憶食尚臘味煲仔飯

营业中

休息中

佐敦同九龍站之間渡船角｜有一段因70年代【街影法】而建既樓梯狀建築物｜50年樓齡 更藏有經典餐廳#憶食尚臘味煲仔飯.💡 正常簡單午餐｜ 一飯兩餸 剛剛好.🔺廣式臘味煲仔飯｜Claypot Rice with Traditional Chinese Sausage & Cured Meat.▫️ 五常大米 ｜Wuchang Rcie▫️ 港式茅臺鮮肉臘腸｜Canton Style Sausage▫️ 土豬鮮肉秘制臘味｜Cured Meat▫️ 南安板鴨｜Nan’an Salted Duck臘味煲仔飯 其實只有 4️⃣種材料｜但製法卻獨特大中華.煲仔飯 飯才是靈魂｜層次要豐富 🔺上中下三層上層吸收 🤩 臘腸 臘味 板鴨 米粒與油香混合 精瑩剔透中層 特顯五常大米稻香｜口感糯香軟熟底層 飯焦酥脆 醬油與蔥花混合更是一絕.三肥七瘦特製臘腸｜口感紮實 帶豬油香秘制土豬肉臘味｜切口整齊排列 肉油分明板鴨雖小件｜但口感柔韌帶香 .🔺甜蜜咕噜肉｜Sweet and Sour Pork餐牌標誌 ⚠️三次不同油溫的調控｜達到肉粒外脆內嫩💡 三溫是指1️⃣ 先將肉粒炸到外脆2️⃣ 酸甜漿加溫｜迅速加上香脆肉粒3️⃣ 菠蘿▶️三色椒▶️洋

夏天食煲仔飯無難度，上次食完有時都會記起柯士甸站一出有間高質有情調的廣東菜，主打食煲仔飯，今晚我倆就去食臘味煲仔飯！人均：$255.川味臘味煲仔飯臘味自家製有質素。上次食過廣式，今次就食川味，有川味臘腸，少少辣好滋味，還有臘肉，臘鴨，白飯吸滿臘味的油香，更有飯焦，十分香口。.辣子雞丁超香辣，愈食愈想食，還有炸香的花生，我們清盤，連花生都慢慢挑出來食，因為好好味。.瑶柱蝦米雜菜煲即刻有個雜菜中和味道，平衡一下，有娃娃菜，菜心，西蘭花，小棠菜，蝦米，瑤柱蒜片，紅蘿蔔片。

講到香港特色煲仔飯，就梗係諗起位於佐敦文匯街嘅憶食尚臘味煲仔飯啦，唔好睇佢個位置喺文英樓附近，門面已經好有霸氣，入到去之後裝修更加係優雅高貴，食物亦都係絕對高質！川味臘味煲仔飯呢個真係必點嘅特色菜，辣辣地嘅煲仔飯加埋臘味嘅香味真係好出色，入面有齊黑豬川腸麻辣辛香，米飯清甜可口，一粒一粒咁樣好夠香味！家鄉炆麻鴨飯一上枱已經聞到好香，鴨肉完全唔會鞋，啖啖肉，好夠味，啲汁用嚟撈飯一流！煲入邊嘅薯仔都整到腍晒，入口即溶，嘴裏留下鴨嘅香味，正！瑤柱上湯田園時蔬唔好睇佢係一味簡單嘅餸，都好入味，菜心好新鮮，加埋其他兩個餸都係龍尾，咁樣一食覺得好配！

作為一個飯焦狂熱者🍚🔥，呢間《憶食尚》嘅廣式臘味煲仔飯真係要大大力推薦！👨🏻‍🍳 上枱一刻就聞到陣陣香氣～店員即場加入芫荽、葱花、豉油🌿🌟，香味一秒爆發！🥓 臘味三重奏：•臘腸：偏瘦但帶啲肥肉，酒香撲鼻，口感實淨有咬頭•臘肉：鹹香濃郁，油潤唔膩•鴨肉：有嚼勁，鹹淡適中，咬落真材實料！🍚 飯底完美吸收臘味油香，焦香位脆得好過癮，每啖都食到鹹香交織～再配上葱花芫荽一齊送入口，真係勁有層次！🧧 食完仲忍唔住加購咗盒醬香臘腸外賣，回家都要再續臘味緣🥹❤️

