恒樂海鮮菜館

营业中

休息中

來長洲第二次，第一次食呢間，非常完全唔得，蒸仙貝又唔係仙貝，肉又薄又細粒既唔知咩貝，聖子又係得幾粒肉，蟹又細隻無肉，蠔仔蛋係炸的唔係煎那種，又干又無肉，未試過卡難食的海鮮，無一樣係得的，價錢平但無質素可言，二大一小埋單300多好似無食過野一樣，一定無下次，怪之得門口丫姐這麼熱情拉客，真係一試難忘，平時很少寫食評的我，都故意上來寫⋯⋯⋯

來長洲逛逛，食完小食，黃昏都會搵地方坐坐，去食海鮮次次都行來這邊依間紅格仔檯布，可以坐出面，不過天氣熱，涼下冷氣享受下大牌檔格局，是這樣，我們無所謂$238 3樣海鮮餐牌任選，一個字，抵！味道都很不錯椒鹽魷魚新鮮滾熱辣炸得香口，沒有太油膩，熱氣fans 必食蒜蒸聖子麻麻地，都幾「的適」，細細隻，有點碎殼，這價錢算罷啦椒鹽瀨尿蝦肉少少，好惹味，食得好過癮下次來，我都會再來光顧！

你為左寫呢間舖既食評，先register open rice account, 可以想像有幾好食。呢間毫無難度成為我在香港食過最難食餐廳3甲。仲有，大概以後都不會在長州食海鮮了，祝大家好運！

無影相，但啱啱食完就要即刻上嚟打食評，因為實在太唔掂😰我叫左3餸$188又送湯又送菜開頭以為好抵食啦3+1餸菜點左沙嗲肥牛粉絲煲蒜蓉蒸帶子蒜蓉蒸蟶子腐乳炒通菜誰不知沙嗲「牛肉」粉絲煲 ：啲牛肉唔係用肥牛係用老牛肉，啲牛肉入口似食香口膠有排𡁻👎🏻蒜蓉蒸帶子：帶子同老牛不遑多讓，蒸得太過火，好似擦子膠咁既質地! 👎🏻蒜蓉蒸蟶子：蟶子好多沙，都係蒸過火👎🏻腐乳炒通菜：四個菜之中既驚喜，還不錯最好食係$10個白飯。總結：不可一不可再千其唔好俾門口d好好人既呀姐呃左入去啊😂

長洲好多海鮮食, 我們去搵下邊間底食及吸引, 初初見有間都覺得好抵, 行去海邊果條街, 好多選擇, 見到呢間菜館好多人, 原來好抵呀, 三個餸加一個菜, 有飯, 200唔使, 仲要有海鮮揀的呀. 座無虛席, 好多人呀. 我們坐係近門口位置. 枱布係紅色格仔的, 好靚.點左一個薑蔥炒花蟹, 等左一段時間先嚟, 賣相好吸引, 都唔少架, 有兩隻蟹, 味道都OK, 幾香, 雖然花蟹冇咩肉食, 但係都好味的, 蟹肉唔會鞋, 肉都鮮甜呀. 感覺都算新鮮呀.蒸魚, 係盲曹嚟架. 這條魚用豉油蒸, 好大條, 好香, 好多豉油, 肉身夠實, 好味, 啖啖肉的呀, 加埋D豆豉好香.送的菜係通菜, 這個菜係送的, 都炒得幾青綠, 唔會好老的, 好甜呀, 有少少椒絲, 但唔算辣, 好爽口同埋鮮甜呀.還有一個生炒肉排, 這個好開胃, 酸酸甜甜咁, 肉都唔會老及鞋, 仲有菠蘿及洋蔥的呀. 好味呀. 我鍾意食生炒排骨味道的醬汁, 呢個醬汁調較得好啱味, 唔會太甜及太酸. 一路坐一路食, 不停有人進進出出, 好好生意.

入到長洲，就梗係食海鮮啦…近碼頭附近就最多，亦最多人等位，仲以為會收海鮮價，睇落都係合理價錢，就坐低點菜 ，首先就叫左蒜蓉蒸聖子， 聖子超新鮮，食物鮮甜美味，由於價錢唔貴，所以即時再蒸多一轉，跟住食椒鹽鮮魷，炸粉唔太厚，剛剛好，食到外脆內爽口既魷魚，仲要係一隻隻鮮魷，美味到不得了，反而 菜膽雞就一般， 沒有太大的驚喜，可能真係近海食海鮮先係最岩啦…

