恒樂海鮮菜館

营业中

休息中

食左3樣餸：1. 蝦醬通菜，咁簡單的餸都整得唔好食，根本無將蝦醬炒勻，結果得個咸字！2. 薑蔥炒蟹，蟹唔新鮮，佢就塗粉用油先炸過再炒，結果無蟹味，食落去成口粉同油！3. 花雕蒸蟹，蟹唔新鮮，蟹肉無鮮味仲有，汽水有怪味！呢間都唔知係咩黎架，我已經要求唔高架啦，回水呀）））

星期日晚五點半左右同男友經過，間間d亞姐都叫你幫襯，好抵食架!!!但我地都係諗住睇定邊間，夜d先食，咁行到呢間，就比亞姐不停纏住，我地話夜d先啦，亞姐就話睇定先啦，細細聲話等陣黎送例湯，我心諗，間間大排檔都送架啦!!跟住我話好好好，就行左去，再去睇第間..........到左夜晚八點去食飯，見橫掂間間都未試過，咪是旦一間囉，點知行行下就番黎呢間，都冇所謂，我地坐海邊張，跟住叫，叫左個四套餐，淨係有湯，冇飯送，都冇所謂，橫掂都唔係咁肚餓，但我記得第間有飯有汽水送........蒜蓉蒸扇貝：我認識o既扇貝係好大個殼、扇形、卡通片有珍珠咁樣果隻，但我地果碟只係大隻少少o既蜆，可能我唔識野啦，或者呢d先係真正o既扇貝，OK無問題，照食，但又油又鹹，d粉絲又碎濕濕，好似唔係好熟，唔多掂........豉椒炒蜆：蜆仔一碟，份量都唔少，但d味怪怪地，完全唔似沙田果d，冇豉椒味又唔辣，但有少少類似蒜蓉o既味.....椒鹽賴尿蝦：細細隻，但好大碟，幾夠椒鹽味，可惜唔夠乾身，而且非常油，一楂住隻蝦，d油就"吱"出黎，搞到成手都係油.........上湯蝦干浸菜：係白菜仔黎o既，因為唔係炒，所以唔油，但又係

上月與朋友一行八人往長洲一遊，朋友提議一起食海鮮，結果去了她相熟的餐館。我們只選擇了套餐，價錢主要視乎點了多少道菜或海鮮。是晚我們點了：椒鹽瀨尿蝦、白灼蝦、蒜蓉扇貝、薑蔥炒蟹、花雕蒸蟹、豉汁蒸饍、清蒸紅魚、辣酒煮角螺(因為花螺售罄，唯有試吓角螺)椒絲腐乳通菜、辣椒炒硯等等。價錢真的很便宜，可惜大部份海鮮上枱時只有微溫，明顯不是即叫即蒸，我估這大概就是套餐與散叫的分別了。每碟份量頗細，味道也只是一般罷了。呢餐飯結帳只是$575，由於朋友是熟客，因此老闆娘給了九五折，實收$540，每人只須付$68，真的超平呢!不過，我想下次有機會，還是試試即叫即蒸的海鮮吧!

去到長洲, 都唔知食咩好, 去到海鮮街入左去恆昌, 叫左個4餸加一麵,灼蝦,蒜蓉焗聖子, 西蘭花鮮魷, 豉油皇炒麵, 清蒸紅魚蒜蓉焗聖子量就多啦, 但煮得過左時, 搞到un左, 但個蒜蓉做得好好, 唔油又唔太咸, 西蘭花鮮魷的魷魚好彈牙, 好新鮮, 同一般酒樓食的“鮮魷”好唔同, 真係食得出係新鮮的! 西蘭花未夠熟, 有d硬…..,清蒸紅魚個size好大條喎, 但可惜又係overcooked, 搞到魚肉鞋恰恰…..好浪費呢….., 豉油皇炒麵就ok啦, 呢d係大排檔招牌野, 無理由失手的, $20大大碟, 勁啊!!食物真係一般啦, 不過坐係海邊大排檔, 飲大啤睇下電視加牛角扇, 消費又唔係多, 真係好有風味的, 加上阿姐得閒過來打下牙較, 都幾過癮架, 哈哈!!

