快樂小羊火鍋餐廳

营业中

休息中

今次係我第二次去食，原因係食個第一次後回味無窮。食物質素好，不在話下。但我最想讚的是湯底！蕃茄湯，蕃茄味超濃（第一次嘅時候）；麻辣湯，涮肉涮丸超正；清湯，強烈藥材味（sorry...唔識係乜藥材），用嚟涮土豆粉、烏冬，飲埋湯無得輸！打完邊爐竟然唔需要係咁飲水，應該無太多味精。另外，萬勿錯過烤羊熟食！我地大人細路個個食到 Lam Lam 脷！（嚟快樂小羊無理由唔食羊）仲有仲有，個人最喜歡「黑松露羊肉丸」。唔識形容，總之係食完會再想食嘅！價錢嚟講，少少偏貴，但間中食一次係絕對可接受。

呢一間快樂小羊嘅店喺旺角，肥妹仔每一次經過都覺得好空間感好大，裝修好靚同好光猛，所以今晚特登同成家人嚟試下， 試下佢嘅食物質素點樣。呢一間快樂小羊有三層，底下係接待處，上面嗰兩層就係攞嚟打邊爐嘅。肥妹仔就坐咗一樓嗰一層，入到去裝修好靚，好有中國風，而且個座位都好闊落，一啲都唔會好迫坐得唔舒服!最好嘅就係佢嘅抽風系統好好，冇一大陣火鍋味。光陰湯 $112個湯底係奶白色，入面有紅棗， 蔥白 ，飲落去好香藥材味，有少少似台灣嘅藥材湯底，而且佢嘅湯底係非常之濃味，完全唔需要點任何醬汁，就咁飲又得，攞嚟打邊爐都得。鮮蝦雲吞$24雲吞超級大粒，入面係唔只有一隻鮮蝦，鮮蝦爽口彈牙，好好食。薄皮韭菜盒$14呢一個薄皮韭菜盒個皮煎到非常香脆可口，入面全部都係韭菜，鍾意食韭菜嘅人一定要試。脆肉鯇魚 $88非常爽口，魚肉肉質彈牙， 魚味都好濃。白鱔  $168肥妹仔我覺得佢呢一度嘅海鮮真係好新鮮，佢呢一條白鱔啲肉係爽脆嘅，而且好鮮甜，攞嚟打邊爐真係超級好食。快樂和牛拼盤  $690不得了!呢一個附和牛拼盤超級大份，個拼盤有唔同種類嘅和牛，每一款牛肉都超級出色，差唔多真係每一塊都係入口即溶， 牛味超級濃， 輕

快樂小羊， 聽個名都覺得可愛， 經過 呢間餐廳幾次一直都好想試， 今次終於有時間去試喇！今次係第一次去 ，上到去估唔到地方有咁大 ，有兩層 ，職員很快就安排了位置給我。坐低咗第一時間當然係睇餐牌啦， 呢度除咗有火鍋之外，仲有烤羊肉 睇見都流口水首先點了湯底 要了個 麻辣湯拼番茄湯， 麻辣湯不算太辣 但都幾香 而番茄鍋 都幾濃郁幾好味！烤羊肉串 羊肉唔騷食物大致都幾好！

雖然夏日炎炎，但無阻我地食火鍋嘅興致。聽聞依間火鍋店唔錯，而且大家都好鍾意食羊，所以就揀咗佢。店內裝潢好有土豪氣派，而且佔地三層地方好大。點咗一個辣湯同清湯。成雙鍋($118)湯料都幾足。清湯有好重嘅中藥味，見到湯底都有唔少藥材，例如係杞子、龍眼、紅棗等。辣湯其實唔係好辣，有少少麻香，有需要可以加辣椒。兩個湯底都有大量蒜頭。涼菜拼盤 ($38)價錢唔太貴, 質素OK. 其中有個胡麻茄子，都係第一次食，不過因為本人麻麻哋胡麻醬，所以覺得一般，但茄子係幼嫩的。由於menu上面羊肉選擇都幾多，我地又唔識揀，所以waiter推薦咗食黃金羊王($398). 好靚嘅一盤，價錢最貴，應該會好食嘅。見佢脂肪比例偏多煮落好滑好腍身，冇好重嘅羊膻味。除咗火鍋嘅羊肉片我哋仲叫咗個蒙式烤羊排。雖然賣相冇乜特別，但口味幾獨特。上面放咗啲芝麻同埋孜然等香料。皮烤到香脆，下面有層薄薄地嘅脂肪同肉。綜合養生菌($78)一大盤有5款菇，份量好足。賣相好搞笑嘅山藥浸左湯之後嘅蘿蔔同蓮藕好入味好好食。整體來講食得幾舒服！

