恆發雞蛋仔 (已結業)

是日點餐：芋頭泥雞蛋仔香脆, 金黃色已經好吸引~!特別之處﹕ 比起好紫好紫色, 又無餡既... 呢個係真‧ 芋頭泥份量十足, 粒粒雞蛋仔都有一半既芋頭泥不太甜, 剛剛好因為呢個已經好飽肚, 如果太甜就會太膩了上次食過原味雞蛋仔都ok, 同樣香脆金黃2個比較, 個人更LIKE芋頭泥番食指數：＊＊＊

因為趕時間，所以點了原味格仔餅 （$15）格仔餅不需要等很久，加了少許的奶油跟花生醬熱熱的，我覺得滿好吃的喜歡清淡口味的我，覺得蛋的味道比較淺但是冷掉就比較不好吃了跟佐敦的另外一家格仔餅比起來，這家的蛋香比較淡，而且冷掉過後就比較不好吃了可是這家的東西，吃起來有幸福感，大概是員工一起聊天做事心情很愉快，食物裡面有好的能量在裡面，佐敦那一家吃起來沒有幸福感，就是蛋香很濃，不知道有沒有加香精在裡面。

這個等了半個中的雞蛋仔果真有點點失望。本來一直想食觀塘的恆發，但見太子附近開了就試試。為左這包香芋雞蛋仔等了半個小時，食落是有豐富的香芋蓉，不太甜，但整體雞蛋仔沒有蛋香，芋頭蓉略嫌有點喧賓奪主，令整個雞蛋仔有點滞。而且當整底雞蛋仔凍了，芋頭就更加令人感覺有點多，好不容易才吃完。如果下次食，還是原味好了。

早前試過旺角大熱的摩豆蜂蜜流心雞蛋仔後，臨走時看到街尾位置也有一間雞蛋仔專門店，看到芝士雞蛋仔的圖片內裏芝士爆滿！當然要再到此地一試其實這裡的款式也不少，有原味、芝士、朱古力、芝麻、紅豆、芋泥等⋯而芝士雞蛋仔則分為兩款，普通版$19，而特濃就要$23！雖然相差$4，但不理了，最緊要是多芝士！而雞蛋仔是即叫即製的，所以製作需時，不過當製作我的芝士雞蛋仔時，看到店主正在把一片卡夫芝士撕下去去，經已有點中伏的感覺⋯但還是希望會再加多一點其他芝士下去吧再多等一會，終於做好了。神奇地雞蛋仔不是圓的，可能是加餡時出現問題，導致底面分離，基本上只需輕輕抆開，很輕易地就能把底面分開兩半再咬開看看，説好的流心芝士呢？圖片不是流心或爆漿嗎？咬開後發現，雞蛋仔內的芝士少得很難看到！而且芝士味不濃，即使是鹹香也沒有！唉！特濃也只是這樣，那普通不就⋯***************************恆發雞蛋仔 (旺角)旺角水渠道32號地舖***************************以上消費：$ 24味道：7/10環境：6/10服務：7/10衛生：6.5/10抵食：7/10

本身係九龍城恆發嘅fans，以前一去九龍城，唔理肚唔肚餓都會買一底雞蛋仔... 早陣子旺角又開分店，點都要試下～話說，上次要排成25分鐘先有得食 其實之前喺年宵市場都食過一次又係恆發，難食到死，因為太硬，唔趣口，質感唔似雞蛋仔！果次買嘅時候又見到個男仔，都心知唔方好野，買完，食左一兩粒已經覺得中招... 呢次就軟身，食落似食雞蛋糕...今日見無乜人等（眼見得3個人都排），又餓餓地，就俾次機會佢「復活」，揀左招牌芋泥雞蛋仔... 3個人... 企喺度都等左15分鐘，等嘅期間有個外國女仔問野，阿店員唔識聽，個外國女仔就咁就走左，個店員竟然用粗口鬧人.... 好過份囉！ 都算，繼續等... 竟然俾我見到個店員兩隻手喺咁來來回回咁抹個鼻... 無野嘛？！心諗如果下一底係我就實死... 點知真係到我 眼見佢用手打開個袋口，然後用手放入去果下... 我真係想嘔出黎... 講真，咩胃口都無晒！最後我用我隻手反轉底雞蛋仔，食左1/3底就掉左.... 今次係好食過上一次嘅，但芋泥味再濃D就更好，個心夠熱，夠飽肚.... 但一諗起果幕就真係想死... 不過點計都係九龍城好食好多... 呢間？真係無下次啦！

