必勝客 (已結業)

2月9日, 睇完長7啱啱好係食晚飯時間, 其實一早都預咗食pizza hut, 不過因為是晚不設訂枱服務, 攞完位等咗9個字先有得坐, 真係新年流流食乜都咁鬼多人…個侍應仲話因為人多要40分鐘先上到餐, 好彩都係差唔多15分鐘d野食就黎啦, 餓死人咩! 等位既時候已經睇定, 叫個$233既2人餐, 有我地期待既每月精選pizza~~~ 海鮮鮑汁片三重芝心批!!::: 餐湯+ 飲品:::餐湯我地一定係要白湯, 夠濃夠杰好好味~ 飲品就要咗忌簾同凍朱古力~ 凍朱古力好好飲, 唔會好稀~::: 豬仔骨伴沙津:::豬仔骨都唔細, 有7-8條骨, d肉好淋, 容易離骨, 但係味道普通. 不過覺得佢同沙津拼埋冇乜意思, 沙津唔係好多, 大部份係d菜, 對於鍾意食沙津既就算唔錯.::: 意式乾茄雞肉意粉:::雖然個醬白雪雪無乜色, 但好濃忌廉味. 雞肉就冇乜味(不過食過咁多次都知雞肉冇乜味)~ 碟邊仲有pat綠色好似青苔甘既香草sauce, 個味超怪!! 配料得d小番茄, 露荀同黃椒, 所以d乾茄變得好重要, 乾茄有d似提子乾, ok酸~ 同埋得好少, 食完成個意粉覺得好齋, 普普通通…::: 海鮮

最近，pizza hut正在努力轉型成比以前更高級的意大利餐廳。老實講，改得真的唔太好!無疑，裝修後，環境的確比以前好了點，最起碼都乾淨，光猛點呀．全新的環境是很討好的。卻是在食物上卻出了很大的問題。我們同行3人點了3個午餐。1個3/4吋的"加勒比風情pizza"，西班牙海鮮炒飯，同精選海鮮意大利粉餐湯一口便覺得唔掂啦!忌廉湯，得個"杰"字，完全唔香滑，咩料都無，仲慘過白粥。"意大利菜湯"又係得個名。得個"酸"字，雜菜同個湯係完全唔match既...pizza先上，味道都keep到既，都夠熱，夠新鮮，份量同價錢就唔係好抵囉!成$50個，一人得個一細舊。外賣每人一件都大好多啦~ 認真唔抵!意粉唔洗問都唔慌多得去邊!墨魚，蝦，帶子仗做配料，個汁就可以一讚既﹐因為thick得黎，有口感。配料都食唔到雪藏味!不過，我唔覺得算出色，只係有基本的水準!反而，我會較欣賞個飯!炒飯，有少少的香辣，金黃色的，但卻不是咖哩!配料基本和意粉一樣，只是多了兩隻青口，青口很爽，也是不錯的。的甜紅椒作炒佯，賣相很好!但是又係份量出現問題，一人得個咁少少。大食d都驚食唔夠飽~ 飲品方面，我點了凍朱古力，冰已佔了3份

相信有一段時間都唔會再去呢間PIZZA HUT......侍應服務態度真係唔得, 笑容欠奉, 取走你枱面上的碟, 又唔會問聲, 唔專業.價錢唔平, 食物質素普通, 都唔明點解要去PIZZA HUT 食, 唔知係唔係間間都係咁......

以前好鍾意同阿鎷黎食tea...不過而家少左la...因為d tea set款式比以前少左好多,而且係咁吸引law...今次食,叫左個雞籃加mini-pizza...只係覺得個mini pizza好似食緊個包咁...無乜料...至於個雞籃呢...有部份都ok o既...但個雞鎚真係唔得law...好淡,無乜味咁...><...