愛羊的我今天有個大發現就是這家來自內蒙古包頭的火鍋店以羊肉作主打風味絕佳甫進步就有大量小羊擺設打開餐廳有羊有牛有海鮮和小食我們這晚就主打羊肉一試其真功夫點了清湯加辣湯的鴛鴦火鍋湯底有陣中藥味味道討好點了塔拉上的快樂卷份量巨大羊肉口感嫩滑肥瘦相間千層肋腹較瘦但肉味比較濃另點了手工蟹籽墨魚滑材料實在是真正的墨魚丸其他配料有響鈴土豆粉油墨菜蒙古式烤串是這裡的必點菜式灑滿孜然粉極具風味飲品甜品價格非常親民荔枝沙冰有天然的荔枝味喜歡吃羊肉的朋友絕不能錯過

為咗補祝父親節，特登帶咗鍾意食羊肉嘅屋企人嚟呢到。餐廳嘅環境超大，樓高三層，裝修非常之堂皇。我哋叫咗雙拼嘅湯底，有辣有唔辣。清湯有藥材味，味精唔錯。至於小辣來講，麻得嚟唔算好辣，啱香港人口味餐廳當然推介最貴嘅羊肉，我哋亦都順攤咁叫左。可以見到佢哋嘅擺盤，充滿土豪嘅味道。用嘅係BB羊，肉質嫩，入口易溶，因為夠肥所以充滿油香。肉切得好薄，抵讚！呢度嘅薯片稍為要煮多一陣先變透明。雜菇擺盤靚，種類多，而且非常新鮮。快樂丸滑唔盤，賣相同樣誇張。 有羊肉滑，墨魚滑，豬肉滑，全部都非常鮮味。至於大連鮑魚就稍為失色，雖然大隻，但口感就較為韌呢個蒙式烤羊扒很值得推介。皮烤得非常香脆，調味香料鹹味適中，雖然略嫌係多肥膏，但配合微微嘅羊膻味，又越食越想食。最後食咗個楊枝甘露，$28嘅價錢喺呢度來講算係幾平。非常足料，又creamy。

很少寫負評，但只能說這餐廳的收費不太老實。22:00到是列明”78折”，但在結帳時才説飲品不計。算是我沒有問清楚，但最不合理的是另有每位$6的茶位。我在想，基本上我不是介意小小的費用，但只是一點提示也沒有的情況下便自行收費，可算是一間不誠實的機構的表現。本想和經理表達，他也只是冷冷的説在這開張已有此收費。這也令我感到是他是基本沒有誠意聽的。在沒有反映channel下，只能在這表達意見了。只能説，這也是我最後一次在此用餐了。

朋友講旺角開了一間食羊，而且去都十分方便，就約了夜晚收工過去，十點多不用等位，入到去見到裝潢不錯而且空間感十足都幾舒服又吾油煙加分，餐牌食物都不少有火鍋，蒙古烤串，甜品和熱食。今次我地就叫了一個雙城鍋(辣湯和蕃茄湯)，來到都已經十分香，這湯底的辣度岩我地，不太辣但好香，蕃茄味都十分香濃。塔拉上的快樂卷是羊肉，薄身又香濃羊味份量多，必叫。來到這裡當然會試烤串，今次叫了蒙式烤羊串，香濃香料香再配羊肉帶少少膏好香口感又一流。另一款肉選了美國牛肩肴，牛味都不錯而且薄身好快熟有得食。凍豆腐豆香重又軟熟。菜類選擇了蓮藕片，爽口又入味味。最再叫了半個稻庭烏冬，滑身又好味不會淋身口感好味道。熱食叫了一款薄皮九菜盒，九菜勁多，而薄薄的皮包住啖啖九菜好香又滿足。最後再一人一個甜品楊枝甘露，夠凍而且十分足料，岩晒食完鍋再食，坐下傾計仲有綠茶飲不錯選擇的餐廳。

