忠孝東路

营业中

休息中

上次跟朋友逛街，在尖沙咀商場見到這家餐廳，令人回想起台灣。最近未能去旅行，連相隔一小時的飛機旅程也未能到，唯有先到台式餐廳止渴吧。餐牌有好幾頁，飲品款式選擇多。門口另有手調飲品外賣位置，可以買台式飲料。忠孝擔仔麵 小小一碗熱騰騰的麵條，麵裡面有隻大蝦及肉燥。湯頭是高湯底；肉末熬煮得入味、濃郁，加添麵底之鹹味。蔭豉蚵仔豆腐豆腐非常滑溜，以豆豉醬拌汁，那股豆豉香，絕對是下飯菜。蚵仔飽滿大粒，帶點海水鮮味，不過吃到有些碎殼。

今日去到尖沙咀一早處理好有頭上既野,趁住11點幾未到其他人放lunch既高峰時間就去附近揾下餐廳先.走入isquare內見到呢間叫忠孝東路既台灣野內外都裝修得好靚,係柔和既木系色調上加上少少鮮艷既橙色同藍色點䮕令空間感更大又感覺十分舒適.麻辣香蔥雞絲熱拌麵配香辣小黃瓜,用上木盤將主菜同前菜一併送上.雞絲堆滿起黎分量十分多,將雞絲同內裏青瓜絲連麵條拌匀後每啖都食到微帶鹹香既雞絲,爽彈麻香既麵條同清爽解辣既青瓜絲.以熱拌既方式令麵條更能夠吸收麻辣既味道,食落更惹味,越食越麻.雖然係熱拌但麵條唔會變糊,由頭食落尾都仍然保封彈牙.小黃瓜微辣帶鹽水青瓜味,青瓜多汁爽脆.厚燒櫻花蝦塔香蛋角,外層蛋角皮煎得夠薄脆又唔會煎得過火.係面上加左木魚絲調味加點鹹香味.蛋漿內裏加入左既肉碎,香葱同櫻花蝦無搶走蛋角本身既蛋香味,內裏既蛋角入口嫩香入口鬆軟質感綿香.巴樂蜂蜜烏龍茶加左巴樂令烏龍既果香更濃又帶陣陣巴樂獨有既香味,入口唔會過甜清新,十分解渴.

星期六lunch係iSquare搵食，見到個名好似ok,試下兩大一細坐低睇緊餐牌同時叫侍應俾幾杯水我地，個店長仲要問我地要幾多杯😒唔通要一杯三個人飲咩最後叫左個牛肉麵餐同鳳梨黑醋骨餐，店長態度已經麻麻地，係咪嫌我地叫得少？之後我叫飲品時有話少冰，點知黎左係成杯冰，有冇聽人講野...搞到我要飲晒杯水用個杯裝番住d冰😡😡牛肉麵d牛肉好乾，唔夠軟，唔入味黑醋骨就好碎濕濕最後埋單，收錢個個一粒聲都無出過，多謝都無句，真係"唔該晒"🤬下次俾錢都唔會再去

同朋友當一天文青，家下無得去台灣，唯有在本土搵啲台式餐廳，慰藉一下好想去台灣的心靈啦。今次來到交通方便的I square 一岀尖沙咀站就係，所以好喜歡來呢到。老友搵到呢到三樓有間忠孝東路，提供台式料理喔。餐廳環境光猛簡約，坐得好舒服。午餐有飯麵提供，仲包一碟小食同飲品。而且可以用半價轉飲多種台灣飲料，正呀。先來一客花雕醉雞配珍珠米，小食涼拌小黃瓜🥒，食物好精緻，雞都入味而且滑，珍珠米煙靭。另一客是台灣牛肉麵，我最愛的食品。牛肉入味，厚切有口感。麵質爽，湯底味濃淡適中，整體感覺良好。小吃配紅油抄手，微麻辣，皮薄，只有兩粒有點想再食飲料🥤是熱烏龍奶茶加13元，香滑僕稍多左奶。整體來說好食，而且坐左好耐，是傾計好地方。

來分享一下尖沙咀ISQUARE裡的台式餐廳，環境和食物質素都很不錯！餐牌有不少經典台灣美食和飲品選擇。小食：蚵仔煎（HKD 55）這家的粉漿調得剛好，口感不會太硬，較為軟Q。而且蚵仔很大顆，沒有腥味，配搭特別醬汁，好吃！主食：台式三杯雞（HKD 98）這是我最喜歡的台菜，三杯雞的醬汁香濃，非常下飯！雞肉又嫩滑，加上九層塔的香氣令味道更豐富。大推薦飲料：芭樂蜂蜜烏龍茶（HKD 28）外面好像比較少有芭樂汁飲品，所以就點來試試。想不到芭樂汁跟烏龍茶的清香與濃郁超級搭！又不會太甜呢

