快樂小羊火鍋餐廳

营业中

休息中

平時北上經常會搵「羊」食，事關香港真係無乜邊間食到好食嘅羊肉！見到依間喺旺角開，仲有成2層高，大大間，應該來頭都唔細！所以約埋朋友去試下！鍋底揀咗成雙鍋，辣湯同清湯雙拼。辣湯紅卜卜，原本以為好辣，但食落原來好香！辣味唔算太勁，好食！清湯其實係藥材湯底，有啲似藥膳湯底，同樣好香好好食！去快樂小羊緊係要食羊為主！所以我地都叫咗好幾款羊嘅食品！羊肉類有羔羊肋卷、羊羊大拼盤、黑松露羊肉滑、蒙式烤羊排 ！羊羊大拼盤最吸引！已經有3款羊肉試！口感方面各有不同～因為拼盤無羔羊肋卷，所以就另外加多款試下！薄薄一片好快熟，入口好嫩又有羊肉香！配辣湯好正！黑松露羊肉滑真係無喺其他地方食過！平時最多都係食蝦滑、墨魚滑！羊肉好軟身，又有羊肉香，又特別又好食！蒙式烤羊排真係超級好食呀！勁大排！會俾手套你自己撕嚟食！外脆肉嫩！外面好惹味！入面有肉汁！又有羊肉香！估唔到整得咁好！爆醬三寶入面其實係羊肉丸，另外再加咗啲配料落去，綠色嗰粒係芥末味，喺未知嘅情況下一食，朋友精神為之一震！蔬菜就叫咗皇帝菜同秋葵 ，以上係半份份量，蔬菜多新鮮，放到好似盆栽咁，好得意飽肚野有自製土豆粉同油條！油條細細條，好似西班牙油條仔咁，整

本身都喜歡吃羊，朋友就帶我去呢間以羊為主題的快樂小羊火鍋店，可能係旺角，所以都幾多人，等左成30分鐘才可入座。湯底-成雙鍋為了可試不同口味，故點了有清湯及辣湯的成雙鍋，兩種都有豐富的蒜頭為主湯料，清湯帶點藥材味道且濃烈。辣湯算是中辣，湯香濃。所以食物都不需要蘸醬油，已經好好味。蒙式羊棒骨滿滿的孜然粉醃製，非常可口，羊肉肉質有咬口及乾身，味道不錯。羊肉大拼盤選拼盤是因為可以一次過試幾款羊內的部位，拼盤夠大配上三款羊肉，放在乾冰，有點吸晴！ 雖然不太清楚羊肉的正確部位，不過三款的肉質幾嫩，涮30多秒左右至顏色剛轉為最正~鴨血是我火鍋必點之一，口感結實得來帶點鬆軟。爆醬三寶分別有爆芝嘅芝心丸、黑松露羊肉丸及超勁Wasabi蝦丸。黑松露羊肉丸味道唔酥，黑松露突出。Wasabi蝦丸Wasabi的份量激多，要小心慢慢食。

對羊有份情有獨鍾的心，尤其是烤羊那種獨特的口味，讓我總是念念不忘。今日終於讓我找到一間專吃羊肉的餐廳，入門先看見的是牆上的壁畫有一群吃草的小羊群，亦有可愛的小羊的裝飾擺設，讓我感覺像置身於大自然中。安坐後先點了成雙鍋，辣湯和清湯絕對是火鍋最佳拍檔。塔拉上的快樂卷，是薄切的羊肉，肉味濃郁且羶毛不重，配麻辣湯底一流。手打墨魚滑份量很多，讓客人自己控制墨魚丸的大小，口感彈牙美味。點了自製土豆粉，土豆粉既煙韌又吸收湯頭的精華，讓人停不了口。其餘配料點了響鈴和油麥菜，解解油膩且幫助消化。接著再點了蒙式烤串，羊肉用了孜然等香料，外面略烤得香脆，內裡保持肉質，值得一試的小吃。飯品點了巨峰提子沙冰，滿滿的就一杯，酸甜得來又解渴。