有日經過旺角見到有間餐廳叫快樂小羊都幾特別，而且仲要岩晒我這些喜歡羊的人添，當然就找天捉了朋友來晚餐，上一層見到以梳化為主仲要勁大張好舒服，不會覺得迫而且抽風系統都不錯。我地見有雙拼鍋就叫了雙城鍋，入面是辣湯和蕃茄湯，來到都幾份量十足，蕃茄味好香，都有不少蕃茄，味道幾濃，而辣鍋的辣不太辣但好香香料味配羊肉一流!~來到當然叫羊食，最後選擇了羊肉又名塔拉上的快樂卷，沒想到咁大碟仲要放得十分漂亮，味道羊味十足又嫩滑，好香，配辣鍋味道再濃點。脆肉鯇魚又爽口而且除了啖啖魚肉仲有魚頭好驚喜。來到這裡當然試羊串，但這個蒙式羊棒骨實在太吸引，所以叫了一枝，來到都幾大枝而且好熱，香料味濃配羊味不錯，有咬口又軟熟。皇帝菜都幾新鮮份量剛足二人。仲有朋友喜歡的鬼馬墨魚滑，放入辣湯食吸晒少辣和香料味幾特別，當然仲有吾油的炸響鈴。喜歡吃水餃的我叫了一個勁足料啖啖肉的手工水餃，差不多食完我地就叫了一個椰汁糕作甜品，椰汁味都濃幾香。

見網上有介紹呢間快樂小羊火鍋店，羊肉迷嘅我又點可以唔黎朝聖一下呢！佢係旺角豉油街，唔近地鐵站。午餐時間黎，熱屎辣辣行咗一大段路先到！可能冇咩人會喺午餐時間打邊爐，所以唔使等位就直入坐低左，仲要冇咩人，少啲油煙空氣清新好多！餐牌唔多影喇，因為佢係網上點單既，打開微信再掃描佢枱上面嘅barcode，就可以幫自己張枱落單喇！有埋圖好方便！其實除咗羊，仲有牛同豬，不過話明黎食羊梗係淨係叫羊食啦！先點左個湯底，辣湯拼蕃茄湯，佢有幾款湯底可以拼，雙拼都係$118。唔係講笑，個番茄湯係超超超好味，未放野落去淥我已經飲咗一碗！另外，平時出面啲邊爐店加湯，都只係落清湯，呢間加湯係原湯加落去！即係番茄湯佢會加返番茄湯俾你！好有誠意啫！勁加分！！味道keep住濃！辣湯入面好足料，辣度啱啱好，唔會辣死你！黑松露羊肉丸👇🏻好食！好香黑松露味，加埋啲羊肉，味道啱啱好，好好食！功夫青筍（一份）👇🏻蔬菜類佢有分”一份”同”半份”，好細心！呢碟青筍好新鮮好爽口好甜！仲有佢推介嘅鴨血（半份）👇🏻2個人叫半份就岩岩好！👍🏻再一次欣賞佢可以叫半份同一份！呢個好食！又係食火鍋必叫既。登凳！呢個就係羊羊大拼盤👇🏻$228。因為佢

辛苦了ㄧ天，收工幾個人ㄧ齊去食番餐，今晚去試下快樂小羊，一間較特色火鍋店，蒙古風味較重，門面夠輝煌，在洗衣街老遠都看到，內部 裝修又夠大，卡坐空間好寬敞，外牆全部是落地玻璃，ㄧ路食一路可觀賞旺角晚上街景。 成雙鍋 - 蕃茄清湯(HKD118) 成雙鍋有幾款配搭可供選擇，蕃茄清湯紅白相間，湯底亦真材實料，清湯其實一啲都唔清，由老雞, 牛棒骨及多種藥材熬製，味道十足。  包克圖牛羊涮(HKD238) 牛肉羊肉各半，砌成心形，仲以肥羊砌成一朵盛放觧花，賣相很吸引，好睇之外，燙過後無須加調味，入口味道剛好。 黑松露羊肉丸（HKD78） 擺設很有心思，羊肉清香。 脆肉鯇魚（HKD88） 脆肉鯇魚肉脆夠咬口。 綜合養生菌（HKD78） 如喜歡食不同鮮菌，可選呢款，多種鮮菌放一盤。 鮮蝦雲吞半份（HKD24） 餡料十足，蝦仁新鮮爽口。  手工水餃半份（HKD24） 水餃錎料足稱，蝦肉又彈牙。 蒙式羊小排（HKD158） 蒙式烤羊上加上特色醬汁及孜然粉。 肉質鮮嫩, 肥瘦適中。

