快樂小羊火鍋餐廳

营业中

休息中

今次4個女仔去叫左好多野食，好彩張枱都幾大，坐得幾舒服。羊叫左羊羊大拼盤同蒙式烤串拼盤真係幾大盤！拼盤上面又擺到好似花咁，都幾有心思～另外烤串又香又夠味，加左啲香料去烤，羊冇咩羶味，幾易入口，唔係好受到羊陣味既人都可以試下。牛方面就食左鹿兒島牛肩同快樂牛肉拼盤個牛肩真心誠意推介！厚度剛好又好味。但食完個牛肩返唔到轉頭，個牛肉拼盤又係超大盤，佢有牛粒同薄切牛肉，好似食極都食唔完咁。其他我地仲叫左蝦滑，佢一份有3條，真係多人食先好嗌～服務態度都唔錯，會主動加下水收下野咁。整體黎講食物環境都唔錯～

朋友介紹話全單78折而且食物質素高，所以今日約左一大班大學同學黎到快樂小羊打邊爐，因為我地都係羊肉愛好者，所以就揀左呢間店。我地前一個月就book左今日12個人，可惜黎到嘅時候員工只能安排一張8人枱比我地。我地投訴佢嘅時候佢地話呢張已經係全店最大嘅枱，無辦法。雖然有點迫，但我地都食得津津樂道。先講湯底，我地點左3拼嘅鍋，分別係清湯，麻辣湯同埋番茄湯。清湯唔係好似一般嘅清湯咁淡，而係好濃郁嘅香味，麻辣湯就唔算好麻，而番茄湯就唔係幾有番茄味。如果要比個分，會係：清湯>麻辣>>番茄。前菜方面我地點左雲耳同埋手拍青瓜，好開胃好fresh，我地都好中意。另外，我地點左羊肉同和牛拼盤，羊肉質素真係幾高，羶味勁岀，同個清湯好夾。和牛質質素都唔差，幾重牛味。其他食物我地都幾滿意，用手機黎落order都好方便。

在旺角著名的波鞋街逛街，不難發現這間快樂小羊，地方非常大，有2層之多，逛到肚餓又剛巧有位，當然入去大吃特吃。座位非常闊落，每張枱也有一定私隱度。成雙鍋亦即是鴛鴦湯底，選了麻辣及清湯，打邊爐一定要辣才夠過癮，清湯也絕不遜色，有杞子紅棗。嫩滑太陽卷顧名思義，這裡主要是吃羊的地方，當然要叫一碟來吃吃，這盤超大份量超多，而且真的很嫩滑，帶點羊羶味不會太濃。鹿兒島A4牛肩胛打邊爐怎少得一碟靚牛，這裡用上了鹿兒島A4級，肉脂分佈當然平均，輕輕涮涮便能放入口內，感受鮮嫩肉汁。蝦滑鋪滿了瑤柱的蝦滑，蝦肉被切碎攪拌一起，口感彈牙鮮嫩。響鈴每次打邊爐響鈴也是必點的，因為它能夠盡吸湯底精華，鮮甜味極濃。蒙式羊小排除了火鍋，還有多款串燒可以品嚐，羊小排羊羶味很濃厚，羊皮燒得很香脆。熊本一口牛一口牛串燒做得也出色，五顏六色蔬菜很美觀。

之前週末經過幸福小羊，每次都見到人山人海，今次家人訂左位，終於可以一試下啦～樓底非常高頗大，有2層😋座位非常舒服寬闊，大量卡位(!)重點係佢係好足夠嘅服務生👍👍👍見到有小朋友主動令小朋友餐具同畫筆，咁就唔怕悶親小朋友裝修都好靚，以為會好貴啦🤨價錢好平民化，當晚嘅質素真係好高！分別叫咗麻辣同清湯辣湯，少辣，麻味越煮越出，香味正常；清湯，用了藥材，看到有解燥的沙蔘，讓我們吃得放心，湯底有陣陣藥材香味蒙古烤羊排七~八條骨， 中間有輕微羊騷味， 外邊烤得香脆， 肉汁被鎖住，肉質腍滑， 還有脆骨，這份羊排抵吃蒙古烤串！羊肉非常嫩滑！熊本一口牛牛肉的腍滑，與牛味，加上孜然粉與燒椒。蒙式羊棒骨，粗壯大碌，啖啖肉又唔乾身，配上秘制籽然粉好惹味。羊羊大拼盤，什麼部位都有啲，非常有羊香味，完全不肥不臊，非常美味，物超所值，上碟仲好有心思切成玫瑰花。蝦：新鮮彈牙👍👍👍油條幼幼長長，煙煙韌韌，可以一試