好耐都沒有去旺角掃街喇！今次諗住叫辣魚蛋食，點知被雞蛋仔吸引住，夾心的雞蛋仔有不同味道，而每種味道都是人氣，於是我便叫了人氣雞蛋仔朱古力夾心味道來吃，叫完要等候太約10-15分鐘左右便可以品嚐，朱古力味道不太甜，雞蛋仔也很有咬口，有幾會要約埋D朋友出來一起試，一個人吃不到那麼多人氣雞蛋仔都想試埋人氣雞蛋仔芝士夾心同人氣雞蛋仔芋頭夾心，除了雞蛋仔夾心是人氣外還有獨家秘制醬料的小食，咖哩魚蛋，龍蝦丸仲有香滑腸粉

恆發雞蛋仔一向出名，有多種味都有興趣試，今次就想試下佢個芝士雞蛋仔，一心想多啲芝士所以揀在特濃。等在廿分鐘，終於有啦！佢個外表無疑係好吸引！粒粒看起來好結實！但入面。。。唉，簡直大失所望！有一刻覺得整果個人係咪唔記得左我嗌在特濃芝士？難以想像，一般芝士會係點！但味道確係唔錯既～但我想講，有芝士味既只有幾粒！無錯！係幾粒！十隻手指數得晒！！！其他我覺得食緊原味咁囉！！！本身一底都唔平！咁樣更覺唔扺食！有啲仲係空心！簡直大失所望！

見到咁多人買，我又未食過，所以買左底hkd19 的芝士雞蛋仔，等左10分鐘後就有，點知食左幾粒，都冇任何芝士的味道，正疑惑緊佢係咪比錯原味的雞蛋仔我時……我終於食到邊位少少的芝士，吾會再買。

跟姊姊在旺角逛了一會，在金魚街上走到聯合商場的途中，經過一間小店門外站滿了人，探頭一看，原來是售賣雞蛋仔的恆發！仔細一看，其中一款是紅豆泥夾心雞蛋仔！我跟姊姊都是紅豆lovers，加上有點肚餓，頓時雙眼發光，向紅豆雞蛋仔直奔！ 下單時，嬸嬸告知要等二十五分鐘，於是先到聯合逛逛。二十五分鐘過去，回到恆發，再等了十五分鐘，新鮮製成的紅豆雞蛋仔終於到手，足足四十分鐘！ 天氣冷冷，拿著熱騰騰的雞蛋仔真的份外溫暖！一底雞蛋仔拿上手，已經看來非常足料，紅豆泥多得沿邊湧出！ 雞蛋仔烘得極其香脆，外層脆卜卜，內在鬆軟，加上粉漿絕不馬虎，雞蛋比例足，咬下去蛋香撲鼻。夾心方面，紅豆泥餡料塗得滿滿，毫不吝嗇，泥中夾雜著紅豆粒，層次感豐富。紅豆泥帶有甜味，亦散發著豆香，味道跟雞蛋仔非常相配！每一顆雞蛋仔都是真材實料，填滿了紅豆餡，不會空心，粒粒飽滿！ 最後溫馨提示，新鮮出爐的雞蛋仔真的是熱辣辣，尤其是中間餡料，不要太過興奮咬下去而燙口。雞蛋仔是地道的街邊小吃，動動腦筋加入新意，搖身一變成為令人驚喜！

雞蛋仔是香港人的集體回憶，我喜歡食炭火燒，特別是一個老伯推木頭車的雞蛋仔，因為老伯會在漿水加多兩隻蛋，烘出來的雞蛋仔又有炭火味又有蛋香。不過因為成本問題，現在的雞蛋仔我都好少「幫趁」。今次約朋友在旺角午餐，發現現在的雞蛋仔竟然可以加我最愛的紅豆，真是不得了，我對紅豆的熱愛有如滔滔江水，連綿不斷。總之食甜品都會先挑有紅豆做配料。還好當日不算好多人等，但我都要等十五分鐘才有得食。看到師父先把蛋醬倒在摸上，烘了一會又拿起來放到架上涼，之後把紅豆灑在蛋漿上，「舞左咁耐」一底紅豆雞蛋仔才做好，一拿上手，熱烘烘的雞蛋仔隱隱飄出蛋香味。但看上去外形有點奇怪，原來是一個合唔埋的雞蛋仔，而且色水蠻深，好像有點烘過頭。但我不顧太多，立即拿一顆試試，外皮好脆，紅豆蓉不太甜，用料十分足，差不多佔了半顆雞蛋仔，但紅豆蓉始終是濕的，就算蛋的外層如何脆，內層接觸紅豆蓉後，漿粉始終有一點點生，在我心目中已經做得還不錯，另外，這一底好飽肚，食完後真是飽到食唔到午餐。