星期日的iSquare 好靜本身約了朋友到這間台灣餐廳，在iSquare 算是價錢中度，又有珍珠奶茶飲的唯一台式餐廳不過去到的時候見到門關了，然後看看他的餐牌，見到標示着星期日會休息一天唯有轉去其他餐廳食，其實上到嚟商場整整地已經有一種深有不妙的感覺

抵食台式午餐，午餐跟一款小食及飲品，性價比高😉而且唔使加一，真係算唔錯。餐牌都有好多唔同選擇，有麻油雞、牛肉麵、黑醋骨等等。麻油雞好似好吸引，不過最後叫咗花雕雞。➡️ 花雕醉雞$78雞嫩滑，花雕味夠香，面上仲有杞子，有補又好食😋小食揀咗木耳，夠爽口，辣辣地🌶 餐飲揀咗豆漿，豆味都幾濃郁🥛➡️ 牛肉麵$78湯底夠濃，有牛味，少少辣🌶 牛展幾林，麵質又彈牙，幾好食～小食叫咗紅油抄手，呢個都幾辣😛 餐飲叫咗水果茶🍹

去過台灣既人都一定識得忠孝東路，未有得去旅行唯有去台式餐廳回味一下台灣的味道⋯⋯😋忠孝魯肉飯碗中有滿滿既魯肉、炸蒜、酸菜同半隻溏心蛋，白飯用上煙韌既珍珠米，魯肉既脂肪比例少，但醃得入味，配合炸蒜同酸菜有多層口感👍🏾😋忠孝牛肉麵麵質爽身彈牙，半筋半肉既牛肉燜得非常軟稔及入味，做得出色，大約有4-5塊，份量適中，湯底有麻油香味，不過不失😋香酥炸雞台灣夜市必食之選，一上碟既香味已經令我唸起台灣食過既鹽酥雞，炸漿薄身且香脆，雞肉依然保留到少許肉汁，加上惹味既孜然粉，食到停唔到😍😋蚵仔煎整塊蚵仔煎都佈滿了大大粒既蚵仔，咬落煙韌有蛋香，加埋酸甜醬汁更開胃😉😋寶島珍珠奶茶珍珠煙韌偏細粒，奶茶甜度適中，不過不失環境整潔同寧靜，岩哂三五知己一齊黎懷緬下台灣既味道😌

大概呢間嘢都開咗幾耐，其實每次行過都覺得門面設計其實幾吸引，可惜是每次都是吃飽才經過。今次終於是記得在未吃飯前想起這間餐廳了。第一次來吃，星期六的晚上都沒有太多人，walk in 大把位。和友人都是簡單吃個晚餐，吃飽就好了，叫了個豆腐再加個白飯，蠔仔就非常少，清清地係唔錯，是我想吃飯才點這個吧，看來我下次是想吃個牛肉麵吧友人叫咗個炒飯，剛炒起都不錯，但就份量不算多，佢話唔係太飽。最後點咗個珍珠奶茶，不過不失喇，普通咁，奶味唔算重，還好珍珠不是甜到漏果種。

今日早左收工去尖沙咀行到累，想去iSquare睇吓有乜好食，見到朋友最近成日post台灣食物，見到「忠孝東路」個餐廳名有幾特別，俾佢入邊牆上寫住嗰幾隻字吸引左入去，寫住《有一種味道 叫快樂》，呢個時勢真係好需要快樂，就入咗去😬餐牌上面好多嘢食，但係我只係得一個人又唔想浪費，最後叫咗一個滷水拼盤，一次過滿足我幾個願望，第一次見啲滷水拼盤咁多牛筋，我最鍾意食牛筋，可以補一補啲骨膠原仲有台式色鴨舌又有唐心蛋，啱晒我心意🥰另外叫左清酒海鮮湯麵，裏面又有糖心蛋，仲有好多隻蜆，啲蜆同蝦仲要好爽，煮嘅時間剛剛好（因為有時出去食嘢會着到好老）個海鮮湯好入味，最可惜係我得一個人嚟叫唔到嘢食，今日終於食到台式野，一餐飯食咗兩隻糖心蛋🙉好好味，但好飽，大滿足😋以下5分為滿分😋好味程度: 😋😋😋😋 💞回頭度: 💕💕💕 💕 📝服務: 📝📝📝📝 🌉環境: 🌉🌉🌉🌉#忠孝東路#台式菜#糖心蛋

