恒樂海鮮菜館

营业中

休息中

這個白灼蝦的蝦肉好多都係"梅"既，雖然你個辣椒鼓油做得唔錯，但係好少用得著佢菜芯雖然係送的，所以要求唔太高，不過食左幾條已經食唔落口係苦的薑蔥炒蟹個汁就好食，但係講到蟹肉的話就........又係同蝦一樣梅的揚州炒飯.....用"梅"蝦,火腿,蔥,蛋炒成一碟飯完全係沒有味道的炒飯我見到依間咁熱情招待就入依間啦...點知就出事但食完之後,我寧願食其他餐廳，甚至係連鎖快餐店

在茶餐廳吃過午飯，便先打道回府稍作休息，整理一下食文和相片。看看時間，艾呀，原來是四時多了，要出門口往中環接親愛的女友。接過後，便前往五號碼頭乘搭渡輪往長洲逛逛，落船後，便四處閒逛。到了晚上七時多，又是晚飯時間，在海旁兩邊有著大大小小的食店，提供了海鮮小菜晚飯，經過一輪「候選」後，便決定在恆樂海鮮菜館落腳，吃番正常的晚飯。由於坐的位置是露天地方，故此環境就一般吧，可是咱們卻不介意坐在露天，而且平時不會坐露天，而親愛的女友也肯陪在下坐在這樣環境下吃飯，實在難得。既然是要海鮮，當然先點來兩個，再點兩個小菜，已經好足夠了。椒鹽鮮魷是親愛的女友點來的，也是她喜歡吃的。鮮魷表面較白，沒有想像中那麼的深色，也沒有椒絲在內。不過吃起來卻有微微的椒鹽味道，沒有那麼重口味，而且椒鹽味道適中，沒有吃得太過口喝。清蒸黃立倉黃立倉的食法有鼓汁和清蒸，但是今晚不點豉汁蒸，改為清蒸，魚蒸得很滑，蘸上了蒽和甜醬油，更能吃到魚的鮮味。中式牛柳色澤較深色，不像從前那種橙色的那麼鮮艷。這個牛柳以洋蔥和茄汁調味，與從前做法不同，牛柳沒有被炸過或用油汆過，口感則屬軟腍，就像在吃牛扒般的感覺，只是有種酸微微的。薑汁炒芥蘭原本想

入到大學之後，sem break 悠悠長，上星期就同男朋友一齊去長洲，展開一次美食之旅 係我地食左好多街頭小食之後，我地終於決定坐低食晚飯！ 當我地行到食肆雲集個area 既時候，每一間餐廳都有一位阿姐負責招徠客人，不斷咁sell 我地入去食，我地睇哂咁多間之後，決定揀呢一間食晚飯。 原因係因為，呢間既價錢最平再加多野食，118 蚊兩碟海鮮再加一碟菜。我地覺得是okay 的。 我地就要左鼓椒炒蜆，椒鹽鮮魷，仲有一碟生菜。 首先上枱既係生菜其實有啲失望，感覺上係就咁冇落sauce炒，然後加啲炸蒜係頂做調味，食左幾啖之後有啲後悔揀左呢間。 好頹咁食左幾條生菜之後，跟住黎既就係鼓椒炒蜆。 好正！個sauce 好夠味，啲蜆好新鮮(長洲既好處xd仲有，比起平時出街食，呢到少好多空殼同埋未開口既蜆，值得一讚！應該只係得唔夠十分一既蜆係未開口，空殼都比較少，而且一碟既份量都幾大，我同男朋友都食得好開心 食食下蜆椒鹽鮮魷就出現左啦其實呢一碟跟一碟醋我一開始以為係鼓油然後就…xd啲鮮魷都好正，同樣好新鮮，個調味係咸中帶點甜，幾特別：D炸粉幾薄，咬落去係爽架！！！(前幾次係茶餐廳食椒鹽鮮魷是淋的所以我今次

是日聖誕節，第一次係長洲食晚飯，食呢間係因為有個阿姐sell我地入去，見另外兩間咁多人排隊就，呢間唔洗，咁就坐低啦。叫左：豉椒蜆，殼就好多啦，不過肉就堆埋都放唔晒一隻豉油碟。味道ok，因為好重味精。薑蔥蟹，d肉梅既，唔新鮮，好後悔叫左呢個。蒜蒸扇貝，最好食呢碟，蒜味重，粉絲多，但肉質都似蒸耐左。蒜蓉炒芥蘭，呢碟送既，套餐$208就送一碟菜；味道都唔錯既，但係食下食下發現食到好多沙，應該完全冇洗過，真係好唔衛生。但係送既野，都唔好expect咁多。下次再去長洲我諗我會食第間。食完即刻睇openrice發現大部份食評都同我既experience差唔多，早知做左research先去啦......不過咁既價錢有4碟餸，$24有支大啤，仲要聖誕節，都唔好expect太高，所以平均黎計我俾OK真係好仁慈啦....

