忠孝東路

营业中

休息中

一直都見呢間野企企理理好想入去試下，今次終於同個frd收工去試，整體黎講幾滿意嘅，最鍾意係佢柯仔煎同水果茶🙆🏻‍♀柯仔煎每份都有6-8隻好大既柯仔，仲要係無蔥！又唔會煎得太燶，少少脆 食落好有口感～ 點埋海山醬好好味！另外試左魯肉飯，溏心蛋冇熟左嘅蛋黃😍而魯肉就唔會太肥，岩哂女仔食！如果再多d魯肉就更好而擔仔面嘅面條係拉面質地(my favorite😛), 湯底係淡d嘅日式醬油湯底！大家記住唔好放到林左先食！飲品就同朋友叫左杯水果茶試，茶味就冇乜，較重水果味，但個人幾喜歡😂同埋水果好足！兩個人，4樣野，埋單$227! tst呢個價，幾好！

喺isquare嘅餐廳成日都轉半年間已經面目全非不過呢間忠孝東路我成日都嚟食😂貪佢抵食又大碗 地點又方便 價錢 都幾合理☺️//💟忠孝牛肉麵 $73牛肉大塊 整得又淋又軟！湯底好香牛肉味 辣味唔算好重配埋鹹酸菜 好惹味😘不過面略嫌普通咗啲 應該唔係自己手打🙈💟香酥排骨麵 $73排骨超多 連骨炸 唔講以為食緊豬肋骨味道有啲似椒鹽同普通平時嘅排骨有層炸皮唔同超大性價比勁高 湯麵個湯底好清 唔會搶咗排骨嘅味💟香酥怪味雞 $60分量好多 同台式鹽酥雞整法差唔多但有個甜甜酸酸嘅汁好特別食落去亦都好開胃 好好味 推薦😁👍//🎀忠孝東路🎀尖沙咀彌敦道63號國際廣場3樓306號舖

今晚約咗個朋友去尖沙咀, 少有地早到 🤭 6:30已經嚟到喇, 時間尚早餐廳得幾枱有人客, 唔使等位😌朋友要遲少少先到, 我負責睇餐牌叫定嘢食先! 首先叫咗個滷肉飯, 啲炸菜都幾香口, 加埋溏心蛋 價錢唔算貴, 值得叫!一段時間冇去過台灣, 所以已經好耐冇食過蚵仔煎, 呢個味道唔錯, 啲蚵仔嘅size都唔失禮, 同台灣嘅比都合格有餘 怪味雞, 份量都幾多, 我同朋友每人食四件, 炸得幾香脆幾好食, 唔算太油 食物唔錯, 性價比高, 唯一缺點係服務麻麻, 晚市客人已經唔算多, 每次舉手叫侍應都要三催四請, 叫極都冇人嚟, 唔知因為侍應係新人還是有其他原因, 需要改善

忠孝東路大家都應該知道在台灣，在尖沙咀竟然有間店都用此為名。一睇個名就知食台灣野,所以就叫了2款台灣美食，牛肉麵和魯肉飯，一試就知餐廳水準。魯肉飯 有少少酸菜等的配搭 ，魯肉和配料混在一起之後,好香，不會乾。每粒肉粹都調味正好，絆飯就最好不過。更配有一半邊流心蛋，一口隻食到不同的味道。確是不錯。而且都幾大碗。另一個忠孝牛肉麵，麵身煮到軟硬適中，而是吸收左湯的味。湯底方面，牛肉味濃，而且飲落不會咸，亦不會覺得口乾。牛肉方面，更是不錯，一片一片肥瘦分明，而且煮的時間控制的很好，不會煮過老，反而相當滑。

啱啱去完台灣又心思思想食台灣菜，搵開飯見到喺I sqaure有間叫忠孝東路既台灣菜，個名咁台灣，梗係酚試試啦。黎到八點坐咗八成滿，一坐廐就即點菜，嘢食轉眼間就黎啦。忠孝魯肉飯：魯肉飯用半肥瘦豬肉，醬汁味濃，拌菜有餣菜、半隻溏心蛋，充滿台灣風味破布子炒A炒菜：破布子係一種果實，味道濃郁，用黎炒油麥菜味道適中大甲香芋雞：上菜時熱辣辣，芋頭粉嫩、雞肉鮮滑飲品方面：凍烏龍奶茶，真係飲到淡淡烏龍茶味；香芋奶茶，香芋味十足