蟹肉新鮮，不過比較瘦，沒有甚麼肉。椒盬鮮魷頗爽口，唔會太韌，但味道比較重, 鐘意食香口野既朋友必選呀!豉椒炒蜆好夠鑊氣，蜆肉無沙而且帶辣味，但就份量不多!!姜蔥炒蟹蟹隻十分瘦少，蟹鉗也細細的，蟹肉不多。但蟹入十分入味，愈食愈惹味!總括黎講，份量十分小，但味道不錯。

每次來到長洲，總會在海旁碼頭一帶散步，偶爾進入那些橫街，看看那些具有特色的小店，看看有否特色的小飾物或物件，購買下來，用作手信自用也好。當逛街逛得累了，便是休息一下，隨意找間罎店，順道來一個午餐吧。恆樂海鮮菜館雖不是第一次來，但依然故我走入去坐下來，上次坐在室外，今次坐室內。基本上不用看餐牌，便可點菜，皆因已有想吃的東西。酥炸魷魚對比上次吃的，有所進步，至少炸粉不會甩皮甩骨，完全包著魷魚。今次吃到的是酥脆之餘，魷魚亦具柔靭，不硬，也較好吃。中式牛柳雖然與以前吃過的大有分別，沒有那種鮮豔的橙紅色，卻只有暗訝的色彩，當中洋蔥也頗多，故吃起來也頗惹味，而牛柳算是不靭吧。薑汁炒芥蘭是身邊人必點的，雖然看起身和吃起來都會有肥膩感覺，但當中亦有薑汁的味道，倘若用少一點油的話，就更好了。食過午飯，可以繼續餘下的行程，當入夜後，就出番市區。

上星期六和朋友E一起去長州一天遊，當然要試一試長州出名平、靚、正的海鮮，其實我上年已經幫襯過一次，那次是我第一次和家人去這些遊客區食海鮮，一直對遊客區的海鮮食店不太有好感，因為太「海鮮」價，但經過上年的光顧後，發覺長州這地方食海鮮，比在酒樓更抵。介紹一下我今次點的菜色啦！白灼蝦很好吃，因為夠新鮮，上年來吃時都定落下次一定會再叫這個菜色，份量都還可以，2個人吃很足夠，新鮮虾唔出奇，但價錢平就很抵。椒鹽鮮魷是一隻隻魷魚的，很可愛，不過我覺得應該剛剛這批是這樣，因為我上年吃都沒有這樣齊整。這是今餐最後一道海鮮，聖子一直是本人海鮮必點，這個聖子很好，沒有沙，夠新鮮，份量夠多，平上菜碟底的份量更多，佢一直有加多一些，那都算合理。這碟菜每張枱都包的，我今次就點了腐乳通菜，上年都有點，因為本人覺得通菜口感比其他菜好，可以用很多唔同的醬炒。介紹完今次的菜色，回顧返上年的菜色啦！我發覺我上年和今年的菜色其實差不多，不過今年沒有點魚，因為朋友E不喜歡吃魚，其實點魚就最抵，因為酒樓一條魚最平都要70多，現在叫三個餸+一個菜都是158蚊，我地還點了2支汽水和一個飯，200蚊都唔需要，食海鮮已經算很抵了。

琴日1/7就去左長洲 都見幾多人下 所以早D食早啲走 費事夜d要排隊食 見到海滂咁多間 呢間算最多人以為ok啦 入到去 呀姐話208蚊3款加多碟菜 咁我同男朋友就嗌左椒鹽瀨尿蝦 蒜蓉帶子 椒鹽鮮魷 仲有蝦醬通菜 通菜都ok正常 我本身對食都無咩要求 正正常常入得口就ok之後黎左瀨尿蝦 喂大佬 你黎得食海鮮你預左佢係新鮮架啦 大細我無所謂講真208有3碟海鮮你仲要求手掌咁大隻咩 碌完蝦殼都覺得怪怪地 個頭好易甩 之後咬落去都知道中左伏 霉霉地既個口感？ 我未食過瀨尿蝦口感係咁 俾左幾次機會佢 每隻個頭都勁易甩之餘 完全無平時食瀨尿蝦爽口脹卜卜既感覺 真係新鮮既野就咁白焯都好食 唔新鮮既落幾多調味都無用 我真係食左幾隻就食唔落 呢碟瀨尿蝦係我咁大個人最難食既 之後帶子得4粒 5蚊銀咁大左右 不過多蒜蓉 加埋啲粉絲 所以我覺得都ok既之後椒鹽鮮魷 唔知以為俾人食左幾舊-.- 隻碟唔係大架啦 仲要得一半 都算 一咬落口 啲粉仲厚過舊魷魚 食唔出爽唔爽口啦咁薄 不過我食左2舊就無食囉  埋單啦 嗌左支大汽水同$10一碗白飯-.- total$233好食就話抵姐 我真心覺得好貴呢餐埋完單先見到