昨晚同男友去長洲食海鮮~間間都冇位~哩間既waiter話有位~我地就坐低啦~點知~惡夢就開始啦!我地要左3個\"食送\"~等左幾個字先上第一個粉絲蒜蓉扇貝，我地食完等左成個鐘~仲未有\"食送\"上~其間我地都催左好多次~但都冇人理!直到我發脾氣先有人黎睇下咩事!哩餐\飯足足等左個半鐘!食就食左半個鐘!好後悔冇上黎睇過食評先去食!真係食到把幾火><!!哩間落單既waiter態度十分惡劣~而且好似喝我地咁~我知佢\地人多好難應付~但都唔可以咁既態度對客人囉~漏單都好似係我地唔岩咁!野食又唔係好食~d蟹又冇肉~份量又少~一d都食唔過!一定冇下次!

星期六去食過一次, d服務態度一般, 如前者所講, 叫你光顧時態度很好, 一坐低就唔同左. 食物都可以, 碟頭係細, 但以$148 的2人餐有瀨尿蝦,粉絲蒜蓉扇貝,薑蔥蟹,紅魚,西芹蝦仁, 送汽水,好底. 不過, 椒鹽賴尿蝦有1/3唔新鮮, 西芹蝦仁比較salty...

因為之前去長洲ｏ既時候，試過恆樂～覺得味道唔錯～所以最近去長洲都專登走返去食．．．點之食完之後有１０萬個失望．．．．上次食完叫我評分ｏ既話～味度　＊＊＊＊＊今次食完再叫我評分～味度　＊＊　唔明點解今次會咁～真係唔想比錢就走～：ｐ我地叫左４樣野食．．．冇一樣我想再食～希望佢快ｄ有進步～不過我係唔會再去的了～

前兩日為慶祝生日同bf去左長洲食海鮮, 之前食過一間幾好, 但係想試下新野, 所以就揀左間叫"恆樂"...本身諗住行哂咁多間先決定, 但係恆樂個亞姐係咁拉住我地, 又話送多兩個飯, 又話轉食第二樣菜都無問題仲唔洗加錢, 加上態度又好nice, 所以我地就決定食lee間喇! 但係坐底& 叫"食送"後佢o既態度就180度轉變喇~~d"食送"唔大碟都算喇(但係碟菜就大碟到死)..我地同隔離都叫左個"蒜蓉粉絲扇貝",佢地碟扇貝黎先..之後見到佢地同果個亞姐投訴..亞姐就收番佢地碟"粉絲蒜蓉扇貝"入去,之後唔夠一分鐘..我地條"扇貝"就到喇..我忍唔住問亞姐頭先人地碟扇貝有咩事,佢話冇事!(無事就唔洗收番啦) 我問佢會唔會俾番頭先佢地果碟"扇貝"我地嫁, 佢好理直氣壯話唔會..我地就信佢冇再追問喇..但係d扇貝跟本唔係chi住個殼,分明有事,加上d肉"梅梅"地..為免唔想嘈交收場,我地唯有成碟唔食!之後黎o既炒蜆..又係殼多過肉..d殼多得好離譜!跟住黎o既椒鹽賴尿蝦..一半ok啦..另一半係"梅"o既(直程係一睇就知係死蝦果隻)忍唔住同佢理論..亞姐態度差..話最多換過碟俾你lor..(換過碟

入到長洲同老婆試下食平野, Set Lunch 只係$88 唔收加一茶芥, 有一碟瀨尿蝦+聖子(可轉)+ 炒西蘭花+例湯, 但瀨尿蝦唔多新鮮, 聖子ok, 西蘭花有魚味怪怪的, 不過以$88 黎講不能要求好好喇~~~~~~~~~

在昨晚7:30pm 到此酒家吃飯, 真是非常多人, D 人多到出馬路, 朋友已親身提早訂位, 老板娘話冇問題, 當我們去到居然冇位比, 是但叫我們在其中一人等就算, 等了數分鐘已聽見很多人說D單非常亂, D 菜等了很久才來, 叫了此味菜, 轉頭又話已售清, 叫人另外再叫, 又是這樣。我們等了一陣, 終於放棄, 到碼頭左面的大排檔去吃, 為何選恒樂, 因為朋友以前吃過, 覺得味道都幾好。但這酒家真是非常冇系統, 如果沒有留位, 可以和我們說, 我們可以早些到去等位, 這數十分鐘給我的感覺只有一個"亂"字, 希望日後會改善, 否則只會趕客走.