怡東軒 (已結業)

既然入了怡東的會籍﹐當然要多加利用﹐這天晚上就和家人去怡東軒晚餐。以酒店中菜廳來說﹐這裡算是抵食﹐地點又方便﹐晚飯環境算清靜﹐都算是我媽媽的至愛之一。可能因為以上原因﹐這裡週末經常滿座﹐通常即日是訂不到檯的﹐想食的就要留意了。我們點了濃汁花膠筒燴雜菌($188)﹐濃汁沒想像中濃﹐似濃湯多d﹐不過也好﹐這樣就不會太杰亦不會太鹹﹐適合我。花膠筒其實是花膠片煮過區起了所以成為“筒”型﹐可見不是什麼厚身的貴價花膠﹐這個價錢當然了。花膠薄身﹐當然沒有厚身的口感﹐但都算軟熟黏口﹐不錯了。雜菌最有驚喜﹐因為是先grill 過的﹐所以有濃烈的燒物味道﹐非常香口。想要炒班球﹐因酒店吃游水海鮮通常是天價的﹐不過見魚缸裡有很多倉魚游來游去﹐也只有$13 兩(不是便宜﹐不過一條斤幾的黃立倉都只是$247﹐可以接受)﹐計起來和炒班球也差不多價錢﹐就要了豉汁蒸黃立倉。個汁幾惹味﹐不過條魚就蒸得過熟﹐d 肉有d “鞋”﹐有點失望。本來想食得齋d 的﹐不過怕弟弟不習慣﹐終於都要了個陳皮牛柳條($1xx)。這個好好味﹐用得陳皮甘香﹐份量也剛好﹐連我這個對陳皮從沒好感的人都吃得津津有味。伴碟的西蘭花爽脆﹐蓮耦餅亦炸得很脆

Invited to this place for Dim Sum, we had the usual stuffs, like 蝦餃, 叉燒酥, 腸粉, based on these few dishes, the qualities were just average. The stir-fry shredded duck vermicelli was bad, it was too soupy, tasteless, and appeared that it was cooked ahead of time and been sitting in the kitchen for sometime.The dinning room was comfortable, noise level was ok for conversations, and services were acceptable.

倚在聽濤軒的海景位，吃著怡東軒的點心。論怡東軒的點心、得獎菜，只能用「新潮」和「價錢相宜」來形容：招牌點心如「魚翅鳳眼餃」，吃罷只有「還不就是有魚翅的鳳眼餃罷了」的感覺；反而「山渣合桃露」沒有想像中的酸，亦沒有想像中的稀- 糊得恰到好處，清淡得宜，印象深刻。杏仁露太漿口，甚至漿住喉嚨- 料足也不一定可口；叉燒酥是用曲奇皮而非擂油酥皮，新穎得來還不錯。八碟點心加壺頂級龍井再加埋頂級服務，才不過$400。

下午食飯到這裡飲茶。基本上覺得呢度啲點心、蒸飯同糕點都有水準，有特色同好味度，而服務人員都好細心。

一月係我同老公的生日，一齊同爹地媽咪去飲茶，已經唔記得食咩，但總括來講食物几好，但ｄwaiter就比較慢，招呼亦不是突別好．坐的位ｏｋ，裝修好暗，都係鐘意ｄ新開的酒店．因為我地生日，匯豐白金卡有蛋糕同紅酒送，個蛋糕好好，係Tiramisu，紅酒就一般．但有２０％off，唔錯啦！如果佢個位置係向窗的位置更好．無咁暗！