雖然香港很多火鍋店都有羊肉提供，但講到最吸引的，來自蒙古的快樂小羊火鍋餐廳一定榜上有名。眾所周知，蒙古出名食羊肉，而快樂小羊的羊肉不單由蒙古直送，夠晒原汁原味，而且羊肉款式亦多過人，所以今次特登約朋友一齊試試。＊＊＊＊＊＊＊＊＊＊＊＊＊快樂小羊佔了三層樓面，店面極大，一入門口等候區以一幅風吹草低見牛羊作背景，滿滿的塞外風情。店內座位主要以四人卡座為主，座位寬敞坐得亦舒服。餐牌選擇非常豐富，除了常見的牛肉、海鮮、丸類、滑類、餃類和麵食外，店內還有多款火鍋羊肉和烤羊肉選擇，價錢亦非常大眾化。茗茶$12/位，沒有醬料或小吃收費。光陰鍋($112)湯底可選單鍋或雙拼，款式不算多，只有三四款較大路的選擇。我們選了光陰鍋，裡面有蒜頭、紅棗、杞子、大蔥和龍眼，清清地不會太油，更能食出食物的原味。酸梅湯($48/酌)酸梅湯一酌份量非常多，足可倒滿六杯相片中的杯子，足夠四人飲用。酸梅湯夠冰凍，酸酸甜甜幾好飲。包克圖牛羊涮($238)原本都想試有三款不同部位的羊羊大拼盤，但因為在座不是人人吃羊肉，所以最後點了包克圖牛羊涮，牛肉和羊肉各佔一半，一盤份量非常多，足夠四至六人享用。牛肉脂肪不多，所以口感較粗鞋，

先講環境，真係眼前一亮，餐廳非常非常大，而且共有2層可以用餐，門口有個靚靚既模仿小綿羊牧場，服務方面店員人數亦好足夠，只要有需要，舉手就好快有店員來幫忙，亦好主動加湯底成雙鍋$118/大鍋，一邊是辣辣既鍋底，充滿住辣椒，另一邊係清湯，味道有d似藥膳荔枝沙冰$28，天熱炎熱翳焗，而且打住邊爐，梗係嘆返杯沙冰涼下，荔枝味幾濃咸檸七$22，咸柑桔既size有乒乓波咁大，篤穿讓它釋放d鹹味，鹹鹹甜甜咁，好飲蒙式烤串$22/串，燒得唔錯，肉汁鎖住，孜然粉好惹味，帶微辣響鈴$19/半份，打邊爐必食，響鈴有光澤夠新鮮醬爆三寶$43/半份，入面餡料全都是用鮮蝦打成既蝦丸，外皮唔同色有唔同味，綠色最突出，係wasabi味黑松露羊肉滑$78，口感較結實，有羊味，我較喜歡放落辣鍋既一邊，有點辣更好食羊羊大拼盤$228，好大盤，其實足夠3至4人食用，肉和油脂比例係6比4，羊羶味夠濃，軟淋黃金椰汁糕$23，心心外型加上閃閃令既金箔好靚，椰汁味濃兼且軟滑

今日個朋友生 話想食羊就去試下喇 佢成個樓面都好中式又好大間 正啊！我哋唔係叫咗好多嘢食，叫咗個蕃茄麻辣鴛鴦鍋，番茄湯好甜麻辣都不錯～雙拼都係$118韭菜盒佢係煎嘅，佢入面勁多韭菜勁香口！餐前小食一流呀！嫩滑太陽卷 都係好大碟 好好味 切得薄薄地， 擺落湯淥一淥就食得!!鐘意食羊嘅朋友必食ah!!蟹子墨魚滑 好彈牙 入味 叫一份有三條 都好足料佢嘅火鍋料都好出色 好有保證！！仲要有好多選擇添！蒙古烤串 羊肉好夠羶 烤得好香口

