心意餐廳 (已結業)

本身同友人諗住食cafe既，但由於太多人排隊，所以行行下就見到呢間餐廳，又見到未開門已經有人等緊，於是就決定試下餐廳入面無咩特別既裝修，睇落似係行懷舊路線，牆身有啲摩托車咁既裝飾，但係封晒塵既！餐牌都幾吸引，所以最後就嗌左個三文魚忌廉汁天使麵，要左白湯，同埋水蜜桃乳酸。個湯個味道幾好，啖啖都食到磨菇碎。至於個水蜜桃乳酸就平平無奇，仲幾淡下🤔最失望既係個天使麵，有幾條係未煮好既，而且味道極淡，啲三文魚直頭無味咁濟，食左半個已經唔想再食總結係令人失望既一餐，但唔明點解又不斷有好多人等位！

經過路德圍見又到午飯時間，見到呢間餐廳擺出嘅餐牌好似唔錯咁，又咁啱有位，所以選擇左呢間餐廳黎食，於是就有呢次不愉快嘅食飯經歷。講翻d食物，我揀左茄蓉蘑菇蜆肉意粉，前菜係沙律。沙律嘅分量少得可憐，可能得兩三啖到，而且滿含「水分」，只係用罐頭水果撈沙律醬，我諗呢個係前菜就算啦，意粉先係主角。點知兜意粉仲令人失望，分量很少，同一兜pizza hut意粉嘅分量差唔多(可能更少)，意粉煮得亦唔夠腍，好在蜆肉嘅分量配合到意粉，為呢兜意粉挽回些許分數。杯凍檸茶係三樣野入邊比較正常嘅。除左食物質素令人失望外，餐廳內有一位員工嘅服務態度同樣令人嘩然，除左佢之外，餐廳整體嘅服務態度還算可以。其實我明白做飲食嘅好辛苦，但佢不滿嘅情緒真係表現得出曬面，有客人想要一杯水，佢即刻就黑曬面，並到廚房果邊大嗌:「要杯水wor(第五聲)~」，係我食飯期間，佢已經唔止一次係order後面加無謂嘅語氣助詞，其實咁樣真係會令人覺得好難聽同埋好炆。佢一個人成功地拖低成間餐廳嘅服務態度。呢次會係最後一次係間餐廳食野。

其實真心想試好耐，可能價值合理，味道不錯，所以次次都排晒隊，今次早少少到，終於有得食!點了套餐，餐湯要了忌廉湯，奶味濃郁，將配料整碎再混入湯裡煮，口感細膩，味道均衡豐富。原來還可以加$10要酥皮蕃茄蜆肉長通粉，濃烈的蕃茄香氣撲鼻而來，食落就嘗到紅椒的香辛辣，長通粉軟硬度剛好!!有點唔夠喉卡邦尼大蝦煙肉闊條面，大蝦煎得很香，但蝦肉依然細嫩，卡邦尼沒有偷工減料，濃郁唔稀，唯一美中不足係闊條面淋了些少，煮少兩分鐘會好perfect!瑞士汁雞翼，瑞士汁係sweet sauce，可以再甜少少，雞翼很入味，煮既時間剛好，無爆皮無鞋肉既情況出現，3隻就唔係太夠餐飲係凍朱古力，夠濃夠甜，正整體來說，價格十分合理，雖然裝潢有點殘舊，但食物質素良好，有位小妹妹侍應，態度良好，好好笑容又有禮貌，宜家好難遇到，通常入職不久，加油

今晚專登去左荃灣搵西餐食，叫set dinner – 紅/白湯 + 野菌煙肉虎蝦闊條麵 + 飲品。唔記得左個麵係咩汁，都係類似卡邦尼~~~我就揀左個白湯，但係無咩料都係用粉開仲要愈飲愈口渴。相反男朋友飲羅宋湯就有菜有肉，吸引過白湯。個闊條麵算係比較薄身，個汁不太膩但係味道普通。最令人失望之處係個虎蝦一D口質都無，雖然都知係用雪藏蝦，無蝦的鮮味仲要D蝦肉好”林”。

平日晚上經過荃灣路德圍停車場附近有間細細間既西餐廳，見門口餐牌又唔太貴，就入去試試。雖然細細間但一入去燈光暗暗地，氣氛都ok。套餐款式選擇多，包餐湯，主菜配野飲。份糧ok，價錢大約80蚊至120蚊左右。餐湯羅宋湯當日餐湯選擇咗羅宋湯，一流湯味濃唔辣，料多除咗雜菜外最正係一碗裏有3舊牛尾，半肥瘦仲吸收晒湯既味道。讚黑松露帶子流心蛋包飯呢個都舔舔利，一嚟到你會見到飯上面有舊類似奄列既野，然後侍應會喺你面前用刀界開。咁舊蛋奄列就打開擒住下面既飯。蛋係半熟做到流心既效果。雖然帶子少，飯淡味，但上特訂那到醬汁再配上充滿住黑松露味道既蛋，味道相當一流一啲都唔流，好味！番茄牛柳粒闊條麵呢個就普普通通，牛柳粒太淋，口感似食緊牛腩，無咩口感。闊條麵硬咗啲。點解我俾衛生只得2粒食飽飽嘆緊餐飲時見到有隻小強散步，侍應見到即下ko咗佢，清理現場。但唔好彩俾我見到，咁點都要扣小小分數既。呢歺兩人兩個套歺，200蚊都唔洗，ok啦

