憶食尚臘味煲仔飯

营业中

休息中

天氣凍凍地心思思想要食臘味煲仔飯，專登同老公去佐敦呢間煲仔飯店食好嘢。聽講呢間煲仔飯用料上乘，用極上臘味，臘鴨仲係極品南安板鴨，米都好講究，用上黑土種植五常大米。廣式臘味煲仔飯 $177煲仔飯一上枱香噴噴，店問我哋喜好想先食飯後食飯焦定係一齊食，幫手落豉油同埋蔥花撈勻。我就鍾意一齊食，口感豐富啲，每一啖都有飯粒同埋脆脆飯焦，加上臘味油香，每一啖飯都好甘香，而且足滿飯香焦香。臘味好豐富，有臘腸、臘鴨同埋臘肉。原來呢度嘅臘味用上茅台酒醃製，唔怪得知咁好食。黑松露雞煲 $167呢個雞煲好惹味，雞件充滿鑊氣，肉質嫩嫩，入晒味，充滿青紅黃椒同埋洋蔥爆香嘅香氣，最緊要係有濃濃嘅黑松露醬香，味道豐富。瑤柱蝦米雜菜煲 $117食完啲濃味嘢食呢煲菜清清地好舒服。呢煲菜清得來都有味，上湯加上瑤柱蒜片襯托菜嘅清甜，好食。

🍽 憶食尚臘味煲仔飯📍佐敦文匯街22-24號地下2-4號舖地理位置超級方便，啱啱過完關，喺🚄西九高鐵站行過來10分鐘都唔使，高級裝修✨，好適合傾生意或者屋企人聚餐👍🏻，二樓好似高級西餐廳咁，原來食煲仔飯都可以咁嘆😌瑤柱蝦米雜菜煲🥬暖粒粒雜菜煲，材料好新鮮，一上枱已經聞到好香嗰陣瑤柱味😍菜類多，而且唔苦澀黑松露雞煲🐥呢個真係驚喜之選，黑松露份量勁足，一開蓋仲聽到滾油聲😯雞肉同黑松露基本上完美配搭，連本身唔中意食黑松露嘅屋企人都食到停唔到💕雞肉又彈牙脆皮，食完之後更加期待招牌煲仔飯究竟有幾正😝廣式臘味煲仔飯上餸嘅哥哥真係好nice🙊幫手開蓋同撈勻起焦，可以選擇一次過起埋或者食完大部分先起，仲問我地想唔想拍片📷✨教我哋拍邊幾個shot🤣講返嘢食，高質煲仔飯真係名不虛傳，幾款臘味都好肥美，每啖落去啲油脂慢慢滲出來，夾埋脆焦飯😋口感絕對夠爽呢餐真係好食到食完返唔到轉頭🤤下次食煲仔飯我一定再揀呢度

天氣開始轉涼，又係食煲仔飯的最佳時刻，這裡裝修很雅緻，環境闊落，望著柔和湖水綠的裝修及藍色的枱布，令人心情特別愉快。我們點了一個這裡的招牌菜~廣式臘味煲仔飯，份量很大，足夠二人食，有鮮肉臘腸、南安板鴨和廣式臘肉，材料全部都是自家工場製作，絕不加防腐劑及化學物，食得安心，臘腸肥瘦均勻，入口甘香，南安板鴨肉質緊實，鹹鹹香香，超美味，臘肉薄切 ，肥瘦相間，脆口而不覺肥膩，飯係用優質的五常米，粒粒分明，吸收了臘味的油香，再淋上特製的頭抽，別有一番風味，另一個煲仔飯的靈魂~飯焦，脆卜卜，咬下去時發出悅耳的聲音，滿足了味蕾，實在美味了！黄金蝦色澤金黃，表面沾滿香濃鹹蛋黃~~金沙，蝦肉爽口彈牙，非常惹味。芥菜排骨黃豆湯，排骨經過熬煮後，肉質嫩滑，芥菜也吸收了肉的香味，非常淋甜，黃豆則增添了湯的清香，是一道經典又營養豐富的菜式。整體來說，店內環境寬敞整潔，坐得舒適，員工服務有禮，值得再次回訪，再試吓其他食物。#憶食尚 #煲仔飯 #香港美食 #佐敦美食 #佐敦煲仔飯 #米芝蓮食家 #香港美食指南 #bojarfan #Claypot #ClaypotRice #selfcooking