係香港想搵一間專食羊嘅專門店真係買小見小，今次朋友帶左我嚟呢度，真係令我大開眼界😍😍雙併鍋(辣+蕃茄)❤️辣湯味道正宗，花椒八角味濃郁，偏辣但不會太麻。蕃茄湯非色出色，有海底撈的味道~😋手拍青瓜❤️很爽脆新鮮，完全無苦澀味~ 主要以醋同蒜蓉腌製，好開胃！塔拉上的快樂卷❤️份量幾多，脂肪分佈平均，完全無乜so味! 係香港難食到既質素😍蒙式烤串❤️烤嘅羊肉羊so味較重，有大量孜然粉非常惹味，忍唔住encore jor 2 串🙃鬼馬墨魚滑❤️係油炸鬼x墨魚滑嘅配搭，油炸鬼吸哂湯嘅精華，好特別!巨峰提子冰沙❤好好好大杯！ 非常抵飲，解熱解辣必選!

今日一家大細去旺角打邊爐食小羊。 一間喺旺角鬧市之中嘅快樂小羊，一啲都唔難搵！ 大大個招牌，燈光火著一睇就知道係實力派食肆！門口地方清潔整齊，有派頭！打邊爐最重要係乜？除咗個爐之外，就係食物嘅衛生。 每次都係睇下個爐底就知道間舖頭有幾注重衛生嘅情況好！開始進入正題，新鮮翠綠嘅蔬菜彷彿仲好似喺田嘢入邊剛剛摘過來的！羊肉片牛肉片，塊塊一絲不苟。 放上枱嗰種感覺，簡直係霸氣滿瀉。 將唔同種類嘅牛肉做成一個拼盤再放喺 乾冰上面。單單係 視覺上面嘅衝擊 已經夠攞十分滿分！擺放到 好似玫瑰花一樣嘅羊肉片 。真係靚到唔捨得食。好上半場先叫住咁多先。 檯面上面放林林種種嘅牛肉羊肉，新鮮蔬菜等等。 好肚餓呀！下半場，新鮮嘅鮑魚 ＋ 美味嘅火鍋 教人不懂抵抗！白灼蝦，雖然係一個好簡單嘅菜式。但係係快樂小羊手中就變成一個美麗的藝術品！

羊好食，牛好食，海鮮又好食 ... 我估大家見到呢間餐廳個名就知呢到主要係食羊...但...我好想話埋比唔食羊既朋友知, 原來呢到d牛同海鮮都好正架先先介紹下個湯底, 我今次叫左呢個成雙鍋而我特別推介呢個清湯, 煮海鮮同牛都勁match ! (羊當然唔洗提啦...)本身想叫呢個牛羊心心...但...最後比羊拼盤同埋小牛排吸引住, 叫左另外2樣呢個就係個美國小牛排啦......最初以為點解得咁小....但..點知, 食極都食唔唒...肉味超甜同香 !! 最鐘意食呢個部位, 超易入口, 肥得黎又唔會係成口肥膏果種 !!! 我比呢個小牛排99分 !! abalone : 唔知點解...有d un...可能我煮得太耐...蝦, 好新鮮, 老爺話係海蝦黎, 又大隻又甜餐肉, 打邊爐100分 ! 唔係唔叫呀 ! hahahahah雲吞, 又大粒, 又爽口彈牙羊羊大拼盤 ~!!! 真係好大碟呀 !!! 

今晚舊同事同我慶生, 知我中意食羊, 所以黎左快樂小羊打邊爐~~呢度有成兩層高，環境舒服，坐我濶落～我地先黎個清湯+蕃茄湯底, 用上大量藥材，有紅棗、當歸、杞子、野菌等等，味道唔錯；而蕃茄紅紅湯底，極重蕃茄味，味道濃郁！之後叫左兩盤肉，包克圖牛羊涮 ～勁大盤，下面有勁多冰墊住，牛肉同羊肉各有一半，砌成心形形狀，賣相好靚～～羊肉切得夠薄，肉味濃郁且羶味唔重，而牛肉肉質嫩滑易入口，配清湯／蕃茄湯都好MATCH !另外，叫左個自製土豆粉，粉滑有咬口感，仲可以吸收哂湯底精華，正！亦點左蝦丸，非常彈牙爽口，好食！蒙式烤串，皮脆肉嫩，食落惹味！最後叫左楊枝甘露，奶滑香甜，而且有新鮮芒果，好滿足！