忠孝東路

樓上有IMAX 電影院，去看IMAX 前去食個快飯，台式餐點是很好的選擇，出餐快又穩定；晚餐有不同份量的套餐，女生記個基本款就夠了。麵可選幼麵、米粉或選肉燥飯吃。🍜花雕醉雞肉燥新竹米粉醉雞份量好多，差不多1/4隻雞，花雕浸透入味，雞肉嫩滑，充滿酒香。🍜香酥雞扒肉燥新竹米粉雞扒半煎炸，雞皮香脆，雞肉嫩滑；晚上食米粉也比較輕盈。…查看更多

交通方便：尖沙咀地鐵站上蓋食品味道：值得一讚 荔枝蝦球/黑松露龍蝦飯：龍蝦彈牙，黑松露炒飯就一般；因為比較濕 /鹽酥雞就一般，比較乾/花雕醉雞：正常（同其他餐廳食到嘅花雕醉雞分別不大）…查看更多

Linch time諗住試吓新餐廳, 入到去成間餐廳得2枱食緊嘅客, 但由落單到出餐都等咗半個鐘！超級慢！😵‍💫😵‍💫食物素質一般但唔平！其中一個男店員態度差！…查看更多

今天到這店吃下午茶，點餐後半小時都未到齊，只見一名類似大佬的人，指指點點員工執枱，落單，及催促顧客埋單，其間拿來飲品時粗聲粗氣問：珍珠奶茶邊個？好似吩咐其他員工做嘢一樣，當員工向我們解釋要截單及要先付款時，這個大佬單手按住張枱，用不太友善的眼神望住侍應及我們張枱，好似想問我哋俾唔俾錢咁嘅樣，唔怪得知間舖都唔算大，但係一半入座都冇，成40幾蚊杯珍珠茶，啲嘢都唔算平，咁嘅服務態度，想唔北上消費都幾難！…查看更多

今日一個人食飯點左個一人餐問有冇微辣鴨血寬麵雖然冇得嗌微辣侍應姐姐估我想食少啲主動提議我點其他餸幫我少飯，咁都俾佢估到我林咩食物好食食完以為個餐有糖水，叫侍應姐姐上埋糖水原來我個套餐唔包糖水侍應姐姐見我問糖水佢話送一碗紅豆仙草俾我試侍應姐姐好有禮貌我見佢對其他客人都係好有禮貌水吧哥哥見顧客走嘅時候會提醒拎齊嘢講拜拜真心覺得呢個服務態度值得多啲人光顧👍🏻…查看更多

最近我去咗忠孝東路，試咗佢哋嘅牛肉麵同雞肉燴麵，真係好正！🍜🍲呢度嘅麵食唔單止有濃郁嘅湯底，仲有超嫩嘅肉質，簡直係一碗暖心嘅美味🥰。💫牛肉麵 $88呢碗牛肉麵真係好有誠意，湯底用咗多種香料慢煮，味道醇厚，令人一啖接一啖不停食😋。牛肉煮得剛剛好，軟嫩又入味，搭配上彈牙的麵條，口感超級豐富！每一口都充滿滿足感，好似回到媽媽嘅廚房一樣🤤。💫雞肉燴麵 $78而呢碗雞肉麵湯底清甜可口，用咗自家熬製嘅雞骨湯，香氣四溢😌。雞肉煮得非常嫩滑，搭配上細緻的麵條，每一口都令人感到無比滿足！而且仲可以加多啲香菜同辣椒，更加提升味道👍。🎶🎶🎶Savor the rich flavors of both beef and chicken noodle soups at 忠孝東路, where every bowl is a comforting embrace. With tender meats and deeply satisfying broths, it's a must-try for any foodie in Hong Kong.…查看更多

