心意餐廳 (已結業)

當晚小弟和女友在荃灣逛街，無意中發現這裡有間港式西餐。由於我們一向都覺得港式西餐大份兼夠平宜，於是便走入去試試。點知，一坐下來點菜，便體現了俾錢買難受的過程。最先是小弟點菜的時候。我叫了一杯金桔檸檬，因為佢有分梳打同乳酸兩種，那位黑面的女侍應(一開始已黑面)問我要梳打定乳酸，我想了一想，她便不耐煩地問 "梳打定乳酸呀?" 我心諗使唔使咁惡呀!諗多陣好阻佢咩?接著問我牛肩跟什麼汁, 她很快講了有"燒汁, 黑椒......." 總共有四款。到了我女友落 order 時，果位黑面的女侍應問我女友要什麼汁，因為她叫的是牛扒, 跟我的牛肩不同，所以很自然問多次有什麼汁，點知那女侍應好不耐煩地講了句"頭先咪講左 lor"!  嘩! 大姐呀! 你頭先講咁快, 點記到呀! 就算講多次又有咩問題! 你有出糧 ga! 跟位落黎，果幾位女侍應（個個都黑面）無論上菜同放刀叉都很重手，甚到很大力搞落枱面。令我地全晚食到膽戰心驚! 當我離開這間餐廳的時候，我發誓以後都不會返黎!