快樂小羊火鍋餐廳

营业中

休息中

香港地有無數的火鍋店，大多主打牛肉、雞煲，粥底海鮮、千層蒸海鮮，五光十色， 應有盡有。但要講到羊肉的話，之前我記得有小肥羊，但現在沒有一間出色的。我們一行數人都是羊肉，我們決定到新開的快樂小羊火鍋餐廳嘗嘗他們的質素。在旺角中央,非常易搵，我們等位用了少少時間。佢個湯底又好合理喎，成雙鍋（清湯/麻辣）只需$118，非常夠味。首先點了一碟比較貴羊羊大拼盤，什麼部位都有啲，非常有羊香味，完全不肥不臊，非常美味，物超所值，上碟仲好有心思切成玫瑰花。因為人多關係，我們仲點了另一碟性價比高嫩滑太陽卷$168，非常經濟。食羊又點少得蒙式烤羊排（$258），非常大碟，羊皮好似脆過張紙，非常香口，好重嘅孜然粉味，正啊！蒙式烤串我們加了四串$88，串燒好有風味，又夠晒熱，送啤酒一流。 平時食大陸小食麻辣毛肚非常正，估唔到打邊爐麻辣湯底放上去同樣爽脆。鬼馬墨魚滑$88一份好香脆，小食之選又唔錯。再點了油條一份$28，下酒小食不失禮。一碟美國牛肩脊$128又幾抵，當然個人認為羊比較出色，牛肉都不差。百香果沙冰$28，夠晒凍，打邊爐一流。