睇完多啦A夢展覽，嗱嗱臨走去附近商場搵嘢食，好似用咗「隨意門」咁，找到了一間叫「忠孝東路」吃台灣菜的店：店子的裝修簡潔，帶點文青書卷味：坐低即刻點餐，隨套餐的「凍蜜桃茶」，冰涼解渴，味道自然少甜，不錯：另一杯「凍豆漿」，亦標榜少甜，這點我甚欣賞：「紅燒半筋半肉湯麵」$68一碗好吃的牛肉麵，湯底一定是靈魂所在，同吃日本拉麵如出一轍。通常台灣牛肉麵有分「紅燒」及「清燉」兩種湯底，各有捧場客。先嚐湯，不算很濃郁及有個性，勝在味精感不重，一般水準：牛筋有預其中的軟腍：牛肉是牛𦟌腱部位，軟腍不失咬口，則甚入味：我覺得它的直牛肉條其實做得不錯，相比一般使用的橫切牛𦟌，炆得腍要下功夫；亦因為是腱條位，每口肉質能做到鬆軟，也不容易：另一食友的「迷你肉鬆滷肉飯」$55輕食完呢一餐，又好似要用「隨意門」咁，趕下一場。…查看更多

將台灣餐廳夢幻滅嘅餐廳喺呢間餐廳嗌咗安格斯牛肉滷肉丼飯吃下去完全考驗緊我味蕾我以為食緊嘅乾炒牛河啲牛肉大廚一定是通過什麼特訓才可以把先可以將啲飯焦拎晒俾你完全侮辱咗個滷肉飯，見唔到滷肉汁喺邊成個反正係俾得三分之一我打過去投訴，原來係個問題落返落我度，話自己係正常份量避得3分之一人哋建議去食呢間餐廳三思而後行又劣食態度又差，我都唔明點解間餐廳仲未執笠完全唔知自己食緊啲咩，如果鍾意俾人虐待真係建議你去食　…查看更多

本身諗住去Starbucks飲杯嘢，但Starbucks超多人，一個位都冇，所以就行上去上面睇吓有乜嘢餐廳啦。呢間餐廳門口有個服務員同我打招呼，不過開頭我都冇入去嘅睇吓上面有咩餐廳先，最後都入咗呢間。叫咗個下午茶餐，地瓜薯條同炸雞，都幾好食。杯特飲草莓橙茶都幾好飲。作為一個偶然路過毫無期待，呢間餐廳感覺都幾良好，有機會再嚟。門口服務員係一個扎辮嘅男仔，作為一個打工嘅，喺香港今時今日嘅餐廳嚟講，我覺得係Over-performed ,如果呢間餐廳嘅老闆睇到，應該奬一獎勵佢，我坐喺度幾個字，佢見到門口有客都會問人哋入唔入嚟，好好禮貌，喺香港有今時今日，我覺得都有啲難得。…查看更多

在尖沙咀行完街雙腳👣很累，經過I square 唔知食咩好，想搵間餐廳🍴坐得舒舒服服，唔想同人迫，安安靜靜食餐飯，而且又要有冷氣。點咗個午市套餐牛肉湯麵🍜（微辣）+柚子沙律🥗，配上是日特飲🥤（凍柚子鳳梨🍍茶），呢度環境舒服，坐位闊落非常舒服😌，metime坐下休息一下是最好的選擇吧！牛肉麵🍜牛肉份量多，牛肉肉質軟諗，不會硬和乾柴，非常容易咬，我覺得無牙都食得😂，即係老人家🧓都啱食！口味還可🉑，餐廳🍴燈光、裝修、環境比起其他餐廳🍴優勝🈵！最緊要坐得舒服😌！小哥們服務也不錯👌🏻！…查看更多

因為過來這邊逛街，看到這一間餐廳裝潢不錯點了下午茶$65 蒜片雜菌意大利麵套餐餐廳把蒜片加入意大利粉一齊用大量水煮切菜的時候保留了蒜頭的尾部不切走成功煮到絲毫沒有蒜頭的香味、意大利麵的麥味所謂的雜菌也只是幾條沒有調味過的菇吃下去什麼味道也沒有， 難道我點錯了寵物食物？為什麼長着像意粉的東西可以完全沒有味道？大廚一定是通過什麼特訓才可以把食物煮得這樣食之無味老闆一定是前輩子做了什麼好事才能令到這碟如此難吃的麵，用$65都有人買單強烈推介這家餐廳給想挑戰味蕾極限的修行者、或是不能吃有任何添加調味料食物的狗狗另外， 點了一份鹽酥雞拼蕃薯條， 有些咸味，估計是給人吃的…查看更多