好耐冇內地客專登落嚟香港開會嘞！尋日竟然一次過就嚟三個。匆匆開完會就諗住一齊食午飯，問大家想食乜嘢.....竟然食火鍋嘅票數最高？！中午時間咋喎大佬！😅😅喺旺角中午有得打邊爐嘅店唔多、「快樂小羊火鍋餐廳」我之前食過無伏，再去！我地叫咗個三色鴛鴦鍋：藥膳、麻辣、番茄！味道各有特色。先嚟咗盤切到靚一靚花一樣嘅羊肉、肉味一流又唔蘇，但最好唔好用番茄湯滾、出嚟味道唔係太適合。羊肉丸和蟹子魚滑都值得推介，同客一齊食梗係要整盤日本和牛，上枱嘅時候有埋乾冰出晒煙作為裝飾。個經理教我地每片滾一滾10秒就ok食得！非常正....牛味極重！😋😋最後我自己叫咗杯荔枝沙冰、廿零蚊超級大杯，唔錯喎！可以再Encore!!

又係我啦，琴日先打完邊路今日又打過。咁啱公司附近開咗一間新嘅打邊爐就係快樂小羊啦，其實都行過幾次，只不過一個人冇乜動力去食，今日咁岩Double Dating梗係要去試吓啦！成雙鍋(清湯加辣湯) 湯底黎講，我地揀咗清湯同埋辣湯。好多人都會驚清湯同阿湯最後會變成一煲湯，不過呢度果報好好相當巨型所以兩邊滾起都唔會變成一鋪野食到最後都仲可以分得出邊啲係清湯，邊啲係辣湯所以係非常之好嘅。清湯就非常足料，有黨參、杞子、蒜頭等等，味道非常好所以唔使點豉油都非常之夠味。辣湯方面呢度係我食過最好味嘅麻辣湯底，因為出面通常只有辣但係唔會麻既，但呢度呢就啱啱好，唔會辣到食唔到其他嘢嘅味道，而且嗰種嘴邊麻麻嘅感覺係非常之過癮嘅。蒙式羊小排呢度嘅楊小排一啲都唔小，分量至多係足夠三至四個人share。一上枱嘅時候已經覺得好香噴噴，你喺出面食到嘅羊小排，呢度整得非常好，熱辣辣加埋鮮嫩多汁嘅口感真係好好味啊。蒙式烤串我本人係非常之鍾意孜然粉嘅味道，呢度嘅蒙式烤串香料足夠，肉味都非常濃郁唔會俾孜然粉蓋過所有味道，所以肉味同埋調味嘅平衡做得非常好，送走就真係非常之啱啦蒙式烤羊排呢個嘅性價比亦都係非常之高嘅，份量非常之多

香港地有無數的火鍋店，大多主打牛肉、雞煲，粥底海鮮、千層蒸海鮮，五光十色， 應有盡有。但要講到羊肉的話，之前我記得有小肥羊，但現在沒有一間出色的。我們一行數人都是羊肉，我們決定到新開的快樂小羊火鍋餐廳嘗嘗他們的質素。在旺角中央,非常易搵，我們等位用了少少時間。佢個湯底又好合理喎，成雙鍋（清湯/麻辣）只需$118，非常夠味。首先點了一碟比較貴羊羊大拼盤，什麼部位都有啲，非常有羊香味，完全不肥不臊，非常美味，物超所值，上碟仲好有心思切成玫瑰花。因為人多關係，我們仲點了另一碟性價比高嫩滑太陽卷$168，非常經濟。食羊又點少得蒙式烤羊排（$258），非常大碟，羊皮好似脆過張紙，非常香口，好重嘅孜然粉味，正啊！蒙式烤串我們加了四串$88，串燒好有風味，又夠晒熱，送啤酒一流。 平時食大陸小食麻辣毛肚非常正，估唔到打邊爐麻辣湯底放上去同樣爽脆。鬼馬墨魚滑$88一份好香脆，小食之選又唔錯。再點了油條一份$28，下酒小食不失禮。一碟美國牛肩脊$128又幾抵，當然個人認為羊比較出色，牛肉都不差。百香果沙冰$28，夠晒凍，打邊爐一流。

我真係經常係旺角出沒😅今次又比我行到去往何文田方向嗰邊試吓呢間火鍋！今晚叫咗嘅嘢食包括羊肉、雪花牛肉、羊小排、韭菜餅、蝦滑🌻鴛鴦湯底通常打邊爐都會叫鴛鴦湯底，由淡味嘅開始食先。呢度嘅湯底好特別，類似藥膳嘅味道，詳細材料唔係好記得，不過佢好特別地喺牆身設計上面其實都有展示各種嘅材料！🌻羊肉一嚟到就哇一聲，因為真係超級大碟😂不過羊肉嘅肉質的確幾香，嗰陣羊既”臊”味真係好正👍🏻🌻羊小排口痕所以唔淨係想食打邊爐食物嘅話，我諗呢個都值得試吓！佢啲排上面有一啲類似孜然粉，好入味~總結一下先，呢度嘅食物都幾大碟，所以最好多幾個人一齊食可以試多幾款😁