佐敦我地成日都係渡船街果頭行釣具店，果度被戲稱「死亡灣角」，真係留低唔少腳毛，一班釣魚佬行完釣具店梗係係附近搵餐廳坐下再繼續吹釣魚經，今次係附近搵到間食煲仔飯嘅，天氣凍凍地就梗係食呢啲，正所謂秋風起就要食臘味🤭芥菜排骨煲🥬🍲中秋過黎芥菜當造，不時不食，呢個時候最岩食芥菜，而且芥菜有抗癌護眼功效，咁有益要食多兩箸🤭佢地嘅芥菜湯胡椒味都幾重，原來加咗好多拍碎嘅新鮮胡椒，唔係落胡椒粉就算，冬天岩晒！驅寒又好味😋👍🏻👍🏻黃金蝦🦐黎到浸咸蛋黃味勁勁勁香🤩而且份量唔少，蝦球唔係孤孤寒寒細細隻，仲好鬼彈牙🤤最欣賞嘅係炸粉夠薄之餘裏咸蛋黃做得好好，唔會整淋晒個脆皮，大推🙌🏻🙌🏻廣式臘味煲仔飯🍲我地叫咗個二人份，臘味有三款，臘味鐵腳：臘腸、南安板鴨同用茅臺酒秘製嘅土豬鮮肉，臘味份量都唔少，個煲上到枱仲炸炸聲，好有feel🤭啲飯索滿臘味香味，加埋豉油簡直係人間極品🤤食到咁上下店員仲幫我哋起埋啲飯焦，脆卜卜係煲仔飯嘅靈魂所在🤤🤑 人均消費：～$280🤩 推薦指數：8 / 10📍 餐廳資料：憶食尚臘味煲仔飯 (佐敦)佐敦文匯街22-24號地下2-4號舖☆.。.:*・°☆.。.:*・°☆.。.:*・°☆.。.:

天氣一涼涼地，除咗想打邊爐之外，最想食就係煲仔飯啦🤩真係對憶食尚嘅臘味煲仔飯念念不忘呀💖廣式臘味煲仔飯煲仔飯入面嘅三款臘味都超高質😚臘腸三分肥七分瘦，一咬開有肉汁😛臘肉肥而不膩，唔會癡牙😜臘鴨夠咸香又唔會好乾身🤗米飯粒粒分明，加埋蔥花同豉油食真係超正🫶最後呢飯蕉都唔可以錯過😋甜蜜咕嚕肉咕嚕肉外脆肉嫩，咕嚕醬汁仲識拔絲😍配菜仲有好多菠蘿🍍三色椒🫑紫洋蔥🧅瑶柱蝦米雜菜煲除咗瑶柱同蝦米之外仲有多蒜片😇雜菜分別有西蘭花、津白同菜心💚

秋風起又想食啲暖笠笠嘢同屋企人揀咗位於佐敦嘅憶食尚臘味煲仔飯 主打煲仔飯嘅菜館裝修反而偏西式 枱與枱之間有屏風隔住 私隱度相當高~🔸廣式臘味煲仔飯煲仔飯係呢間餐廳嘅招牌菜份量足夠2-3人享用熱辣辣嘅煲仔鋪滿鮮肉臘腸/南安板鴨/廣式臘肉臘腸一咬就油脂四射 肥瘦比例3:7 臘肉薄切 肥瘦相間 油而不膩 米飯乾身且粒粒分明 飯焦焦香脆卜卜!🔹鮮醃倉魚用鹽醃製倉魚做法傳統咸香味較重 同時可以食到倉魚嘅鮮味魚肉鮮嫩 配飯食一流~🔸姜汁炒芥蘭用最爽口嘅芥蘭莖切成薄片配上鮮磨嘅姜汁姜粒 平時少食芥蘭嘅我覺得好驚喜🚩憶食尚臘味煲仔飯 佐敦文匯街22-24號地下2-4號舖

當我見到這間煲仔飯專門店，真係驚訝佢的裝修好雅致，食物又睇落好豐富，今晚就約埋朋友一齊試下。呢間店係香港傳統老字號，專攻廣式煲仔飯、臘味同小菜。雖然係老字號，但裝潢一點都唔舊，牆上掛滿咗壁畫，充滿特色又新穎，所有裝飾都好新淨。而且座位寬敞，環境真係好舒服。菜單🥢- 港式臘味煲仔飯 $177- 黑松露雞煲 $167- 上湯小棠菜 $87- 洋甘菊茶 $30港式臘味煲仔飯⭐️⭐️⭐️⭐️⭐️呢個招牌煲仔飯配有臘肉、臘腸同臘鴨，真係好正！飯吸收咗臘味嘅精華，配合蔥花同豉油，粒粒分明，仲有鍋巴，口感唔單調。臘肉半肥瘦，醃製得啱啱好，臘香滲入飯中，攪拌後鍋巴香脆，米飯鬆軟，兩種口感交替，真係唔會悶！臘腸同飯一齊食，仲可以感受到酒味，越嚼越香，實在太好味！黑松露雞煲⭐️⭐️⭐️⭐️⭐️一見到個名就心動，貴氣得來又好味！雞煲上面滿滿黑松露，色香味俱全，拌勻後黑色粒粒包裹著雞件，食起來真係享受！上湯小棠菜⭐️⭐️⭐️⭐️呢道菜用咗高湯底，配大量蒜頭，令到時蔬吸收晒湯底嘅精華，食到蝦米同乾瑤柱嘅鮮味都好濃。菜心吸收咗上湯滋味，特別香甜，而且瑤柱份量真係足料，絕對值得一試！

