怒茶巷 (已結業)

每次行葵涌廣場點都要去一去3樓買野飲同野食周不時都係買果汁飲今次想轉下口味,飲d特別d既野係果汁店隔離見到呢間個名幾特別既手搖飲品店甘就試下啦💁🏻‍♀️第一次飲就緊係飲限定系列同推介飲品我地叫左怒·芝牛油果+ Oreo芝士朱古力(加黑糖珍珠）🧋怒·芝牛油果/四季春💰$38當我選擇困難症發作,猶豫呢杯怒芝牛油果應該配奶定四季春茶既時候,店員比advice話牛油果同芝士都屬於比較’漏’,如果怕太漏就建議揀四季春茶,唔怕就揀奶... 甘就揀左茶啦牛油果同芝士都夾窩, 牛油果味濃郁用茶底係比較清爽, 不過就算用奶底我覺得都唔會太漏, 應該會更綿密🍽Oreo芝士朱古力(加黑糖珍珠）💰$42朱古力味好濃同厚身, 雖然朱古力味好濃但都飲到淡淡既芝士味最鐘意杯面既Oreo碎, 仲有軟硬適中既黑糖珍珠有杯套提供托住野飲可以八達通付款呢間店仲有提供芝士杯同乳酪見到其他人叫芝士杯,個芝士杯望落好唔錯下次有機會可以試

假期梗係要去葵芳掃街，回憶下中學時掃街嘅滋味，做返一個青春少女，位於葵涌廣場3樓的茶飲店，提供多款茶飲系列，包括：怒純茶、怒果茶、怒鮮奶 及 怒芝士，好多選擇，好吸引🤩🤩今期仲全新推出：天使乳酪杯配水果 及惡魔芝士杯，依家仲有牛油果、芫荽系列！！😍😍🔸怒·芝芫荽(四季春) ($32) 🌿🌿呢度嘅芝士奶蓋好正呀，鹹度適中，啲杯就係芫荽溝四季春，飲落去個茶底好清甜，好清爽。而且芫荽味都好濃，鍾意食芫荽嘅朋友就一定要嗌呢杯，千萬唔好錯過😋😋🔸怒·芝牛油果(奶) ($38)🥑🥑牛油果嘅芝士奶蓋都係一樣，但個底就有啲唔同，因為呢個係牛油果同奶溝埋一齊，個味好夾。如果早上飲就更加好，健康又有益，超級推介👍🏻👍🏻飲晒成杯都唔會覺得好膩，而且飲到最尾都係仲有好多芝士溝埋一齊，正🤤🤤

吊頸都要唞吓氣，最近超忙瘋狂喺辦公室打仗，但係OT之前都要買番杯飲品頂住先，就去咗附近葵廣呢間怒茶巷買番杯芝士飲品。粟粟芝愛$32原來佢個重點係粟米，好特別個配搭，其實粟米配芝士不嬲都好match，味道小清新，超多粟米粒口感，有啲似飲粟米湯！特別鍾意芝士牛油粟米嗰啲朋友仔應該都好啱。怒芝華田$30平時鍾意飲華田，佢呢一款表面有好多芝士，而且個華田側邊仲有啲粒粒脆脆+華田漿，打卡一流，同埋佢個甜味比例適中，有好濃郁嘅華田香味，即刻幫我夜晚OT叉足電！溫馨提示原來呢間舖頭應該店主都係鏡粉，所以裏面有好多Mirror相關嘅嘢，可以影相集郵！

基本上每個星期都會去葵芳行街，因為搭地鐵過嚟10分方便，附近除咗有大型商場，戲院，仲有好多衫買，當然最重要嘅就係好多嘢食，同埋好多特別嘅台式飲品 每次嚟到葵涌廣場，我都會去3樓支持呢間Yellow店舖怒茶巷 台式飲品店每次我都會選擇唔同嘅飲品試吓，因為佢呢度嘅款式都好多，有純茶系列，芝士系列，期間限定飲品，仲可以加配料，而配料都有成10種選擇，另外甜度方面都可以有五種選擇，而冰凍度我可以選擇正常，小冰同埋走冰。完全可以為自己調教到鍾意嘅味道 芝士宇治抹茶 34元抹茶賣相十分之好，而杯面仲有招牌嘅公仔，好用心嘅製作，而芝士奶蓋好厚好香，加上少少抹茶粉令到芝士味更加出，抹茶好清新兩者配合得啱啱好，而且甜度適中，一杯又香又清甜嘅芝士抹茶，好好飲OREO 芝士朱古力 37元鍾意朱古力味嘅人一定要試吓，一層厚厚嘅芝士奶蓋，再鋪滿Oreo嘅餅碎，再加上香濃嘅朱古力，而且唔會太甜，味道係非常之夾，而且Oreo嘅餅碎配埋啲芝士味真係好正 絕對值得推介嘅台式飲品店，希望你哋都會幫襯下，支持香港人，加油💪🏻