從來都覺得去長洲吃海鮮，都是些遊客們的玩意。基本上去到海皮一列的海鮮檔，巳經成班拉客阿姐當我萬人迷一般洶湧而上。「靚仔靚女，哩邊座啦」，全世界唔使整容都被叫成靚人。在拉拉扯扯一輪後，最終「恒樂」的大姨戰勝了，她即時在一眾阿姐中露出勝利得戚的笑容，差在未做「V」字手勢。。。「海帶清湯」我絕對相信此湯是十分有益，因為我只見一堆海帶浸在熱辣辣的湯內，而且是甚麼味道也沒有，巧清啊。「椒鹽鮮魷」叫了用來送啤酒，味道還好，勝在剛剛新鮮炸起，椒鹽也下得足，是沒有不好吃的理由。「清蒸海魚」這項抵讚，魚肉蒸到剛剛離骨，肉也鮮甜，甜豉油也對胃口，用來撈白飯也不會過鹹。「薑蔥炒花蟹」花蟹細小而無肉，將價就貨，係咁上下。反而慢慢去拆蟹肉吃，是個消磨時間不錯的方法。。。以上套餐價賣$138元，白飯無限添補。抵嗎？抵。好吃嗎？60分咁上下。同枱食飯各自修行，平均約$2換一分，想不想吃，你就要自己衡量了。

我近來出食評真係好慢.幸好我寫得如此差.應該沒有人會期待我的食評.今晚我就要清一下食評. 大約十日前.即興去了長洲.事前什麼計劃也沒有.但腦海中也有心水海鮮店.怎料我去到我的心水店門口.門口掛著:今日休息.心中帶點無奈繼續前行.上一次長洲之旅.光顧過海旁第一間食店.今次就試第2間.店員相當熱情拉客.服務當然沒有問題. 我建議大家大約六點到海鮮店.可以由日景看到夜景.而且吹著海風食海鮮.既有氣氛,也是一種享受.而且付出價錢也很便宜.118元就有2個海鮮,一菜.一湯.不用加一.海帶湯:上枱時熱辣辣.海帶也相當足料.湯味道亦算清甜.合格有餘.豉汁蒸鎗魚:用的材料當然是街市最便宜的鎗魚.蒸的火喉有點過火.影響到魚的肉質死實的,魚鮮味亦盡失.感覺較失色.唯一可取的是,調味醬汁不會過鹹.蒸扇貝:蒜蓉香味.相當吸引.伴碟粉絲亦鮮甜.但元貝的確很細.比吃日式放題的元貝細.不過味道也鮮甜,質感正常.也算好食.炒通菜:為什麼如此濕?看到賣相.胃口都減了一半.菜算嫩,入口爽口.味道不算鹹,只是賣相差一點.味道接受到.其實如果要評論質素..的確低於水準.不過2人價錢128元.有飯有餸,有汽水.給

與家人一行七人到長洲吃海鮮，海鮮是哥哥的朋友搭長洲人買的，再交到恒樂加工。共要了九個餸，飽餐一頓！白灼海蝦：海蝦細細隻，彈牙爽口！正！清蒸海斑：肉剛離骨，蒸得很好，魚肉鮮甜彈牙！不得了！豉椒炒蟶子：蟶子肉質鮮嫰爽口，炒得香噴噴！炒花蟹：一般炒花蟹是干炒的，這卻是濕炒，有點怪。清蒸扇貝：一般豉油皇炒麵：炒得香口，可是麵不夠乾身蝦醬通菜：頗鹹沙拉骨：用千島醬來做醬，有點膩椒鹽鮮魷：很差，粉漿軟林林，完全提不起勁起筷...海鮮的質素很好，但恒樂本身的小炒質素則一般。由於是次海鮮是外攜，所以若直接用恒樂的海鮮，未知質素如何。用餐環境跟一般“大排檔”無異。不過價錢相當相宜，七個人每人200元不到。所以還是抵食的！

這是今年暑假去的, 我和我朋友一落船就已經想食野,跟住我地就問下邊到多餐館,佢就話北社街果到有好多野食跟住我就同朋友行左10分鐘到,見到果到果然有好多餐館,跟住我行過恒樂海鮮菜館 既時候就有個呀姐好熱情咁sell我,咁我地就坐低左落去, 以138既價錢來講,138元3個海鮮,仲有個湯送,都算唔錯

太太星期六開完OT,黃昏即興坐船入去長洲, 經北社海傍路時,有好多海鮮菜館,間間都坐滿人, 恆樂職員以138元套餐有3款海鮮加送一個湯作招徠, 即係平均每碟唔駛四十多元, 心諗點解會咁平, 不過見間舖坐滿人, 應該唔會有咩問題, 坐低點左三款海鮮後,發覺唔夠食, 改加要208元套餐, 即多一款海鮮加一個炒菜, 加埋白飯六元一碗, 埋單只係216元, 唔駛茶水或加一, 如果要求唔高, 單論價錢都算好抵食!