🔹忠孝牛肉麵 💰73佢哋嘅牛肉麵小編真係好鍾意，每次去食都會唸起台灣超級正宗嘅牛肉麵。有三塊超級厚身嘅牛肉，食起身真係超級過癮唔係講經，燜到軟嫩同埋好入味。配上酸酸甜甜嘅酸菜，每次一食都停唔到口！🔹台式香酥炸蝦卷 💰50小編真係強烈要求你哋要嗌呢款，超級彈牙同埋煙韌，炸得啱啱好完全無過火，食落去仲有好濃郁嘅鹹香味，小編真係唔夠5分鐘已經啪晒。🔹芝麻豆漿牛乳沙冰 💰38豆漿同埋牛乳已經可以話無敵，加埋芝麻一齊落去blend，令到成個combination 昇華咗幾個grade，而且飲落去真係好正好舒服。

想念台灣的時候，宜吃頓台灣料理。餐廳內部貼滿台灣風的畫作，很自然地聯想到台灣。台灣美食，必點牛肉麵。牛肉軟稔，偏瘦有筋，適合不吃肥肉的瓶子。經典的牛肉麵一上桌，散發麻油味，香氣迫人。湯底香而不油，多呷幾口也不邪惡。麵條是幼身的，很完整有嚼勁。台灣料理，一定要吃三杯雞。以熱鍋呈上，熱騰騰香噴噴。不可不知，三杯雞中的三杯是指：一杯麻油，一杯甜酒，一杯甜酒。雞肉色澤誘人，表皮香脆，加入麻油甜酒甜酒及配料烹煮調製，集合咸甜香氣於一鍋，非常惹味。有熱炒與麵條，小食少不了。沒選台式炸物，看到櫻花蝦蛋角，頓時被吸引了。此乃非一般的煎蛋角，不放肉而用櫻花蝦，顏色鮮豔，厚度適中。

同男朋友行完街黎咗isquare食野，轉個彎就到咗忠孝東路 環境簡簡單單，夾埋街燈造型既枱燈好似黎咗台灣街頭小店！麻辣牛肉台灣菜都對牛肉有份執著就算咁厚既牛肉一樣好淋好軟熟！辣辣地對平時食開韓國野既我幾岩胃口男朋友冇食開辣，都覺得呢碟好惹味食咗唔少 忠孝蚵仔煎黎到最好味既蚵仔煎！台灣既蚵仔煎其中一個特點就會會整到表皮半透明又滑，咬落去煙煙韌韌，呢度完全做到哂呢幾點 #Yum #yum蚵仔水嫩大隻又冇沙，加個甜酸醬好開胃!忠孝牛肉麵最後黎到主食牛肉麵，一樣有好淋又軟熟既牛肉牛肉湯清清地帶少少辣，差唔多俾我飲哂!酸菜容易入口，唔會好酸好咸唯一美中不足係個麵淋咗d, 如果麵質硬番d 會更加好食簡簡單單一餐抵食舒服既台灣菜，就係呢度快樂既味道ˆVˆ

今日兩點鐘中環開會，咁早d出去食飯啦，去左isquare 三樓間忠孝東路，時間尚早，唔駛點等位就入得。三個人叫左三set不同午餐share 食，酸菜魚、四季豆同麻婆豆腐。每人附送小食一客，大家都揀左皮蛋豆腐，係細細件一口份量，味道不錯。另外餐飲叫左凍果茶，好飲。講返食物-麻婆豆腐比一般食店辣dd，好惹味，亦都好好送飯-酸菜魚都係辣嘅，魚肉好滑，同埋有好多「麻」，如果唔食得辣可能會受唔住，不過我就好啱胃口-四季豆就味道濃，好多肉碎，幾大碟總括好滿意，價錢又唔貴，如果近d公司就好了。

今日去左尖沙咀，遊客和商業地區，餐廳多不勝數，但卻有時候不知道吃什麼好。最後走到isquare, 看到這家餐廳的裝修廷不錯，走文青風格，而且有點想吃台灣菜便進店一試。價錢以尖沙咀的商場餐廳來說算便宜，午市套餐，人均只是$70~$80. 我和友人分別點了魯肉飯和酸辣湯海鮮麵。跟餐小吃選了皮蛋豆腐和柚子沙律。上菜的盤子很好看，魯肉飯還有半隻流心蛋，廷不錯，但醬汁不夠多，如果多一點汁就更好。酸辣湯海鮮麵的海鮮份量不少，而且有蠔吃，值得推介。