今日約咗朋友出咗去旺角行街，食完午飯，去旺角行完街之後，就再落去葵芳shopping，一提到行街就沒有攰的感覺，女人本身就喜歡行街，來到葵芳商場有很多舖頭，買嘢食嘢應有盡有，行到有點口渴，就在3樓這條食街看看有什麼東西好飲，這間名叫怒茶巷的飲品店，門口已企了很多等外賣的人流，一睇到有人流，就知道這間店舖有相當的水準，我點了這杯泡沫鮮奶茶和怒芝牛油果，大約等了10分鐘這杯嘢飲已經在我的手上這杯熱泡沫鮮奶茶$22一飲落口，滿嘴都是泡沫，鮮奶味香濃，飲落口很順滑，而且帶有淡淡的茶香，口感一流，因為他選用了新鮮的牛奶，所以比起其他店舖健康。這杯怒芝牛油果，$38喝一口奶蓋芝士它的味香濃，濃濃的芝士味入口鹹香，而且厚實，我整杯飲品充滿牛油果的味道，非常濃郁，當芝士和牛油果一齊混合來飲，味道出奇的夾，特別好飲，香滑的奶蓋喊咸中帶甜，口感綿厚細膩，配搭醇香芝士，一杯已經很滿足

今日和朋友出咗葵涌行街，一路行街一路睇衫，行到口渴就在附近買嘢飲，葵涌廣場3樓有很多美食和小食， 10分地道，而且也有很多人，多數都是年輕一代，又或者像我們一樣在這裏行街睇衫行到攰口渴或肚餓，就上來買嘢食，經過這間台式飲品店，給他的門面吸引住，因為他的門面掛了很多明星相片，有近期最出名的mirror，有姜B，和其他成員的相，店面都很有風格，就決定這間買飲品，細看餐牌有很多款式，每一樣我都很想飲，最終我揀了這杯宇治抹茶細看香濃滑順的牛奶與抹茶的濃郁口感濃濃的抹茶香搭配淡淡的奶香，不容錯過的微甜好滋味，這杯宇治抹茶的而且確清甜，伴隨着香醇奶香，入口細緻滑順，飲入口還留有淡淡的綠茶味，抹茶帶有苦澀卻有回甘的口感，抹味十足，這杯飲品非常非常濃郁，這位抹茶大師真的調得很好，真抵讚。，

今日特登來到葵涌廣場掃街近呢幾年喺二，三樓都開咗好多小食店，而呢間怒茶巷就係喺摩登世界嗰條行，門面好靚完全有香港嘅特色屬於香港嘅小店本人非常支持門口仲有八達通機非常方便唔使現金找續我啱啱食完好多唔同款嘅小食，梗係搵返間飲品飲下心曠神怡，熱辣辣嘅天氣飲杯凍冰冰嘅飲品係最舒服OREO 芝士朱古力$37 + $5 珍珠一杯好香濃嘅朱古力飲品,最上面係一層又香又厚嘅泡沫，加上Oreo嘅餅碎，仲有最緊要嘅香濃朱古力，最底層加咗黑糖珍珠，甜甜嘅珍珠又香又煙韌，好有咬口。幾樣野配搭埋一齊味道好好，冇得彈，飲完之後仲有啲飽肚嘅感覺金柑檸檬🍋$27入口酸酸甜甜，感覺好清爽，加上又唔會太甜，飲得出果汁係用新鮮嘅材料做出嚟，Lemon味好香，完全唔會有澀味，味道配搭得好好，因為天氣凍凍地，所以我都係要少冰怒．芝牛油果🥑$38牛油果味重，加上芝士味香濃，完全不膩，令到牛油果味更加突出，我本身好怕甜所以就走咗甜，令到牛油果嘅鮮味更香濃呢杯係沙冰所以飲落更加心涼透作為一間香港人嘅舖頭，相信香港人一定會經常幫襯香港人加油永遠支持