今次黎到呢間火鍋店，一入去其實都幾驚訝，竟然有2層仲要有電梯，好少係香港經營既火鍋店有咁大間規模。難得既係座位同座位之間都好闊落，好啱朋友聚會。今次叫左鴛鴦湯底，酸辣湯同清湯。雖然話係清湯，但係材料一啲都唔馬虎。未食已經覺得呢個湯底好養生。之前見到無醬料，覺得好奇怪，但係原來純碎用湯底簡單去煮肉，反而先可以食到肉既味道。😎😎呢間火鍋主打羊肉，當然要食羊，所以一黎到好興奮地叫左羊肉拼盤，上碟先知道原來份量好多，足夠3-4人食，我哋呢班食肉獸，梗係食多啲啦，羊肉好新鮮，仲有兩朵玫瑰花，啱晒我呢個港女可以打卡😂😂 其實我今次基本上都叫左拼盤，丸滑拼盤，蔬菜拼盤，份量都有好多。無論係丸滑蔬菜都好新鮮，丸滑都好彈牙，係我鍾意食既味道。另外，原來呢間火鍋店都出名羊肉燒烤，黎到點都要試下，烤串同羊棒骨都充滿孜然香，好有草原味道😂烤串肉質嫩滑，好易入口，啖啖肉香。羊棒骨估唔到咁大份，啖啖係肉，一根已經好飽😊講起土豆粉，真係幾特別。平時煮薯粉要煮好耐先食得，呢個土豆粉，滾一滾基本上都已經熟左，食得😂今次食得好飽，打邊爐係3-4人食比較熱鬧，叫得多餸😊

大熱天時開住冷氣打邊爐確係一種享受，這間快樂小羊火鍋餐廳就位於旺角，主要食燒羊及火鍋，店內位置寬敞，座位舒適又夠冷氣。幾個人都唔食辣，所以點了一個清湯鍋，有大量的蒜頭及參鬚，十分滋補，而且幾濃味，跟本唔需要點醬汁，所以這裏都沒有醬汁收費，只收茶錢$4/位。先點了杯巨蜂提子特飲，味道較甜但解渴。鮮蝦雲吞大粒餡足，大大隻的蝦仁，新鮮爽口，每粒雲吞最少有兩隻。這個快樂丸滑拼盤，有幾款不同丸類，包括了羊肉丸、蝦丸、墨丸等，羊肉丸就有點騷味，但質感結實彈牙，蝦丸墨魚都很新鮮，墨滑更是必食之一。白鱔片新鮮爽彈，不過比較多骨，味道鮮甜。這個自製土豆粉都是要必試，粉滑有咬口，吸收了湯底精華。此油條非廣東油條，比較幼身似餅乾條，但脆口帶軟，十分鬆化。最後不能不試這個蒙式羊棒骨，以鐵板上枱，燒至熱辣辣，外面帶香料香味及焦香，孜然味濃郁，去除了羊騷味。

屋企好鍾意食羊，經常返去內地食燒全羊，所以今晚就去了旺角這間以食羊為主的火鍋店，除了有火鍋外，還有多款燒羊肉的小食，不同的羊部位都可以食到。蒙式羊棒骨以孜然粉等特製材料醃製，羊肉完全無腥味，不過肉質較有咬口及乾身，但味道不俗。之後就要了個成雙鍋，即清湯及辣湯，兩者都以大量蒜頭作湯料，味道濃烈，後者辣湯只有輕微辣但香濃。快樂牛肉拼盤有四款牛肉包括牛柳粒，牛小排等，幾款牛肉味道都算濃郁，而且又嫩腍，亦都不會太油膩。手工水餃水餃又是另一佳作，包得結實，餡料豐富，蝦肉彈牙。板豆苗豆苗翠綠又夠嫩，碌一碌就食得，十分爽脆。炸響鈴成晚最一般就係這個響鈴，炸得唔脆又腍，而且很油膩。食火鍋必叫的啤酒，非常夠凍。