喺旺角街頭口痕，諗起雞蛋仔就即刻開open rice, 最近係呢間就想過黎試下啦！點知一等就等左半個鐘！！！真係等到人都滾！拎上手唔算熱之餘，擺入口，頂！無味嘅！！我呢d妹仔肚，專係鐘意食d十蚊、廿蚊嘅街頭野，雞蛋仔我真係食得多，咁淡咁無水準嘅真係難得！如果大家妹得閒又死唔信邪嘅，即管一試！

平時去開九龍城恆發 九龍城個姐姐次次都勁多餡 雞蛋仔個邊又多又脆😋念念不忘知道旺角開左 開心死 唔洗再老遠去九龍城同觀塘 點知..... 買左朱古力同芋頭 一拎上手………唔脆既 仲有個脆脆邊呢？ 仲有唔脆都唔緊要 有人鍾意食淋既 個人喜好 但雞蛋仔個底面分開兩層 變成三文治 中間又唔係粒粒有餡😒 仲要佢其實燶哂…………已經苦苦地😭叫佢換？一黎新年唔想嘈 二黎真係唔想再等半個鍾佢係咪真係恆發？ 好失望…

<🐣恆發雞蛋仔>紅豆泥夾心($21)🔻之前係觀塘食過，但真係山長水遠特登走去食，依家旺角開左分店🎊近好多不過效率同形式就好似觀塘店好啲。買完 #果物憩席 嘅切打，番去都仲等緊等左好耐😐約30min。。而且5係開放式，無得睇住佢將啲餡料大大pat咁塞滿落去，個震撼感係踭啲🙈口食之餘，眼睛都要食架嘛😌-之前觀塘分店見住個男店員好熟手咁倒蛋漿，側邊都會倒埋，等個雞蛋仔上下兩面5會咁易鬆開，仲會有啲我最期待嘅蛋漿脆邊會整到出泥😫-雞蛋仔整好出泥店員就即叫號碼去拎，完全5會吹吹風先，一食入口一啲都5夠脆口，要自己成底拆出泥再吹吹自然風先脆番🌬-而且個餡料好少，咬開蛋漿嘅比例佔3分2，紅豆佔3分1😒比上次食嘅芋泥餡少得多。多餡先多滋味👈🏿雖然有部分都幾懸殊，有啲多有啲略少。不過紅豆泥食落去5算甜，每粒都會有啲大大嘅紅豆顆粒👍幾有口感嘅，似食雞蛋糕夾紅豆沙嘅味，但整體芋泥餡優勝得多。-底雞蛋仔粘合造得好差，上下兩塊好易鬆開😐勝在蛋香味夠，同吹完風之後外脆內軟。肉眼睇到雞蛋仔粒粒膨卜卜圓碌碌，仲有啲小氣孔，口感外脆得泥好軟綿綿，旺角分店有待改善。

31號經過見到是新開的雞蛋仔店,見到是要等候15分鐘, 見有芋泥味便買了一件,想著等候時間不算太長, 就站在店門前等待誰知道一等就得了30分鐘!!!當中最讓人生氣的是號碼不是順序的!!!那給我們號碼有什麼用處???!!!我的號碼是142, 有人是159, 但可以先取雞蛋仔,這是什麼爛安排???一來是給人感覺不公平, 二來是根本不知等到幾時, 要走又不是, 留又不是!!!周圍旁邊有不少有都有怨言...最後我是跟146號的人同一時間取雞蛋仔...這樣給人的感覺實在太差!!!味道方面, $22算是不便宜的價錢, 還要等得這麼耐!!!是有芋頭味,芋泥不算少, 味道是可以的, 不太甜但很飽肚, 跟朋友share 一半已經很飽...但如果要我再等半小時的話, 我是一定不會的...質素跟它差不多或比它好的周圍也有不少,建議要買的話還是等少人或周圍逛一下再來取吧...