黎到長洲渡假屋 晚餐就無乜所謂 去到依間野門口 個姐姐好熱情就入去一行九個人 入到去 枱布勁污糟 我們覺環境無乜所謂 就無走到 之後叫野食 呀姐服務又唔好 完全比門口態度好既呀姐呃哂野食到左之後 真係唔知自己食緊乜 所有炸野得個粉味海鮮又唔新鮮 真係得飯係正常味  如果十分滿分 我會比負五分囉

長洲海鮮大排檔真多, 一行4人一路行一路睇下人地枱面既白灼蝦好大隻, 終於選左呢間野, 門口D呀姐好落力拉客的, 入到去比個冷氣地方, 但好迫仲要一張大枱撘左4組人, 心諗唔通好好食,坐底叫餸, 選左6個餸$378既套餐,豉椒炒蜆、姜蔥炒蟹、椒鹽懶尿蝦、蒜茸粉絲蒸扇貝、蒜香骨、炒通菜.由炒蜆講起.......,蜆-細隻仲有好多死既, 味道還可以蟹-水蟹肉地一般,一碟得一隻比較細隻,4個人唔夠食尿蝦-走油過晒火,好乾身淨食到椒鹽味扇貝-蒜茸好多,粉絲吸晒味,唯一全晚最好食既,呢個真心贊好味道蒜香骨-其實系豬扒,唔系一字骨,都系好乾通菜-咸到飛起整體講家中的賓賓姐姐煮得好食過佢地多多聲雖然只系收$378,+樽裝汽水$15/支,啤酒$20/支, 並埋單$428, 但唔算抵食 

喺長洲行到7:30pm係時候晚餐揀咗恒樂海鮮菜館簡單叫個2人餐$238~等了20min已可入座踎大排檔梗係要啤啤佢啦~爽呀豉椒炒聖子我一定炒得好食過佢囉~鮮蝦上湯伊麵蝦好新鮮又彈牙上湯味道就削D喇冇乜味生炒骨夠鑊氣車爸爸吃酸了點但我愛啊不錯~吃飽打道回府~

同男朋友夜晚7點幾搵地方食晚飯，因為呢間門口個阿姐又話送飯又話送汽水咁，心諗既然個道間間都係做118兩個送加一個菜，是旦啦咁就俾佢氹左入去我地叫完野食，諗住問下係咪送飯送汽水啦，點知落單個個阿姐好冷淡咁話：「我唔知嫁喎，你問番門口個個啦」，心諗你地氹左人入黎想反口，搞到有d尷尬。後黎有另一個阿姐過黎笑笑口話：「飯同汽水只可以送一樣咋你要邊樣丫」，最後我地要左飯就算。雖然明明門口話兩樣都送，其實我又唔係特別好汽水個d人，但如果做唔到就真係唔好呃人囉好啦講番野食先。d野食都上得幾快，而且都係熱既我地叫左豉椒炒聖子、蒸扇貝同蝦醬炒通菜炒聖子其實都ok，個量都唔少，味道同口感都唔差。只係食落有幾隻有d沙 蒸扇貝，真心細隻到睇佢唔到咁制。雖然好中意食d蒜同d粉絲，但結果真係好似食蒜蓉蒸粉絲咁蝦醬炒通菜，勁大碟，兩個人加我勁中意食菜都食唔曬，不過慘在無咩蝦醬味加埋兩枝汽水，埋單142$兩個人，其實價錢係ok，但野食就唔算好好食。不過入面d阿姐有幾個好好笑容，又好有禮貌，勉強值得我俾一個ok既

晚餐黎到呢間，因為仲未夠鐘坐船走，經過時呀姐又大力推介118蚊2人海鮮套餐，2碟海鮮包埋茶同2碗白飯，見佢感落足咀頭，價錢又唔貴，又唔駛等位，就坐低試下。坐在海傍漆黑地望著海邊漁船，都幾有氣氛，直至菜上枱，就知中伏了蒜溶蒸扇貝細到無朋友，一啖咬落去，仲有好多沙，咬到牙都痛，吞唔落，感覺無沖洗乾淨，好唔衛生椒鹽九肚魚味精重，得個咸味，魚味無曬，可能要蓋過魚唔新鮮的腥味吧！最好味，竟然係碗白飯!118蚊，食這兩碟質素的海鮮，都算貴呢！