恒樂海鮮菜館

营业中

休息中

講真, $116 有3個餸+1支啤酒, 仲可以有d咩要求,不過服務態度都冇理由真係差成咁,,初時個阿姐係度sell客個時, 不知幾好招呼,到話ok喇, 食呢間個時,, 已經開始變面,個時未有"台", 我地已經企埋一邊等,個阿姐又話我地阻住條路, 叫我地又企呢度又企個度,指指點點, 我地係度淨等既時候, 都冇比menu我地睇住先,跟住坐低左, 都要等左勁耐先有人黎執"台",之後叫左3個餸, 咁叫啤酒啦,同番個個阿姐叫酒, 佢又好似冇應我咁喎,咁有第個後生仔埋黎咪同佢講lor,之後個後生仔拎左支啤酒過黎,跟住無啦啦又黎多支, 咁我地同佢講黎左喇,,佢即刻叫到全埸都知咁, 話係咪叫左喇之前,咁之前個阿姐又問我地(大聲夾惡地): 你地叫左又叫我??下,, 我真係呆左,, 好似我錯咁,食餐飯je,, 仲要我係客人,, 咁既態度都有,平真係大哂咩? 要受埋氣?算, 講番d野食,, 我地叫左3味餸,, (按上菜先後..)避風塘炒蟹味道尚算可以, 夠惹味, 伴蔥頭幾好食,, 不過成碟蟹都係d手手腳腳, 冇咩肉食, 用黎送酒就得, 但一定唔會飽肚lor,豆腐海鮮"gun"好淡, 完全想像唔到可以咁淡味,

6點鐘就好多人喇, 唔知點解呢一邊多過海龍王個邊咁多既?坐了在樹下, 海邊位置, 吹風食海鮮,叫了40蚊一個送既小菜:1. 避風塘蟹(4星辣4星咸, 但應該落左好多味精呢)2. 生炒排骨(後來上了咕嚕肉既?味道還可以!)3. 椒鹽賴尿蝦(同只蝦做完massage之後, 都好難開, d肉都幾林下...)4. 清蒸紅鮋(唔多骨, 幾鮮甜及滑身, 正!)5. 蒜蓉粉絲蒸扇貝(最後黎,而且係最唔得既一道菜! 因為粉絲一dd過生一dd過林, 而扇貝太小, 好明顯係太唔新鮮, 死左好耐咖喇! 完全係no good!)叫了waitress, 佢地既services真係好唔得! 叫你等陣啦! 一d禮貌都無! 態度超差囉!!!

山長水遠入到黎長洲都係為左食...今日可能閒日7點幾鐘都無咩人.我地兩個就選擇坐室內位置.因為有冷氣^^好...一坐底問佢有無套餐..佢就話無做套餐...仲話散叫多選擇...最貴果款都唔洗$40...我地叫左椒鹽瀨尿蝦,椒鹽鮮"油".芝士海鮮煲,同埋蒜蓉西蘭花仲有3罐汽水....椒鹽瀨尿蝦好味都唔算細隻一碟都有十幾隻....椒鹽鮮"油唔夠火喉....芝士海鮮煲有小小溜溜地......蒜蓉西蘭花都可接受....整體味道都唔差...上菜都ok快..伙計都好有禮貌.....埋單承為$160..都幾底食~~~~

星期六同羊先生入長洲覓食，想食海鮮，但係度度都好多人，咁啱呢度有位，就揀咗呢間。叫咗豉椒炒蜆、豉椒炒聖子同避風塘炒蟹，每樣都係$45，都幾抵。豉椒炒蜆：第一碟上菜，幾大碟，不過蜆有少少沙，同埋個汁偏淡。豉椒炒聖子：豉椒炒蜆之後成半個鐘先嚟，都幾大碟，不過勁淡。避風塘炒蟹：又係聖子之後半個鐘先嚟，有成兩隻蟹，好辣、好好味，全晚最好！總括嚟講，如果唔怕隔半個鐘先有一個餸，呢度都可以一試嘅。

沿海邊間間都未試過...見有海邊位就呢間啦~~套餐好抵食....叫了2人餐...1. 豉椒炒蜆 (好快到, 唔多夠熱同味道)2. 蒜茸蒸蟶子 (等左好耐...雖然冇大隻咁有咬口, 但勝在多汁夠鮮甜, 好正呢)3. 蒜茸炒西蘭花 (其實唔係炒...係d菜洽完加d蒜茸係面頭, 普通啦)4. 海鮮湯 (是日係冬瓜魚湯, 飲完唔覺口渴, 冇咩味精, 抵讚)5. 白飯2碗....咁多野食都係$108(送係可以任揀的, 指定2人餐更是$98)抵食就好抵食啦, 但都係唔好抱住好好味既情況去食...如果唔係會失望...可能晚市多人...服務麻麻地....