下午茶時間，因為未食lunch,我同朋友見到門口大大個餐牌，於是入咗去~舖面環境尚算舒適～我哋分別叫咗個忌廉汁粟米焗雞球飯同卡邦尼磨菇帶子蟹柳燴長通粉～而餐湯就係磨菇忌廉湯～餐湯有別一般白湯，足料，口感不錯！至於主菜，我嘅忌廉汁粟米焗雞球飯，可能太重芝士，食到大半已經覺得好滯～食唔曬添而我朋友嘅卡邦尼磨菇帶子蟹柳燴長通粉就不過不失如果對食要求不是太高，其實佢都唔差嘅，我都期待下次試吓佢其他嘅菜式～～

今個月調左去荃灣返工,經朋友介紹之下去左呢間西餐廳食野呢間西餐廳食飯時間都幾多人,有個侍應係門口寫紙俾人等位,等左10分鐘左右入得入到去第一個感覺裝修好舊,牆身有D污糟,亦貼左好多舊式的車牌,畫之類,可能扮懷舊feel坐低俾完餐牌無耐,侍應(肥妹仔)就用D唔太客氣既語氣問食咩,心諗餐牌都未睇完,洗唔洗趕落單叫左個雞扒飯同白湯,先俾湯你飲,個湯係幾好飲,等左10分鐘到雞扒飯上枱,一見到個雞扒煎到濃哂已經無咩胃口,係人都知食濃野會生cancer,小弟我唔會搵命博,於是叫佢地換,個侍應態度奇差拿走碟野之後懚若聽到個長毛廚師講:唔X係呀,呢D濃係正常(塊雞扒1/3係濃架,甘叫正常?).過左陣,拿左碟白煮(就甘水煮)雞扒飯過來,心諗咩事先,我即時火到黎,拿住碟野過去用佢地理論,我話我唔食了,計返飲湯錢算了,個侍應竟然話個湯要收$25,不如去搶啦最後無奈下相議改食炒野,由於我lunch time時間差唔多夠,我就叫左外賣,食左2啖,第一次親眼見到食物係有小強,要即時扣喉,有相為証,可見呢間餐廳的衛生程度

尋日要陪朋友係荃灣見工見工之前都要醫肚先 見到有間食西餐d下午茶都幾吸引就入去食啦～朋友仔叫左炸魚柳配薯條($38)廚房係即叫即整 所以炸魚柳熱辣辣表面好脆 炸粉唔厚 魚肉好滑 好好味！而我就叫左芝士吞拿魚意粉($35)由于都係即焗既關係都等左15分鐘黎到真係好熱！個面金黃色芝士味好濃好香～同吞拿魚意粉卷埋一齊食味道好夾！2個餐係配熱飲的 我就飲瑞士華田～其實姐係普通柯華田～順帶1提店內燈光較暗 2位店員都黑黑地面咁 服務認真一般般～餐廳無乜裝修 係牆上掛左d裝飾遮蔽破舊牆身～

今日係荃灣工廠區收工,經過天橋就行到荃灣路德圍依到,見有d肚餓,又巳經晚7點,順便食埋晚飯la,我叫左咖喱豬扒飯食,1黎到份量比想像中大碟,估唔到重有沙律lo.我鐘意食沙律好味,有小小生果粒同菜,加酸酸甜甜ge沙律醬正呀!而豬扒重要有d份量,食落口感豐富,肉質嫩滑,炸到表面呈金黃色,好趣口,咖喱汁就比較淡左d,唔係好食得出有咖喱味係度,不過巳大眾價錢,甘ga質素都算唔錯選擇!