尋日我生日，諗住同兩家人去怡東軒食飯(因老公家人愛中菜)。本來想一齊開心慶祝，但最後我全程黑面。都叫做4星(以前叫5星都唔過份)洒店，點會有部份員工個態度可以咁差？事件一：有位waitress 叫TAMMY。唔知係佢本身有問題，定係心情唔靚。當我媽想斟水俾阿婆時講左一句,"呀，壺水係度！"呢位TAMMY竟然用左好唔耐煩的語氣講,"壺水咪係度囉！" 我媽都ORK左然，連我講緊電話都聽到佢咁同我媽咁講！我想問佢做乜事，洗唔洗咁呀事件二：HSBC coupon 送的紅酒。TAMMY拿樽酒來個款就好似酒吧D bartender渣住樽啤酒一樣，'隊'支酒埋黎，講左句"呢支就係支紅酒"。正常都會托住支酒呀，但佢係以45度角，失驚無神咁'放'係我爸隔離。全檯人好似欠左佢事件三:大碟轉小碟。食食下TAMMY突然行埋來，未問意見就話，'幫你大碟轉小碟'。一路講就一路拿走隻碟！我想問你好急咩？你識唔識問下客人先，唔好自把自為其實仲有好多，但再寫我怕有排寫。另外，隔離檯本有位外藉人事，但我估不合口味而走了。此時，有位receptionist (name forgot cuz she was standing

怡東軒的環境十分舒服，沒一般酒店的局促，空間感十足，加上柔和的燈光，顯得格外平易近人。昨天和媽媽食飯，兩母女都崇尚清淡，於是點了兩個蒸餸：豉汁帶子蒸豆腐($148)和玉菰翠蝶($128)。豉汁帶子蒸豆腐用料上乘，帶子新鮮，都算大隻，豆腐亦有豆香，豉汁不過咸，媽媽和我都感滿意。玉菰翠蝶即係蒸冬瓜、蓮子、草菇、津菜髮菜卷。冬瓜和蓮子圍着碟邊散開，賣相的確唔錯，可惜食味非常一般，冬瓜和津菜髮菜卷都淡而無味，蓮子沒去心，非常苦。甜品要了白果腐竹露($26)，比一般的白果腐竹糖水杰身，腐竹味濃，可惜太甜，分數大減。用滙豐白金哈埋單有八折，算抵食，$300蚊有找。

因為卡主呢個月生日﹐有HSBC 白金卡的生日優惠(7 折和餐酒一瓶)﹐另外上次來吃晚飯後他們給的現金卷又差不多到期﹐所以便來這裡晚餐囉。其實經過近三個月來過這裡兩次﹐一次是盡興而回﹐另外一次則敗興而歸﹐心想再給這裡一次機會吧﹗一進門口就看見有一檯客人在吃片皮鴨﹐突然令我有吃片皮鴨的衝動﹐不過四個人吃一隻鴨好像有點兒過份﹐所以看見餐牌居然可以要半隻﹐還可以二食(要加$80)﹐簡直是喜出望外﹐立即就要了﹐二食是鴨崧生菜包。這裡不是北京菜的餐館﹐但是他們的片皮鴨還是做得似模似樣的﹐而且鴨子本身不是太肥﹐可以連皮吃都不會有太大罪惡感﹐正﹗另外點了個廚師推介菜式﹕凍鮑魚片豆腐配煎倉魚本來以為倉魚是熱上﹐和凍得鮑魚片豆腐有個對比。怎知菜來了才知道原來煎倉魚都是凍的﹐是有點失望﹐不過倉魚煎得好香﹐配上那個甜甜的醬汁﹐一樣好好味道喎﹗最後要了個上湯小棠菜﹐不過不失啦﹐不過如果菜可以煮得“淋”身d 就更加好喇﹗四個人四個菜﹐沒有叫白飯﹐都已經飽得連送的那個tiramisu 都吃不下了﹐只好象征式的分了1/4 個﹐其餘帶走。一讚的是這裡的service 真的不錯﹗先是我們問送的餐酒有什麼選擇﹐侍應很有心機

適逢媽咪生日﹐我們一行10 人到這裡吃晚飯為她慶祝。叫了一個8 人套餐﹐裡面全是這餐廳歷年的得獎菜式﹐好像才$1580﹐算是幾抵﹗我們怕不夠吃﹐所以另外再加兩個小菜(半隻脆皮雞和中式牛柳)。但是原來那個套餐足夠10 個人吃有餘呢﹗很久沒有到怡東軒吃飯了﹐記憶中在大酒店的中菜廳中它不算太貴﹐不過食物也沒有什麼驚喜。不過這次我對它改觀了﹐價錢還是可以﹐但是食物挺特別﹐不論賣相和味道都很好。尤其是那個炸鮮菰(配了個很有意境的名字的﹐但是我忘了)﹐一點都不油膩﹐外面還有薄薄一層蜜糖﹐甜甜的﹐令人吃得停不了﹗那個五蟹盒也很有創意﹐是用蟹做出五種食物作一個拼盤﹐當中最好吃的是炸蟹﹐十分鮮甜﹐蟹味十足﹗讚﹗這餐算是挺滿意的﹐唯獨是service 比較慢。其實也不算太差﹐不過在這級數的餐廳就可以改善一下吧﹗另外一提﹐因為是卡主﹐匯豐白金卡有禮物送﹐包括2 磅蛋糕一個(我們要了tiramisu﹐不錯的) 和餐酒一瓶(我們要了紅酒﹐不是什麼名酒﹐但也算是易入口﹐不像有些餐廳給你一些質數很差的餐酒)。另外5 人以上很有7 折﹐挺划算的﹗