之前行街經過旺角，見到呢間佔地三層既快樂小羊火鍋餐廳，已經躍躍欲試。今日媽咪生日，就特登 Book 位 try try。呢度有多款湯底可以選擇，包括酸辣，麻辣，清湯，番茄等等，重點係可以雙拼/三拼，遷就到唔同人嘅需要。平時出街打邊爐，是但嗌個湯底動輒都要二三百，但呢度既湯底價錢都幾親民，$118已經可以雙拼，就算兩個人食都唔會肉赤！我地選擇左清湯加麻辣，湯底有大量藥材。呢度既特色係所有火鍋食材都唔需要蘸醬油，已經好夠味。清湯唔會淡如水，咸咸地，更能突出肉類原先嘅鮮味。而麻辣湯既辣度適中，平時唔食辣嘅都會接受到，但煮得耐就會愈辣。今日既主角就係包兄圖牛羊涮($238)，個賣相令人驚艷，羊肉砌成三朵小花，其餘嘅羊肉同牛肉則擺成心形，背後仲有乾冰做出煙霧效果，超靚！而且份量十足，要用肉山去形容。平時去其他火鍋店叫同等份量既肉分分鐘都四五百蚊起跳！羊肉🐑帶點微微既羶味，食落去好香口，肉質香軟，肉味濃，係優質既羊肉。美國牛小排，我自己覺得必點既食材之一，除左賣相一流，味道亦十分好，牛味濃郁，口感軟滑。我發覺呢度既食物擺盤相當有心思，黑松露羊肉丸又係好值得一試既！羊肉丸彈牙，食落冇膩感，有淡淡羊肉

餐廳環境寬敞，每一台之間都有足夠嘅私隱空間，坐得好舒服。值得一讚嘅係，店員嘅服務態度非常好，雖然工作忙碌，臉上面都保持笑容，有問必答，仲會細心地同你介紹每一款食材👍🏻呢度主打蒙式涮羊肉同蒙式小食，係香港都幾少見，而且餐牌上說明羊肉不需要額外蘸其他醬汁，湯底係自家秘製，可見對自己嘅出品係非常之有信心！呢度完全係羊肉愛好者既天堂，包兄圖牛羊涮一上枱，大家即刻哇一聲，因為個擺設好有心思，一片片羊同牛肉推砌成奪目既心形同小花，忍唔住叫店員幫手影相打卡。羊肉鮮嫩，尤其係砌成小花既羊肉，口感特別香滑，而且羶味唔重，係好舒服既味道。大連鮑魚可以逐隻咁嗌，鮑魚彈牙，大大隻！接落黎就係蒙式小食環節，我最鍾意就係烤羊肉串，孜然粉唔會喧賓奪主，份量適中。羊肉香口，惹味，值得一試。蒙式羊棒骨可以逐件嗌，份量十足，而且啖啖肉。蒙式烤羊扒又係重口味之選，除左香軟羊肉，仲有一層薄薄既羊脂肪，食落較膩，比較適合多人分享。另外我地又 order 左芒果、荔枝同巨蜂提子沙冰，大大杯，女仔未必飲得曬，如果有多啲飲品嘅選擇就會更好👍🏻👍🏻

要去新餐廳拔草啦！ 本以為又下雨又是平日，應該客人不多，但原來兩層的餐廳都全場滿座! 見門口等待的人約有3/40人，幸好朋友先行訂位，我們沒有等太久便可入座。蕃茄湯是我喜歡的口感，濃郁漿口、鮮茄味、微酸。麻辣則有大量芹菜、香菜、辣椒。不算太辣，以香爲主黑松露羊肉丸，$78羊肉丸新鮮手打，浮起後還是要久煮一點。黑松露味不會過搶，而那羊肉味很鮮，是必點之選。白鱔片，$168白鱔夠肥夠厚，配上麻辣湯底都品嚐到魚的肥美。蒙式烤串，$22朋友要點烤串。羊肉串比國內吃的烤羊串要大要厚。加上孜然粉，又酥又香。