放假，這店本來有人等位，走一圈路德圍居然還少人了，一問便有位入座。 白菌汁焗鮮三文魚粒意粉 分量的確少，本身的器皿已經不太大，意粉還要只是盛了一半，上面再只有少許的三文魚粒，怎樣也吃不飽人，但味道不錯。燒汁焗牛脷飯 本來是淡黑椒汁，但我還是不喜黑椒，故轉做燒汁。飯的份量比意粉多很多，牛脷雖然薄但份量明顯較多，薄薄的一片牛脷可以舖滿整個飯。員工服務算是不錯，環境不太差，坐沙發還算舒適。

每次經過這小店, 門外都總是有人在等候.今天路過, 剛巧沒太多人在等, 於是有機會試試這裡的焗飯.要了一個"香蒜焗照燒西冷牛扒"焗飯, 配忌廉湯.先說忌廉湯, 很淡, 過度加水份的原因.焗飯來了, 感到那器皿是熱騰騰的.小心地先試試那焗飯, 咦~~為何沒有熱的蒸氣?一般熱飯也應該有熱的蒸氣, 但我看不到.送到口中, 知道原因了, 因為那飯本身只是微暖.再在不同位置試一口焗飯, 效果也是一樣, 只是微暖.但, 那個器皿真的很燙呢, 很神!算了, 試試那牛扒吧.喔~~都是微暖的, 嚴格來說, 是涼了的牛扒.總結 : 在本人而言, 不會有下一次.

每次經過這小店, 門外都總是有人在等候.今天路過, 剛巧沒太多人在等, 於是有機會試試這裡的焗飯.要了一個"香蒜焗照燒西冷牛扒"焗飯, 配忌廉湯.先說忌廉湯, 很淡, 過度加水份的原因.焗飯來了, 感到那器皿是熱騰騰的.小心地先試試那焗飯, 咦~~為何沒有熱的蒸氣?一般熱飯也應該有熱的蒸氣, 但我看不到.送到口中, 知道原因了, 因為那飯本身只是微暖.再在不同位置試一口焗飯, 效果也是一樣, 只是微暖.但, 那個器皿真的很燙呢, 很神!算了, 試試那牛扒吧.喔~~都是微暖的, 嚴格來說, 是涼了的牛扒.總結 : 在本人而言, 不會有下一次.

當晚小弟和女友在荃灣逛街，無意中發現這裡有間港式西餐。由於我們一向都覺得港式西餐大份兼夠平宜，於是便走入去試試。點知，一坐下來點菜，便體現了俾錢買難受的過程。最先是小弟點菜的時候。我叫了一杯金桔檸檬，因為佢有分梳打同乳酸兩種，那位黑面的女侍應(一開始已黑面)問我要梳打定乳酸，我想了一想，她便不耐煩地問 "梳打定乳酸呀?" 我心諗使唔使咁惡呀!諗多陣好阻佢咩?接著問我牛肩跟什麼汁, 她很快講了有"燒汁, 黑椒......." 總共有四款。到了我女友落 order 時，果位黑面的女侍應問我女友要什麼汁，因為她叫的是牛扒, 跟我的牛肩不同，所以很自然問多次有什麼汁，點知那女侍應好不耐煩地講了句"頭先咪講左 lor"!  嘩! 大姐呀! 你頭先講咁快, 點記到呀! 就算講多次又有咩問題! 你有出糧 ga! 跟位落黎，果幾位女侍應（個個都黑面）無論上菜同放刀叉都很重手，甚到很大力搞落枱面。令我地全晚食到膽戰心驚! 當我離開這間餐廳的時候，我發誓以後都不會返黎!

長期都幫襯都是焗鮮茄豬扒飯或肉醬意粉，兩年來都水準穩定，初初開時少人幫襯所以叫大路野焗鮮茄豬扒飯。水準還是可以，所以間中都會買下，近期生意好似好左好多，繁忙時間仲要等等，今日都係焗鮮茄豬扒飯，連餐湯，凍檸茶都係$50，快餐店價錢，豬扒不算大，也不算厚，鬆軟入味，飯底有炒，茄汁有鮮味，表面的芝士好多，好香。

平日的晚上, 跟豬大人相約吃吃飯、逛逛街。豬大人提意到公司附近的''心意餐廳''吃西餐~~~~到達門外看到其晚市套餐的選擇亦不少,好感度提升呀!!!店內座位不多, 幸而我倆六時許已到,可以舒舒服服地坐卡位 ^^點食後不久, 餐湯就上檯喇~餐湯有紅、白兩款選擇,我倆都選取了紅湯, 其實亦即是什菜湯。什菜湯有很重的牛味, 而且挺咸。即磨薯蓉焗法辦田螺賣相不俗的田螺焗薯蓉,即整熱辣辣, 但入口淡而無味,沾上茄汁來吃還可以~香煎厚切A級美國極黑豚豬青蛙的主菜終於上檯喇!!薯條熱辣辣, 沾上茄汁來吃頂呱呱 ^^豬扒的肉質偏腍、帶有肉香, 並有水份不乾身, 令人驚喜。美國精選肉眼扒來到豬大人的主菜,本來不太吃牛肉的青蛙試了幾口,六成熟的肉眼扒充滿肉汁而不羶, 挺不俗。自家製豚肉串燒太韌太乾身, 亦決乏味道, 不推薦。