農曆新年前收到四個紅炸彈，第二個係公司的大客，在呢度的岸濤廳筵開三十席，我地成班同事就包左一圍，由公數做人情。這裡樓底不高，廳成扇形，又有兩條大柱在後面，比較起其他新式酒店的宴會大廳氣派是差左少少，當然個維港景色係唔錯，而樓上海景廳景致會仲好些少。另設麻雀房，都幾靚的，但要行來行去影相就麻煩D。乳豬全体皮脆又好味，乳豬件亦夠熱，沒有一般酒席要吃涷乳豬的弊病；翡翠蝦球好粒粒大隻，亦清爽口，佐以木耳好味道；瑤柱甫又係好大粒的瑤柱，加入蒜子味道濃烈，好在個茨勾得薄，如果唔係都幾漏；葡汁焗響螺幾特色，一人一隻響螺，用匙羹吃入面的肉，味道不算突出，純以賣相取勝；竹笙蟹肉海虎翅非一窩上，而是一人一碗淨蟹肉翅再加芽菜及上湯，以示翅夠份量，與一般的大窩比當然高幾班，而翅亦大大條可以用筷子挾來吃，係去飲少有吃到的好翅；看到婆參鮑甫呢味就知今晚酒席價錢唔平，因為一般價錢酒席不會同時有海參及鮑片的；東星斑幾大條，睇落至少三斤，蒸得剛剛好，肉質嫩滑，廚房有一定?夫；炸子雞亦係唔錯，隻雞幾大隻，一人都分到三、四件雞，所以好少人食得完；再來是雞粒炒飯及鮑汁伊麵，其中以少麵勝一籌，炒得夠味又夠乾身，所以就算飽都食左

見講開酒席，寫番下依度，不過已經成年半前既事啦親戚結婚，包起咗成個場嚟擺酒向住海景，有啲氣勢。服務不錯，但最重要既食物就好一般啦，喺咁既地方就直情叫有啲敗筆啦(但其他日常菜式水準如何就唔知啦)

星期日同媽咪大採購，出發前先o黎補充體力。貪呢度夠方便，一食完就可以即刻行街嘛～！一路以為酒店Ｄ酒樓一定頗貴，又吾係喎！我地兩個人都只係三百蚊左右，都食得幾飽，呢個價錢好合理。叫o左一客鮑魚排骨竹筒飯，賣相幾得意，夠兩個人分。都真係有幾粒鮑魚o既，四十幾蚊，差吾多o拉！帶子燒賣有好大粒帶子。金菇腸粉比較小有，不過味道普通。叫o左好多甜品，眉豆糕幾靚，透明的，吾係太甜，好味～！白果露好正，好滑。不過千層糕就太漏，食吾哂...服務還可以，係有某Ｄ侍應就反應慢o左小小，不過有笑容搭夠，合格！想靜靜地飲茶，呢度吾錯。又夠就腳，方便呀～！

呢度唔錯0架,有時有D好精緻0既傳統粵菜食,好似有個魚米之鄉就頗化功夫又好食,用料係魚肉,冬菰,西芹,筍,青紅椒,金華火腿呀0甘,全部切成差不多大細0既粒粒,食0個陣連埋D炸雪菜一齊"畢"入口,好正!仲有個好特別0既八寶茶,入口有好濃茉莉花香,然後就係甘甘苦苦0既花旗參味,好得意,飲完個口涼涼地好舒服.