去嗰日是多啦A夢無人機匯演，所以晚市好多人。叫了個一$138的晚市一人套餐，忠孝魯肉飯用上瘦肉，配上爽爽口感又可解油膩的酸菜更開胃。另外再加了一個忠孝牛肉湯麵用上牛肉濃湯，要米粉，彈牙有咬口，質感不錯 ，牛肉不算腍，紋理脂肪比例都好均勻。半筋半肉的紅燒肉，炆煮入味，帶筋口感更好吃。 台灣黑橋香腸雖然是小食，但份量充足，切成片狀，肉質軟霖，軟彈口感，肉味香濃，食落都幾香口。 凍香芋珍珠奶茶比我預期出色，幾重芋頭味，很香濃，清新香甜。整體來講，菜式份量充足，味道較濃，地道正宗台式美食，價錢合理，值得一試。…查看更多

今日嚟I squire 睇戲，所以就順路喺度搵間餐廳諗住食啲嘢，之前經過呢間忠孝東路好似幾特別個名，但一直都未有機會試，所以今次就揀咗佢，入到去個樓面阿伯已經一啲笑容都冇，跟住叫咗一碗三寶牛肉新竹米粉，同一個安格斯牛肉滷肉飯，唔使1分鐘就上菜，首先嚟錯咗一碗三寶牛肉麵，同佢講比錯咗佢又即刻換，之後又唔使2分鐘，嚟返碗米粉，但個新竹米粉超硬，牛筋冇味，牛肉淡茂茂，所謂嘅安格斯牛肉，只不過係普通牛肉硬過橡筋，之後埋單企喺門口等個男朋友，見到原來佢有promotion食滿$100可以送鹽酥雞或者全單九折，我就行返入去同個樓面阿伯講，個鹽酥雞可唔可以打包，佢話已經打緊單，跟住我話咁係咪可以做返個九折，佢話打咗單冇得改，其實做個收銀嘅都知，要嗰張單有幾難，呢間餐廳真係無論食物質素定係服務真係非常差，下次真係請都唔會再去…查看更多

本人和女朋友5月19號晚上18:45分進入這間舖頭進食晚餐，入去之前我們見到餐牌寫住每人最低消費一杯嘢飲，所以當我們嗌嘢食之前都有問過阿伯嘅職員，可否嗌一個晚餐兩個人食，跟住佢話可以，當我哋嗌完一個晚餐冇再嗌其他嘢食，佢先同我哋講話每人最低消費一杯嘢飲咁我哋覺得好出奇點解一開始問你你話可以，跟住到食完之後出去埋單後尾才發覺原來喺iSquare睇戲消費滿$100，張單可以有九折優惠，跟住要求阿伯職員俾返九折優惠我們，但阿伯職員說不能夠取消賬單，佢係咪真係當我白癡？卡機碌咗卡有咩可能會void唔到張單？只係想做同唔想做啫，所以我以後唔會再去忠孝東路食嘢…查看更多

在尖沙咀看完展覽，走上國際廣埸吃頓下什茶，選了這間台式食店。星期六下午時段多人，在門口看了看也沒人招呼，我和朋友自行內進選了一張方桌坐下。餐牌已在桌上，下午茶有台式和西式的食物，我們就各選一式。侍應不足，要等一等才有空幫我們下單。幸好上菜速度正常。迷你滷水拼盤配珍珠飯，滷水三款是牛展、牛筋、糖心滷蛋。飯用碗上，三款滷水食物放飯面。賣相可以。牛展、牛筋都淋滑，容易咀嚼。說是三款滷水，但內裏也有滷肉碎，鹹鹹的肉粒伴飯吃也惹味。糖心蛋的蛋心軟軟滑滑，全部食材也入味。珍珠飯粒粒分明，口感佳。卡邦尼意大利麵，麵條掛滿了忌廉醬汁，混和麵內切小片的鹹火腿和一小撮的苜蓿菜，濃淡適中的汁液，吃起來也滋味。台式熱咖啡，咖啡味不太濃烈，味道正常不太甜。吃完兩份茶餐，意猶未盡，叫了份甜品。玫瑰綜合竽圓糖不甩。甜品用長碟盛載，一邊放了各式灑上白芝麻的竽圓圓子，另一邊是細碎的花生粒和白椰絲，白糖。竽圓細細粒，起起來有綠茶、香竽、玫瑰、南瓜等味道。粒粒綿滑軟糯，伴著花生碎同吃，口感獨特。…查看更多