上網睇到介紹呢間憶食尚辣味煲仔，一於嚟試吓先。餐廳環境舒適，仲有兩層咁大，可以預約包箱，啱晒一大班朋友聚餐。今日試左皇牌煲仔飯，味道認真唔錯廣式臘味煲仔飯推介呢款廣式臘味煲仔飯，一上枱香噴噴嘅煲仔飯，米飯粒粒分明，底部微微飯焦脆香，臘腸爽脆，送飯一流茄子炆排骨骨配白飯炆排骨肉質幼嫩入味，配上茄子，好味道薑汁炒芥蘭薑汁炒芥蘭上枱香噴噴，鑊氣十足，芥蘭口感爽脆整體來說，環境舒適，食物水準唔錯，值得一試

很久已經冇食過煲仔飯，佐敦文匯街最近開左間叫憶食尚臘味煲仔飯，門面裝修唔錯，走高檔中菜廳路線，就入去試試，坐位舒適，適合家庭團聚食飯 👉甜蜜咕嚕肉，外層炸得香脆，肉裡又沐身，醬汁調味唔錯 👉四季豆幹炒雞髀菇，四季豆新鮮，炒得爽脆，火喉十足 👉重頭戲廣式臘味煲仔飯，內有臘鴨、臘肉同臘腸，賣相一流，臘鴨唔會好硬，臘腸是自家制，真係同其他不同，特別好味，白飯吸收了所有精華，冇得頂👍🏻👍🏻👍🏻食到一半，店員細心還幫我起埋D飯焦，方便食用，抵讚

今日去左行佐敦發現咗間超好食既煲仔飯餐廳👍🏼餐廳闊落舒服🍴而且對臘味相當講究😋係舒服環境享受香港最好食之一嘅煲仔飯-🍲廣式臘味煲仔飯即叫即整👍🏼熱辣辣嘅煲仔飯上面鋪滿咗港式臘腸臘肉同埋板鴨 非常足料😋特別係臘腸非常出色🤤結實爽口味香而且散發出陣陣嘅茅台酒香🍶最後食埋酥脆又吸收左臘味香味嘅飯焦 好滿足-🦐小炒王鮮嫩嘅韭菜花加上大大粒嘅蝦乾🦐仲有彈牙魷魚鬚同埋腰果🦑材料豐富鑊氣十足而且惹味😋-🍆茄子炆排骨排骨肉質鮮嫩🤤同茄子一齊炆煮吸收咗醬汁嘅味道👍🏼茄子亦都炆得好軟腍🍆最啱就係送埋白飯一齊食

文匯街呢間「憶食尚」絕對係驚喜之選!招牌廣式臘味飯一上枱就香氣撲鼻，臘腸油潤甘香，飯粒吸晒臘味精華，最正係底部金黃脆口嘅飯焦，刮到一乾二淨先滿足😙黑松露雞煲係新派驚喜，雞肉嫩滑得嚟帶濃郁黑松露香，簡直係邪惡組合。薑汁炒芥蘭鑊氣十足，薑味濃郁又唔會太辣，爽脆得嚟仲好嫩口～ 小店環境優雅氣氛恬靜，好岩帶埋屋企人黎食。師傅火候控制一流，每個煲仔飯都做到外脆內軟。兩個人食完暖笠笠，人均$250左右，性價比高👍🏻

在繁華的佐敦街頭，「憶食尚」就像一片藏在城市角落的味覺時光機，讓人一口咬下就回到老香港的地道滋味。 港式臘味煲仔飯一上桌就香氣四溢，臘腸潤腸鹹香撲鼻，店員喺我地面前淋上特製豉油，每一口都是老香港的味道！最後的飯焦更是令人回味無窮。甜蜜咕嚕肉外酥內嫩，酸酸甜甜帶點水果清香，簡直係童年回憶的味道！醬汁仲係有拉絲效果。娃娃菜清炒得好有水準，清爽解膩，完美 balance 全餐的濃味。環境唔算大，但好 cozy，店員仲超好傾整體超滿意，會再回訪！

最近睇飲食節目介紹過煲仔飯，今日就去試吓。餐廳環境乾淨企理，坐得舒適。🔸廣式臘味煲仔飯上枱時，店員加入芫荽、葱花和豉油。臘肉鹹香味濃，臘腸瘦得黎有少許肥肉，口感較硬帶酒香，鴨肉肉質有嚼勁，味道鹹淡適中，油分豐富。米飯吸咗臘味的油分，飯焦脆口，配上芫荽、葱花和豉油很美味。🔸家鄉炆麻鴨飯鴨肉質地嫩滑，除咗麻辣油很香外，仲有啲辣味。薯仔粉嫰可口，鴨肉和薯仔都超入味。食咗煲仔飯已經食唔落白飯，如果唔係，一定會叫多碗白飯送鴨肉。🔸娃娃菜娃娃菜的湯係雞湯，配上瑤柱、蝦米、蒜片，味道鹹香，娃娃菜腍甜。