星期日21/10懶,又唔想出街點了個套餐漁港風情,好食過那個蝦多多聲三文魚意粉銀包,好乾,但加了雞肉丸個汁又好味左肉腸拼雞肉丸,粒肉丸好大,肉腸咪好普通忌x雞湯,麻麻,有勁多磨菇送的瑞士雞翼,勁唔得,又細隻

同朋友慶祝生日.雖然pizza hut 唔係咩特別地方但係我地幾個都想試下個大蝦pizza .所以又黎試下la6個女仔叫個4人餐. 個大批真係好大個. 差點影唔哂味道都ok 的.好像有點瓜子定杏仁的物體係面. 幾特別. 醬汁則是沙律醬.但好漏.我食一件居然就已經停手(平時起碼兩件ga ma)除套餐外還另叫兩碟雞翼和蒜茸包. 但我地得六個女仔咋.係咪好大食呢!!好耐冇堂食過pizza hut 啦!! 我覺得好好味呀!! 真係好鬼滿足

原本打算等tea time落黎食tea,點知去到見到佢d tea set得好少choices...而且3個人叫3個tea都百幾蚊...再睇睇個menu,呢期DBS咭做promote個set都係$199...抵食好多...結果我地叫左個set...真係食到好飽好飽...不過個帶子批個邊真係好脆好好味^^同埋今期個puff個餡係士多啤梨...都ok幾好味

見好耐都冇黎呢度食過野, 諗住平平地食個午餐都冇所謂啦, 於是乎咪黎呢度試下囉!入到去見到佢裝修左, 環境光猛感覺舒適, 幾好! 坐底後睇下個餐牌有咩食啦, 唔睇仲好地地, 一睇之下竟然樣樣都想食添, 點算好? 好辛苦先至揀晒我地想食野, 要左兩個午餐, 一個要焗肉醬意粉, 一個要美式風情薄餅, 再加一客小食拼盤同埋一客意式雞肉丸!兩個午餐都有餐湯, 要左忌廉磨菇雞湯, 忌廉磨菇雞湯都好忌廉下, 而且好香d湯唔算好杰, 而磨菇同雞肉份量都唔少, 再加埋d黑胡椒, 就更加好味; 焗肉醬意粉肉醬比較少不過個汁都幾酸, 幾開胃, 但係唔多覺有芝士, 而意粉比較硬, 口感差d啦, 其實呢個係好普通菜式, 不過師傅覺得差少少; 美式風情薄餅一客有四件, 有d粟米粒, 肉碎面, 冇咩特別冇咩驚喜, 維持佢地薄餅一貫作風普普通通咁; 小食拼盤有四件雞中翼, 四條脆皮腸同埋四件炸魚圈, 雞中翼要左辣味, 但係師傅我就唔多覺得辣喇, 不過就燒得幾香甜, 肉質幾鬆, 好味; 脆皮腸就冇咩特別, 係個皮脆卜卜, 點少少茄汁都唔差呀; 炸魚圈炸得鬆脆, 香而不油, 得喎; 意式雞肉丸就有肉丸六粒, 肉丸好爽口

叫左個platter, 有fries, 蝦多士....多油得交關!! 我一切落件蝦多士到, d油彈到我一手都係. 食炸野預左有油架啦, 但呢個拼盤真係多油到離譜呀.

今天補課完畢，同2位同學一齊黎食午餐。同學有免費普通批coupon，叫多2個午餐share正好。 經過相讒後，決定叫西班牙海鮮炒飯($57)、吞拿魚煙肉腸螺絲粉($39)，加埋個免費既加勒比風情普通批。 先黎2碗蘑菇忌廉雞湯，一向覺得pizza hut的忌廉雞湯十分正，濃濃的湯令人回味無窮。 西班牙海鮮炒飯，試落十分香口，有香料、青口、帶子、魷魚，口感十足。略為不足的是炒飯比較濕，油大多所敔，但只是扣了一小分。 再黎吞拿魚煙肉腸螺絲粉，保持水準，茄味不會太重而且開胃。最後係加勒比風情普通批，比較平融。pizza的料是最普通的料，每人2塊份量剛剛好。 最後有飲品2杯，分別叫了碎冰朱古力和椰子雪糕喱冰(+$6)，這2杯朋友飲。 埋單$109，抵食之作。提外話，待應服務態度十分好，經常加水，亦經常掛著笑容。