聽朋友說，旺角又開了一家大型火鍋店，今次是由蒙古來的，吃羊肉專門店。我最喜歡吃羊肉啦，立即約朋友當晚就去。先選的有湯底，基本是蕃茄湯、清湯、酸辣和麻辣的選擇。我們選了一邊蕃茄，一邊麻辣。千層肋腹，$158看相片是比較肥瘦相間的一份，所以便點這種。吃上去比較爽口，羊味餘韻很長。羊肉大拼盤，$228拼盤們一直在我們身邊擦過，每枱都有點呢。我們吃擺千層肋腹覺得未夠滿足，跟大家一樣再點一個大拼盤。拼盤不單止夠大，而且羊肉款式又多，還要放乾冰，放上桌真的太吸引啦！ 建議先點拼盤，如果想再吃某一款先回單點那款的羊肉啊！

香港終於有得食正宗嘅烤全羊快樂小羊真係好得1800蚊一隻烤全羊 真係好平有得四份一咁叫少人數嘅可以揀四份一今次我地14個人 連埋打邊爐叫埋肉拼盤，蔬菜，配料我諗如果有番16個人會好啲啲羊一啲都無騷味 超級新鮮好嫩黃金羊拼盤 超好食相比之下 其他配料唔算太特別依間餐廳都係淨係食羊啲牛都係一般 但真係好平埋單每個人都係300蚊左右仲有一大搭現金券下次可以用另外一提佢個日本清酒真係好平$168/900ml唔錯值得推介

晚上我們去了旺角的一間特色火鍋店，以羊肉做主題的餐廳，名字叫做＂快樂小羊＂餐廳共分三層，地下是接待處，連接有一條很長電 樓梯到2樓和3樓的餐廳，地方相當歡堂，可容納大概250人同時用餐，當中亦包括有幾間包廂，但要提早預訂。服務員的熱情招待我們到3樓的卡座位，四人 的座位非常闊落，裝修極富特色，侍應為我們送上彩色印刷精美的餐牌，我們點了紅白鴛鴦湯底，分別是清湯和麻辣湯底，湯底用了牆上佈置展示的藥材和配料，用了大量的紅棗，黨參， 杞子，蜜棗，大量蒜頭和蔥頭，麻辣湯料有八角，小茴香，花椒，蒜頭，蔥頭等都是香料做湯底，我們點了洋洋大拼盤，分別用了薄薄的切片肉，放在 乾冰上，上枱時乾冰冒出了陣陣的氣霧，非常有特色的上枱。 另外加添了芝士丸，東北木耳，鮮豆腐做配菜，還點了綠蔬成蔭，是由多種的蔬菜配搭而成，分別有皇帝菜，菠菜，娃娃菜等新鮮蔬菜，追加了白 蘿白，蒙式的烤羊排，羊排加上燒烤汁和孜然粉，經過烤焗，肉味鮮嫩多汁，服務員送上的膠手套，絕對是落手落腳去食的一道菜，非常 之有羊味。 點了3串蒙式烤烤串，羊肉串非常香口和彈牙，點了兩杯青檸梳打飲料，上枱的玻璃杯上有兩片青檸檬，甜品點了楊枝甘露，裡面有

我們一行三人去了旺角鬧市中心的一間以小羊做主打的餐廳，名字叫做快樂小羊。 當我行進到2樓的時候感覺猶如五星級的酒店餐廳，總共樓層有三層，分別2樓和3樓，可容納大概200同時用餐，當中亦包括有幾間包廂，可以提早預訂三五知己 ，我們行進間，服務員的熱情招待我們到3樓的卡座位，四人的座位非常闊落，裝修極富特色，周圍佈置有小羊點綴，令到食店生色不少。 侍應為我們斷想餐牌，我們點了清湯和麻辣湯底，湯底用了非常紮實名不虛傳他們用了大棗，黨參，杞子，蜜棗，大量蒜頭和蔥頭，麻辣湯底有大量花椒，辣椒 ，八角，茴香等都是藥材香料。 我們點了洋洋大拼盤，草原特選大片羊，芝士丸，東北木耳，鮮豆腐，綠蔬成蔭。 白蘿白，蒙式的烤羊排，蒙式烤烤串，青檸梳打，楊枝甘露，黃金椰汁榚。 他們的蒙式烤羊排，他們選用蒙古的羊排加上特色醬料和孜然粉。 八條大大的羊肋骨，侍應奉上手套，大大口的咬上，肉質鮮肉汁嫩多汁， 即時食指大動，另外的蒙式烤羊肉串，都值得一試，非常有咬口。 另外的羊羊大拼盤，薄薄的切片羊片，羊片經過火鍋後，肉質非常嫩滑，有入口即溶的感覺，我們所點的綠蔬成蔭拼盤，當然是大量蔬菜，其中新鮮的 蔬菜有，娃娃菜，皇帝