一連兩日在長洲試三間吾同的海鮮餐, 這間係最滿意, 但見食評就竟然 比較多; 所以話人人口味不同, 要求也不同食個$148三餸餐 - 1. 芝士蝦 (味道ok, 蝦新鮮)2. 蒸魚(吾係咩貴魚, 但都幾新鮮)3. 蒸扇背(有六隻size 有5蚊咁大)(送炒青菜及海鮮湯) 雖然係星期六, 可能我係一早去食11:00, 無咩客, 招呼會好d啦

大伙兒在長洲玩了半日, 唔知頭唔知路下, 亦花多眼亂, 靠門面, 做了一個有點錯誤的選擇.四個人叫了個5餸套餐, 有蟶子, 有魚, 有花螺, 牛仔骨, 賴尿蝦, 餐包油菜一碟同湯一窩, 仲要送白飯. 齋看價錢, 認真抵食, 但份量方面, 大家知道會打折扣, 所以加埋油菜,6個餸, 剛剛好.亦因為價錢, 都唔要求好似西貢D咁好食, 蟶子先到, 豉汁不夠濃, 但正因為淡淡地, 食到蟶子既鮮味. 花酒煮辣螺, 個汁留左黎撈飯. 之後......等.......叫阿姐話差幾味, 根本忙到唔識認我地. 投訴得好辛苦才送上味精湯. 阿姐一路很忙, 阿姐話出面有客大叫趕船, 之後我們幾檯坐入鋪的都起哄, 我地都趕船架.....過了一會, 阿廚出黎同所有阿姐宣佈, 做唔切, 唔好再接檯.........後來行入廁所, 廚房只有幾個人, 難怪...........之後看見各位阿姐好似出酒席咁, 不停出菜...油菜先到, 食晒又等....牛仔骨來了, 味道很好, 但好油. 等呀等, 廚房大叫某阿姐去買賴尿蝦, 哈哈, 原來賣晒, 要去補給, 最後賴尿蝦做得好, 又好羔. 只是這一樣大家叫好.總結一下, 食

基於第一次來長洲食海鮮的印象不錯（抵吃＋好吃），這兩年內，隔一段時間就會很想很想專程過來吃一趟…也忘記兩年前在那一間吃，見每間的海景位﹑賣的套餐也是差不多，就求其搵間。誤打誤撞下+阿姐熱情推介下就入來，一看內廳個格局，就立即醒起第一次就在這間吃呀﹗套餐價錢仍是不貴，兩個人就要了$148三餸餐，還送例湯﹑油菜﹑白飯，免加一茶錢。鹹蛋黃冬瓜湯：家中常飲冬瓜湯，不過未試過有鹹蛋黃的呢﹗湯水出乎意料的不油膩，味道當然沒有家中那樣的純正清甜，濃味了點，勝在夠解渴。蒜蓉炒西蘭花：蒜蓉味不出，西蘭花炒得夠爽口﹑清甜，可惜有幾舊就有變壞了的味道。避風塘炒瀨尿蝦：本來叫椒鹽的，見那面頭成堆蒜頭辣椒粒就知是避風塘式，不吃辣的我唯有’豪’出去。份量多到笑，差不多有20隻大的，究竟是瀨尿蝦的殼很難拆，還是用的蝦太過新鮮﹖蝦肉隻隻也很黏殼，吃到全蝦肉的機會只得十分之一而已。對於新手的我(第二次吃瀨尿蝦)，最多就是啜蝦殼外的辣汁，又或者沾到滿辣油的手指…薑蔥炒蟹：阿姐說今天沒有蔥來貨，只可以用洋蔥來代替，改變了配菜，結果就是不夠香蔥來的香口。我也沒所謂，反正主攻是蟹。蟹蓋只是裝飾，因為一點肉也沒有﹗蟹鉗也細細的，