今日去葵芳shopping尋日就上openrice睇定有乜嘢好食要準備去試，見到呢間好多人都話好飲，去到見鋪頭冇人排隊擔心有啲伏，咁就嗌住一杯“芝士宇治抹茶”（微甜少冰）試下先，當我飲第一啖嘅時候除咗大陸台蓋嘅芝士奶蓋我覺得好飲之外,喺香港真係搵唔到一間我覺得好飲嘅奶蓋，加上我又唔係經常飲台式飲品，但真係要講一句好好飲，抹茶真係味夠濃，真材實料，之後我就叫我朋友可以去買一杯嚟試，佢好勇敢揀咗一個新產品試“粟粟芝愛”（少甜少冰）試咗一啖，我覺得好甜😅同埋啲粟米真係用新鮮粟米做，不過因為新鮮粟米原因有渣，下次會試芝士朱古力，值得推介可惜我唔記得咗影相

葵廣咁多間手調真係有排試，今日決定試哩間！OREO芝士朱古力放工唔想飲茶因為怕夜晚訓唔著，難得有得揀朱古力飲品，仲加埋芝士 oreo三樣都係我最愛，哩個組合冇得輸。我叫左少甜少冰，芝士好厚，oreo碎超多，朱古力味好濃，唔甜。第一次可以咁快飲晒一杯芝士飲品，因為味道太夾太好飲。泡沫鮮奶茶加珍珠朋友叫左泡沫鮮奶茶另加珍珠，珍珠本身係黑糖珍珠所以走左甜。茶味濃，珍珠有嚼口，甜甜地，唔錯唔錯。成間鋪貼晒mirror同文宣，啱晒鏡粉同手足等野飲既時候慢慢欣賞。店員好有禮貌，本身想試熱的OREO芝士朱古力，問左店員意見，店員貼心提示要熱飲盡快飲晒，所以我就決定飲返凍飲，因為我飲野好慢😂好多人排隊，好彩我早黎。見到有粟粟芝愛好特別，下次要試下先得。

Lunch都會去葵廣三樓買野食，🚶‍♀️等野食期間都會周圍行下，😍因為通常都會有意外收穫！今次我就發現左呢一間🔥怒茶巷！實不相瞞，at first 吸引我嘅係mirror🤣! 之後我以為佢都係一間葵廣周圍都有嘅台式飲品店，😍點知俾我見到佢有特別嘅大”粟”的愛！先唔講係唔係因為Eden 同Anson Lo 嘅吸引力🤣，但係粟米🌽呢個真係有得輸！🌽好少店有粟米汁！未飲過嘅真係要試下，粟米本身都甜，🌽佢個種甜係清甜，又有粟米本身嘅香。至於口感就會有粟米嘅碎粒！🌽諗起又想再飲了！咁當然佢個🍼奶蓋都唔差，雖然唔係啲咩特別口味，但正正常常，唔會喧賓奪主！👍🏼

葵涌廣場啲飲品店好多時都聚集咗喺2樓，最近喺3樓買嘢食就發現有條巷仔有一間茶飲店叫做「怒茶巷 」，細細間，裏面有好多Mirror Anson Kong嘅相，睇嚟都係鏡粉開！飲品方面價錢合理，最平10幾蚊都有交易。我哋就揀咗兩款都係芝士系列芝芝莓莓$32莓味比較清香，而且唔會太甜，適合香港人口味，表面嗰層芝士都幾厚身，味道鹹甜，非常滋味。芝士黑糖珍珠鮮奶$35裏面有好多珍珠，黑糖主要集中喺底部，可以攪拌均勻之後先享用，啲珍珠有彈性而且味道香甜，配搭芝士都好夾。.