秋風起必食煲仔飯，揀老字號就一定有保證！ 今日就來到憶食尚食佢最出名既臘味煲仔飯，2人份 既煲仔飯好大煲好足料，大概每人食到碗半飯，一打開蓋就聞到臘鴨和臘肉的鹹香，米飯吸收了臘味的香味，飯粒粒分明，口感軟硬適中， 好正🙌小菜菠蘿咕嚕肉 和芥菜排骨煲菠蘿咕嚕肉酸甜適中，菠蘿搭配酥脆的炸肉，口感層次豐富，送飯一流芥菜排骨煲，湯有胡椒味，好鮮十分入味，排骨肉質鮮嫩，以為芥菜會有苦澀味，但又無，每一口都充滿了暖意，特別適合秋冬的天氣飲！

環境雅致嘅餐廳，煲仔飯真係好有驚喜！呢度嘅氛圍同一般大排檔完全唔同，感覺相當高級，連茶水都有菊花等選擇，令人感受到一種更高尚嘅用餐體驗。臘腸臘味煲仔飯呢道係餐廳嘅招牌菜，煲仔飯粒粒分明，煙韌有嚼口，臘腸同臘肉嘅咸香令你食多幾碗飯。最特別嘅係，職員會幫你潷飯焦，服務真係好周到！同傳統大排檔唔同，佢哋唔會將豉油倒喺飯蓋上，無暖熱豉油，就不夠風味。咕嚕肉咕嚕肉嘅份量非常大，排骨炸到香脆可口，每一口都充滿肉香，仲有好多配菜添！食落去真係好滿足。胡椒芥菜胡椒芥菜味道香甜，食得出新鮮感，雖然芥菜好味，但排骨就有啲老，呢個係唯一嘅小遺憾。

憶食尚臘味煲仔飯文匯街22-24號地下2-4號舖朋友提議來到近柯士甸這家出名臘味煲仔飯的餐廳共進晚餐。👭🍽️🥢🏠 餐廳環境 🏠餐廳裝修十分新穎，以湖水綠為主色調，坐位寬敞舒適。餐桌之間設有屏風，私隱度相當高，讓人可以放鬆地享受美食。😍🥤 茶品選擇🥤茶品選擇豐富，包括普洱、鐵觀音、菊花茶和玄米茶。🫖☕️🍛 食物 🍛1. 廣式臘味煲仔飯｜$177煲仔飯上舖滿了三種廣式臘味，包括鮮肉臘腸、南安板鴨和廣式臘肉。據說所有臘味都是來自自家工場製作。臘腸的豬肉經過花雕酒浸泡，選用3肥7瘦的豬肉，入口甘香而且相對健康。臘肉帶點脆口，油而不膩。底部的米粒燒得脆脆的。煲仔飯獨有的焦香混合著臘味的油香，再混合特製的醬汁，別有一番風味。🍚🍲🐷2. 黑松露雞煲｜$167雞煲雖常見，黑松露雞煲還真是第一次見。黑松露雞煲熱上桌時熱辣辣，特別適合秋冬，看著已經生出一股暖意。雞件鮮嫩多汁，色澤金黃，很是吸引。配上特調的黑松露醬汁，吃一口特別香。🍗🍄3. 瑤柱上湯菜心｜$87菜心浸滿鮮甜的上湯，柔軟入味。上湯配料豐富，可以看到一顆顆蝦米和瑤柱，特別足料，喝一口特別鮮甜。

餐廳分上下兩層，環境好安靜好舒適，枱與枱之間唔會太迫，有屏風分隔開，亦有VIP房間提供足夠私隱度～✨廣式臘味煲仔飯（$177）煲仔飯上枱有驚喜，好大煲‼️2個人夠曬食臘味係自家工場製造，臘肉同臘腸用茅台酒加土黑豬肉製成～臘腸肥瘦適中，有肉鮮味～係三款入面最好食🤤臘肉腍身，臘鴨鹹鹹香香，連骨都好入味食煲仔飯，最重要就係飯焦🤭米飯乾身，飯焦脆卜卜✨甜蜜咕嚕肉（ ＄127）咕嚕肉表面有一層酥脆炸粉，肉質鮮嫩搭配紅黃椒、菠蘿、洋蔥，酸酸甜甜，非常開胃✨臘味炒芥蘭大推👍🏻好好食！好重蒜香，芥蘭切到一片片，甘香唔會苦澀！好有鑊氣，同臘味超夾

