怒茶巷 (已結業)

吊頸都要唞吓氣，最近超忙瘋狂喺辦公室打仗，但係OT之前都要買番杯飲品頂住先，就去咗附近葵廣呢間怒茶巷買番杯芝士飲品。粟粟芝愛$32原來佢個重點係粟米，好特別個配搭，其實粟米配芝士不嬲都好match，味道小清新，超多粟米粒口感，有啲似飲粟米湯！特別鍾意芝士牛油粟米嗰啲朋友仔應該都好啱。怒芝華田$30平時鍾意飲華田，佢呢一款表面有好多芝士，而且個華田側邊仲有啲粒粒脆脆+華田漿，打卡一流，同埋佢個甜味比例適中，有好濃郁嘅華田香味，即刻幫我夜晚OT叉足電！溫馨提示原來呢間舖頭應該店主都係鏡粉，所以裏面有好多Mirror相關嘅嘢，可以影相集郵！