影片
更多
2019-06-05
83 浏览
之前行街經過旺角，見到呢間佔地三層既快樂小羊火鍋餐廳，已經躍躍欲試。今日媽咪生日，就特登 Book 位 try try。呢度有多款湯底可以選擇，包括酸辣，麻辣，清湯，番茄等等，重點係可以雙拼/三拼，遷就到唔同人嘅需要。平時出街打邊爐，是但嗌個湯底動輒都要二三百，但呢度既湯底價錢都幾親民，$118已經可以雙拼，就算兩個人食都唔會肉赤！我地選擇左清湯加麻辣，湯底有大量藥材。呢度既特色係所有火鍋食材都唔需要蘸醬油，已經好夠味。清湯唔會淡如水，咸咸地，更能突出肉類原先嘅鮮味。而麻辣湯既辣度適中，平時唔食辣嘅都會接受到，但煮得耐就會愈辣。今日既主角就係包兄圖牛羊涮($238)，個賣相令人驚艷，羊肉砌成三朵小花，其餘嘅羊肉同牛肉則擺成心形，背後仲有乾冰做出煙霧效果，超靚！而且份量十足，要用肉山去形容。平時去其他火鍋店叫同等份量既肉分分鐘都四五百蚊起跳！羊肉🐑帶點微微既羶味，食落去好香口，肉質香軟，肉味濃，係優質既羊肉。美國牛小排，我自己覺得必點既食材之一，除左賣相一流，味道亦十分好，牛味濃郁，口感軟滑。我發覺呢度既食物擺盤相當有心思，黑松露羊肉丸又係好值得一試既！羊肉丸彈牙，食落冇膩感，有淡淡羊肉
呢度有多款湯底可以選擇，包括酸辣，麻辣，清湯，番茄等等，重點係可以雙拼/三拼，遷就到唔同人嘅需要。平時出街打邊爐，是但嗌個湯底動輒都要二三百，但呢度既湯底價錢都幾親民，$118已經可以雙拼，就算兩個人食都唔會肉赤！
我地選擇左清湯加麻辣，湯底有大量藥材。呢度既特色係所有火鍋食材都唔需要蘸醬油，已經好夠味。清湯唔會淡如水，咸咸地，更能突出肉類原先嘅鮮味。而麻辣湯既辣度適中，平時唔食辣嘅都會接受到，但煮得耐就會愈辣。
今日既主角就係包兄圖牛羊涮($238)，個賣相令人驚艷，羊肉砌成三朵小花，其餘嘅羊肉同牛肉則擺成心形，背後仲有乾冰做出煙霧效果，超靚！而且份量十足，要用肉山去形容。平時去其他火鍋店叫同等份量既肉分分鐘都四五百蚊起跳！
羊肉🐑帶點微微既羶味，食落去好香口，肉質香軟，肉味濃，係優質既羊肉。
美國牛小排，我自己覺得必點既食材之一，除左賣相一流，味道亦十分好，牛味濃郁，口感軟滑。
我發覺呢度既食物擺盤相當有心思，黑松露羊肉丸又係好值得一試既！羊肉丸彈牙，食落冇膩感，有淡淡羊肉香氣。
除左平時常見既稻庭烏冬之外，呢度仲有我最愛既土豆粉呀！土豆粉超級彈牙，好索湯，將湯既精華完全吸收。
我地又點左脆肉魭魚，冰豆腐，手工水餃同響鈴，每樣都大大份，幾抵食。下次都絕對會叫埋朋友再黎食呀！
张贴