呢間野令小弟第一次打食評, 希望網民唔好中伏!!話說星期六放假, 帶來港親友去長洲玩, 打算食埋海鮮就搭船走。去到呢間野門口就比呢間個阿姐SELL, 咁就坐低左啦。叫左三碟送 - 蒜蒸帶子同蝦, 同避風塘蟹。蟹完全唔新鮮, 蝦得5隻, 仲要係"梅"的!! 食左兩碟門口個阿姐竟然趕我地走!! 我話仲有碟送未黎, 佢竟然好惡咁話我地:" 未黎又唔催"....我心諗黎呢D 地方無SERVICE 就預左, 但未至於個態度係差到咁....同佢SELL 人入去個樣係180度改變。再後食埋個好多沙的帶子, 帶子仲係切到薄一薄就走...未試過一餐飯食到咁嬲, 同食物質素可以咁差!!我好明白去呢度食海鮮, 個PRICE 係唔包括SERVICE, 但呢個PRICE 竟然食如此差劣食物, 擺到明係呃遊客生意, 影衰長洲形象。好唔開心係令到來港的親戚失望。希望網民唔好中計, 亦希望店長看到的話可以有返d 企業良心

食左成日野已經好飽~不過都要食埋海鮮~ 但最失望就係LEE餐=口=一坐低就俾左菜乾湯我地~味精湯,無咩特別豉椒聖子 大部分都係殼,勁少肉,但味道OK避風塘炒蟹,無肉食的=.=蒜蓉粉絲蒸扇貝 好細粒,又唔夠汁,D粉C又好乾唔再黎LEE間食!

第一次令我有衝動寫食評, 就係呢間啦~當日同愛人一心由梅窩玩完, 再乘船過比較選擇多的長洲吃晚飯, 怎知就千揀萬揀....真係後悔食飯前無做定research, 我們一坐低,就有個說話極晦氣嘅女人來問我和愛人吃什麼? 我哋答佢等一陣 睇睇先, 佢乜都無講就轉身走左去, 隔唔夠3分鐘她再來問我哋吃什麼? 我哋再答,仲未諗到要睇多陣,佢隨即又轉身走左去, 又隔唔夠3分鐘, 她又再來問, 當時我哋已經俾佢催到乜都諗唔到, 最後被迫就範落單, 服務態度差原來只係前戲, 睇到啲食物仲覺"奶"嘢, 我哋叫左椒鹽九肚魚, 芝士蝦, 白切雞3樣, 樣樣都份量少,味道差! 講到呢度, 真係唔可以再講落去,因為要我形容當日啲食物有幾難食, 簡直係痛苦嘅回憶, 總之, 奉勸各位, 三思而後行, 不要重滔覆轍我們的經歷, 簡直無癮又受罪!

水汪汪芝士沒有芝士味又來水汪汪好大隻不過應該是死左好耐味道怪怪的一上枱食落熱都不熱,好在今天天氣熱味道唉細隻到同少到,物價上漲...肉細仔到沒有人有,找野包住好像好多同好大隻,根本是再用殼是但放點東西上去,€€€頂可以整到甘的味道利害(難食到)仲要不是好平,請都不會再去最好的係枝可樂.....

平日去長州行下, 諗住試下D海鮮啦~ D食店拉客都好進取! 當日我帶地住小狗, 所以佢地安排左我地坐係海邊既位, 人客唔多, 大把位! 坐抵兩個人叫左5個送既套餐......3個海鮮, 1個小菜, 1個炒菜.....好失望, 最離普係口水雞同芝士龍蝦, 真係唔知佢想點!!口水雞水汪汪, 好難食~芝士龍蝦果D芝士好似水咁!! 龍蝦瘦猛猛不特止, 而且好唔新鮮, 有陣怪味!!!! 以後都唔會再去!!!! TOO BAD!!!!!

同朋友諗住入長洲食dinner, 之後行左幾間見呢間ok多人所以排隊試下..$188(4送加1碟菜) 揀左豉椒炒蜆, 薑蔥蟹, 蒸扇貝, 仲有碟聖子同白菜仔之後加2支汽水$16蚊個阿姐比左近海既位我地, 個view唔錯, 可惜d食物.....1碟聖子同1碟蜆.. 好想知道炒完之後D肉去左邊? 成碟得返幾粒肉, 其餘都係殼!!D蟹根本唔洗食, 又細隻, D薑蔥仲大過舊蟹肉, 又多...唔知以為食緊蟹仔炒薑蔥 5碟送最正常就係碟白菜仔, 其次就係扇貝.. 張台布細仔d睇其實超級污糟....好多好多好多一粒粒黑色1點點既野, 不過1定無下次!!