.之於男友點o既糕點呢,熱食o既砵仔糕同眉豆茶粿,砵仔糕算多豆,唔太甜,暖暖地,唔錯.眉豆茶粿內o既眉豆都好足好蓉,亦唔錯.最後係花生糯米糍,我一啖咬落去都只係糯米皮,自問都唔細啖,糯米皮煙煙韌韌,o趙好耐至可以食有餡o既第二啖,餡係黑色o既

5點放食飯，又唔餓，但又口痕，揀了好耐，先找到目標，食粥喇…點了愉富靚雞粥，加6元有腸粉，加埋先，等了10分鐘就有得吃，粥好杰，初時以為雞同粥係一齊煲，但食落去係粥無雞味，雞好un，無雞香，少d牙力都咬不爛，我就係無牙力，所以淨係食哂粥，雞咬幾咬就吐，到埋時，腸粉都未到，唯有取消吧！

呢度很多街坊來光顧,又抵又好食,三十多元,湯、餸、飯、飲品、糖水樣樣齊。最緊要是有不下味精的住家味道。店員阿姐們又友善!今晚棄食此住家餸,而吃粥套餐。魚片碎牛粥 配 魚肉燒賣 $21皮蛋砰牛粥 配 郊外油菜 $21粥的稀稠度啱啱好,食到最尾也不會變水汪汪。碎牛更是驚喜!有很多真牛肉碎,不像一般的,只吃到炸米粉,和少量紅色味精「肉」。燒賣可是大剎風景!繼中環龍江雞後,又一史上最難食的「魚肉燒賣」!麵粉燒賣皮,包著完全沒有魚肉味、兼爛撻撻的粉頭餡!如果唔係靠豉油同辣椒醬,掩飾下,真的吃不下。為不浪費,也啃淨一粒。油菜絕不油,菜甜好味。魚肉燒賣唔好食,只怪她們選錯供應商,不關她們食味事,所以依然值給。