細個時候曾經覺得必勝客實在係最好既一間餐廳，薄餅好味，汽水大大杯，次次都食到好滿足咁走，但越大就越小去食，我都唔知點解，可能覺得價錢太貴吧。不過咁多年黎好似未試過係佢地度叫外賣送上門，今日全屋兩個人加一隻狗都唔知點解特別懶，所以決定叫一叫外賣。效率都唔錯大約三十分鐘就送到黎，而且個外賣速遞都幾有禮貌。一個意大利式芝心批，一個三文魚意粉，一個有四樣小食既小食併盤，意粉我無食真係唔知點樣，薄餅咁耐無食都覺得有小小新意，小食併盤就麻麻地，味大濃，整體黎講ok咁啦。三樣合計$208，兩個人加一隻狗分比我揀下次不如落街買飯盒。ps︰不是開玩笑，真係兩個一隻狗，兩個人加一隻不折不扣既狗^_^

成年冇食過...徇眾要求下,咁咪食囉...5個人叫0左:1)菠菜雞意粉-好味,個汁唔太結唔太希,雞唔鞋,有味..同以前d"紙"雞好唔同2)至尊滋心批-熱熱的,料都係0個d,唔太特別,不過d芝心邊好正,溶溶地又軟!3)栗米薯蓉-細細的,滑.ok!4)一揸cream soda-哈哈..咪就係汽水囉5)三文魚沙律-d三文魚係有小小"分"過的,蔬菜新鮮的.幾好overall黎講,都係ok,以價錢論食物...不過唔知點解好靜..冇咩人係度食..8點去度..得6成入座率

食咁多次Pizza Hut今次係最難食既一次.本人多數都係叫外賣,今次真係好差,見有新野出諗住試下,咁就叫左拿玻里烤肉腸變心批轉芝脆批$169套餐\,套餐\有一個拿玻里烤肉腸變心大批,濃香芝士釀肉碎茄子,吞拿魚火腿螺絲粉,百事兩罐,仲加左個秘製雞槌6隻$28 ...要等40分鐘(仲要遲左15分鐘)一開個意粉熱唔熱下,仲要燶燶地,咁食茄子,茄子都ok,到最重要一樣就係pizza,一打開見到都唔開胃,又燶又乾,d火腿絲黑哂~仲要一d都唔熱,平時一拎上手都會灼手,但都無辦法都係要食,叫佢\再整過唔知又要等幾耐,一咬落去個好明個pizza係焗到過左火,我同我家姐一人咬左一淡,食個pizza都冇食到,因為真係唔食得人............超級差,以後我都會係收貸既時間睇左先比錢!!埋單$211過份！！！

明明叫了一個茄汁吞拿魚火腿螺絲粉,他們卻送上白汁吞拿魚螺絲粉...好膩...咖啡不錯!

五個人點了以下菜色：加勒比風情普通批：（＄79）:好味，熱辣辣海鮮寬條麵$49)拎到黎見到都唔開胃，面層有點燶．又焗到好乾，五個人一致認為好難食）辣味雞翼$36)冇食，唔知香草咖喱牛柳飯($42)媽媽和姐姐，她男友都話好食，汁再辣點便好什菌雞肉炒天使麵($45)嘩，呢個好出色，我好鐘意食挪威原塊三文魚鮮果沙律：（＄49）一般，好細碟，唔值咁的價錢服務係食過咁多必勝客最好的了，環境好迫．因為用某信用咭送ｃｏｕｐｏｎ扣了８０元，只需２５０