因為正值肺炎肆虐，一入去間餐廳人都唔多個，但我地入去個時侍應完全當我地冇到（可能侍應對眼有少少問題）...野食方面，我地嗌咗牛肉麵同排骨炒飯，味道過鹹，但勝在份量充足。重點黎喇，食完飯要杯水都好正常啫，就算係茶餐廳，或者澳牛，你問侍應，佢點都會比你架啦。但其中一位中年男店員，叫咗兩次，次次都話轉頭、忙緊，明明就係度行黎行去，我地一齊望住佢，諗住提下佢啱啱我地叫咗杯水，佢竟然對我地大聲吆喝：「咩呀！」我地話，想要杯水，跟住佢走遠再繼續大喝：「我唔係淨係服侍你一個呀」呢下真係火都嚟，第一，你有比過啲咩服務我？只係好簡單問你攞杯水，十分鐘都未比到？第二，我地有幾不善「激嬲」你，令你咁惡鬧食客？我真係啞口無言。你話平時鋪頭多人，做唔切搞到心情差，我都可以理解呀...真心講句，撇除野食唔講，咁嘅價錢，啲態度可以差過茶記，就睇你仲做到幾耐。

來到忠孝東路午餐，叫了兩個午市套餐。1) 香濃麻油雞配珍珠飯＋紅油炒手 ＋冷泡生果茶香濃麻油雞配珍珠飯：份量頗多，不過其實沒有很濃的麻油味。雞肉沒有雪味，但亦都沒有鮮味，不過不失。紅油炒手十分辣，如果不能吃辣的朋友就不要點。餡料不是很多。冷泡茶有藥水味，完全沒有冷泡風味。2) 鳳梨黑醋骨配珍珠飯＋柚子沙律＋台式奶茶鳳梨黑醋骨配珍珠飯：波蘿用上新鮮波羅，值得一讚。黑醋骨其實沒有黑醋味，比較似甜酸骨。用上排骨而不是豬柳切粒，有咬口，份量亦很足夠。柚子沙律味道清新，可以一試，不過份量太小。台式奶茶和珍珠奶茶的味道一樣，只是沒有珍珠而己。總括而言，忠考東路的食物水準不過不失，以尖沙咀地區來說，價錢亦算合理，可以一試。

一家人食飯，係尖沙咀唔知食咩好醒起好耐之前去isquare睇戲果陣有間新開既台灣菜一入門口就見到有一種味道叫快樂既掛牆燈飾呢一句深深印在腦海中4個人所以叫左個2人餐加2個餸同2埋1個麵其實2人餐都唔少野食如果好細食既話其實分分鐘夠4人食添先上頭盤 花雕鮑魚 同 怪味雞食落口有花雕味有但唔會搶過鮑魚既鮮味怪味雞類似於鹽酥雞淋係上面既醬酸酸甜甜特別開胃滷水拼盤叫果陣冇特別睇餐牌諗住食台灣野點都要叫番個滷水黎到之後先有d後悔因為有人唔食牛但拼盤有牛腱同牛筋除左雙牛之外還有蛋，豆腐，鴨舌比起其他台灣餐廳既拼盤可以話係與眾不同滷得入味但唔會過咸份量好大份海蝦柚子蘋果醋伴沙律海蝦大隻鮮甜柚子清新但唔係好食到蘋果醋反以伴碟既千島醬仲好食二人餐的永和鮮蚵豆腐清甜，但蚵仔有點腥清酒海鮮湯麵另外點的海鮮好多4人食每人都分到一大碗但麻麻地用清酒黎煮面唔算難食但唔習慣鳳梨黑醋排骨超好食，強烈推薦酸甜適中，肉多骨少每舊都充分吸收果醬汁食完一舊陣一舊停唔到口好快就清左二人餐既海蝦炒飯海蝦炸得剛好份量終於似番2人份量跟餐既萬巒豬手炆得好腍但個人認為咸左d加上前面其實都食左好多野飽飽地 會有d膩櫻花蝦爆炒包心菜最後先

iSquare 的 忠孝東路 通常都是我要在這邊等人 的選擇! 座位算是舒適, 飲品通常都會選擇他的招牌水果茶, 可少甜及走冰, 算是一個不錯的選擇! 之前也吃過他的炸花枝丸其實味道很好的!但是想說一下, 其實說有最低消費是有點理所當然的事， 不用一副晚娘的臉般的語氣 告知我們這個 規矩! 50元一位也不算是一個高消費的額度， 以一副你大概也花不起的樣子及口氣對客真的好嗎?!

多種選擇忠孝牛肉湯麵 $64迷你鹵水拼盤配珍珠飯 $68台式奶茶 $0酥炸花枝丸 $34香酥炸蝦卷 $38烏魚子奶油海鮮蝦意大利麵 $78玫瑰丸子芋圓糖不甩 $45厚燒櫻花蝦塔香蛋角 $44下午茶餐 每一個包括 台式飲品現在不需加一