廣式臘味煲仔飯大大煲香氣撲鼻，份量好多仲好足料 ，臘味好高質，飯粒軟硬適中，粒粒分明，而且每一粒飯都吸滿哂臘味嘅香味，配埋甜豉油、芫荽同埋蔥，更加香口！而且飯焦都好多，脆卜卜又香口，甘香又惹味黑松露雞煲熱辣辣上枱，一睇就見到勁多黑松露，黑松露香氣非常濃郁！雞件鮮嫩多汁，配埋黑松露醬汁，好入味上湯娃娃菜，上湯有大量配料，飲落口特別香濃鮮美！娃娃菜好新鮮，鮮甜脆嫩又多汁！餐廳舒適寬敞，裝修精緻有格調，以湖水綠為主調，私隱度高！餐廳店員服務態度好友善，抵讚

秋風起點少得臘味？！風雅風味並存煲仔飯>>> 今年第一次食煲仔飯，果然由老字號開始係唔會令人失望<<<🥢🥢靈魂菜色正 = 回訪率95% 🥢🥢⭐️必食臘味煲仔飯！本身火候好好，拌勻之後第一層鬆軟香口，食到最後都有飯焦但唔會𠝹口～腦鴨同臘腸醃得好好又唔肥，每一啖都感受到米飯同埋配料嘅完美融合～⭐️經典咕嚕肉好正！色彩鮮艷到令人食指大動，肉無雪味，炸得外脆內軟，裹住啲糖醋醬，酸酸甜甜嘅味道真係好啱，仲有三色椒同洋蔥增加層次感！⭐️估唔到雜菜煲到勁清甜，用咗瑤柱同大大粒蝦米提鮮果然唔同啲

憶食尚臘味煲仔飯之前同家人嚟過呢度食煲仔飯，覺得好有水準，所以今次就帶好友嚟食😋餐廳有兩層，環境好優雅，連餐桌上的擺設、餐具、枱布都好講究，食物質素不俗👍😋🥘廣式臘腸排骨煲仔飯（$187）店員打開煲蓋，熱騰騰的蒸氣馬上湧上嚟，再倒入店家自家古法頭抽及撒上葱粒再撈勻D飯，臘腸鮮甜，油香滿溢，簡單配排骨，已經好美味😍🥘黑松露雞煲（$167）用洋蔥🧅青椒🫑一起烹調嘅雞件，配上香濃美味嘅黑松露醬 ，份外惹味😋🍲芥菜排骨煲（$137）我當湯咁飲😋，芥菜唔苦仲帶點甜，同黃豆、排骨經典組合一齊煲，好有我爸爸家常湯的味道，正❤️🫖茶介（$15/位）叫咗普洱茶，幾香濃喎👍憶食尚臘味煲仔飯🍲📮佐敦文匯街22-24號地下2-4號舖☎️35909933

每次來香港旅行後，西九龍坐高鐵前，常到佐敦渡船街附近打卡熱點，尋找香港美食。今次專程去品嚐「憶食尚」佐敦煲仔飯。進入食店後，從食店的環境佈置，已知道這煲仔飯有名堂，一定與別不同。煲仔飯真材實料，一粒一粒米飯好爽口，沒有多餘的油，飯焦脆脆的，完全不會有滯口的感覺。配上南安板鴨，廣式臘肉臘腸，完全不油膩，板鴨啖啖肉，肉質超味美，高質臘肉，原來可以咁美味，太正了。咕嚕肉沒有多餘芡汁，酸甜適中，美味可口，睇到已經流口水，食下去，肉質新鮮又不肥膩，骨與肉比例剛剛好，伴菜配搭顏色吸引最令人驚喜的，是筷子夾起咕嚕肉時，會出現拉絲景象，這應該是食店獨門秘方造出來的特色。雜菜煲超正，配上大大粒江瑤柱，各類精選海味，增加味道層次感，雜菜唔會煮到軟淋淋再配上非常高素質的蒜，令整煲味道很鮮很清甜，好味到連汁都撈埋呢。#憶食尚#香港美食#佐敦煲仔飯#煲仔飯#真材實料#香港旅遊攻略#香港美食指南#憶食尚臘味煲仔飯#真材實料