最近有很多內地的熱門店開到香港來，這間專門吃羊的快樂小羊也是其中之一！樓高三層，中間還有電梯上落，裝修豪華，座位闊落，感覺好像回了大陸的餐廳😆湯底可以選擇成雙鍋（$118），一半辣一半清湯或者番茄🍅湯～ 辣湯是辣到麻麻的，但可能為香港人調了口味，平時不吃辣的我也接受到😂 至於番茄湯就十分濃味，放羊肉涮一涮，已經沾上濃郁的番茄味呢！感覺比海底撈吃到的不相上下，也是讓人回味無窮的！👍🏻吃辣當然要來啤酒🍻，不叫就後悔😝 叫了2L （$256），4個人喝，可以喝到尾！如果不喝酒，有普洱茶可以任喝，好像還有其他飲料～ 選擇不了那種羊好吃，所以最後叫了這個羊羊大拼盆，有三款羊可以試，然後吃到好吃，可以再叫其中的～ 擺放成花形的最好吃😆 整體來說，羊的質素很高，十分鮮嫰，涮一涮，撈起，人間美食🤤🤤🤤 黑松露羊肉丸 $78 這個是今晚的亮點，想像不到那樣嫩滑，本來以為這個組合會怪怪的，但黑松露味不出，反而微微帶出羊的滑和鮮！真心推薦大家叫這個🤤 蒙式烤羊排 $258 灑上芝麻，鋪滿孜然粉，很香很好吃😋 可以分成一條一條的吃，外皮香脆，內裡一整層肥膏，再一層羊肉，很惹味呢🤤 蒙式烤串 $22/一串 放

快樂小羊就在旺角新寶戲院隔壁，是以前實惠的位置，所以佔地有三層，又大又方便，連上樓都有電梯~入到去真係幾大，裝修幾靚，讓我覺得有點回了內地的感覺，內地的餐廳現在裝修都整得好漂亮。這個湯底叫成雙鍋，可以選麻辣+清湯/蕃笳，建議一定要點蕃笳，個蕃笳湯超入味，比海底撈更重，加湯也是加蕃笳的，保證味道不會變淡，我有個朋友還直接舀來喝😂不過麻辣湯底就肯定為香港人口味調教過，辣度超低這裡跟內地一些火鍋店一樣，都是有一次性圍裙可以取，質量還不錯，成功為我擋了不少襲擊😂這裡還有1664 beer tower! 一大班朋友就最適合了開始上菜！這裡店名是快樂小羊，今次當然主打食羊了，先來打頭陣的是羊肉丸，在其他火鍋店真的是沒有見過，擺盤又美，就點來試試看。本來還有一點擔心會有雷，但一入口不約而同跟朋友們都覺得好好吃😋咬下去是偏軟的，但羊的味道超重，好像羊的精華都在口中🤤去的朋友一定要點！這裡都有一些蒙式燒烤，我們點了羊肉串和羊排，兩個又係超正，跟火鍋料的羊是不同正的感覺，我覺得是羊肉本身的質素真的很高。如果兩者擇其一，我會選擇羊排，因為更重口味的調味和大口食肉的快感！真的燒得很香，雖然價錢也很可觀，但份量