佐敦街坊廣為人識嘅廣式煲仔飯，喺佐敦站或者柯士甸站旁邊，高鐵站都喺附近。餐廳環境舒服，服務又貼心，除咗煲仔飯仲有多款港式午餐，份量夠晒大，價錢仲好抵食！ .🌟廣式臘味煲仔飯 煲仔飯即叫即煮，一上枱就香噴噴，伙記會幫手加蔥花同豉油，可以自己撈多撈少。臘腸油香夠晒正，臘肉鹹香有咬口，板鴨煙燻味好出，飯粒分明仲索晒臘味油，真係好好食！伙記仲會幫你刮埋飯焦，金黃脆卜卜仲有豉油香！ .🌟沙嗲牛肉配白飯 沙嗲醬夠晒濃郁，牛肉又嫩又易咬，醬汁杰度啱啱好，掛滿每塊肉。白飯粒粒分明，索晒啲沙嗲汁，食落鹹香帶甜，味道好有層次！經典配搭，食完成個人都好滿足！

多久沒吃過一鍋熱騰騰的煲仔飯 😍 是時候來一趟經典港味！餐廳裝修精緻，座位舒適，每桌私隱度極高！挺適合情侶和宴客♡❤️ 廣式臘味煲仔飯 $178 一開鍋，臘腸臘肉的濃香爆發，混著鍋巴的焦香，人會瞬間變很餓 😂🍚 米飯粒粒分明，吸滿臘味的鹹香，侍應哥哥會親切地幫忙攪拌，聽著飯焦脆響太過癮，我要自己來！😆鍋底飯極焦脆，咬著喀喀響！這香氣同口感，值回票價 😋 ❤️ 姜蔥爆雞煲 $148 雞肉嫩滑多汁，姜蔥爆炒過加上酒香，非常香！是很惹味的雞煲🐔 ⭐ 瑤柱蝦米雜菜煲 $118健康又美味！瑤柱的鮮甜同蝦米的鹹香，海味的精華都在湯裡！🌊 西蘭花等雜菜都很入味，想食得健康又滿足，這款菜真心不錯！

行完山勁肚餓，咁岩黎開佐敦呢邊見到有煲仔飯～即衝入去醫飽個肚仔先😍😍呢間餐廳環境好瑰麗，好岩同屋企人一齊黎用餐，我地揀左個臘味煲仔飯，雖然依家好熱，但都毫不減少對煲仔飯的熱情😌一開煲蓋係勁香的臘味油香味，加埋煲仔豉油同香蔥蒜，簡直將成煲飯美味程度昇華到極致🤤🤤而小菜都好夠火喉，真係好正💕下次要帶埋屋企人黎試下先得😋😋🔆🔆🔆🔆🔆🔆廣式臘味煲仔飯四季豆干煸雞脾菇椒鹽一口骨🔆🔆🔆🔆🔆🔆

今日我去咗佐敦食煲仔飯，呢間餐廳環境高級，真係好舒服！😍 我哋叫咗港式臘味煲仔飯，上面有多種臘味，香氣撲鼻，每一口都係滿滿嘅幸福感！🍖✨再來係上湯娃娃菜，湯底清甜，娃娃菜鮮嫩，搭配埋一齊食，真係好開胃！🥬🍲 而辣子雞丁就更係一絕，雞肉嫩滑，辣味適中，令人忍唔住想再食多一口！🌶️🐔整體而言，呢間煲仔飯餐廳真係值得推薦，食物質素高，服務亦非常好，讓我有一個愉快嘅用餐體驗！期待下次再來試其他美味！🎉❤️地址： 憶食尚臘味煲仔飯 (佐敦)佐敦文匯街22-24號地下2-4號舖

憶食尚第一次去食煲仔飯有咁舒適環境, 多人可預約包箱, 就算唔多都會有屏風隔開, 私隱度高, 服務員亦有禮好服務茶介每位$15, 選左菊花好清香解膩廣式臘味煲仔飯signature 煲仔飯, 店員會幫手現場放上莞茜葱, 倒入頭抽撈起同剷起飯焦.飯上係整齊排列板鴨、臘腸、臘肉好足料, 飯粒粒分明, 油潤而帶臘肉香, 臘腸油香, 臘肉薄切三分瘦七分肥. 煲邊有一層香脆飯焦, 增加卜卜脆口感四季豆乾煸雞脾菇四季豆落左辣椒乾、雞脾菇、薑條炒香, 味道醬香濃郁幾惹味甜蜜咕嚕肉酸甜汁調味剛好, 掛滿每件仲配埋三色椒、洋蔥同菠蘿憶食尚臘味煲仔飯佐敦文匯街22-24號地下2-4號舖