在iSquare經過名為忠孝東路的餐廳，以前每天都走在忠孝東路上，好奇進店試試餐廳的牆上和菜單都寫著《有一種味道叫快樂》食物的好味道真的可以為生活帶來快樂午市有數個套餐可以選擇，價位還算正常，仲附上一款小菜和飲品滷肉飯瘦肉偏多而且整體偏乾，跟正統台灣🇹🇼味有些差異，比較接近肉燥飯。吃起來味道不錯，份量也不少，配上一旁的酸菜跟溏心蛋更有解膩的效果香酥怪味雞配珍珠飯炸雞表皮金黃，吃起來比較接近唐揚。怪味雞味道很好，很下飯。套餐附贈的小菜好吃可惜份量非常少而飲品的水果茶很不錯也很解膩。整體而言，餐點算是有經改良的台式風味，餐廳環境也不錯，喜歡台灣菜的朋友可以來試試

早前同朋友去左isquare，見到有間台灣菜忠孝東路，就去左食晚餐，夜晚都好多人，幾熱鬧。我地叫左忠孝柯仔煎，香酥排骨蛋炒飯，麻油雞絲撈麵，桂桂茶。個柯仔煎都幾大份，d蠔仔唔腥，又幾厚粉。麻油雞絲撈麵好重麻油味，好多芝麻，又好爽口，不過唔算大份。我最中意香酥排骨蛋炒飯，好多排骨，啖啖肉。其實呢餐我食得好驚喜，因爲食物都好有台式風味，同埋都都算抵食，整體感覺良好。

好耐冇上黎isquare食野了，今晚黎返原來開左間台灣餐廳，價錢都幾大眾化，所以入黎試試。呢間「忠孝東路」走女文青💁🏼‍♀路線，少少粉色主題，店舖好光猛、坐位都幾闊落，一入到去既感覺幾舒服。第一次黎，都係要試返D經典台灣食品，所以叫了魯肉麵、魯肉飯同埋一個小食滷水鴨舌。先上了滷水鴨舌，滷水味幾香甜，同鴨舌🦆當然夾，適合唔食辣既朋友仔。份量還好啦，唔算話好多，但同價錢相比都合理。香蔥魯肉拌麵🍜真係好多蔥!!! 所以令到拌麵提味，好香! 而且麵質本身都好香好食，唯一有少少不足就係魯肉有D偏瘦，肥肉有D少。但本物個肉都幾香，高分合格。忠孝魯肉飯的魯肉同拌麵的係同一個底，但魯肉飯🍚仲有多D配料，加左隻流心蛋🥚更好食更香，個炸菜都好爽口好好食，我個人都就覺得魯肉飯性價比高D。買單唔駛200，都係一間快食好選擇。🥳

忠孝牛肉麵 8⃣💰73飲起身好甘醇豐厚的牛肉湯，真係令人忍唔住一啖接一啖。牛肉肉質好軟嫩，肥瘦睇相就知道幾適中。配搭係圓粗身嘅麵好索湯，加埋酸酸甜甜嘅酸菜，真係我愛台妹台妹愛我！-慢煮鹹水鴨片 7⃣ 💰58因為慢煮嘅原因鴨片特別嫩，每一片都食到鹹香同埋花椒香味。-忠孝滷肉飯 7⃣💰65佢哋嘅滷肉份量真心算幾多，配埋小小酸菜同埋乾蒜一齊食，雖然簡單但真係足以夠。-墨魚炸雞件 8⃣ 💰58小編真係覺得呢碟好有驚喜，本身墨魚我都預咗彈牙煙韌，點知加埋雞肉真係不得了。-芝麻珍珠奶茶 6⃣💰30芝麻奶茶真係好濃郁，但佢哋嘅珍珠如果彈牙多小小就正。-雜莓牛乳沙冰 8⃣💰38小編朋友真係成杯飲晒，幾種唔同嘅莓mix埋一齊，飲落去好fresh好酸甜。

今日路經尖沙咀，出面落雨濕濕，所以行入商場周圍行下，見到呢間忠孝東路，應該就係食台灣野，前排去完台灣，都好想食番台灣既野食。個餐牌寫住 - 悠閒時光 Leisure Time，可以係12款食物揀一樣，套餐可以配一杯野飲：有熱台式奶茶或咖啡、自家製荳漿（凍）或各式汽水比你選擇。我就選擇咗食台式麻薯窩夫配巧克力慕絲果仁，窩夫較厚身配埋雲呢拿雪糕球一齊食就好好味。飲品我就揀咗自家製荳漿（凍）甜度適中，唔會太甜，仲有淡淡豆香，都幾滑。