今日一早同玉記去坪洲,愉景灣& 長洲一日遊, 午歺係坪洲好運酒家飲茶, Tea就係愉景灣既ca"fe 飲coffee, 晚飯係長洲!!搭街渡去西灣睇日落, 好正! 及後行返去碼頭左面食dinner, 本來去果間曾經幫襯過ok既食店,但見冇位仲有人等埂位, 於是同玉記去睇睇其他店, 見一間都幾多人既(約8成),我地就無妨試下啦,點知...........!叫了海鮮套歺有蒸石玤魚,蒸扇貝,炒菜,另再叫多個薑葱炒蠏!炒菜係一早綽好既菜抖兩野上台, 唔熱更冇wok氣! 薑葱炒蠏又係張一早炸透既蠏加薑葱抖兩野又上台, d 葱就ok 食晒, 一條冇剩! d 蟹全部都係彭箕蟹仔, 超細, 見蓋有d膏,但似石頭咁硬食唔到! 小弟以前既苦日子都未食過咁細既蟹!蒸扇貝好d d, 因為有好多蒜容幫下味, 最後碟蒸魚黎埋, 仲離浦!! 食落d肉係微暖, 有腥味, 再試更有d 電油味! 我倆決定走人, 埋單只係約170 , ”雖然唔係貴, 但成個一日遊行程, 一肚氣終結! 更浪費時間金錢!!!

price not expensivebut some of the food not freshservice is really bad.

2個人叫了138套餐椒鹽瀨尿蝦: 好細隻, 好mama, 冇想像中好食蒜蓉扇貝: 算ok好味, 不過好細隻豉椒炒硯: 只是暖的, 沒有鑊氣腐乳通菜: 叫做最好味的仲要左兩個可樂份量唔多, 老公食唔飽下次唔會再黎lu, 係都去第二間

唔知係唔係因為叫海鮮酒家就懂得煮海鮮,其餘小菜可以煮得如此難吃!!!無叫海鮮吃,叫了碟椒鹽牛仔骨，蒜茸炒西蘭花，啫啫雞煲。過多梳打粉令牛仔骨肉質過淋欠咬口，西蘭花爤都照煮，離譜！啫啫雞煲無豬潤，仲要係薑蔥蟹既獻汁，真係過份！海鮮煮成點我就唔知，但食小菜我就會叫大家唔好去

同朋友去長洲, 去了成串食海鮮的地方第二間(唔知係咪呢間) $98蚊套餐包兩個餸仲送一碟椒鹽賴尿蝦. 我們坐了海邊位, 雖然係超級酷熱的炎夏, 但有d海風都幾寫意...我們叫的菜如下:椒鹽賴尿蝦: 估唔到送的都咁大碟, 因為唔食辣所以一向唔食椒鹽賴尿蝦, 一食之下先知... 嘩咁好食gei? 個汁好惹味d蝦又鮮又有膏!! 一食就愛上jor.. 睇番個餐牌原來$30蚊ja! 散叫都好抵呀! 蒜蓉粉絲蒸帶子: d帶子唔香, 蒜蓉冇炒過, 但overall呢味餸好難整得難食蝦醬通菜: 好耐冇食過咁香蝦醬味的炒通菜啦!! 讚!!我諗我好快又忍唔住入長洲再食椒鹽賴屎蝦啦~ 咪講笑!!

長洲渡假之旅首天晚上在海傍找海鮮吃，被門口阿姐找了進這間，想不到還不錯。叫了一個128元二人套餐，有豉椒炒蜆、蒜蓉蒸蟶子、一條魚及炒時菜。那炒蜆真抵讚，蜆很肥、仲隻隻有肉，不是濫竽充數一整碟殼那種。蟶子有沙、但蒜蓉汁撈飯一流！不知名魚很大條！傳菜阿姐說有斤幾！蒸得頗滑，沒過火！一個餐$128，有餸、有飯、有汽水，無加一。一個字，抵！

重陽節與老豆媽媽去長洲，真係人山人海，與旺角銅鑼灣沒有分別。到了晚餐時間，海旁一排海鮮酒家，大家都認為邊間旺場就去邊間，誤打誤撞就入o左o黎。阿姐好坦白話，假日時節，在長洲間間酒家都是差唔多味道。四個人叫了任揀六道小菜的套餐。白灼海蝦-落單前後唔夠5分鐘就上台，肯定預先整定。雖然唔夠熱辣辣，但尚算是新鮮，蝦頭有膏、蝦肉爽兼彈牙。豉椒炒聖子-與白灼蝦一榚，唔夠5分鐘馬上上台。唔夠野味，欠缺大排檔的鑊氣。生炒骨-如果這碟是生炒豬扒我會接受，好明顯是將豬扒切件的，炸得唔夠，不過肉質唔錯。甜酸汁味道ok，不過較為"杰"身。海味雜菜煲-我嫌海味唔夠濃味，老豆就話剛剛好。豉汁帶子蒸豆腐-呢個豉汁就好野味，帶子又細又有點霉，豆腐算可。薑蔥炆班腩-這味最好，又大碟好足夠量。班腩好有"件頭"，炸得算脆，魚肉不會霉，而且件件入味。連埋兩粥、一飯、一汽水都係$26X，真係唔好咁高要求啦。