葵涌廣場唔單止掃食小食多手搖飲品鋪頭一樣咁多今次試試依間本土黃店 怒茶巷係top世界3樓小食街附近 比較偏僻嘅位置充斥着各種各樣嘅poster同雨傘呢度嘅飲品種類主要有鮮奶系列芝士系列果茶、以及純茶系列平均價錢都係$20幾左右一杯 芝士炭焙烏龍茶少甜走冰烏龍茶味道正常 唔係10分濃厚嘅茶底而值得一讚芝士奶蓋份量好多 鹹甜度適中攪勻晒一齊飲可以中和左芝士嘅漏適合鍾意口感較清新嘅朋友另外加咗蘆薈 粒粒蘆薈非常有咬口令一杯水蜜桃大馬士革我叫咗少糖走冰外帶值得一讚外賣包裝非常貼心完全穩陣咁樣拎走大馬士革係果香比較重嘅茶今次配水蜜桃 飲落非常清甜水蜜桃味好重而且好解渴refreshing喺葵廣試完唔同嘅小食飲佢就非常適合

去葵涌廣場掃街，除咗街頭小食之外，又點少得飲番杯特色飲品。去葵廣都係想支持小店，所以今次就揀咗呢間怒茶巷。Mirror…以小店嚟講，佢嘅選擇都唔算少。仲有最新推出嘅粟粟芝愛。除咗每人一杯飲品之外，我哋仲特別買多個甜品。粟粟芝愛呢個名真係別出心裁，其實佢係粟米汁加咗芝士奶蓋，落單後聽到佢用攪拌機製作粟米汁，絕對真材實料。粟米汁配上芝士奶蓋嘅味道出奇地夾。依家基本上每一間台式飲品店都有黑糖珍珠鮮奶，有比較先有進步，怒茶巷嘅黑糖珍珠味道都唔錯，口感夠Q彈，絕對有水準。除咗飲品之外，我覺得最值得推介嘅就係惡魔芝士杯，佢嘅底層係黑糖珍珠，上面加入厚厚嘅芝士奶蓋，然後再灑上Oreo碎，真係一個又好味又邪惡嘅甜品，而最重要嘅係，佢只係$16就有交易，呢個絕對係我嘅私心推介！

葵廣茶飲店何其多～有時真係好難揀，今日太想飲芝士奶蓋，又想試吓啲未試過嘅，行行吓三樓就比門面痴咗好多好多mirror相嘅呢間怒茶巷吸引咗過嚟😚店員好有禮貌，個menu都非常簡單易睇～一望menu就比佢最貴嘅嘢飲吸引住！😂呢個oreo芝士朱古力 ($37)真係邪惡之首，諗都唔諗就叫咗佢～芝士奶蓋質感好好，滑溜而且唔會結塊👍🏻個朱古力真係好好好濃，唔係嗰啲假朱古力🤤我叫微甜，覺得呢個味道啱啱好😆加埋奶蓋同埋曲奇碎飲更加滑，又有啲口感😋我個fd就叫咗芝士四季春加珍珠 ($33)😆茶味香濃，珍珠都好煙韌，我覺得溝埋芝士奶蓋好好飲😋呢間茶飲店製作都幾認真，杯朱古力令我留下好深刻嘅印象👍🏻

嚟到葵廣梗係要瘋狂掃街食嘢，不過dry 食嘢就會好口渴，見到眼前呢間本地小店幾吸引，梗係要支持下啦。店面充滿年青氣息，仲有mirror同dee gor 。餐廳好有創意咁用粟米芝士味手搖，食住大叔熱潮，都幾funny ，不過我同女朋友就麻麻地粟米口味所以冇嗌，有興趣朋友可以試試佢。餐廳有4個常駐系列，有純茶、鮮奶、芝士同水果系列，款式都幾多下，另加限定款，而且全部都係大杯統一size ，都幾佛心。芝士炭焙烏龍茶+蘆薈 （$28+$5）茶味比想像中出味，唔會有淡口嘅情況出現，而佢嘅奶蓋亦都好大方，唔會得少少薄薄一層，同埋夠creamy，好濃郁嘅芝士味，好正。由於蘆薈粒本身有少少甜，所以我嗌左微糖，出嚟個味啱啱好，鐘意清甜嘅朋友可以參考下。濃厚芝士層，上面仲有少少抹茶粉做調味。紅柚四季春（$27）四季春出面一般都要貴啲，呢度就同其他差唔多價錢，而佢嘅茶味都出，冇偷工減料。作為水果嘅紅柚本身酸酸甜甜，溝埋落茶到好消暑，飲得好爽快。總結：嘢飲性價比高，同埋係本地年輕人小店，值得支持。