快樂小羊火鍋餐廳，地方寬敞，坐得舒服，這家強調唔使用蘸醬，果然不用都好味喎！點了鴛鴦鍋湯底，是清湯和蕃茄湯，蕃茄湯無驚喜，清湯味似藥膳湯，我覺得好正！羊羊大拼盤，價錢唔貴，羊又沒有多大羶味，我本來唔食羊肉，都接受到，涮起來好味；至於快樂牛肉拼盤就好大盤。那個鬼馬墨魚滑，夠晒綽頭，不過油炸鬼少少搶左墨魚滑味。最好是自製土豆粉，加埋那湯底味，超級好吃！蔬菜也算新鮮，不過小左D，蘿蔔夠甜，芥辣餃子，有點嗆，中意wasabi的人會鐘意！

After clinching a major deal, my colleagues asked us to go out and have dinner together. We decided on Happy Lamb Hot Pot in the end. It was located at Soy Street, few minutes walk from Mongkok MTR.Being a lamb hotpot restaurant, it served several types of lamb as well as beef and seafood items. Besides that, it offered vegetables, hand made meat paste and drinks etc.Mango shaved ice - It was served in a tall glass, with huge portion. It was blended till smooth and was very sweet, with strong ma

今晚來到旺角這間快樂小羊食火鍋，餐廳座落於旺角肚旺區。餐廳分上下三層，地下為接待區，入門口已經感覺到新疆牧羊的氣息2及3層是餐廳，卡位舒適，裝修優雅。餐廳menu圖文並茂，款式多羅羅，不單止火鍋，連燒烤串燒都有，看menu已經感覺到充滿著新疆的風味。美味鴛鴦鍋成雙鍋辣湯加清湯$118要了個鍋底，成雙鍋，清湯+辣湯。清湯鍋裡有紀子、北芪、黨參、紅棗、大蒜芯及大量一粒粒的蒜子，真可謂是真正的養生湯。辣湯鍋裡也有紅棗、大蒜芯及花椒等，湯底清甜，肉類及蔬菜，灼完都帶著湯底的清甜。包克圖牛羊涮$238包克圖牛羊涮，餐廳認真細心，連放上餐枱桌面食的這麼短的時間都用冰上墊著上，目的就是讓材料保持新鮮，這一份心思，做客人的我也領會到老闆的這一份誠意。包克圖牛羊涮非常大大盤，牛羊肉的份量都是多，是我食火鍋以來第一次見這麼多的份量。牛肉顔色稍為深紅，所以與羊肉好易分辨，牛肉切得厚薄適中，清甜入味的湯底，令牛肉味更鮮。羊肉於濃湯裡灼上幾秒，恰好帶出羊肉的鮮味，入口鮮嫩，羊味濃郁。蒙式烤羊肉串6串$132喜愛食香口及燒烤類的我，見到這個烤羊肉串又怎少得了，皆因圖文並茂的已令我垂涎欲滴，羊肉燒得肉質嫩及香，超讚

成雙鍋($118)，辣味+清湯，湯底夠足料，將食物煮熟進食已好夠味道，餐廳冇提供任何醬料，對自家食物出品好有信心。羊羊大拼盤($228)，哩個主菜，係有不同部位既羊肉片，每片肉質都好軟腍，有濃郁既羊羶味。蒙式羊棒骨($68)，粗壯大碌，啖啖肉又唔乾身，配上秘制籽然粉好惹味。蒙式烤串($22)，帶有羊脂肪，食落會有d油份，更香口。鬼馬墨魚滑($43)，係油炸鬼加墨魚滑加蟹籽，食落口感層次豐富，第一次食打邊爐油炸鬼，口感唔錯。黑松露羊肉滑($78)，份量都幾多，共有3條，結實彈牙，羊羶味濃。鴨血($31)，色澤幾靚，鴨血比豬紅，我覺得鴨血較結實爽口。稻庭烏冬($19)，可以吸收晒鍋既精華，又可以填飽個肚。食得多肉類、油脂類，飲返壼茶解一解膩，亦有消滯功效。